2015, ഡിസംബർ 29, ചൊവ്വാഴ്ച

അന്ധവിശ്വാസങ്ങളില്‍ നിന്നും അന്ധവിശ്വാസങ്ങളിലെയ്ക്ക് ഇന്ത്യയുടെ യാത്ര..

നൂറ്റാണ്ടുകള്‍ നീണ്ട വിദേശഭരണത്തിന്റെ അവസാനം കുറിച്ച് 1947 ആഗസ്റ്റ്‌ 15ന് ഇന്ത്യയ്ക്ക് സ്വാതന്ത്ര്യം കൈമാറാന്‍ ബ്രിട്ടന്‍ തീരുമാനിച്ച വിവരം അവസാനത്തെ വൈസ്രോയി ആയിരുന്ന ലോര്‍ഡ്‌ മൌണ്ട്ബാറ്റന്‍ പ്രഖ്യാപിച്ചപ്പോള്‍, അതിനെതിരെ ശക്തമായി പ്രതിഷേധിച്ച ഒരു കൂട്ടര്‍ ഇന്ത്യയില്‍ ഉണ്ടായിരുന്നു. ജോതിഷികള്‍ എന്നറിയപ്പെട്ടുന്ന ഒരു കൂട്ടം അപൂര്‍വ്വജീവികള്‍. ആഗസ്റ്റ്‌ 15 ഒരു അശുഭ ദിവസമാണെന്നും, നക്ഷത്രവിധിപ്രകാരം നല്ല കാര്യങ്ങള്‍ ചെയ്യാന്‍ പാടില്ലാത്ത ദിവസം ആണെന്നും ഉള്ള അവരുടെ “കണ്ടുപിടിത്തം” ആയിരുന്നു ഈ എതിര്‍പ്പിന് കാരണം. സ്വാതന്ത്ര്യദിവസം മറ്റൊരു ദിവസത്തേയ്ക്ക് മാറ്റണമെന്ന് അവര്‍ ആവശ്യപ്പെട്ടു.
രണ്ടാം ലോക മഹായുദ്ധത്തില്‍ പങ്കെടുക്കെ, 1945 ആഗസ്റ്റ്‌ 15നാണ് ജാപ്പനീസ് സൈന്യം ബ്രിട്ടീഷ് സൈന്യത്തിന്റെ കമാണ്ടര്‍ ആയിരുന്ന മൌണ്ട്ബാറ്റനു മുന്നില്‍ കീഴടങ്ങിയത്. അതിനാല്‍ ആഗസ്റ്റ്‌ 15 എന്ന ദിവസത്തെ തന്റെ ഭാഗ്യദിവസമായി കണ്ടിരുന്ന ലോര്‍ഡ്‌ മൌണ്ട്ബാറ്റന്‍ അതിനു തയ്യാറായില്ല. ആഗസ്റ്റ്‌ 15നു തന്നെ ഇന്ത്യയ്ക്ക് സ്വാതന്ത്ര്യം കൈമാറുമെന്ന് സംശയത്തിനിട നല്‍കാതെ അദ്ദേഹം ഉറപ്പിച്ചു പറഞ്ഞു.
ഇന്ത്യന്‍ നേതാക്കള്‍ ജ്യോതിഷിമാരുടെ സമ്മര്‍ദ്ധത്തിനു വഴങ്ങി ഒരു ഒത്തുതീര്‍പ്പ് മുന്നോട്ടു വെച്ചു. ആഗസ്റ്റ്‌ 14 തീര്‍ന്ന് 15 തുടങ്ങുന്ന അര്‍ദ്ധരാത്രി 12 മണിയ്ക്ക് സ്വാതന്ത്ര്യപ്രഖ്യാപനം നടത്താം എന്നായിരുന്നു അവരുടെ നിര്‍ദ്ദേശം. ഇന്ത്യന്‍ ജ്യോതിഷപ്രകാരം സൂര്യന്‍ ഉദിച്ച സമയം മുതലേ ദിവസം തുടങ്ങുന്നൂ എന്നതിനാല്‍ രാത്രി 12 മണി എന്ന സമയം ആഗസ്റ്റ്‌ 15 എന്ന ദിവസമായി വരാത്തതിനാല്‍ ജ്യോതിഷിമാര്‍ക്കും സമ്മതമായിരുന്നു. അങ്ങനെ 1947 ആഗസ്റ്റ്‌ 14 അര്‍ദ്ധരാത്രി 12 മണി കഴിഞ്ഞപ്പോള്‍ ഇന്ത്യ സ്വതന്ത്രയായി.
ഇന്ത്യന്‍ സമൂഹത്തില്‍ ജ്യോതിഷം പോലുള്ള അന്ധവിശ്വാസങ്ങള്‍ ചെലുത്തുന്ന സ്വാധീനത്തിന്റെ ഭീകരത വെളിവാക്കാന്‍ വേണ്ടിയാണ് ഈ സംഭവം വിവരിച്ചത്. നൂറ്റാണ്ടുകള്‍ നീണ്ട ലക്ഷക്കണക്കിന്‌ ഇന്ത്യക്കാരുടെ ത്യാഗത്തിന്റെ ഫലമായി ലഭിച്ച സ്വാതന്ത്ര്യത്തിന്റെ വരവിനെ വരെ മാറ്റി വയ്ക്കാവുന്ന വിധത്തില്‍ രൂഡമൂലമാണ് സാമാന്യ ഇന്ത്യന്‍ജനതയുടെ മനസ്സില്‍ അന്ധവിശ്വാസങ്ങളുടെ വേരുകള്‍ എങ്കില്‍ സാധാരണ ജീവിതത്തില്‍ അവയുടെ സ്വാധീനം എത്ര വലുതാണ്‌ എന്ന് ഊഹിയ്ക്കാവുന്നതെ ഉള്ളൂ.
അമ്മയുടെ ഗര്‍ഭപാത്രത്തില്‍ ഒരു ജീവസ്പന്ദനമായി ഒട്ടിപ്പിടിച്ചു കിടക്കുന്ന കാലഘട്ടം മുതല്‍ തന്നെ ഒരു ശരാശരി ഭാരതീയന്‍ അന്ധവിശ്വാസങ്ങളുടെ ഒരു മായാവലയത്തില്‍ തന്നെയാണ് ജീവിതയാത്ര തുടങ്ങുന്നത്. സന്താനപൂജകള്‍ മുതല്‍ ഗര്‍ഭസ്ഥ ശിശുവിനു വേണ്ടിയുള്ള പൂജകള്‍, ഗര്‍ഭരക്ഷ യന്ത്രങ്ങള്‍ മുതല്‍ നല്ല നാളും മുഹൂര്‍ത്തവും നോക്കി സിസേറിയന്‍ നടത്തുന്നത് പോലുള്ള കര്‍മ്മങ്ങള്‍ കഴിഞ്ഞാകും ഒരു പിറവിയെങ്കിലും പലപ്പോഴും ഉണ്ടാകുന്നത്.
നൂലുകെട്ട്, മാമ്മോദിസ, സുന്നത്ത് തുടങ്ങിയ മതപരമായ അടിചെല്‍പ്പിയ്ക്കലുകളും, ചടങ്ങുകള്‍ക്കും അപ്പുറം ഇന്ത്യന്‍ സമൂഹത്തില്‍ നിലനില്‍ക്കുന്ന അന്ധവിശ്വാസങ്ങളുടെ ലിസ്റ്റ് മറ്റേതൊരു പരിഷ്കൃത സമൂഹത്തിലും കാണുന്നതിനെക്കാള്‍ നീണ്ടതാണ്. പലപ്പോഴും അവ ജീവിതങ്ങളെ തകര്‍ക്കാനും, വര്‍ഗീയലഹളകള്‍ ഉണ്ടാക്കാനും വരെ പര്യാപ്തമാണ്.
ഈ അപകടം മനസ്സിലാക്കിയാണ് ഭരണഘടനാ ശില്‍പികള്‍ ഇന്ത്യന്‍ ഭരണഘടനയില്‍ ആര്‍ട്ടിക്കിള്‍ 51 A (h) ഉള്‍പ്പെടുത്തിയത്. "ശാസ്ത്രബോധവും മാനുഷികത്വവും അന്വേഷണബുദ്ധിയും നവീകരണവാസനയും വികസിപ്പിക്കണം" എന്നാണ് ഈ ആര്‍ട്ടിക്കിള്‍ പറയുന്നത്. എന്നാല്‍ ഇതിനായി ബോധപൂര്‍വമായ ഒരു ശ്രമവും ഇന്ത്യന്‍ ഭരണാധികാരികള്‍ നടത്തിയിട്ടുണ്ടോ? എന്ന് മാത്രമല്ല നേര്‍വിപരീതമായ കാര്യങ്ങള്‍ നടന്നിട്ടുമുണ്ട്‌.
ജ്യോതിഷികളുടെ കുറുപ്പടിപ്രകാരം മാത്രം രാഷ്ട്രീയനീക്കങ്ങള്‍ നടത്തുന്ന രാഷ്ട്രീയക്കാരും, ഭരണം കിട്ടാനായി നഗ്നപൂജ വരെ നടത്തുന്ന നേതാക്കളും നമ്മുടെ രാജ്യത്ത് സുലഭമാണ്. അന്ധവിശ്വാസങ്ങളെ എതിര്‍ത്ത നരേന്ദ്ര ദാബോല്‍ക്കര്‍, ഗോവിന്ദ പര്‍സാനെ, ചേകനൂര്‍ മൌലവി, സനല്‍ ഇടമറുക് മുതലായ സാമൂഹികപ്രവര്‍ത്തകരുടെ അനുഭവം തന്നെ ഇത്തരം വിശ്വാസങ്ങളുടെ അപകടാവസ്ഥ മനസ്സിലാക്കിത്തരുന്നു. ജ്യോതിഷം അടക്കമുള്ളവ സിലബസ്സില്‍ ഉള്‍പ്പെടുത്താനും, ആള്‍ദൈവങ്ങളെ പ്രീതിപ്പെടുത്താനും പല സംസ്ഥാനങ്ങളിലും ഭരണാധികാരികള്‍ മത്സരത്തിലാണ്. ദേശീയ ശാസ്ത്ര കൊണ്ഗ്രെസ്സ് പോലൊരു ഗൌരവതരമായ വേദിയില്‍ രാവണന്റെ പുഷ്പക വിമാനത്തിന്റെ ചരിത്രം വിളമ്പുന്ന “ശാസ്ത്ര അഞ്ജര്‍” പ്രത്യക്ഷപ്പെടുന്നതും പുതിയ കാഴ്ചയാണ്. ഗണേശഭഗവാൻ പ്ലാസ്റിക് സർജറിയുടെ സൃഷ്ടിയാണെന്നും കൌരവർ ടെസ്റ്റ്യൂബ് ശിശുക്കളായിരുന്നുവെന്നും പരസ്യമായി പറഞ്ഞിട്ടുള്ള ഒരു രാഷ്ട്രീയക്കാരനാണ് ഇന്നത്തെ ഇന്ത്യന്‍ പ്രധാനമന്ത്രി എന്ന്‍ മനസ്സിലാക്കുമ്പോള്‍ അറിയാം ഈ വിഷയത്തില്‍ നമ്മുടെ ഭരണകൂടത്തിന്റെ ഇന്നത്തെ ദയനീയഅവസ്ഥ.
ഇപ്പോള്‍ അതുപോലൊരു ഭരണകൂടതമാശ തെലുങ്കാന മണ്ണില്‍ നടക്കുകയാണ്. മുഖ്യമന്ത്രി കെ.ചന്ദ്രശേഖര റാവു ഏഴു കോടി രൂപ മുടക്കി ഒരു യാഗം നടത്തുകയാണ്. ഹൈദ്രാബാദില്‍ നിന്നും 80 കിലോമീറ്റര്‍ അകലെ മേധാക് ജില്ലയില്‍ ഏറവെള്ളി എന്ന ഗ്രാമത്തില്‍, ചന്ദ്രശേഖര റാവുവിന്റെ സ്വന്തമായ ഒരു ഫാം ഹൌസില്‍ “ആയുധ മഹാചന്ദി യഗ്യം” എന്ന പേരില്‍ അഞ്ചു ദിവസമായി നടക്കുന്ന ഈ മെഗാ യാഗത്തില്‍ 1500 പൂജാരിമാര്‍ പങ്കെടുക്കുന്നു. ഈ യാഗത്തില്‍ പങ്കെടുക്കാന്‍ ഇന്ത്യന്‍ പ്രസിഡന്റ്‌, ഗവര്‍ണ്ണര്‍മാര്‍, ആന്ധ്രപ്രദേശ്‌ മുഖ്യമന്ത്രി അടക്കമുള്ള വി.ഐ.പി കള്‍ക്ക് ക്ഷണമുണ്ടായിരുന്നു. പലരും പങ്കെടുക്കുകയും ചെയ്തു.
യാഗം നടത്താനുള്ള കാരണം നിസ്സാരമല്ല. കുറച്ചു കാലമായി മഴ പെയ്യാത്തതിനാല്‍ തെലുങ്കാനയില്‍ വരള്‍ച്ച രൂക്ഷമാണ്. അനേകം കര്‍ഷകര്‍ കൃഷി നശിച്ച് ആത്മഹത്യ ചെയ്തു കഴിഞ്ഞു. സര്‍ക്കാര്‍ എന്ത് ചെയ്യും! അപ്പോള്‍ മഴദൈവങ്ങളെ പ്രീതിപ്പെടുത്തി വരള്‍ച്ച അകറ്റി സംസ്ഥാനത്തെ രക്ഷിയ്ക്കാം എന്ന്‍ സംസ്ഥാന മുഖ്യമന്ത്രിയ്ക്ക് തോന്നിയാല്‍ കുറ്റം പറയാന്‍ പറ്റുമോ?
സംസ്ഥാന ഖജനാവിനെ പിഴിയുന്ന ഒരു പരിപാടിയാണ് ഈ യാഗം എന്ന ആരോപണം ഉയര്‍ന്നപ്പോള്‍, ചന്ദ്രശേഖര റാവു അതിന്റെ ചിലവ് സ്പോന്സര്‍മാരെ കണ്ടെത്തി താന്‍ തന്നെ വഹിയ്ക്കുമെന്ന് വ്യക്തമാക്കി. (സംസ്ഥാന മുഖ്യമന്ത്രിയ്ക്കാണോ സ്പോന്സര്‍മാരെ കണ്ടെത്താന്‍ പാട്...!)
എങ്കിലും യാഗത്തിന് വേണ്ടി ചിലവാക്കുന്ന വൈദ്യുതി, വെള്ളം, പോലീസ് മുതലായ എല്ലാ അനുബന്ധ സൌകര്യങ്ങളുടെയും ചിലവ് നികുതിദായകന്റെ പോക്കറ്റില്‍ നിന്ന് തന്നെയാണ് ചിലവാകുന്നത് എന്നത് ഒരു സത്യമായി നിലനില്‍ക്കുന്നു.
പക്ഷെ, ജനങ്ങളെയും ദൈവങ്ങളെയും ഒരുപോലെ സോപ്പിട്ടു കളയാം എന്ന ചന്ദ്രശേഖര റാവുവിന്റെ പദ്ധതി ദൈവങ്ങള്‍ക്ക് പോലും പിടിച്ചില്ല എന്ന് വേണം കരുതാന്‍. യാഗത്തിന്റെ അഞ്ചാം ദിവസം യാഗസ്ഥലത്ത് മുഖ്യപന്തലില്‍ വന്‍ തീപിടിത്തം ഉണ്ടായി. യാഗത്തില്‍ പങ്കെടുത്ത തെലുങ്കാന ഗവര്‍ണ്ണര്‍ നരസിംഹന്‍, കേന്ദ്ര മന്ത്രി വെങ്കയ്യ നായിഡു, സംസ്ഥാന മന്ത്രിമാര്‍, മറ്റു വി.ഐ.പികള്‍ അടക്കമുള്ളവര്‍, ‘മരിച്ചു കൊണ്ടുള്ള പുണ്യം വേണ്ട’ എന്ന് കരുതി ജീവനും കൊണ്ട് ഓടി രക്ഷപ്പെട്ടു. ദൈവം ഇടപെട്ട് തീ അണയ്ക്കാന്‍ സാധ്യത ഇല്ലാത്തതിനാല്‍, അഗ്നിശമന വിഭാഗം പാഞ്ഞെത്തി, കഠിന പ്രയത്നം നടത്തി ഒടുവില്‍ തീ അണച്ചു. യാഗത്തില്‍ പങ്കെടുക്കാന്‍ വന്നു കൊണ്ടിരുന്ന ഇന്ത്യന്‍ പ്രസിഡന്റ്‌ പ്രണാബ് മുക്കര്‍ജി വിവരമറിഞ്ഞു സന്ദര്‍ശനം റദ്ദാക്കി തിരികെ പോയി.
ഏഴു കോടി രൂപ കത്തിച്ചു കളഞ്ഞ് ചന്ദ്രശേഖര റാവു എന്താണ് നേടാന്‍ ഉദ്ദേശിച്ചതെന്ന് അയാള്‍ക്ക്‌ മാത്രമേ അറിയൂ. പക്ഷെ, ആ രൂപ ഉപയോഗിച്ച് ആത്മഹത്യ ചെയ്ത കര്‍ഷക കുടുംബങ്ങളെ സഹായിയ്ക്കാനോ, അല്ലെങ്കില്‍ വറ്റി വരണ്ട പാടങ്ങളെ നനയ്ക്കാനായി ജലസേചന പദ്ധതികള്‍ തയ്യാറാക്കാനോ ആയിരുന്നു ചന്ദ്രശേഖര റാവു ശ്രമിച്ചിരുന്നുവെങ്കില്‍ അതായിരുന്നേനെ ആ സംസ്ഥാനത്തോട് അയാള്‍ ചെയ്യുന്ന ഏറ്റവും വലിയ നന്മ.
അന്ധവിശ്വാസങ്ങളെ വളര്‍ത്താന്‍, ഭരണകൂടങ്ങള്‍ തന്നെ ബോധപൂര്‍വ്വം ശ്രമിയ്ക്കുമ്പോള്‍ നമ്മുടെ രാജ്യം വീണ്ടും പോകുന്നത് അന്ധകാരത്തിലേയ്ക്ക് തന്നെയാണ്. അന്ധവിശ്വാസങ്ങളില്‍ നിന്നും അന്ധവിശ്വാസങ്ങളിലെയ്ക്ക് ഇന്ത്യയുടെ യാത്ര തുടരുമ്പോള്‍ ഒരു ചോദ്യം മാത്രം അവശേഷിയ്ക്കുന്നു.. “ഈ പൂച്ചയ്ക്ക് ആര് മണി കെട്ടും?”

2015, ഡിസംബർ 8, ചൊവ്വാഴ്ച

ചെന്നയിലെ പ്രകൃതി ദുരന്തത്തിലും വർഗീയതയുടെ വാഴ വെട്ടാൻ നടക്കുന്നവർ.

.. ചെന്നയിൽ പ്രകൃതിയുടെ താണ്ഡവത്തിൽ കഷ്ടപ്പെടുന്ന പാവം മനുഷ്യരെ രക്ഷിയ്കാൻ ജാതി,മത,വർഗ്ഗ, ഭാഷാ വ്യത്യാസമില്ലാതെ ഇന്ത്യയോട്ടാകെയുള്ള സന്നദ്ധപ്രവർത്തകർ രക്ഷാപ്രവർത്തനം നടത്തുമ്പോഴും, ആ ദുരന്തത്തെ സ്വന്തം വർഗ്ഗീയ അജണ്ട പ്രചരിപ്പിയ്ക്കാനുള്ള മാർഗ്ഗമാക്കി മാറ്റാനുള്ള ശ്രമത്തിലാണ് തീവ്രഹിന്ദു വർഗ്ഗീയ സംഘടനയായ ആർ.എസ്.എസ്.
ചെന്നയിൽ പ്രകൃതി ദുരന്ത മേഖലയിൽ ക്രിസ്ത്യൻ സംഘടനകൾ മതപരിവർത്തനം നടത്താൻ വൻതോതിൽ ബൈബിളുകൾ സൌജന്യമായി വിതരണം നടത്തുന്നു എന്ന കള്ളവാർത്ത പ്രചരിപ്പിച്ചു കൊണ്ടാണ് ആർ.എസ്.എസ്, തങ്ങളുടെ വർഗ്ഗീയഅജണ്ട നടപ്പിലാക്കാൻ ശ്രമിയ്ക്കുന്നത്.
അതിനായി വെബ്സൈറ്റ് വഴിയും, ഫേസ്ബുക്ക്, വാട്സ്ആപ്, റ്റ്വിട്ടെർ എന്നീ സോഷ്യൽ മീഡിയ വഴിയും കുറെ ഫോട്ടോകളും അവർ ഷെയർ ചെയ്യുന്നുണ്ട്.
ആർ.എസ്.എസ്സുകാർ ട്വിറ്റർ വഴി വൻതോതിൽ പ്രചരിപ്പിയ്ക്കുന്ന അത്തരം ഫോട്ടോകൾ അടങ്ങിയ ഒരു വാർത്തയാണ് ഈ കാണിച്ചിട്ടുള്ളത്.
ഈ ഫോട്ടോകൾ സൂക്ഷിച്ചു നോക്കുക. ഗൂഗിൾ ഇമേജിന്റെ സഹായത്തോടെ ഒന്നു സേർച്ച് ചെയ്തു നോക്കുക. ഈ ഫോട്ടോകളിൽ ഒന്നു പോലും ചെന്നയിൽ നിന്നുള്ളത് അല്ല. വർഷങ്ങളായി ഇന്റർനെറ്റിൽ കിടക്കുന്ന കിസ്ത്യൻ സംഘടനകളുടെ വെബ്സൈറ്റിൽ നിന്നെടുത്ത ഫോട്ടോകൾ ആണിവ.
ഈ ലിങ്കുകളിൽ പോയാൽ ആ ഒറിജിനൽ ഫോട്ടോകൾ കാണാം.
https://lhmindia.wordpress.com/2015/08/11/mumbai-updates-4/
http://www.kidsofcourage.com/?p=10056
മുൻപ് നേപ്പാളിൽ ഭൂമി കുലുക്കം വരുത്തിയ ദുരന്തത്തിനിടയിലും ഇതുപോലെ വർഗീയ പ്രചാരണം നടത്താൻ ആർ.എസ്.എസ് ശ്രമിച്ചിരുന്നു. വൻതോതിൽ ഇത്തരം ഫേക്ക് ഫോട്ടോകൾക്കും വാർത്തകൾക്കും ഇന്റർനെറ്റിൽ സംഘപരിവാറുകാർ ഷെയർ ചെയ്ത് പ്രചാരണം നടത്തുന്നുമുണ്ട്.
ആയിരങ്ങൾ ഒരു നേരത്തെ ആഹാരത്തിനും വെള്ളത്തിനും കേഴുന്ന മനുഷ്യ മനസാക്ഷി മരവിയ്ക്കുന്ന ദുരന്തമുഖത്തും, സ്വന്തം വർഗീയതയുടെ വിഷബീജം വിതയ്ക്കുന്നവരെ "മനുഷ്യർ" എന്ന വിഭാഗത്തിൽ പെടുത്താൻ കഴിയുമോ?
ലജ്ജിയ്ക്കുക പ്രിയനാടെ ... ഇവരെപ്പോലെയുള്ളവർ ആണ് ഇന്ന് ഈ നാട് ഭരിയ്ക്കുന്നത് എന്നതിൽ....

2015, ഒക്‌ടോബർ 15, വ്യാഴാഴ്‌ച

"വികസനവും" മതവര്ഗ്ഗീ യതയും... ചില തിരുവനന്തപുരം കാഴ്ചകള്‍!

ഒരേ സമയം തീവ്രമതവിശ്വാസികളുടെ വോട്ടു വാങ്ങാന്‍ മതവര്ഗീയത പ്രചരിപ്പിയ്ക്കുകയും, മതത്തില്‍ തീവ്രമായി വിശ്വസിയ്ക്കാത്തവരെ കുപ്പിയിലാക്കാന്‍ "വികസനം" പ്രസംഗിയ്ക്കുകയും ചെയ്യുന്ന ആര്‍.എസ്.എസ് - ബി.ജെ.പി - സംഘപരിവാരുകാരുടെ ശരിയായ മുഖം മനസ്സിലാക്കണമെങ്കില്‍ തിരുവനന്തപുരം കൈമനത്തു നടക്കുന്ന ദേശീയപാത"വികസനം" പോയി കാണണം..
കരമനയില്‍ തുടങ്ങി കളിയിയ്ക്കാവിള വരെ നീളുന്ന ദേശീയപാതയുടെ വീതി വര്ദ്ധിപ്പിയ്ക്കുക എന്നത് തിരുവനന്തപുരം ജില്ലയെ സ്നേഹിയ്ക്കുന്ന എല്ലാവരുടെയും ദീര്ഘകാലത്തെ ആവശ്യമായിരുന്നു. കേരളത്തെയും തമിഴ്നാടിനെയും ബന്ധിപ്പിയ്ക്കുന്ന ഒരു റോഡ്‌ ആയതിനാല്‍ തന്നെ, ഇതിന്റെ വികസനം തിരുവനന്തപുരം ജില്ലയെ സംബന്ധിച്ച് വളരെ പ്രധാനമേറിയ ഒരു കാര്യമാണ്.
ദീര്ഘകാലമായി സ്ഥലമേറ്റെടുക്കല്‍ തര്ക്ക്ങ്ങളും, പ്രാദേശിക പ്രശ്നങ്ങളും കാരണം ഇഴഞ്ഞു നീങ്ങിയ ഈ റോഡിന്റെ‍ വീതി കൂട്ടല്‍ പ്രോജെക്റ്റിനു വേഗത കൂടിയത് രണ്ടു-മൂന്നു വര്ഷങ്ങള്ക്കു മുന്പാണ്. റോഡരികില്‍ ഉണ്ടായിരുന്ന കടകള്‍ അടക്കമുള്ളവയെ നഷ്ടപരിഹാരം നല്‍കി ഏറ്റെടുക്കാനും അനധികൃത കെട്ടിടങ്ങളെ പൊളിയ്ക്കാനും കഴിഞ്ഞതോടെ റോഡ്‌ വീതി കൂട്ടല്‍ വേഗത്തില്‍ നടക്കാന്‍ തുടങ്ങി.
എന്നാല്‍ കരമനയില്‍ നിന്നും പോകുമ്പോള്‍ കൈമനം കഴിഞ്ഞ് ഇരുനൂറു മീറ്റര്‍ അകലെയായി റോഡ്‌ വീതി കൂട്ടലിനു തടസ്സമായി റോഡരികിലായി ഒരു ചെറിയ മുസ്ലീം പള്ളി നില്ക്കുന്നത് കാണാം. രണ്ടു കബറുകള്‍ ഉള്ള ഈ പള്ളി പൊളിച്ചു മാറ്റാതെ ഈ പ്രദേശത്ത്‌ റോഡിന് നിശ്ചയിച്ച വീതി കൂട്ടാന്‍ കഴിയില്ല.
കളക്ടര്‍ അടക്കമുള്ള തിരുവനന്തപുരത്തെ സര്ക്കാര്‍ അധികാരികള്‍ ഈ മുസ്ലീം പള്ളിയുടെ ഭാരവാഹികളോട് ഈ വിഷയം ചര്ച്ച ചെയ്യുകയുണ്ടായി. റോഡിനു വീതി കൂട്ടാനായി തങ്ങളുടെ പള്ളി പൊളിച്ചു മാറ്റുന്നതില്‍ വിഷമം ഉണ്ടെങ്കിലും, പൊതുജനനന്മയ്ക്കായി തങ്ങള്‍ അതിനു തയ്യാറാണ് എന്ന് പള്ളി അധികാരികള്‍ സമ്മതിച്ചു. പകരം അടുത്തു തന്നെ മറ്റൊരു സ്ഥലം പള്ളി നിര്മ്മിയ്ക്കാനായി സര്ക്കാര്‍ നല്കണം എന്ന ഒരേ ഒരു ന്യായമായ ആവശ്യമേ അവര്‍ ഉന്നയിച്ചുള്ളൂ.
സന്തോഷപൂര്വ്വം സര്ക്കാര്‍ അധികാരികള്‍ ഇതിനു സമ്മതിച്ചു. കൈമനത്തു തന്നെ പള്ളി ഇപ്പോള്‍ നില്ക്കുന്ന പ്രദേശത്തു നിന്നും ഒരു നൂറു മീറ്റര്‍ അകലെയായി ബി.എസ്.എന്‍.എല്‍ വകയായ സര്ക്കാര്‍ പുറമ്പോക്ക് ഭൂമിയില്‍ പകരം പള്ളി പണിയാന്‍ സ്ഥലം നല്കാം എന്ന് അവര്‍ അറിയിച്ചു. പള്ളി അധികാരികള്‍ സന്തോഷത്തോടെ ആ നിര്ദ്ദേശം അംഗീകരിച്ചു.
ആ പ്രശ്നം അങ്ങനെ അവസാനിച്ചേനെ.. പക്ഷെ എങ്ങനെയും സാമുദായിക സ്പര്ദ ഉണ്ടാക്കി കുറച്ചു വോട്ടു സംഘടിപ്പിയ്ക്കണം എന്ന് കൊതിയൂറി നടക്കുന്ന ബി.ജെ.പി-സംഘപരിവാറുകാര്‍ തക്കം നോക്കി ചാടി വീണ്, വിഷയത്തെ വര്ഗ്ഗീയമാക്കി. ആര്ക്കും വേണ്ടാതെ കാടു കയറി കിടക്കുന്ന ആ സര്ക്കാര്‍ ഭൂമിയില്‍ ഒരു മുസ്ലീം പള്ളി വന്നാല്‍, സമീപപ്രദേശത്തെ "ഹിന്ദുക്കള്‍" സഹിയ്ക്കില്ല എന്നും പറഞ്ഞ് അവര്‍ ഹിന്ദുഐക്യവേദിയുടെ പേരില്‍ കാവിക്കൊടിയും വടിവാളുമായി ഇറങ്ങി. സര്ക്കാര്‍ ഭൂമിയുടെ മതിലുകള്‍ ഇടിച്ചു കളഞ്ഞ്, കൊടി നാട്ടി.
നൂറു മീറ്റര്‍ അകലെ സ്ഥിതി ചെയ്യുന്ന മുസ്ലീം പള്ളി കൊണ്ട് ഇതു വരെ ഉണ്ടാകാത്ത എന്ത് പ്രശ്നമാണ് ഇപ്പോള്‍ കൈമനത്ത് ഉണ്ടാകാന്‍ പോകുന്നതെന്ന് ചോദിയ്ക്കരുത്. മതഅസഹിഷ്ണുതയുടെ പേരില്‍ ഒരു ജില്ലയുടെ തന്നെ ഏറ്റവും പ്രാധാന്യമേറിയ ഒരു റോഡിന്റെ വികസനം മുടക്കുന്നത് ശരിയാണോ എന്നും ചോദിയ്ക്കരുത്. മതത്തിന്റെ പേരില്‍ വാളെടുക്കാന്‍ നടക്കുന്നവര്ക്ക് എന്ത് സാമൂഹ്യബോധം? എന്ത് വികസന കാഴ്ചപ്പാട്?
വോട്ടുബാങ്ക് രാഷ്ട്രീയം കളിയ്ക്കുന്ന സംഘപരിവാര്‍ ഗുണ്ടകളും, അവരെ പിണക്കാന്‍ ധൈര്യം കാണിയ്ക്കാത്ത നട്ടെല്ല് ഇല്ലാത്ത സര്ക്കാരും, അധികാരികളും എല്ലാം കൂടി ആ വിഷയത്തെ ഒരു അഴിയാ കുരുക്കാക്കി മാറ്റിയിരിയ്ക്കുന്നു.
അങ്ങനെ ആ പ്രദേശത്തെ റോഡിന്റെ വീതികൂട്ടല്‍ ജോലികള്‍ അവസാനിയ്ക്കാത്ത സമസ്യയായി ഇപ്പോഴും കിടക്കുന്നു.

2015, ഓഗസ്റ്റ് 10, തിങ്കളാഴ്‌ച

ഒരു പിണ്ടിക്കേറ്റ് രാഷ്ട്രീയ കൊലപാതക റിപ്പോർട്ട്!

(രാഷ്ട്രീയ കൊലപാതകങ്ങൾ റിപ്പോർട്ട് ചെയ്യുമ്പോൾ നമ്മുടെ സിണ്ടിക്കേറ്റ് മാധ്യമങ്ങൾ കാണിയ്ക്കുന്ന ശൈലിയെ പിണ്ടിക്കേറ്റ് മാധ്യമങ്ങൾക്ക് എന്തു കൊണ്ട് അനുകരിച്ചു കൂടാ!)
ബ്രേക്കിംഗ് ന്യൂസ് ...
കേരളത്തെ നടുക്കി വീണ്ടും ഒരു രാഷ്ട്രീയ കൊലപാതകം..
ചാവക്കാട്ടിൽ ഹനീഫയെന്ന കൊണ്ഗ്രെസ്സ് പ്രവർത്തകൻ വെട്ടേറ്റു മരിച്ചു...
കൊലപാതകം നടന്നത് വീട്ടിനുള്ളിൽ സ്വന്തം അമ്മയുടെ കണ്മുൻപിൽ വെച്ച്..
അതിദാരുണം ...പൈശാചികം !
"സുരേഷ് ..സുരേഷ്... കേൾക്കുന്നുണ്ടോ?"
"പറയൂ വേണു...കേൾക്കുന്നുണ്ട്"
"സുരേഷ്, കേരളം ഇന്നുവരെ കണ്ട ഏറ്റവും ഭീകരമായ രാഷ്ട്രീയ കൊലപാതകം ചാവക്കാട്ടില്‍ നടന്നിരിയ്ക്കുന്നു. പറയൂ.. എന്താണ് അവിടത്തെ അവസ്ഥ?.."
"വേണൂ... ഈ നാടും ഇവിടത്തെ ജനങ്ങളും നടുങ്ങിയിരിയ്ക്കുകയാണ്. എങ്ങും ദുഃഖം തളം കെട്ടികിടക്കുന്നു. അതിൽ ചവിട്ടാതെ ആർക്കും നടക്കാൻ കഴിയാത്ത അവസ്ഥയാണ്. ജനങ്ങളുടെ കണ്ണിലുണ്ണി ആയിരുന്ന ഹനീഫ എന്ന പൊതുപ്രവർത്തകന്റെ പൈശാചികവും, മൃഗീയവും, ക്രൂരവും, കണ്ണിൽ ചോരയില്ലാത്തതുമായ കൊലപാതകം ഇനിയും വിശ്വസിയ്ക്കാൻ കഴിയാതെ ഇരിയ്ക്കുകയാണ് ഇവിടത്തുകാർ."
"സുരേഷ്, ആരാണ് ഈ ക്രൂരമായ കൊലപാതകം നടത്തിയത് എന്നതിനെക്കുറിച്ച് എന്താണ് വിവരം?"
"വേണൂ, കൊണ്ഗ്രെസ്സ് പാർട്ടിക്കാർ തന്നെയാണ് ഈ കൊലപാതകം നടത്തിയത് എന്നാണ് പോലീസ് ഉറപ്പിച്ചു പറയുന്നത്. ഗ്രൂപ്പ് വഴക്ക് കാരണമാണ് ഈ കൊലപാതകം നടന്നിരിയ്ക്കുന്നത് എന്ന കാര്യത്തിൽ സംശയമില്ല. മാസങ്ങളോളം നീണ്ട ഗൂഡാലോചനയും പ്ലാനിങ്ങും ഈ കൊലപാതകത്തിന് പിന്നിലുണ്ട്. കൊണ്ഗ്രെസ്സിന്റെ സംസ്ഥാനത്തെയും, ഹൈകമാണ്ടിലെയും ചില ഉന്നത നേതാക്കൾക്കും, മന്ത്രിമാർക്കും ഈ ഗൂഡാലോചനയിൽ പങ്കുണ്ടെന്ന് സംശയിക്കുന്നതായിയാണ് പോലീസിനുള്ളിലെ ചില വിശ്വസ്ത കേന്ദ്രങ്ങളിൽ നിന്നും ലഭിയ്ക്കുന്ന വിവരം."
"സുരേഷ്, ഈ കൊലപാതകത്തിന്റെ മോഡാസ് ഓപ്പറാണ്ടി അതായത് നടപ്പിലാക്കിയ രീതി എങ്ങനെയായിരുന്നു?"
"വേണൂ, അന്വേഷണം തുടങ്ങിയിട്ടേയുള്ളൂ. എങ്കിലും ഇത് വളരെ ആസൂത്രിതമായി നടത്തിയ കൊലപാതകമായിരുന്നു എന്ന കാര്യത്തിൽ സംശയം ഇല്ല. ചാവക്കാട് ജങ്ക്ഷനിൽ ഉള്ള ഒരു കൊണ്ഗ്രെസ്സ് ഐ ഗ്രൂപ്പുകാരൻ നടത്തുന്ന ഒരു പൂക്കടയിൽ വെച്ച് പട്ടാപ്പകൽ നല്ല തിരക്കുള്ള സമയത്ത്, ഒരു ഗ്രൂപ്പ് യോഗം പരസ്യമായി ചേർന്നിരുന്നു. ആ യോഗത്തിൽ വെച്ചാണ് ഈ കൊലപാതകം നടത്താനുള്ള ഗൂഡാലോചന നടത്തിയത് എന്നാണ് പോലീസിന്റെ പ്രാഥമികമായ നിഗമനം. കൊലപാതകികൾ ഹനീഫയുടെ വീട്ടില് ഒരു അത്യാധുനിക കാറിൽ വന്നിറങ്ങി, വടിവാളുകൾ ഉപയോഗിച്ച് വെട്ടി, പെട്ടെന്ന് ജോലി തീർത്ത് തിരിച്ചു പോയതായി, ഇപ്പോൾ ഗൾഫിൽ ജോലി ചെയ്യുന്ന ഹനീഫയുടെ സുഹൃത്ത് ഫോണിൽ മൊഴി കൊടുത്തിട്ടുണ്ട്.. പാർട്ടിയുടെ ഉന്നതങ്ങളിൽ ഉള്ള ചില നേതാക്കന്മാർ മൊബൈൽ വഴി ഈ അക്രമികൾക്ക് വേണ്ട നിർദ്ദേശങ്ങൾ നൽകി കൊണ്ടിരുന്നതായി വീടിനടുത്ത് താമസിയ്ക്കുന്ന കണിയാൻ രാമൻ കവിടി നിരത്തി പറഞ്ഞു. മാത്രമല്ല അക്രമികൾ വരുന്ന വഴി പെട്രോൾ അടിച്ച പമ്പ് ഒരു പ്രമുഖ കൊണ്ഗ്രെസ്സ് സംസ്ഥാനനേതാവിന്റെ വകയിൽ ഒരു അളിയന്റെ ബന്ധുവിന്റെ വകയാണ് എന്നത് ഈ കൊലപാതകത്തിൽ ഉന്നതനേതാക്കൾക്കുള്ള പങ്കു വെളിപ്പെടുത്തുന്നതാണ്. അക്രമികളുടെ നേതാവ് ഉപയോഗിച്ച മൊബൈൽ ഫോണും, പാർട്ടിയുടെ ജില്ലാ പ്രസിഡന്റിന്റെ മൊബൈൽ ഫോണും നിർമ്മിച്ചത് "സാംസംഗ്" എന്ന ഒരേ കമ്പനിയാണ് എന്നതും വളരെ പ്രധാനമായ ഒരു തെളിവാണ്. എന്തായാലും കൊണ്ഗ്രെസ്സ് പാർട്ടിയുടെ ജില്ലയിലെയും സംസ്ഥാനത്തെയും നേതൃത്വങ്ങൾക്ക്‌ ഈ ഗൂഡാലോചനയെയും കൊലപാതകത്തെയും പറ്റി മുൻകൂട്ടി അറിവുണ്ടായിരുന്നു എന്ന കാര്യത്തിൽ സംശയമില്ല."
"സുരേഷ്, ഹനീഫയെ എത്ര വെട്ടാണ് വെട്ടിയത്?"
"വേണു, കൃത്യമായ വെട്ടിന്റെ എണ്ണം പോസ്റ്മോര്ട്ടം കഴിഞ്ഞാലേ പറയാൻ കഴിയൂ. എങ്കിലും ശവത്തിന്റെ കിടപ്പ് കണ്ടിട്ട്, എന്റെ ഊഹം വെച്ച് ഒരു അറുപത് വെട്ടെങ്കിലും കാണും."
"എന്ത് .. അറുപതു വെട്ടുകളോ! ഇതൊരു സാർവ്വദേശീയ റെക്കോർഡ് ആണല്ലോ. കേരളം ഇന്നുവരെ കണ്ട ഏറ്റവും മൃഗീയമായ കൊലപാതകം ആണ് ഇത് എന്ന കാര്യത്തിൽ യാതൊരു സംശയവും ഇല്ല."
സ്ക്രോൾ : ബ്രേക്കിംഗ് ന്യൂസ്:
ചാവക്കാട്ടില്‍ കൊണ്ഗ്രെസ്സ് പ്രവർത്തകനെ അറുപത് വെട്ടുകൾ വെട്ടി കൊലപ്പെടുത്തിയിരിയ്ക്കുന്നു .... കേരളം നടുക്കത്തിൽ ... കൊലപാതകത്തിൽ ഉന്നത കൊണ്ഗ്രെസ്സ് നേതാക്കൾക്ക് പങ്ക്....
ഇന്ന് വൈകിട്ട് 7 മണിയ്ക്കുള്ള അന്തിചർച്ചയിൽ സംവാദ വിഷയം
"അറുപതു വെട്ടിന്റെ ത്വാതിക അവലോകനം" .
പങ്കെടുക്കുന്നവർ:
കൊണ്ഗ്രെസ്സ് വക്താവ് ഹസ്സൻ ഗാന്ധി, യഥാർത്ഥ കൊണ്ഗ്രെസ്സ്പക്ഷ നേതാവ് കുഞ്ഞികണ്ണൻ മാസ്റ്റർ, കൊണ്ഗ്രെസ്സ്പക്ഷ ചിന്തകൻ ഉമ്മൻ കോശി, രാഷ്ട്രീയ നിരക്ഷരൻ അഡ്വ: പ്രേംകുമാർ, മാധ്യമ പ്രവർത്തകൻ കുഞ്ഞഹമ്മദ്, ഒപ്പം വേറെ പണിയൊന്നുമില്ലാത്ത കുറെ ബുദ്ധിജീവികളും.
പ്രേക്ഷകർക്കും ചർച്ചയിൽ പങ്കെടുക്കാം. നിങ്ങളുടെ അഭിപ്രായങ്ങൾ എസ്.എം.എസ് ആയി അയയ്ക്കുക.
ഒപ്പം ഫേസ്ബുക്കിലെ ഞങ്ങളുടെ "60 വെട്ട് വെട്ടിയത് ശരിയായോ?'എന്ന ചോദ്യത്തിന് അതെ (yes) എന്നോ അല്ല (no) എന്നോ ക്ലിക്ക് ചെയ്ത്, ഓണ്‍ലൈന്‍ അഭിപ്രായ വോട്ടെടുപ്പിൽ പങ്കെടുക്കാം.
==================================
ഇന്നത്തെ പത്രങ്ങളിലൂടെ
മുഖ്യ തലക്കെട്ടുകൾ:
1) മാ നിഷാദ: പൈശാചികമായ രാഷ്ട്രീയ കൊലപാതകം: എഡിറ്റോറിയൽ
2) രാഷ്ട്രീയ കാപാലികർ വിഹരിയ്ക്കുന്ന ചാവക്കാട്: വാർത്താ പരമ്പര
3) ഹനീഫയുടെ കൊലയ്ക്കു പിന്നിലെ ഗൂഢാലോചന : കൊണ്ഗ്രെസ്സിന്റെ ഉന്നത നേതാക്കൾ സംശയ നിഴലിൽ!
4) "ഞങ്ങളുടെ വാപ്പയെ എന്തിനു കൊന്നു?" ഹനീഫയുടെ മക്കൾ ചോദിയ്ക്കുന്നു!
5) കൊണ്ഗ്രെസ്സ് ഗ്രൂപ്പ് രാഷ്ട്രീയ കൊലപാതകങ്ങൾ ഒരു തുടർക്കഥ : അന്വേഷനാത്മക പരമ്പര.
6) ഹനീഫ: കേരള രാഷ്ട്രീയത്തിലെ തിളക്കമുള്ള ഒരു അദ്ധ്യായത്തിന്റെ ദാരുണ അന്ത്യം
7) നടുങ്ങി വിറച്ച് വിതുമ്പുന്ന ചാവക്കാട്.
8) മൊയ്യാരത്തു ശങ്കരൻ മുതൽ ഹനീഫ വരെ: അക്രമരാഷ്ട്രീയത്തിന്റെ വഴികളിലൂടെ കൊണ്ഗ്രെസ്സ് പാർട്ടി.
9) ഗ്രൂപ്പ് സമവാക്യങ്ങളും കൊണ്ഗ്രെസ്സ് പാർട്ടിയും: ചരിത്രത്തിലൂടെ
10) കൊണ്ഗ്രെസ്സ് പാർട്ടിയുടെ അക്രമ രാഷ്ട്രീയത്തിനെതിരെ നാടെങ്ങും പ്രതിഷേധം.
ഇപ്പോൾ കിട്ടിയ വാർത്ത :
ഗ്രൂപ്പ് വഴക്കിനെ തുടർന്ന് കൊണ്ഗ്രെസ്സ് പ്രവർത്തകൻ ഹനീഫയെ, എതിർഗ്രൂപ്പ് കൊണ്ഗ്രെസ്സ് പ്രവർത്തകർ വെട്ടി കൊലപ്പെടുത്തിയതിൽ പ്രതിഷേധിച്ച്, കൊണ്ഗ്രെസ്സ് പാർട്ടി, നാളെ കേരളമൊട്ടാകെ ഹർത്താൽ നടത്തുമെന്ന് പ്രഖ്യാപിച്ചു.
കൊലപാതകത്തിനെതിരെ നാടെങ്ങും പ്രതിഷേധ പ്രകടനങ്ങൾ സംഘടിപ്പിയ്ക്കുമെന്ന് "ഐ" , "എ" ഗ്രൂപ്പുകൾ പ്രത്യേകം പ്രത്യേകം ഇറക്കിയ പ്രസ്താവനയിൽ പറഞ്ഞു.
===============
വാല്‍കഷണം:
"എന്തരെടെയ് ശിവാ, നമ്മടെ മുഖ്യമന്ത്രിയോ മന്ത്രിമാരോ പത്രക്കാരോ ആ ശവത്തെ ഒരു നോക്ക് കാണാന്‍ കൂടി പോകാത്തത്?"
"എന്തര് പറയാന്‍ അണ്ണാ... ചാവണമെങ്കില്‍ വല്ല സി.പി.എമ്മുകാരുടെ കൈ കൊണ്ട് ചാവണം.. ഇല്ലെങ്കില്‍ ഒരു പട്ടിയും തിരിഞ്ഞു നോക്കില്ല."

2015, ജൂലൈ 11, ശനിയാഴ്‌ച

ഭട്ടിന്ഡാ പാര്ട്ടി കൊണ്ഗ്രെസ്സ്. (സ: സി. അച്യുതമേനോന്‍ എഴുതിയ ലേഖനം)

ഇന്ത്യന്‍ കമ്മ്യുണിസ്റ്റ് പാര്ട്ടിയുടെ 11-ആം കൊണ്ഗ്രെസ്സ് ഭട്ടിന്ഡാ്യില്‍ വച്ചു കൂടാന്‍ പോകുന്നതിന്റെ തലേ ആഴ്ചകളില്‍ ബൂര്ഷ്വാ പത്രപംക്തികളെല്ലാം ആ കൊണ്ഗ്രെസ്സില്‍ എന്തു സംഭവിയ്ക്കാന്‍ പോകുന്നുവെന്നതിനെപറ്റിയുള്ള ഊഹോപോഹങ്ങള്‍ കൊണ്ടും, പ്രവചനങ്ങള്‍ കൊണ്ടും നിറഞ്ഞിരുന്നു.
പത്രങ്ങള്‍ പല മുതലാളിമാരുടെയും,സേവിയ്ക്കുന്ന പല പാര്ട്ടികളുടെയും ആയിരുന്നുവെങ്കിലും ഒരു കാര്യത്തില്‍ അവയെല്ലാം യോജിച്ചു. ഭട്ടിന്ഡായില്‍ വച്ച് കമ്മ്യുണിസ്റ്റ് പാര്ട്ടി വീണ്ടും പിളരും. അഭിപ്രായവ്യത്യാസം ഒരു കാര്യത്തില്‍ മാത്രമേ ഉണ്ടായിരുന്നുള്ളൂ. പൊളിയുന്നത് രണ്ടു കഷണമായിട്ടാണോ മൂന്നായിട്ടാണോ എന്ന് മാത്രം! നാശത്തിന്റെ ഈ പ്രവാചകരുടെ കണക്കുകൂട്ടലുകളെല്ലാം കാറ്റില്‍ പറത്തികൊണ്ട് ഭട്ടിന്ഡാ പാര്ട്ടി കൊണ്ഗ്രെസ്സ് ഐക്യത്തിന്റെ കൊടി പാറിച്ചു കൊണ്ട് വിജയശ്രീലാളിതമായി പര്യവസാനിച്ചു. പ്രത്യയശാസ്ത്രപരമായ തത്വനിഷ്ഠയുടെയും കര്മ്മചനിരതമായ ചൈതന്യത്തിന്റെയും പ്രഖ്യാപനമായിരുന്നു അത്. കമ്മ്യുണിസ്റ്റകാരെ സംബന്ധിച്ചിടത്തോളം എന്നും അഭിമാനിയ്ക്കാവുന്ന ഒരു വസ്തുതയത്രേ ഇത്.
ചര്ച്ചയുടെ ഉന്നതമായ നിലവാരം.
മേല്പറഞ്ഞതിനു അര്ത്ഥം പാര്ട്ടി കൊണ്ഗ്രെസ്സ് പ്രതിനിധികള്ക്കിടയില്‍ അഭിപ്രായവ്യത്യാസങ്ങള്‍ ഉണ്ടായിരുന്നില്ല എന്നല്ല. തീര്ച്ചയായും ഉണ്ടായിരുന്നു. ചില കാര്യങ്ങളെ സംബന്ധിച്ചിടത്തോളം മൂര്ച്ചയേറിയ അഭിപ്രായവ്യത്യാസങ്ങള്‍ തന്നെ ഉണ്ടായിരുന്നു. അവ ആരുമാരും മറച്ചു വെച്ചില്ല. നേതൃത്വത്തെ ഭയന്നോ, നേതൃത്വത്തോടുള്ള തെറ്റായ ഭക്തി കൊണ്ടോ ആരും അവരുടെ അഭിപ്രായങ്ങള്‍ പ്രകടിപ്പിയ്ക്കാതിരുന്നില്ല. അഭിപ്രായഭിന്നതകള്‍ ഉണ്ടായിരുന്ന സന്ദര്ഭങ്ങളില്‍ അവ മൂര്ച്ചയേറിയ ഭാഷയില്‍ തന്നെ അവതരിപ്പിയ്ക്കപ്പെട്ടു. ഭാഷാപരമായ അജ്ഞത പോലും അതിനൊരു തടസ്സമായിരുന്നില്ല.
ഉദാഹരണത്തിന് കേരളത്തില്‍ നിന്ന് പോയ ഒരു പ്രതിനിധിയായ എം.ടി.ചന്ദ്രസേനന്‍ അദ്ദേഹത്തിന് ഇടപെട്ടു സംസാരിയ്ക്കണമെന്ന് തോന്നിയ അവസരത്തില്‍ മലയാളത്തില്‍ തന്നെ ശക്തമായ ഒരു പ്രസംഗം ചെയ്തു. (അത് ഇംഗ്ലീഷിലേയ്ക്ക് പരിഭാഷപ്പെടുത്തി മറ്റു പ്രതിനിധികളെ മനസ്സിലാക്കാന്‍ ഏര്പ്പാട് ചെയ്തു)
പക്ഷെ ഒന്നുണ്ട്; പ്രസംഗങ്ങളില്‍ ഒന്നില്‍പോലും വ്യക്തിവിദ്വേഷപരമായ പരാമര്ശനങ്ങള്‍ ഉണ്ടായിരുന്നില്ല. വ്യക്തികളുടെ പേരുകള്‍ അപൂര്വ്വം ചില അവസരങ്ങളില്‍ പരാമര്ശിയ്ക്കപ്പെട്ടുവെങ്കിലും അത് ഏതെങ്കിലും ചില തത്വങ്ങള്‍ ഉദാഹരിയ്ക്കുന്നതിനു മാത്രമായിരുന്നു. ബാക്കിയെല്ലാം രാഷ്ട്രീയമോ, സംഘടനാപരമോ, പ്രത്യയശാസ്ത്രപരമോ ആയ തത്വങ്ങളെചൊല്ലി മാത്രമായിരുന്നു. അങ്ങനെ കൊണ്ഗ്രെസ്സിലെ ചര്ച്ചകള്‍ ഏറ്റവും ഉന്നതമായ ഒരു നിലവാരം പുലര്ത്തി എന്ന് പറയുവാന്‍ എനിയ്ക്ക് അതിയായ സന്തോഷമുണ്ട്. എന്റെ ദീര്ഘ്കാല പാര്ട്ടി ജീവിതത്തില്‍ കല്ക്കട്ട കൊണ്ഗ്രെസ്സു തൊട്ടു (1948) ഇങ്ങോട്ടുള്ള എത്രയോ പാര്ട്ടി കൊണ്ഗ്രെസ്സുകള്‍ കണ്ടിട്ടുള്ളതില്‍ വെച്ച് ഏറ്റവും ഉന്നതനിലവാരത്തിലുള്ള ചര്ച്ചകള്‍ നടന്ന പാര്ട്ടി കൊണ്ഗ്രെസ്സ് ഭട്ടിന്ഡാ കൊണ്ഗ്രെസ്സായിരുന്നു എന്നാണ് എന്റെ അഭിപ്രായം.
അഭിപ്രായ വ്യത്യാസങ്ങള്‍
അഭിപ്രായ വ്യത്യാസങ്ങളെപ്പറ്റി പറയുമ്പോള്‍ അവ മുഖ്യമായും ഉണ്ടായിരുന്നത് വിജയവാഡ കൊണ്ഗ്രെസ്സ് മുതല്‍ ഭട്ടിന്ഡാ കൊണ്ഗ്രെസ്സ് വരെയുള്ള കാലഘട്ടത്തെപ്പറ്റി (അടിയന്തരാവസ്ഥയുള്പ്പെടുന്ന കാലം) സ്വയംവിമര്ശനപരമായി പരിശോധിയ്ക്കുന്ന ദേശീയ കൌണ്സിലിന്റെ രാഷ്ട്രീയ റിവ്യൂറിപ്പോര്ട്ടിന്റെ ചര്ച്ചയിലായിരുന്നുവെന്നു പറയേണ്ടിയിരിയ്ക്കുന്നു. പ്രസ്തുത റിപ്പോര്ട്ടിനു പുറമേ പാര്ട്ടി കൊണ്ഗ്രെസ്സിന്റെ മുന്പാ്കെ ഇന്നത്തെ രാഷ്ട്രീയ സ്ഥിതിഗതികളെ വിശകലനം ചെയ്യുന്ന രാഷ്ട്രീയ പ്രമേയവും, സാര്വ്വദേശീയ സംഭവഗതികളെ വിലയിരുത്തുന്ന സാര്വ്വദേശീയ റിപ്പോര്ട്ടും , സംഘടനാ റിപ്പോര്ട്ടുമുണ്ടായിരുന്നു. അവയില്‍ രാഷ്ട്രീയ പ്രമേയം ദേശീയകൌണ്സില്‍ ഐക്യകണ്ഠമായി അംഗീകരിച്ചാണ് കൊണ്ഗ്രെസ്സ് മുന്പാകെ കൊണ്ടുവന്നത്. അതില്‍ മൌലികമായ യാതൊരു ഭേദഗതിയും കൂടാതെ തന്നെ കൊണ്ഗ്രെസ്സ് അംഗീകരിച്ച
സാര്വ്വദേശീയ റിപ്പോര്ട്ടും ഒട്ടൊക്കെ അപ്രകാരം തന്നെയായിരുന്നു. എന്നാല്‍ കമ്മീഷനില്‍ ചര്ച്ചയ്ക്കു വന്നപ്പോള്‍ ഒരൊറ്റ വിഷയത്തെപ്പറ്റി മാത്രം അവിടെ സാമാന്യം ദീര്ഘ്മായ ചര്ച്ച നടന്നു.അതായത് റിപ്പോര്ട്ടിലുണ്ടായിരുന്ന യൂറോ കംമ്യുനിസത്തെപ്പറ്റിയുള്ള പേരെടുത്തു പറഞ്ഞുകൊണ്ടുള്ള ഒരു പരാമര്ശം റിപ്പോര്ട്ടില്‍ വേണ്ടെന്നു ഐക്യകണ്ഠമായി തീരുമാനിയ്ക്കുകയാണ് ഉണ്ടായത്. ഈ രണ്ടു രേഖകളെപ്പറ്റിയുള്ള ചര്ച്ചകളും വളരെ സമയമെടുക്കാതെ തന്നെ തീര്ത്തു .
രാഷ്ട്രീയ റിവ്യൂ റിപ്പോര്ട്ടിനെപ്പറ്റിയുള്ള ചര്ച്ച്യ്ക്കാണ് ഏറ്റവും കൂടുതല്‍ സമയമെടുത്തത്. പൊതുചര്ച്ചയ്ക്കായി ഒരു ദിവസവും (7 മണിക്കൂര്‍), ഭേദഗതികള്‍ അവതരിപ്പിച്ചു തള്ളാനോ കൊള്ളാനോ അരദിവസവും എന്നാണ് കാര്യപരിപാടിയില്‍ നിശ്ചയിച്ചിരുന്നതെങ്കിലും പൊതുചര്ച്ചയ്ക്ക് തന്നെ രണ്ടു ദിവസം വേണ്ടി വന്നു. തന്നിമിത്തം പാര്ട്ടി കൊണ്ഗ്രെസ്സ് ചില ദിവസങ്ങളില്‍ രാത്രി 12-1 മണി വരെ ഇരിയ്ക്കേണ്ടിയും വന്നു.
ഏറ്റവും വിവാദവിഷയമായ പ്രശ്നം.
പാര്ട്ടി റിവ്യൂ റിപ്പോര്ട്ടിലെ ഏറ്റവും വിവാദ വിഷയമായ പ്രശ്നം ആദ്യം മുതലേ അടിയന്തരാവസ്ഥയെ പിന്താങ്ങിയത് തെറ്റോ, അതോ ആദ്യം പിന്താങ്ങിയത് ശരിയും പിന്നീട് അതിന്റെ നിഷേധാത്മവശങ്ങള്‍ വ്യക്തമാകാന്‍ തുടങ്ങിയതോടെ എതിര്ക്കാതിരുന്നത് മാത്രം തെറ്റും എന്നാണോ പറയേണ്ടത് എന്നായിരുന്നു. ഈ പ്രശ്നത്തിന്മേലുള്ള അഭിപ്രായ വ്യത്യാസത്തില്‍ ഒത്തുതീര്പ്പോ അനുരഞ്ജനമോ സാദ്ധ്യമായിരുന്നില്ല. അതുകൊണ്ട് വോട്ടിനിടുക തന്നെ വേണ്ടി വന്നു. അടിയന്തരാവസ്ഥയെ ആദ്യം മുതല്ക്കേ എതിര്ക്കേണ്ടതായിരുന്നു എന്ന അഭിപ്രായത്തിന് 712 വോട്ടും, ആ അഭിപ്രായത്തിനെതിരെ 403 വോട്ടും കിട്ടുകയാല്‍ അടിയന്തരാവസ്ഥയെ പിന്താങ്ങിയത് ആദ്യം മുതലേ തെറ്റായിരുന്നു എന്ന അഭിപ്രായം പാര്ട്ടി കൊണ്ഗ്രെസ്സ് അംഗീകരിച്ചു.
മൌലികമായ ഈ നിഗമനത്തിനു അനുസരണമായിട്ടുള്ളവയാണ് പിന്നീട് അംഗീകരിയ്ക്കപ്പെട്ട ഏതാനും ചെറിയ ഭേദഗതികള്‍.
ഉദാഹരണത്തിന്, ഈ ലേഖകന്റെ പേരുമായി ബന്ധപ്പെടുത്തി അലഹാബാദ് ഹൈക്കോടതി വിധിയെ മാനിച്ചു ഇന്ദിരാഗാന്ധി പ്രധാനമന്ത്രിപദം രാജി വെയ്ക്കണമെന്ന് നാം (കമ്മ്യുണിസ്റ്റ് പാര്ട്ടി) ആവശ്യപ്പെടെണ്ടതായിരുന്നു എന്നൊരു ഭേദഗതിയ്ക്ക്‌ അതിരുകവിഞ്ഞ പ്രസിദ്ധീകരണം ലഭിയ്ക്കുകയുണ്ടായി. വാസ്തവത്തില്‍ ഉണ്ടായതെന്തെന്നു താഴെ വിവരിയ്ക്കാം. കേരളത്തില്‍ നിന്നുള്ള പ്രതിനിധികളില്‍ ചിലര്‍ കൂടിച്ചേര്ന്നു കൂട്ടായി ഏതാനും ഭേദഗതികള്‍ എഴുതിക്കൊടുത്തിരുന്നു. കൊച്ചിയില്‍ വെച്ച് കൂടിയ സംസ്ഥാനസമ്മേളനത്തില്‍ അംഗീകരിച്ച, ഭൂരിപക്ഷാഭിപ്രായത്തിനു അനുസരണമായ ഭേദഗതികളായിരുന്നു അവയെല്ലാം. സൈക്ലോ ചെയ്തു വന്നപ്പോള്‍ അടിയില്‍ കൊടുത്തിരുന്ന പേര് സി.അച്യുതമേനോനും കൂട്ടുകാരും (C. Achutha Menon and others) എന്നായിരുന്നു. അങ്ങിനെയാണ് ഇത്രയേറെ പ്രസിദ്ധീകരണം ലഭിച്ചത്.
റിവ്യൂ റിപ്പോര്ട്ടിരന്റെ 10-ആം ഖണ്ഡികയില്‍ 'ഇന്ദിരാഗാന്ധി രാജി വെയ്ക്കാന്‍ കൂട്ടാക്കാതിരുന്നത് തെറ്റായിപ്പോയി. അതവരെ (ശത്രുക്കളെ എന്നര്ത്ഥം) സഹായിച്ചു', എന്ന വാചകത്തിന് ശേഷം, 'അവര്‍ താഴെയിറങ്ങിയിരുന്നുവെങ്കില്‍ അവരുടെ (ശത്രുക്കളുടെ) കപ്പല്പായില്‍ നിന്നു കാറ്റ് പോകുമായിരുന്നു' എന്നാണെഴുതിയിരിയ്ക്കുന്നത്. പാര്ട്ടി അപ്പോള്‍ എന്തു ചെയ്തെന്നോ, എന്തു ചെയ്യണമായിരുന്നെന്നോ പറയുന്നില്ല. ഈ വിടവ് നികത്താന്‍ വേണ്ടിയാണ്, 'നാം അപ്പോള്‍ ഇന്ദിരാഗാന്ധി രാജി വെയ്ക്കണമെന്ന് ആവശ്യപ്പെടെണ്ടിയിരുന്നു' എന്ന ഭേദഗതി കൊടുത്തത്. അതിനു 164നു എതിരായി 831 വോട്ടുകള്‍ ലഭിച്ചു.
രണ്ടാമതായി, ഞങ്ങളുടെ ഒരു ഭേദഗതി അംഗീകരിച്ചത് റിവ്യൂ റിപ്പോര്ട്ടിലെ 60-ആം ഖണ്ഡികയിലാണ്. ഭരണഘടനയുടെ 42-ആം ഭേദഗതി അവസാനമായി പാസ്സാക്കാന്‍ വോട്ടിനിട്ടപ്പോള്‍ നമ്മുടെ എം.പിമാര്‍ അന്നു പാര്ട്ടി നിര്ദ്ദേശപ്രകാരം അനുകൂലിയ്ക്കുകയാണ് ചെയ്തത്. 42-ആം ഭേദഗതിയില്‍ ചില നല്ല കാര്യങ്ങളുണ്ടെങ്കിലും, ഒട്ടാകെ മുന്‍‌തൂക്കം പിന്തിരിപ്പന്‍ വ്യവസ്ഥിതികള്ക്കായിരുന്നു. അതുകൊണ്ട് അന്ന് നമ്മുടെ എം.പിമാര്‍ നിഷ്പക്ഷത പാലിയ്ക്കെണ്ടതായിരുന്നു എന്നതാണ് റിവ്യൂ റിപ്പോര്ട്ടില്‍ പറഞ്ഞത്. അത് പോര, എതിര്ക്കേണ്ടതു തന്നെയായിരുന്നു എന്നതാണ് ഞങ്ങള്‍ കൊടുത്ത ഭേദഗതി. അതും പാര്ട്ടി കൊണ്ഗ്രെസ്സ് അംഗീകരിച്ചു.
തെറ്റുകളുടെ വേരുകള്‍.
നമ്മുടെ തെറ്റുകളുടെ വേരുകള്‍ എവിടെയാണെന്നതിനെ സംബന്ധിച്ച് വിശ്വനാഥ മുക്കര്ജിെയുടെ ഒരു ഭേദഗതി ഉണ്ടായിരുന്നു. 1969-ല്‍ കൊണ്ഗ്രെസ്സിലുണ്ടായ ഭിന്നിപ്പിനെ വിലയിരുത്തുന്നതിലായിരുന്നു ആ തെറ്റു കിടക്കുന്നതെന്നാണ് അദ്ദേഹത്തിന്റെ അഭിപ്രായം. കൊച്ചിന്‍ കൊണ്ഗ്രെസ്സ് പ്രമേയത്തിലും (1972), വിജയവാഡ കൊണ്ഗ്രെസ്സ് രേഖയിലും (1975) ഈ തെറ്റു പ്രതിഫലിയ്ക്കുന്നുണ്ടെന്നാണ് അദ്ദേഹം വാദിച്ചത്. ഇതൊന്നും പാര്ട്ടി കൊണ്ഗ്രെസ്സ് അംഗീകരിച്ചില്ല.
എങ്കിലും സ്റ്റിയറിംഗ് കമ്മിറ്റി തന്നെ കൊണ്ട് വന്നതും,പാര്ട്ടി കൊണ്ഗ്രെസ്സ് തന്നെ അംഗീകരിച്ചതുമായ ഒരു ഭേദഗതിയില്‍ നമുക്ക് പറ്റിയ പിശകിന്റെ അടിസ്ഥാനകാരണങ്ങള്‍ വിശദീകരിയ്ക്കുന്നു. ആ ഭേദഗതി സാമാന്യം ദീര്ഘമാകയാല്‍ ഇവിടെ ഉദ്ധരിയ്ക്കുന്നില്ല. അതിന്റെ ചുരുക്കം ഏതാണ്ടിപ്രകാരമാണ്.
സാമ്രാജ്യവിരുദ്ധ ജനാധിപത്യ വിഭാഗങ്ങളും, ഏറ്റവും പിന്തിരിപ്പനായ സമ്രാജ്യാനുകൂല-കുത്തകാനുകൂല-ഭൂപ്രഭുത്വാനുകൂല-കമ്മ്യുണിസ്റ്റ് വിരുദ്ധ വിഭാഗങ്ങളും എന്നിങ്ങനെ ബൂര്ഷ്വാസി രണ്ടായി പിരിഞ്ഞിരിയ്ക്കുന്നു എന്നും, തന്മൂലം ശക്തികളുടെ ബലാബലത്തിലും, ഭരണകൂടത്തിലും പുരോഗമനപരമായ മാറ്റങ്ങള്‍ വരുത്താന്‍ അടിയന്തരാവസ്ഥ സഹായിയ്ക്കുമെന്നും നാം കരുതി. അതുപോലെ തന്നെ പുരോഗമനപരമായ ഒരു വിദേശനയത്തില്‍ നിന്ന് അനിവാര്യമായ പുരോഗമനപരമായ ഒരു ആഭ്യന്തരനയവും ഉണ്ടാകുമെന്നും യാന്ത്രികമായി നാം വിശ്വസിച്ചു. ഈ ധാരണകള്‍ ഇന്ദിരാഗാന്ധി ഗവണ്മെന്റിന്റെ പിന്തിരിപ്പന്‍ നയങ്ങള്ക്കെളതിരായി ശക്തിയായി സമരം സംഘടിപ്പിക്കുന്നതില്നിന്നും നമ്മെ തടഞ്ഞു നിര്ത്തി . 'സംഘട്ടനം പാടില്ല' (No Confrontation), എന്ന നമ്മുടെ ധാരണയുടെ ഉറവിടം ഇവിടെയാണ്‌. ഈ ധാരണകളാണ് നമ്മുടെ പ്രധാനമായ തെറ്റ്- ആ തെറ്റാണ് അടിയന്തരാവസ്ഥയെ ആദ്യം മുതലേ പിന്താ്ങ്ങുന്നതില്‍ നമ്മെ എത്തിച്ചതും. അപ്രധാനമായ മറ്റു ചില ഭേദഗതികളെപ്പറ്റി ഇവിടെ പറയാന്‍ ഉദ്ദേശിയ്ക്കുന്നില്ല. ഭേദഗതികളോടെ പ്രമേയം വോട്ടിനിട്ടപ്പോള്‍ ആരും എതിര്ത്ത് വോട്ട് ചെയ്തില്ല. 111 പേര്‍ വോട്ട് ചെയ്തില്ല. 1122 പേര്‍ അനുകൂലമായി വോട്ടു ചെയ്തു.
ഒരു സംഘടനാ പ്രശ്നം.
സംഘടനാറിപ്പോര്ട്ടിനെപ്പറ്റിയുള്ള ചര്ച്ചയില്‍ ഒരു ഭേദഗതിയെപ്പറ്റി വളരെ വാശിയേറിയ വാദപ്രതിവാദം നടന്നു. ഈ ഭേദഗതിയും അവതരിപ്പിച്ചത് കേരളത്തില്‍ നിന്നുള്ള പ്രതിനിധികളായിരുന്നു. അടിയന്തരാവസ്ഥ പ്രഖ്യാപനം നമ്മുടെ രാജ്യത്തിന്റെ ചരിത്രത്തില്‍ മൌലികപ്രാധാന്യമുള്ള ഒരു രാഷ്ട്രീയ സംഭവവികാസമാണല്ലോ. അങ്ങിനെയുള്ള ഒരു കാര്യത്തെപ്പറ്റി പാര്ട്ടി ഒരു നിലപാട് എടുക്കുന്നതിനു മുന്പായി, ദേശീയ കൌണ്സില്‍ വിളിച്ച് കൂട്ടി ചര്ച്ച ചെയ്യേണ്ടതായിരുന്നു. അത് ഭരണഘടനയില്‍ അനുശാസിയ്ക്കുന്ന ഒരു ചട്ടമാണ്. എന്നാല്‍ അതിന് വിരുദ്ധമായി ദേശീയ കൌണ്സില്‍ വിളിയ്ക്കുക പോലും ചെയ്യാതെയാണ് പാര്ട്ടിയ നേതൃത്വം തീരുമാനം എടുത്തത്‌. ഗുരുതരമായ ഈ ക്രിത്യവിലോപത്തില്‍ നേതൃത്വത്തെ കുറ്റപ്പെടുത്തുന്നതായിരുന്നു ഭേദഗതി. ഈ ഭേദഗതി അംഗീകരിയ്ക്കാന്‍ ആദ്യം നേതൃത്വം തയ്യാറായില്ല. ചെയ്തത് തെറ്റായി എന്നവര്‍ സമ്മതിച്ചു. എന്നാല്‍ അത് അങ്ങനെ പറയുന്നതിന് പകരം, മേലാല്‍ ഇങ്ങനെയുള്ള സുപ്രധാന കാര്യങ്ങളില്‍ തീരുമാനമെടുക്കുന്നത് ദേശീയ കൌണ്സി‍ല്‍ വിളിച്ച് കൂട്ടി വേണമെന്ന് റിപ്പോര്ട്ടില്‍ എടുത്തു പറഞ്ഞാല്‍ പോരെ എന്നായിരുന്നു വാദം. പ്രതിനിധികള്‍ അത് സമ്മതിയ്ക്കാന്‍ ഒരുക്കമായിരുന്നില്ല. ആ വ്യവസ്ഥ ഭരണഘടനയില്‍ ഇന്ന് തന്നെ ഉള്ളതാണല്ലോ, എന്നിട്ടും ഇത് സംഭവിച്ചു. അപ്പോള്‍ ഈ ചട്ടം ആവര്ത്തിയ്ക്കുന്നത് കൊണ്ട് മാത്രം എന്ത് വിശേഷം എന്നായിരുന്നു അവരുടെ ചോദ്യം. ഒടുവില്‍ ദേശീയ കൌണ്സിനല്‍ അടിയന്തരമായി വിളിച്ച് കൂട്ടാതെ ഇക്കാര്യത്തില്‍ തീരുമാനമെടുത്തത് നേതൃത്വത്തിന്റെ ഭാഗത്തു നിന്നുമുണ്ടായ ഒരു തെറ്റാണെന്നുള്ള ഭേദഗതി സര്വ്വസമ്മതമായി അംഗീകരിച്ചു.
125 പൂര്ണ്ണാ അംഗങ്ങളും, 13 ക്യാന്ഡിഡറ്റ് അംഗങ്ങളും, 11 കണ്ട്രോള്‍ കൌണ്സില്‍ അംഗങ്ങളും ഉള്ള ഒരു ദേശീയ കൌണ്സി്ലിനെയാണ് ഇത്തവണയും തെരഞ്ഞെടുത്തത്.- വിജയവാഡ കൊണ്ഗ്രെസ്സില്‍ വെച്ചു തിരഞ്ഞെടുത്ത അത്രയും തന്നെ. തിരഞ്ഞെടുപ്പ് ഏകകണ്ഠമായിട്ടായിരുന്നു.
ഈ കൌണ്സിുലില്‍ 30 പേര്‍ പുതിയ അംഗങ്ങള്‍ ആണ്. ബാക്കിയെല്ലാവരും പഴയവരും. എക്സിക്യൂട്ടീവ് കമ്മിറ്റിയില്‍ സ: എം.എന്‍.ഗോവിന്ദന്‍ നായര്‍, സ: സര്ജൂകപാണ്ന്ധെ (യു.പി), സ: കൊടിയന്‍ എന്നിവരെയാണ് പുതിയതായി തെരഞ്ഞെടുത്തിട്ടുള്ളത്. രണ്ടു സ്ഥാനങ്ങള്‍ നികത്തിയിട്ടില്ല. പിന്നീട് ആളെ നിശ്ചയിയ്ക്കാന്‍ ഒഴിച്ചിട്ടിരിക്കയാണ്.
സെക്രെട്ടെരിയറ്റില്‍ പുതിയതായി വന്നിട്ടുള്ളത് സ:എം.എന്നും, ബീഹാര്‍ സെക്രെട്ടറി സ: ജഗന്നാഥ സര്ക്കാരുമാണ്.
സ: ഡാന്കെ സമ്മേളനത്തിന്റെ അവസാനം മാത്രമേ പ്രസംഗിച്ചുള്ളൂ. പാര്ട്ടി കൊണ്ഗ്രെസ്സിന്റെ നിഗമനത്തോട് താന്‍ പൂര്ണ്ണയമായും യോജിയ്ക്കുന്നുവെന്നും അദ്ദേഹം എടുത്തു പറഞ്ഞു. കൊണ്ഗ്രെസ്സിനു മുന്പു പല രേഖകളും സമര്പ്പിേക്കപ്പെട്ടിരുന്നിരിക്കാം. എന്നാല്‍ ഇന്ന് അവയൊന്നും നിലവിലില്ല. എല്ലാം റദ്ദായിപ്പോയി. ഇന്ന് പാര്ട്ടി കൊണ്ഗ്രെസ്സുകള്‍ അംഗീകരിച്ച രേഖകള്‍ മാത്രമാണ് നമുക്ക് പ്രമാണം എന്നദ്ദേഹം തീര്ത്തു പറഞ്ഞു.
പാര്ട്ടി കൊണ്ഗ്രെസ്സില്‍ 36 രാജ്യങ്ങളില്‍ നിന്നുള്ള കമ്മ്യുണിസ്റ്റ് പാര്ട്ടികളുടെ സൌഹാര്ദ്ദപ്രതിനിധികള്‍ സന്നിഹിതരായിരുന്നു. അവരുടെ ആശംസാപ്രസംഗങ്ങളും സന്ദേശങ്ങളും അവിടെ വായിച്ചു.
=============
സി.അച്യുതമേനോന്‍
(8-5-1978, ജനയുഗം)

2015, മേയ് 9, ശനിയാഴ്‌ച

ഫേസ്ബുക്കും വര്‍ഗീയ വികാര ജീവികളും...

വര്ഗ്ഗീയവിഷം തുളുമ്പുന്ന ഒരു സ്റ്റാറ്റസ് പോസ്റ്റ്‌ ഫേസ്ബുക്കിൽ ഇട്ടതിന്റെ പേരിൽ ഒരു മലയാളിയെ ഖത്തറിലെ കമ്പനിയിൽ നിന്നും പിരിച്ചു വിട്ട വാർത്ത വളരെയധികം ചർച്ച ചെയ്യപ്പെടുകയാണല്ലോ.
ഈ വിഷയം കുറെ ചിന്തകൾ ഉയർത്തുന്നുണ്ട്.
ഫേസ്ബുക്കിൽ എങ്ങനെ പെരുമാറണം എന്ന കാര്യത്തിൽ ഇപ്പോഴും ശരിയായ തിട്ടമില്ലാത്ത മലയാളികൾക്ക് ഒരു കുറവുമില്ലെന്നതാണ് ഒന്നാമത്തെ കാര്യം. വായിൽ തോന്നുന്ന എന്തു വൃത്തികേടും എഴുതിക്കൂട്ടാനുള്ള ഒരു കക്കൂസ് ചുമർ ആണ് ഫേസ്ബുക്ക് എന്നാണ് പല വികാരജീവികളുടെയും വിചാരം.
ഫേസ്ബുക്ക് എന്ന മാദ്യമം ഒരു സാമൂഹിക പൊതുഇടം ആണ്. ലോകം മുഴുവൻ ഉള്ളവർക്കും കാണാൻ കഴിയുന്ന പൊതുഇടം. അവിടെ എഴുതുന്ന ഓരോ വാക്കും പൊതു ചർച്ചയ്ക്കും വിവാദങ്ങൾക്കും വഴി വെയ്ക്കുന്നത് അത് കൊണ്ട് തന്നെയാണ്. അതിനാൽ തന്നെ പൊതുവേദികളിൽ ഉപയോഗിയ്ക്കുന്ന ഭാഷയും, മാന്യതയും അവിടെയും പ്രകടിപ്പിയ്ക്കണമെന്ന പ്രാഥമിക ധാരണ പോലും ഇല്ലാത്തവർ ആണ് ഇത്തരക്കാർ. അതിനാൽ ഇത്തരം അനുഭവങ്ങൾ അവർക്കുണ്ടാകുന്നതിൽ അത്ഭുതവും ഇല്ല.
ഏതു മത-ജാതി വികാരങ്ങൾക്ക് അടിമപ്പെട്ടു പോസ്റ്റുകൾ നടത്തുന്നവരും മറക്കാൻ പാടില്ലാത്ത ഒരു കാര്യമുണ്ട്. നിങ്ങളുടെ ഭാഷ നിങ്ങളുടെ സംസ്കാരത്തെ ആണ് പ്രതിനിധാനം ചെയ്യുന്നത്. ആ ഭാഷയും വാക്കുകളും എത്ര മോശമാകുന്നുവോ, നിങ്ങളെ കുറിച്ചുള്ള പൊതു സമൂഹത്തിന്റെ വിലയിരുത്തലും അത്രയും മോശമാകും.
കൈ വിട്ട കല്ലും, പറഞ്ഞ വാക്കുകളും തിരിച്ചെടുക്കാൻ പറ്റില്ല എന്നൊരു ചൊല്ലുണ്ട്. സ്വന്തം വാക്കുകളുടെ ഉത്തവാദിത്വം എഴുതിയവന് തന്നെയാണ് എന്ന തിരിച്ചറിവ് ഇല്ലാത്തവർ കുഴപ്പങ്ങളിൽ ചെന്നു പെടുമ്പോൾ സഹതപിയ്ക്കാനെ കഴിയൂ.
താൻ വിശസിച്ചു പോന്ന തീവ്രഹിന്ദുത്വ സംഘടനയുടെ ആശയങ്ങൾ വികാരപ്രകടനങ്ങളിലൂടെ അറിയാതെ പുറത്തു വന്നതാണ് ആ സുഹൃത്തിനെ അപകടത്തിലാക്കിയത് എന്ന് മനസിലാക്കാം. അയാൾക്ക്‌ അതുമൂലം നഷ്ടമായത് വളരെ വലിയൊരു കമ്പനിയിലെ നല്ലൊരു ജോലിയും, കിട്ടിയത് ഒരിയ്ക്കലും മായാത്ത ചീത്തപേരും.. കൈവിട്ട വാക്ക് വരുത്തി വച്ച വിന !
ഖത്തർ സൌദിഅറേബ്യയെ പോലെ ഒരു യാഥാസ്ഥിതിക ഇസ്ലാമിക രാജ്യമല്ലാത്തതിനാൽ, ഇസ്ലാമിക നിയമപ്രകാരമുള്ള ശിക്ഷകൾ നേരിടാതെ രക്ഷപ്പെട്ടു എന്ന് അയാൾക്ക്‌ ആശ്വസിയ്ക്കാം. ഈ അനുഭവങ്ങൾ മൂലം, സ്വന്തം ചിന്തകളിൽ മാറ്റം വരുത്തി മതങ്ങൾക്കും മുകളിലായി മനുഷ്യരെ കാണാൻ കഴിയുന്ന മാനസിക അവസ്ഥയിലേയ്ക്ക് ആ സുഹൃത്ത് എത്തുമെന്ന് പ്രതീക്ഷിയ്ക്കാം.
ഫേസ്ബുക്കിൽ ഇട്ട മലയാളവാക്കുകളെ ബുദ്ധിമുട്ടി തർജ്ജമ ചെയ്തു അറബികളെ 'ബോധ്യപ്പെടുത്തി', അയാൾക്കെതിരെ നടപടി എടുപ്പിയ്ക്കാൻ കഠിനാദ്ധ്വാനം ചെയ്ത മലയാളികളോടും ഒരു വാക്ക്. അയാളുടെ വർഗീയതയെക്കാൾ ഒട്ടും മെച്ചമല്ല നിങ്ങളുടെ മാനസികാവസ്ഥയും. അതേ നാണയത്തിന്റെ മറുവശം തന്നെയാണ് നിങ്ങളും. മതത്തിന്റെ പേരിൽ വർഗീയത എഴുതിയ ആയാലും, ആ പോസ്റ്റ്‌ കണ്ട് മതവികാരം വ്രണപ്പെട്ടു അയാളുടെ ജോലി തെറിപ്പിച്ച നിങ്ങളും തമ്മിൽ വലിയ വ്യത്യാസം ഒന്നും ദിഗംബരൻ കാണുന്നില്ല.
ഇനിയെന്നാണ് നിങ്ങളൊക്കെ മതങ്ങളെ കാണാതെ മനുഷ്യരെ കാണാൻ പഠിയ്ക്കുന്നത്!
-----------
വാൽകഷ്ണം:
"പാപത്തെ വെറുക്കുക...പാപിയെ അല്ല"

2015, ഏപ്രിൽ 13, തിങ്കളാഴ്‌ച

മോഡിയും അദാനിയും ഗ്രീൻപീസും

'ഗ്രീന്‍പീസി'ന്റെ രജിസ്‌ട്രേഷന്‍ കേന്ദ്രം റദ്ദാക്കി എന്നുള്ള വാര്‍ത്ത തീരെ അപ്രതീക്ഷിതമല്ല.
മോഡി സര്‍ക്കാര്‍ അധികാരത്തില്‍ വന്ന കാലം മുതല്‍ തന്നെ ഗ്രീന്‍പീസ് അടക്കമുള്ള പരിസ്ഥിതി സംഘടനകളെ അടിച്ചമര്‍ത്തി സ്വന്തം വരുതിയില്‍ നിര്‍ത്താനായി ശ്രമിച്ചു വരികയായിരുന്നു.
ആദ്യം അവരുടെ മാതൃസംഘടനയായ സ്വിറ്റ്സര്‍ലാന്ഡിലെ ഗ്രീന്‍പീസ് ഇന്റര്‍നാഷനല്‍ നല്‍കിയ ഫണ്ടിനെ "വിദേശസംഭാവന" എന്ന് മുദ്രകുത്തി തടഞ്ഞു. അതിനെതിരെ ഗ്രീന്‍പീസ് കോടതിയില്‍ പോകുകയും, സര്‍ക്കാര്‍ നടപടിയെ നിയമവിരുദ്ധമായി വിലയിരുത്തി കോടതി അസാധുവാക്കുകയും ചെയ്തു. ഇതിന് പ്രതികാരമെന്നോണം, ലണ്ടനിലെ ഒരു പരിസ്ഥിതി സമ്മേളനത്തില്‍ പങ്കെടുക്കാന്‍ പോകാൻ എത്തിയ ഗ്രീന്‍പീസ് പ്രവര്‍ത്തകയായ പ്രിയാപിള്ളയെ ഡല്ഹി വിമാനത്താവളത്തില്‍ യാതൊരു കാരണവും ഇല്ലാതെ തടയുകയായിരുന്നു. ഈ നടപടിയ്ക്കെതിരെ ഗ്രീൻ പീസും, പ്രിയാപിള്ളയും കോടതിയെ സമീപിച്ചു. സർക്കാരിന് വീണ്ടും കടുത്ത തിരിച്ചടി നൽകികൊണ്ട്, കോടതിവിധി ഗ്രീൻപീസിന് അനുകൂലമായിരുന്നു. സർക്കാർ നടപടിയെ ശക്തമായി വിമർശിച്ച കോടതി, ജനാധിപത്യത്തിൽ എതിർശബ്ദങ്ങളെ ബലം പ്രയോഗിച്ച് അടിച്ചമർത്താനുള്ള ശ്രമങ്ങൾ നല്ലതല്ല എന്ന് സര്ക്കാരിനെ ഓര്മിപ്പിയ്കുകയും ചെയ്തു.
ഇതിനെയൊക്കെ തുടർച്ചയായാണ് ഇപ്പോൾ, രാജ്യത്ത് വികസനവിരുദ്ധ മനോഭാവം സൃഷ്ടിക്കാന്‍ ഗ്രീന്‍പീസ് ശ്രമിക്കുന്നുവെന്ന ആരോപണം ഉന്നയിച്ച് ഗ്രീന്‍പീസിന്റെ ഇന്ത്യയിലെ രജിസ്‌ട്രേഷന്‍ കേന്ദ്ര ആഭ്യന്തരമന്ത്രാലയം റദ്ദാക്കിയതും, സംഘടനയുടെ ഏഴ് ബാങ്ക് അക്കൗണ്ടുകൾ മരവിപ്പിയ്കുകയും ചെയ്തത്. ഈ നടപടികളെ ചോദ്യം ചെയ്ത് നിയമ നടപടികളിലേയ്ക്ക് ഗ്രീന്പീസ് പോയിട്ടുണ്ട്. മുൻപത്തെ പോലെ തന്നെ അതിൽ കോടതിയുടെ ഇടപെടൽ ഉണ്ടാകുമെന്ന കാര്യത്തിലും സംശയമില്ല.
ആയിരത്തി തൊള്ളായിരത്തി അറുപതുകളിൽ അലാസ്കയിലെ അംചിറ്റ്ക ദീപിൽ ന്യൂക്ലിയർ ബോംബ്‌ പരീക്ഷിയ്ക്കാനുള്ള അമേരിക്കൻ സര്ക്കാരിന്റെ ശ്രമത്തിനെതിരെയുള്ള പ്രതിഷേധം ആണ്, 1969 ൽ "ഗ്രീന്പീസ്" എന്ന സംഘടനയുടെ രൂപീകരണത്തിന് കാരണമായത്. നെതര്‍ലന്‍ഡ്‌സ് ആസ്ഥാനമായ സംഘടനയായ 'ഗ്രീന്‍പീസി'ന് ഇന്ത്യയിലുള്‍പ്പെടെ 40 രാജ്യങ്ങളില്‍ ഘടകങ്ങളുണ്ട്. പരിസ്ഥിതി പ്രവർത്തനങ്ങളിൽ ശ്രദ്ധ കേന്ദ്രീകരിയ്ക്കുന്ന അവർ ഇന്ത്യയിലെ പ്രവർത്തനങ്ങൾ ആരംഭിച്ചത് 2001 ൽ ആണ്. പരിസ്ഥിതിയെയും, മണ്ണിനെയും, ഭൂമിയെയും രക്ഷിയ്ക്കാനായി നിരവധി പോരാട്ടങ്ങൾ നടത്തിയ ഗ്രീന്പീസ് കുറെ വിജയങ്ങളും നേടി.
2001 വർഷം, പ്രിങ്കിൽസ് പോറ്റൊട്ടോ ചിപ്സ്, ഇസോമിൽ ബേബിഫുഡ്‌ എന്നിവയിൽ അടങ്ങിയ ആരോഗ്യത്തിന് അപകടകരമായ ജനിതകമാറ്റം വരുത്തിയ ഘടകങ്ങളെ കുറിച്ച് അവർ നടത്തിയ പ്രചാരണം, ആ ഉത്പന്നങ്ങൾക്കെതിരെ നിയമനടപടികൾക്ക് ഇടയാക്കി. 2002-ല്‍ ജനിതകമാറ്റം വരുത്തിയ വിളകള്‍ക്കെതിരെയുള്ള പ്രചാരണത്തോടെ അവർ രാജ്യത്ത് ഏറെ ശ്രദ്ധനേടി. 2003 ൽ ഹിന്ദുസ്ഥാൻ ലിവർ കമ്പനി അവരുടെ മെർക്കുറി തെർമോമീറ്റർ ഫാക്റ്ററിയിൽ നിന്നുള്ള 289 ടണ്‍ മാലിന്യം കൊടൈകനാൽ പട്ടണത്തിലെ മൂന്ജിക്കൾ എന്ന സ്ഥലത്ത് കൊണ്ട് പോയി തട്ടാൻ ശ്രമിച്ചപ്പോൾ, നാട്ടുകാരെ കൂട്ടി ഗ്രീന്പീസ് പ്രതിഷേധ സമരം സംഘടിപ്പിയ്ക്കുകയും, ഒടുവിൽ കമ്പനിയ്ക്ക് ആ മാലിന്യങ്ങൾ ഒക്കെ കമ്പനി ആസ്ഥാനമായ അമേരിക്കയിലേയ്ക്ക് തിരിച്ച് കയറ്റി വിടണ്ടതായും വന്നു.
2005 ൽ ആന്ദ്രയിലെ വാറങലിൽ പരുത്തി കർഷകരെ കണ്ണീരിൽ ആഴ്ത്തിയ ജനിതികമാറ്റം വരുത്തിയ വിത്തുകൾക്കെതിരെ നടത്തിയ പോരാട്ടം വിജയം കണ്ടു. 3 ജനിതക വിത്തുകൾ സർക്കാർ നിരോധിയ്കുകയും, ആ അഴിമതിയിൽ പങ്കാളികൾ ആയ ഉദ്യോഗസ്ഥർക്കെതിരെ നടപടി എടുക്കുകയും ചെയ്തു.
2006 ൽ, ഇന്ത്യൻ അധികാരികളെ സ്വാധീനിച്ച്, "സ്ക്രാപ്പ്" എന്ന പേരിൽ അപകടകരമായ മാലിന്യങ്ങൾ ഇറക്കുമതി ചെയ്ത്, ഇന്ത്യയിൽ കൊണ്ട് വന്ന് തട്ടാനുള്ള ഫ്രഞ്ച് സർക്കാരിന്റെ ശ്രമത്തെ തുറന്ന് കാട്ടിയ ഗ്രീൻപീസ്, മാധ്യമ പ്രചരണം വഴി ആ ശ്രമം തടഞ്ഞു.
പ്രവർത്തിച്ച എല്ലാ രാജ്യങ്ങളിലും വ്യവസായത്തിന്റെ പേരിൽ കാടുകൾ വെട്ടി തെളിയ്ക്കാനുള്ള കുത്തകകളുടെ ശ്രമങ്ങളെ എന്നും എതിർത്തു പോന്ന ഗ്രീൻപീസ്‌ അതിന്റെ പേരിൽ നേരിടേണ്ടി വന്ന എതിർപ്പുകൾക്ക് കണക്കില്ല.
പരിസ്ഥിതിയ്ക്കും പ്രദേശവാസികൾക്കും ഭീക്ഷണി ഉയർത്തുന്ന കൂടംകുളത്തെ ആണവ നിലയത്തിനെതിരെയും, മഹാനിലെ കൽകരി ഖനനത്തിന് എതിരെയും നടന്ന ജനകീയ സമരങ്ങളിലും ഗ്രീൻപീസ്‌ പങ്കാളിയായി. കുത്തക കമ്പനി മുതലാളിമാരുടെയും, അവർക്ക് അടിമവേല ചെയ്യുന്ന ഭരണകൂടങ്ങൾക്കും ഗ്രീൻപീസ് ഒരു തലവേദനയായതിൽ അത്ഭുതമില്ലല്ലോ ..
അങ്ങനെ പല പരിസ്ഥിതി പ്രക്ഷോഭങ്ങളും നടത്തിയ ഗ്രീന്പീസ് ഇന്ത്യയിൽ നേടിയ ഏറ്റവും വലിയ നേട്ടം, 2014 ൽ ബീഹാറിലെ ദാനിയ എന്ന ചെറുഗ്രാമത്തെ, സോളാർ എനർജി ഗ്രിഡ് സ്ഥാപിച്ച്, വൈദ്യുത സ്വയം പര്യാപ്ത ഗ്രാമം ആക്കി മാറ്റാൻ കഴിഞ്ഞു എന്നതാണ്. പരിസ്ഥിതിയ്ക്ക് അപകടകരമായ ആണവ വൈദ്യുതിയ്ക്ക്‌ വേണ്ടി വാദിച്ചവരെ, അത് തെറ്റാണെന്നും പ്രകൃതി പരിസ്ഥിതി സൌഹാർദ്ദ മാർഗ്ഗങ്ങളിലൂടെ വൈദ്യുതി സ്വയം പര്യാപ്തത ഉണ്ടാക്കാൻ കഴിയും എന്ന് തെളിയിച്ച പരീക്ഷണം ആയിരുന്നു ദാനിയയിലെ സോളാർ ഗ്രാമം. സോളാർ എനർജിയുടെ പ്രചാരണം ഗ്രാമ ഗ്രാമാന്തരങ്ങളിൽ ഇന്നും അവർ തുടരുന്നുമുണ്ട്.
കഴിഞ്ഞ രണ്ടാം യു.പി.എ സർക്കാരിന്റെ കാലത്ത് തന്നെ 'ഗ്രീൻപീസി'നെതിരെ അംബാനിയും,അദാനിയും അടക്കമുള്ള കുത്തക കമ്പനികൾ സർക്കാരിൽ സമ്മർദം ചെലുത്തി വരികയായിരുന്നു. കൂടംകുളം സമരങ്ങളെ ഒരു ഘട്ടത്തിൽ വളരെ ഉത്തരവാദിത്തത്തോടെ മാത്രം പ്രസ്‌താവന നടത്തേണ്ടുന്ന പ്രധാനമന്ത്രി മൻമോഹൻ സിങ്‌ സമരക്കാർക്ക്‌ വിദേശഫണ്ട്‌ ലഭിക്കുന്നുണ്ടെന്ന്‌ പ്രസ്‌താവിക്കുകയുണ്ടായി. ഏതെങ്കിലും തെളിവുകൾ ഹാജരാക്കാൻ സമരസമിതി വെല്ലുവിളിച്ചിട്ട്‌ അതിനുത്തരം നൽകാൻ അദ്ദേഹത്തിനിതു വരെയും കഴിഞ്ഞിട്ടില്ല.
എന്നാൽ മോഡി സർക്കാർ അധികാരത്തിൽ വന്നതോടെയാണ് അവർക്കെതിരെയുള്ള അടിച്ചമർത്തൽ നടപടികൾക്ക് ശക്തി കൂടിയത്. സർക്കാരിനും മുതലാളിമാർക്കും എതിരെ നടത്തുന്ന പരിസ്ഥിതി സമരങ്ങളെ "രാജദ്രോഹം' എന്ന് മുദ്ര കുത്തുകയാണ് ആദ്യ നടപടി. അതിനായി സെൻട്രൽ ഇന്റലിജൻസ്‌ ബ്യൂറോയെ ഉപയോഗിച്ച് ഒരു റിപ്പോർട്ട് ഉണ്ടാക്കി അത് പത്രങ്ങളിലൂടെ പ്രസിദ്ധീകരിച്ചു. പ്രധാനമന്ത്രിയുടെ ഓഫീസിൽ സമർപ്പിച്ച റിപ്പോർട്ടിന്റെ പേരു തന്നെ `വികസനത്തിൽ എൻജിഒകളുടെ പ്രഭാവം` എന്നതാണ്‌. പ്രധാനമന്ത്രിയെ ഒന്നു സുഖിപ്പിക്കുന്നതിനായി ഗുജറാത്ത്‌ മോഡൽ വികസനത്തെ എൻ.ജി.ഒകൾക്ക്‌ തകർക്കാൻ ഒരു പ്രത്യേക ആക്ഷൻ പ്ളാൻ ഉണ്ടെന്നു കൂടി പറഞ്ഞു വച്ചിരിക്കുന്നു . നർമ്മദാ ബച്ചാവോ ആന്തോളൻ, കൂടംകുളം ആണവനിലയം വിരുദ്ധ സമരസമിതി, ഒഡിഷയിലെ പോസ്‌കോ വിരുദ്ധ സമരസമിതി, ഗ്രീൻപീസ്‌ മൂവ്‌മെന്റ്‌, വേദാന്ത തുടങ്ങി ഇന്ത്യയിലങ്ങോളമിങ്ങോളം നടക്കുന്ന പ്രകൃതി വിഭവങ്ങളുടെ കൊള്ളയ്‌ക്കെതിരെയും ജീവനോപാധിക്കും വേണ്ടി തദ്ദേശീയർ നടത്തിവരുന്ന എല്ലാ അതിജീവന സമരങ്ങളെയും ഈ റിപ്പോർട്ടിൽ പ്രതിപാദിച്ചിട്ടുണ്ട്‌. ഇന്ത്യയുടെ വികസന പദ്ധതികളെ അട്ടിമറിക്കുക എന്ന ലക്ഷ്യത്തോടെ വിദേശ ഫണ്ട്‌ കൈപ്പറ്റി പ്രവർത്തിക്കുന്നവയാണ് ഇവയോക്കെയെന്നും, ഇവരെയൊക്കെ കൈകാര്യം ചെയ്യണമെന്നാണ്‌ റിപ്പോർട്ടിലെ ശുപാർശ.
ഈ ഇന്‍റലിജന്‍സ് ബ്യൂറോ റിപ്പോര്‍ട്ട് പരസ്യപ്പെടുത്തി ഇത്തരം പരിസ്ഥിതി സംഘടനകൾക്ക് എതിരെ ഒരു ജനവികാരം ഉണ്ടാക്കാനായിരുന്നു സർക്കാർ തന്ത്രം.
എന്നാൽ "ഗ്രീൻപീസി'നെതിരെയുള്ള ഈ ആരോപണങ്ങൾ അസത്യമാണെന്ന് അവരുടെ കണക്കുകൾ തന്നെ തെളിയിയ്ക്കുന്നു. സംഭാവനകൾ സ്വീകരിയ്ക്കുന്നതിൽ ഏറ്റവും സുതാര്യമായ നയങ്ങൾ ഉള്ള സംഘടനയാണ് ഗ്രീൻപീസ്. ഏതെങ്കിലും സർക്കാരിൽ നിന്നോ, സർക്കാർ എജെന്സികളിൽ നിന്നോ അവർ സംഭാവനകൾ ഒരിയ്ക്കലും സ്വീകരിയ്ക്കാറില്ല. സ്വന്തം നയങ്ങളെ സർക്കാരുകൾ സ്വാധീനിയ്ക്കാതിരിയ്ക്കാൻ വേണ്ടിയാണിത്. ലഭിച്ച സംഭാവനകളുടെ കണക്കുകൾ കൃത്യമായി ആഡിറ്റ് നടത്തുകയും വെബ്സൈറ്റ് വഴി പ്രസിദ്ധീകരിയ്ക്കുകയും ചെയ്യാറുണ്ട്.
മോഡി സർക്കാരിന്റെ ഒൗദ്യോഗിക പാരകള്‍ക്കിടയിലും പരിസ്ഥിതി സ്നേഹികളില്‍നിന്ന് ഗ്രീന്‍പീസിന് കഴിഞ്ഞ സാമ്പത്തികവര്‍ഷം മികച്ച പിന്തുണയാണ് ലഭിച്ചിരിക്കുന്നതെന്ന് കണക്കുകള്‍ വ്യക്തമാക്കുന്നു. 30,746 ആളുകളാണ് സംഘടനക്ക് സംഭാവന നല്‍കാന്‍ പുതുതായി മുന്നോട്ടുവന്നത്. രാജ്യത്തെ 77,768 ദാതാക്കളില്‍നിന്നായി 20.76 കോടി കഴിഞ്ഞവര്‍ഷം അവര്‍ക്കു ലഭിച്ചു. മാതൃസംഘടനയായ ഗ്രീന്‍പീസ് ഇന്‍റര്‍നാഷനല്‍, ബെര്‍ത്ത ഫൗണ്ടേഷന്‍ എന്നിവ മുഖേന 1.61കോടി വിദേശത്തുനിന്ന് സംഭാവനയായത്തെി.
മോഡി സർക്കാരിനെ പോലെ തന്നെ അമേരിക്കൻ,റഷ്യൻ സർക്കാരുകളും പ്രോജെക്ട്ടുകളെ പരിസ്ഥിയ്ക്ക് വേണ്ടി എതിർത്തതിന്റെ പേരിൽ അതാതു നാടുകളിലെ 'ഗ്രീന്പീസ്' ഘടകങ്ങൾക്കെതിരെ അടിച്ചമർത്തൽ നടപടികൾ എടുക്കാൻ ശ്രമിച്ച ചരിത്രം വായിച്ചാൽ, 'വിദേശ ഗൂഢാലോചന എന്ന ആരോപണത്തിന്റെ മുന ഒടിഞ്ഞു പോകും.
എന്നിട്ടും 'വികസന വിരുദ്ധർ', 'ദേശവിരുദ്ധർ', 'മാവോയിസ്റ്റുകൾ', വിദേശ ചാരന്മാർ എന്നൊക്കെ തരം പോലെ ചാപ്പ കുത്തി മോഡി സർക്കാർ ഗ്രീൻപീസിനെ വേട്ടയാടുകയാണ്.
എന്നാൽ വെറുമൊരു സംഘടനയ്ക്കെതിരെയുള്ള വിഷയം മാത്രമല്ല ഇത്. മോഡി സർക്കാരിന്റെ യഥാർത്ഥ മുഖം അനാവരണം ചെയ്യപ്പെടുന്ന ഒരു റിയാലിറ്റി ഷോയുടെ തുടക്കം മാത്രമാണിത്. മോഡി സർക്കാറിന്റെ കടിഞ്ഞാണ്‍ തിരശ്ശീലയ്ക്ക് പുറകിൽ ഇരുന്ന് ശരിക്കും നിയന്ത്രിയ്ക്കുന്നത് ആര് എന്നുള്ള യാഥാർത്യത്തിലേയ്ക്കുള്ള ഒരു കണ്ണാടി ആണത്.
ഇന്ത്യയിലും വിദേശത്തുമായി വ്യാപിച്ചു കിടക്കുന്ന കൽക്കരി ഖനന സാമ്രാജ്യത്തിന്റെ അധിപനാണ് അദാനി ഗ്രൂപ്പ്. നരേന്ദ്ര മോഡി ഗുജറാത്ത്‌ മുഖ്യമന്ത്രി ആയിരുന്ന കാലം മുതൽക്കേ മോഡിയുടെ വലംകൈ എന്ന പോലെ അടുത്ത ബന്ധം ഗുജറാത്തുകാരനായ അദാനി ഗ്രൂപ്പ് മേധാവി ഗൌതം അദാനിയ്ക്കു ഉണ്ടെന്ന കാര്യം പരസ്യമായ ഒരു രഹസ്യമാണ്. മോഡിയെ ഇന്ത്യൻ പ്രധാന മന്ത്രി സ്ഥാനത്തേയ്ക്ക് ഉയർത്തിയ വൻപിച്ച മാധ്യമ പ്രചാരണത്തിന്റെ പ്രധാന സ്പോന്സരും ഗൌതം അടാനിയാണ്. മോഡി അധികാരത്തിൽ എത്തിയതോടെ അദാനിയുടെ ശുക്ര ദശ തെളിയുകയായിരുന്നു. ആസ്ട്രേലിയയിലെ ക്യൂൻസ്ലാൻഡ് സംസ്ഥാനത്ത് 7.5 ബില്ല്യണ്‍ ഡോളറിന്റെ ഒരു കൽക്കരി ഖനന പ്രൊജെക്റ്റ് ഏറ്റെടുക്കാനായി ശ്രമിയ്ക്കുകയായിരുന്നു അദാനി ഗ്രൂപ്പ്. എന്നാൽ ആസ്ട്രേലിയൻ ബാങ്കുകൾ "റിസ്ക്‌ ഫാക്ടർ" ചൂണ്ടിക്കാട്ടി, ഈ പ്രോജെക്റ്റിനു ലോണ്‍ നൽകാൻ വിസമ്മതിച്ചു. തുടർന്ന് മോഡി തന്നെ നേരിട്ട് ഇടപെട്ട് ഇന്ത്യയിലെ സ്റ്റേറ്റ് ബാങ്ക് ഓഫ് ഇന്ത്യയിൽ നിന്നും ഒരു ബില്യണ്‍ ഡോളറിന്റെ ലോണ്‍ സംഘടിപ്പിച്ചു കൊടുത്തു. ഇന്ത്യയുടെ ചരിത്രത്തിൽ ഇന്ന് വരെ ഒരു വിദേശ പ്രോജെക്റ്റിന് ഇത്രയും വലിയ തുക ഒരു ബാങ്കും ലോണ്‍ കൊടുത്തിട്ടില്ല. എന്തായാലും ലോണ്‍ കിട്ടിയതിനെ തുടർന്ന് ആ പ്രൊജെക്റ്റ് അദാനി ഗ്രൂപ്പിന് ലഭിയ്ക്കുകയും, അവർ ആസ്ട്രേലിയയിൽ പ്രാരംഭ പ്രവർത്തനങ്ങൾ ആരംഭിയ്ക്കുകയും ചെയ്തു.
എന്നാൽ കാര്യങ്ങൾ അദാനിയും, മോഡിയും വിചാരിച്ച പോലെ അല്ല നീങ്ങിയത്. ഈ കഴിഞ്ഞ മാർച്ച് മാസം, ആസ്ട്രേലിയയിലെ ഗ്രീന്പീസ് ഉൾപ്പടെ ഉള്ള പരിസ്ഥിതി സംഘടനകളുടെ കൂട്ടായ്മ, ഈ പ്രൊജെക്റ്റിനെതിരെ ക്യൂന്സ്ലാന്ഡ് കോടതിയിൽ കേസ് ഫയൽ ചെയ്തു. കടതീരത്തിനടുത്ത് ഇത്രയും വലിയ കല്ക്കരി ഖനനം നടത്തുന്നത്, ലോകപ്രശസ്തമായ ആസ്ട്രേലിയയുടെ പവിഴപ്പുറ്റ് സമൂഹത്തെ (Great Barrier Coral Reef) നശിപ്പിയ്ക്കുമെന്നും, അവിടത്തെ ജലത്തെ മലിനമാക്കും എന്നും, പരിസ്ഥിതി ആവാസ വ്യവസ്ഥയ്ക്ക് കടുത്ത നാശ നഷ്ടങ്ങൾ വരുത്തുമെന്നും ആയിരുന്നു പരാതി. കേസിൽ കഴമ്പുണ്ട് എന്ന് കണ്ടെത്തിയ കോടതി, പ്രോജെക്റ്റിന്റെ പ്രവർത്തനങ്ങൾ മരവിപ്പിയ്കുകയും പരിസ്ഥിതി ശാസ്ത്രജ്ഞന്മാര് അടക്കമുള്ളവരെ വിചാരണ ചെയ്ത് വിശദമായ വാദം കേൾക്കാൻ തീരുമാനിച്ചു. ആ പ്രൊജെക്റ്റിനെ അനിശ്ചിതത്തിൽ ആക്കിക്കൊണ്ട് കേസ് ഇപ്പോഴും തുടരുകയാണ്. മോഡിയുടെ പരിസ്ഥിതി സംഘടനകൾക്ക് എതിരെയുള്ള വിരോധത്തെ ഈ സംഭവം ആളിക്കത്തിച്ചു.
സര്‍ക്കാര്‍ ബുദ്ധിമുട്ടുകള്‍ തീര്‍ക്കുമ്പോഴും ശുദ്ധവായുവിനും വെള്ളത്തിനും വിഷമുക്ത ഭക്ഷണത്തിനും മറ്റുമായി ഗ്രീന്പീസ് തുടരുന്ന പോരാട്ടങ്ങള്‍ക്ക് രാജ്യത്തെ സന്മനസ്സുകള്‍ പിന്തുണ നല്‍കുന്നുവെന്നത് അഭിമാനകരമാണെന്ന് ഗ്രീന്‍പീസ് കരുതുന്നു.
രാജ്യത്തെ വികസനം ഏവരും സ്വാഗതം ചെയ്യുന്ന കാര്യമാണ്. എന്നാൽ എന്നാൽ ഏതാനും മുതലാളിമാരുടെ അവസാനിക്കാത്ത ലാഭകൊതിയ്ക്ക് വേണ്ടി നമ്മുടെ കാടുകളും, മലകളും വെട്ടി നികത്തണം എന്നും, മണ്ണും ജലവും വിഷം കലരണം എന്നും, ഈ മനോഹര ഭൂമി നശിയ്ക്കപ്പെടണം എന്നും ആഗ്രഹിയ്ക്കുന്നവരെ പിന്തുണയ്ക്കാൻ ഈ രാജ്യത്തെ സ്നേഹിയ്ക്കുന്നവർക്ക് കഴിയില്ല. അവരുടെ പിന്തുണ എന്നും ഗ്രീന്പീസ് പോലുള്ള സംഘടനകൾക്ക് ഉണ്ടാകും.

2015, ഫെബ്രുവരി 27, വെള്ളിയാഴ്‌ച

സിപിഐ 22ആം പാർട്ടി കോൺഗ്രസ്‌ കരട്‌ രാഷ്ട്രീയ പ്രമേയം - Part 3

വിദ്യാഭ്യാസത്തിന്റെ വാണിജ്യവൽക്കരണം
1. നവ ഉദാരീകരണവാഴ്ചയിൽ വിദ്യാഭ്യാസ സമ്പ്രദായം അപ്പാടെ അഭൂതപൂർവമായ നിലയിൽ വാണിജ്യവൽക്കരണത്തിനും സ്വകാര്യവൽക്കരണത്തിനും വിധേയമായിക്കൊണ്ടിരിക്കുകയാണ്‌. 2010 ഏപ്രിൽ ഒന്നിന്‌ നിലവിൽവന്ന വിദ്യാഭ്യാസത്തിനുളള അവകാശം (ആർടിഇ) നിയമം വിദ്യാഭ്യാസത്തിന്റെ കച്ചവടവൽക്കരണത്തിന്‌ ആക്കം കൂട്ടുകയും ഇടത്തരം കുടുംബങ്ങളിലെ വിദ്യാർഥികൾക്കുപോലും ഉന്നതവിദ്യാഭ്യാസത്തിനുളള സാധ്യത കൊട്ടിയടയ്ക്കുകയുമായിരുന്നു. വിദ്യാഭ്യാസം ഒരു അവകാശമല്ല മറിച്ച്‌ ഒരു ഔദാര്യമെന്ന നിലയിലേയ്ക്ക്‌ മാറിയിരിക്കുന്നു. ഒന്നാംക്ലാസിൽ പ്രവേശിക്കുന്ന മൊത്തം കുട്ടികളിൽ 15 ശതമാനം മാത്രമേ ഉന്നതവിദ്യാഭ്യാസം കരസ്ഥമാക്കുന്നുളളു. വിദ്യാഭ്യാസത്തിനുളള തുല്യ അവസരം ലഭിക്കാതെ പോകുന്നു. വിദ്യാഭ്യാസം ഇന്ന്‌ ഏറ്റവും ലാഭം കൊയ്യുന്ന ഒരു മേഖലയായി മാറിക്കഴിഞ്ഞിരിക്കുന്നു.
2. യൂണിവേഴ്സിറ്റികളും ഉന്നതവിദ്യാഭ്യാസ സ്ഥാപനങ്ങളും നടത്താനെന്ന പേരിൽ വിദേശശക്തികൾക്ക്‌ വിദ്യാഭ്യാസരംഗത്തേയ്ക്ക്‌ പ്രവേശിക്കാനുളള അവസരം തുറന്നുകിട്ടിയിരിക്കുന്നു. 3. പൊതു-സ്വകാര്യപങ്കാളിത്ത (പിപിപി)ത്തിന്റെ മൂടുപടം അണിഞ്ഞുകൊണ്ട്‌ വിദ്യാഭ്യാസമേഖലയുടെ സമ്പൂർണമായ സ്വകാര്യവൽക്കരണമാണ്‌ ലക്ഷ്യമിടുന്നത്‌. യുജിസി, ഐസിഎച്ച്‌ആർ, ഐസിഎസ്‌ആർ എന്നീ ഗവൺമെന്റ്‌ സ്ഥാപനങ്ങളിൽനിന്ന്‌ ലഭിച്ച ഉദാരമായ ഗ്രാന്റുകളും മറ്റ്‌ സാമ്പത്തിക സഹായങ്ങളും ഉപയോഗിച്ച്‌ അടിസ്ഥാന സൗകര്യങ്ങളോടെ കെട്ടിപ്പൊക്കിയ സ്ഥാപനങ്ങളും ഭൂമിയും മാഫിയകകൾക്ക്‌ മെല്ലെ മെല്ലെ കൈമാറുകയാണ്‌. 4. പട്ടികജാതി, പട്ടികവർഗ, ഒബിസി, എസ്ടി വിഭാഗങ്ങൾക്കും മറ്റ്‌ ദുർബല വിഭാഗങ്ങൾക്കുമുളള വിദ്യാഭ്യാസ പ്രവേശനത്തിൽ സംവരണത്തിനായി സിപിഐ നിലകൊളളുന്നു. സ്വകാര്യമേഖലയുൾപ്പെടെയുളള എല്ലാ സ്ഥാപനങ്ങളിലും റിസർവേഷൻ നിർബന്ധമായും നടപ്പിലാക്കണമെന്ന്‌ ഉറപ്പുവരുത്തണം.
5. മാനവശേഷി വികസനം വകുപ്പ്‌ ആർഎസ്‌എസ്‌ ഏറ്റെടുത്തതോടെ വിദ്യാഭ്യാസത്തിന്റെ അടിത്തറയ്ക്കുവരെ ഭീഷണിയുണ്ടായിരിക്കുന്നു. ചരിത്രത്തെയും പാഠ്യപദ്ധതിയെയും വളച്ചൊടിക്കുന്നതിനെ ചെറുക്കേണ്ടിയിരിക്കുന്നു.
6. പതിനെട്ട്‌ വയസുവരെയുളള വിദ്യാഭ്യാസം സൗജന്യവും നിർബന്ധിതമായും ലഭിക്കുന്നതിനുളള അവകാശം ഉറപ്പാക്കണം. കമ്പ്യൂട്ടർ, സോഫ്ട്‌വെയർ വിദ്യാർഥികൾക്ക്‌ സൗജന്യമായി നൽകണം. ശാസ്ത്രീയമായ വിദ്യാഭ്യാസം നൽകാൻ കഴിയണം. ശാസ്ത്രബോധം വളർത്തുന്നതിൽ അധിഷ്ഠിതമായിരിക്കണം വിദ്യാഭ്യാസ സമ്പ്രദായം.
ദളിത്‌ ആദിവാസികൾ
1. സമൂഹത്തിലെ ഏറ്റവും ദുർബല വിഭാഗമാണിവർ. വികസനത്തിന്റെ ഫലങ്ങൾ അവരിലേക്കെത്തപ്പെടുന്നില്ല. ദളിതർ 16 ശതമാനം, ആദിവാസികൾ 8.5 ശതമാനം, മുസ്ലിം ന്യൂനപക്ഷം 16 ശതമാനം ഇവരെല്ലാംകൂടിച്ചേർന്ന്‌ ഇത്തരത്തിൽ ജനസംഖ്യയുടെ നാൽപ്പതുശതമാനംവരും. ഇത്രയധികം വരുന്ന ജനവിഭാഗങ്ങൾ ദുരിതത്തിലും നിരാശയിലും കഴിയുമ്പോൾ ജനാധിപത്യസ്ഥാപനങ്ങളെ ഫലപ്രദമായി മുന്നോട്ടുകൊണ്ടുപോകുവാനോ യഥാർഥ വികസനം സാധ്യമാക്കാനോ കഴിയുകയില്ല.
2. ആഗോളവൽക്കരണത്തിന്റെയും സാമ്പത്തിക ഉദാരവൽക്കരണത്തിന്റെയും പ്രയാണത്തിൽ ഏറ്റവുമധികം ദ്രോഹനടപടികൾ ഏറ്റുവാങ്ങേണ്ടിവരുന്ന ആദിവാസിസമൂഹമാണ്‌. സ്വന്തം മണ്ണും വെളളവും പ്രകൃതിവിഭവങ്ങളും നഷ്ടപ്പെട്ട അവർ സ്വന്തം വാസസ്ഥലങ്ങളിൽനിന്നും ആട്ടിയോടിക്കപ്പെടുന്നു. മൊത്തം രണ്ടുകോടി ജനങ്ങളാണ്‌ ഇങ്ങനെ കുടിയൊഴിപ്പിക്കലിന്‌ വിധേയമായിരിക്കുന്നത്‌. അതിൽ 40 ശതമാനവും ആദിവാസികളാണ്‌. വേണ്ടത്ര പുനരധിവാസം നടത്താതെ ആവാസവ്യവസ്ഥയിൽനിന്ന്‌ പിഴുതെറിയപ്പെട്ടവരുടെ മുമ്പിൽ വിജനഭൂമിയാണ്‌ അവർക്ക്‌ ശരണം. ധാതുസമ്പത്തുകളുടെ ഖാനനംമൂലവും ആദിവാസികൾക്ക്‌ വ്യാപകമായി വാസസ്ഥലം നഷ്ടപ്പെടുകയാണ്‌. പരിസ്ഥിതിയെയും ആവാസവ്യവസ്ഥയെയും ഇത്‌ സാരമായി ബാധിക്കുന്നുണ്ട്‌. ഏറ്റവുമൊടുവിലത്തെ ഭൂമി ഏറ്റെടുക്കൽ നിയമഭേദഗതി അവരുടെ ദുരിതങ്ങളെ ഇരട്ടിപ്പിക്കും. ആദിവാസികളുടെ ചെറുത്തുനിൽപ്പിനെ ഭീകരമർദനത്തിലൂടെയാണ്‌ നേരിട്ടുകൊണ്ടിരിക്കുന്നത്‌. തീവ്രവാദ വിഭാഗങ്ങളും മാവോയിസ്റ്റുകളും ഈ സാഹചര്യത്തെ ചൂഷണം ചെയ്തുകൊണ്ട്‌ മുതലെടുപ്പിന്‌ ശ്രമിക്കുകയാണ്‌. പോസ്കോ തന്നെയാണ്‌ ഇതിനുത്തമോദാഹരണം.
3. ആദിവാസികളുടെ ന്യായമായ ആവശ്യങ്ങൾക്കും ആവലാതികൾക്കും പരിഹാരം കണ്ടെത്തുന്നതിന്‌ പകരമായി ആദിവാസികളെ തമ്മിൽത്തല്ലിക്കാനാണ്‌ ഭരണവർഗം ശ്രമിക്കുന്നത്‌. ഇതിന്‌ ബിജെപിയുടെയും കോൺഗ്രസിന്റെയും പിൻതുണയുണ്ട്‌. കുപ്രസിദ്ധമായ ‘സൽവാർജൂഡം’ ആണ്‌ അവരിതിനായി ആയുധമായി തിരഞ്ഞെടുത്തിരിക്കുന്നത്‌. പോരാട്ടം ഏറ്റവും രൂക്ഷമായ ഛത്തിസ്ഘട്ടിലെ ബസ്തർ മേഖലയിൽ പട്ടാള ക്യാമ്പുകൾ വരെ സ്ഥാപിച്ചുകൊണ്ടിരിക്കുകയാണ്‌. സുപ്രിംകോടതിയുടെ വിധിയെ മറികടന്നുകൊണ്ട്‌ സൽവാർജൂഡത്തെ പിരിച്ചുവിടുന്നതിനുപകരമായി മാവോയിസത്തെ നേരിടുന്നതിനെന്ന മറവിൽനടത്തുന്ന ഓപ്പറേഷനുകളുടെ ഫലമായി കൂട്ടക്കുരുതികളാണ്‌ നടന്നുകൊണ്ടിരിക്കുന്നത്‌.
4. സിപിഐയുടെയും മറ്റ്‌ ഇടതുപക്ഷ കക്ഷികളുടെയും ഫലപ്രദമായ ഇടപെടലുകൾമൂലമാണ്‌ വനാവകാശനിയമം 2006ൽ പാസാക്കാൻ കഴിഞ്ഞത്‌. ആദിവാസികൾക്ക്‌ വനത്തിനുളളിൽത്തന്നെ ജീവിക്കാൻ അവസരം നൽകുന്ന ഈ നിയമം നടപ്പിലാക്കുന്നതിൽ കേന്ദ്രസർക്കാർ ചാഞ്ചാടുകയാണ്‌. വനത്തെ സംരക്ഷിച്ചുകൊണ്ടും വന്യജീവികളുമായി സഹവർത്തിച്ചുകൊണ്ടും നൂറ്റാണ്ടുകളായി ഗോത്രവർഗക്കാർ ഇവിടെ കഴിഞ്ഞുകൂടുകയാണ്‌. ഫോറസ്റ്റ്‌ ഉദ്യോഗസ്ഥൻമാരും കോൺട്രാക്ടർമാരും മുതലാളിമാരും ചേർന്നുകൊണ്ടുളള ഒരു വനംമാഫിയയാണ്‌ യഥാർഥത്തിൽ നമ്മുടെ കാടിനെയും വനസമ്പത്തിനെയും നശിപ്പിക്കുന്നത്‌.
ഗോത്രവർഗ വിഭാഗക്കാരെ അവരുടെ വാസസ്ഥലങ്ങളിൽ നിന്ന്‌ ഇറക്കിവിടുന്നുവെന്ന ഭീഷണി നിലനിൽക്കുന്നുവെന്നതും അവരുടെ ന്യായമായ ആവശ്യങ്ങളെ നിരാകരിക്കുകയും പരിഗണിക്കപ്പെടാതെ പോകുന്നുവെന്ന യാഥാർഥ്യം നിലനിൽക്കുന്നുണ്ട്‌. വനാവകാശ നിയമം അന്തസോടെ അതിന്റെ പൂർണമായ അർഥത്തിൽ നടപ്പിലാക്കുന്നതിനുവേണ്ടിയുള്ള പ്രക്ഷോഭം നയിക്കുന്നതിനോടൊപ്പം ഗോത്രവർഗ വിഭാഗങ്ങൾക്കുളള വിദ്യാഭ്യാസ തൊഴിൽ സംവരണവും പ്രഖ്യാപിക്കപ്പെട്ട മറ്റു ആനുകൂല്യങ്ങളും സൗജന്യങ്ങളും നേടിയെടുക്കുന്നതിനുവേണ്ടി നാം നിലകൊള്ളണം. ഇതിനായി അടിത്തട്ടിലുള്ള പ്രക്ഷോഭങ്ങൾ സംഘടിപ്പിക്കുക എന്നത്‌ അനിവാര്യമായ കടമയാണ്‌.
5. നമ്മുടെ സ്വാതന്ത്ര്യപ്രസ്ഥാനത്തിന്റെ നേതാക്കന്മാരും ഭരണഘടനാ ശിൽപ്പികളും സംവരണ നയത്തിന്‌ രൂപം നൽകുമ്പോൾ അവർ ലക്ഷ്യം വച്ചിരുന്നത്‌ നൂറ്റാണ്ടുകളായി ദളിതരും ആദിവാസികളും പിന്നാക്കക്കാരും അനുഭവിച്ചുകൊണ്ടിരുന്ന ജാതിപരമായ ഉച്ചനീചത്വങ്ങളിൽ നിന്നും തൊട്ടുകൂടായ്മയിൽ നിന്നും അവരെ മോചിപ്പിച്ച്‌ ജീവിതത്തിന്റെ മുഖ്യധാരയിൽ എത്തിക്കുകയും എന്ന മാനവപുരോഗതി കൈവരിക്കുകയും എന്നതുമായിരുന്നു. സംവരണം ദളിത്‌ വിഭാഗങ്ങളിലെ ഇടത്തരക്കാരിൽ ഒരു വിഭാഗത്തിനെ ഉയർത്തിക്കൊണ്ടുവന്നുവെങ്കിലും അത്‌ ജാതിവ്യവസ്ഥയെ തകർക്കാനോ ചാതുർവർണ്യത്തിന്റെ കെട്ടുപാടുകളെ ഇല്ലാതാക്കാനോ ഉപകരിച്ചിട്ടില്ല.
6. നവസാമ്പത്തിക ഉദാരവൽക്കരണത്തിന്റെ ഫലമായി സംവരണനയത്തെ പിന്നോട്ടടിച്ചുകൊണ്ട്‌ അവഗണന അനുഭവിക്കുന്നവരേയും വിവേചനത്തിന്‌ വിധേയരാകുന്നവരേയും സ്വകാര്യ മുതലാളിത്തത്തിന്റെ ക്രൂരമായ കൈകളിലേക്ക്‌ എറിയപ്പെട്ടിരിക്കുകയാണ്‌. കൂടുതൽ ടെക്നോക്രാറ്റുകളെയും സാങ്കേതിക തൊഴിൽ വിദഗ്ധരേയും ആവശ്യമായി വന്നിരിക്കുന്ന ഇന്നത്തെ പുതിയ സാഹചര്യത്തിൽ ദളിത്‌-ആദിവാസി വിഭാഗങ്ങൾക്കുള്ള തൊഴിൽസാധ്യത പരിമിതപ്പെടുത്തിയിരിക്കുകയാണ്‌. ഇതാകട്ടെ സ്വകാര്യമേഖലയിൽ സംവരണം വേണമെന്ന ആവശ്യത്തെ സാധൂകരിക്കുന്നു.
7. ദളിത്‌ വിഭാഗത്തിനിടയിൽ പ്രവർത്തിക്കുമ്പോൾ ഒട്ടേറെ ദളിത്‌ നേതാക്കന്മാരെ നാം കണ്ടുമുട്ടാറുണ്ട്‌. എന്നാൽ അവരിൽ ചിലരെടുക്കുന്ന പ്രത്യയശാസ്ത്രപരമായ നിലപാടുകൾ പ്രതിലോമകരമാണ്‌. ജാതിയും വർഗ്ഗവും തമ്മിലാണ്‌ വൈരുധ്യം എന്ന വാദം, മാർക്ക്സിസത്തിനെതിരെ അംബേദ്ക്കറിസമാണ്‌ ശരിയായ തത്വശാസ്ത്രം ഇങ്ങനെ തുടങ്ങിയിട്ടുള്ള കമ്മ്യൂണിസ്റ്റ്‌ വിരുദ്ധ ആശയഗതികൾ വച്ചു പുലർത്തുന്നവരാണിവരിൽ പലരും. ഇത്‌ ദളിത്‌ വിഭാഗങ്ങളെ മുഖ്യധാരാ ഇടതുപക്ഷ പ്രസ്ഥാനങ്ങളിൽ നിന്നും ജനാധിപത്യ പ്രസ്ഥാനങ്ങളിൽ നിന്നും അന്യവൽക്കരിക്കാനായി ബോധപൂർവം നടത്തുന്ന ശ്രമങ്ങളാണ്‌. ഇതിനെതിരെ സാമൂഹ്യ-സാമ്പത്തിക യാഥാർഥ്യങ്ങളെ അടിസ്ഥാനപ്പെടുത്തിക്കൊണ്ടുള്ള ആശയപ്രചരണങ്ങൾ നാം സംഘടിപ്പിക്കേണ്ടതാണ്‌.
8. ഭരണനിർവഹണത്തിന്റെ വിവിധ തട്ടുകളിൽ ദളിതർക്കും ആദിവാസികൾക്കുമായി നിരവധി ഉപപദ്ധതികൾ (സബ്പ്ലാൻസ്‌) ആവിഷ്കരിക്കപ്പെടുന്നുണ്ട്‌. പക്ഷെ, ഇത്‌ നടപ്പിലാക്കുന്ന ഘട്ടത്തിൽ അവ പരാജയപ്പെടുകയാണ്‌. സംസ്ഥാന സർക്കാരുകൾ ഈ പദ്ധതികൾക്കായി അനുവദിക്കുന്ന ഫണ്ടുകൾ വകമാറ്റി ചെലവഴിക്കുന്നത്‌ പദ്ധതി നിർവഹണത്തിന്‌ തടസമാകുന്നു. ഇത്തരം പദ്ധതികളുടെ ആവിഷ്കരണത്തിലും നടപ്പിലാക്കലിലും പാർട്ടി ജാഗ്രത പുലർത്തേണ്ടതാണ്‌. പദ്ധതികൾക്കാവശ്യമായ തുക ലഭിക്കുന്നുണ്ടെന്നും അത്‌ ലക്ഷ്യം കൈവരിക്കാനായി പൂർണമായി ഉപയോഗിക്കുന്നുണ്ടെന്നും ഉറപ്പുവരുത്തണം. ആദിവാസികൾക്കും ദളിതർക്കുമായി പ്രഖ്യാപിക്കപ്പെടുന്ന പദ്ധതികൾ ഫലപ്രദമായി ഈ വിഭാഗങ്ങൾക്ക്‌ ലഭിക്കുന്നുണ്ടെന്ന്‌ ഉറപ്പുവരുത്തുന്നതിനായി ഫലപ്രദവും ശക്തവുമായ സമരങ്ങൾ പാർട്ടി അടിത്തട്ടിൽ നടത്തേണ്ടതായിട്ടുണ്ട്‌.
9. ദളിതരുടെയും ആദിവാസികളുടെയും മതസ്വാതന്ത്ര്യം കാത്തുസൂക്ഷിക്കുവാനും അവർക്കെതിരെയുള്ള എല്ലാത്തരം വിവേചനങ്ങളും അവസാനിപ്പിക്കുന്നതിനായി കമ്മ്യൂണിസ്റ്റ്‌ പാർട്ടി നിലകൊള്ളുന്നു. 1950 ലെ പ്രസിഡൻഷ്യൽ ഉത്തരവ്‌ പിൻവലിക്കപ്പെടേണ്ടതാണ്‌.
10. 50 ശതമാനത്തിലധികം ഗോത്രവർഗ വിഭാഗങ്ങൾ അധിവസിക്കുന്ന ബസ്തർ ഉൾപ്പെടെയുള്ള എല്ലാ പ്രദേശങ്ങളും ഭരണഘടനയുടെ ആറാം ഷെഡ്യൂളിൽ ഉൾപ്പെടുത്തണമെന്ന ആവശ്യത്തിനായി സി പി ഐ നിലകൊള്ളുന്നു.
മറ്റ്‌ പിന്നാക്ക വിഭാഗങ്ങൾ (ഒബിസി)
1. വർഗവും ജാതിയും രണ്ടും നിലനിൽക്കുന്നുവെന്നതാണ്‌ ഇന്ത്യയിലെ സാമൂഹ്യയാഥാർഥ്യം. സി പി ഐ എക്കാലവും ഇതംഗീകരിച്ചിട്ടുണ്ട്‌. ജാതിയുടെ അടിസ്ഥാനത്തിലുള്ള വിവേചനങ്ങൾക്കെതിരെ കമ്മ്യൂണിസ്റ്റുകാർ എക്കാലവും മുന്നിൽ നിന്ന്‌ പോരാടിയിട്ടുണ്ട്‌. വർഗപരമായ ഐക്യത്തിന്‌ ജാതി വിഭജനം തടസമാകാൻ പാടുള്ളതല്ല. പിന്നാക്ക വിഭാഗങ്ങളുടെയും ദളിതരുടെ ഇടയിൽ മെല്ലെ മെല്ലെ ജാതി വിവേചനം രൂപം കൊള്ളുന്നുണ്ടെന്നുള്ളത്‌ നാം ശ്രദ്ധിക്കപ്പെടേണ്ടതാണ്‌. എന്നാൽ ആദിവാസികളുടെ ഇടയിൽ ഇത്തരത്തിലുള്ള പ്രവണത കൂടുതലായി കാണുന്നില്ല. ദളിതരിൽ ഒരു മദ്ധ്യവർത്തി വിഭാഗം രൂപംകൊള്ളുമ്പോൾ മറ്റ്‌ പിന്നാക്ക വിഭാഗങ്ങളിൽ ഇടത്തരം ധനികവർഗവും ബൂർഷ്വാ വിഭാഗങ്ങളും ഉദയം ചെയ്യുന്നുണ്ട്‌. ഇതു പരമ്പരാഗതമായ (മനുവാദം) ജാതി വ്യവസ്ഥയെ തകർക്കുന്നതാണ്‌. പഴയ ജാതി വ്യവസ്ഥയിലെ മുന്നാക്ക വിഭാഗങ്ങളുടെ നൂറ്റാണ്ടുകളായുള്ള മേധാവിത്വത്തെ ഇല്ലാതാക്കും. ജാതി വ്യവസ്ഥയ്ക്കുള്ളിലും വ്യത്യസ്ത ജാതികൾ തമ്മിലുള്ള വൈരുധ്യങ്ങൾ മൂർച്ഛിക്കാൻ ഇത്‌ കാരണമാകും. രാജസ്ഥാനിലെ ഗജ്ജാർ പ്രക്ഷോഭം അത്തരത്തിലാണ്‌. സാമൂഹികസമത്വത്തിന്റെയും അവശവിഭാഗങ്ങളുടെ സാമൂഹ്യ നീതിയുടെയും പക്ഷം നാം ഉയർത്തിപ്പിടിക്കണം. അവരുടെ ആവശ്യങ്ങൾ ഉയർത്തിക്കാട്ടുന്നതോടൊപ്പം വിവിധ വിഭാഗങ്ങൾ തമ്മിലുള്ള അനുരഞ്ജനത്തിനും സമാധാനപരമായ ഐക്യം ശക്തിപ്പെടുത്താനും പാർട്ടി എല്ലാ ശ്രമങ്ങളും നടത്തണം.
2. നവഉദാരവൽക്കരണ സാമ്പത്തിക നയങ്ങൾക്കെതിരെ ആദിവാസികളെയും ദളതരെയും മറ്റ്‌ പിന്നാക്ക വിഭാഗങ്ങളേയും ഏറ്റവും അടിച്ചമർത്തപ്പെട്ടവരേയും അണിനിരത്തിക്കൊണ്ട്‌ അവരുടെ തനതവകാശങ്ങൾക്കുള്ള വിശാലവും ശക്തവുമായ പ്രക്ഷോഭം ആവശ്യമാണ്‌. അവരുടെ പങ്കാളിത്തം ഇല്ലാതെ കമ്മ്യൂണിസ്റ്റ്‌ പ്രസ്ഥാനം വിപുലപ്പെടുത്താൻ സാധ്യമല്ല.
മുസ്ലിങ്ങളും മറ്റ്‌ മതന്യൂനപക്ഷങ്ങളും
1. ഇടതുപക്ഷത്തിന്റെ പിന്തുണയെ ആശ്രയിച്ച്‌ ഭരണത്തിലിരുന്ന ഒന്നാം യുപിഎ സർക്കാർ നിയോഗിച്ച രംഗനാഥ കമ്മിഷന്റെയും സച്ചാർ കമ്മിറ്റിയുടെയും റിപ്പോർട്ടുകൾ സമർപ്പിച്ചതുമുതൽ കുറച്ചുകാലത്തേക്കെങ്കിലും മുസ്ലിം ന്യൂനപക്ഷങ്ങൾക്കിടയിൽ അവരുടെ സാമൂഹിക സാമ്പത്തിക ഉയർച്ചയെ സംബന്ധിച്ച്‌ ചർച്ചകൾ സജീവമായിരുന്നു. മതവികാരം ചൂഷണം ചെയ്ത്‌ മുസ്ലിങ്ങളെ വോട്ടുബാങ്കായിമാത്രം നിലനിർത്താനാണ്‌ ബൂർഷ്വാ രാഷ്ട്രീയപാർട്ടികൾ നാളിതുവരെ ശ്രമിച്ചിരുന്നത്‌. മുൻകാലങ്ങളിൽനിന്നുളള ഒരു തിരിച്ചുവരവായിരുന്നു ഇത്‌.
2. ഈ വിഭാഗങ്ങളുടെ യഥാർഥ സാമൂഹ്യപ്രശ്നങ്ങൾ ഉയർത്തിക്കാണിച്ചു കൊണ്ടുളള പ്രക്ഷോഭങ്ങളിലൂടെ അവയ്ക്ക്‌ സത്വരമായ പരിഹാരം തേടണമെന്ന ആവശ്യം ഉന്നയിച്ചുകൊണ്ട്‌ ഇവരുടെ പ്രശ്നങ്ങൾ ഏറ്റെടുത്താൽ മതവികാരത്തിന്റെ സ്ഥാനത്ത്‌ രാഷ്ട്രീയവികാരം പ്രതിഷ്ഠിക്കാൻ നമുക്ക്‌ കഴിയും. ന്യൂനപക്ഷ അവകാശങ്ങൾക്കായി പോരാടുന്ന മതേതര ശക്തിയായി മുസ്ലിങ്ങളും മറ്റ്‌ മത ന്യൂനപക്ഷങ്ങളും എക്കാലവും കണ്ടിട്ടുളളത്‌ ഇടതുപക്ഷശക്തികളെയാണ്‌. ഇടതുപക്ഷത്തിന്റെ സാമ്രാജ്യത്വവിരുദ്ധനിലപാടുകൾ ന്യൂനപക്ഷത്തെ വളരെയധികം ആകർഷിച്ചിട്ടുണ്ട്‌. മതവികാരം ഇളക്കിവിട്ട്‌ സമൂഹം ആടിയുലയുന്ന സന്ദർഭങ്ങളിൽ ഇതെല്ലാം ബാഷ്പീകരിക്കപ്പെട്ടു പോവുകയാണ്‌.
3. യഥാർഥ സാമൂഹിക-രാഷ്ട്രീയ-സാമ്പത്തിക പ്രശ്നങ്ങളിൽനിന്ന്‌ മുസ്ലിം സമുദായത്തെ മുഴുവൻപേരെയും സംവരണത്തിന്‌ കീഴിൽ കൊണ്ടുവരണമെന്ന വ്യർഥമായ ഒരു വാദഗതി ഉന്നയിക്കുന്നുണ്ട്‌. തൊഴിലിന്റെയടിസ്ഥാനത്തിൽ ഇതര സമുദായങ്ങളിലെ വിഭാഗങ്ങൾക്ക്‌ ലഭിച്ചുകൊണ്ടിരിക്കുന്ന സംവരണം ഉൾപ്പെടെയുളള എല്ലാ ആനുകൂല്യങ്ങളും മുസ്ലിം സമുദായത്തിലെ തൊഴിലെടുക്കുന്നവർക്കുകൂടി ലഭ്യമാക്കണമെന്ന്‌ 1975 മുതൽ സിപിഐ ആവശ്യപ്പെടുന്നതാണ്‌. കൂടാതെ ദളിതർക്കും ആദിവാസികൾക്കുമുളള ആനുകൂല്യങ്ങൾ അവരുടെ മതവിശ്വാസത്തിന്റെയടിസ്ഥാനത്തിൽ നിഷേധിക്കുന്നതിനെതിരെ സിപിഐ നിലകൊളളുന്നു.
4. തൊഴിലിന്റെയും വിദ്യാഭ്യാസത്തിന്റെയുംകാര്യത്തിൽ ന്യൂനപക്ഷങ്ങളോട്‌ കാണിക്കുന്ന വിവേചനം അവസാനിപ്പിക്കേണ്ടതുണ്ട്‌. പശ്ചിമബംഗാളിലെ ഇടതുമുന്നണി സർക്കാരിന്റെ അവസാന നാളുകളിലും വളരെക്കാലത്തിനു മുമ്പുതന്നെ അച്യുതമേനോൻ മന്ത്രിസഭയും രൂപം നൽകിയ റിസർവേഷൻ ഫോർമുല ന്യൂനപക്ഷ വിഭാഗങ്ങളുടെ തൊഴിലിന്റെയും വിദ്യാഭ്യാസത്തിന്റെയും കാര്യത്തിലുളള വിവേചനം അവസാനിപ്പിക്കാനുളള ഫലപ്രദമായ നടപടിയായിരുന്നു. ഈ ഫോർമുല മുസ്ലിം ജനവിഭാഗങ്ങളോടുളള വിവേചനം അവസാനിപ്പിക്കുന്നതിന്‌ ഉതകുന്നതാണ്‌.
5. മുസ്ലിങ്ങളിൽ നല്ലൊരു വിഭാഗം നെയ്ത്ത്‌, തൊഴിൽ പോലുളള ആർട്ടിസാൻ ജോലികളിൽ ഏർപ്പെട്ടിരിക്കുന്നവരാണ്‌. അവരുടെ ഉന്നമനത്തിനുവേണ്ടി പ്രത്യേക പാക്കേജുകൾ സർക്കാർ പ്രഖ്യാപിക്കണം. സ്കോളർഷിപ്പും മറ്റ്‌ ആനുകൂല്യങ്ങളും ഈ വിഭാഗത്തിലുളളവർക്ക്‌ ലഭിക്കുന്നുണ്ടെന്ന്‌ ഉറപ്പാക്കാൻ പാർട്ടിയുടെ അടിത്തട്ടിലുളള പ്രവർത്തനംമൂലം കഴിയണം.
6. സച്ചാർ കമ്മിറ്റി റിപ്പോർട്ടിന്റെയടിസ്ഥാനത്തിൽ പ്രഖ്യാപിക്കപ്പെട്ട നടപടികൾ നടപ്പിലാക്കുന്നകാര്യത്തിൽ ഏറ്റവും അടിത്തട്ടുവരെയുളള പാർട്ടി ഘടകങ്ങൾ ജാഗ്രത പുലർത്തണം. ഈ പ്രവർത്തനങ്ങളിലൂടെ ന്യൂനപക്ഷങ്ങൾക്കിടയിൽ നമ്മുടെ അടിത്തറ ശക്തിപ്പെടുത്തണം. മുൻപ്‌ പ്രഖ്യാപിക്കപ്പെട്ടതും നടപ്പിലാക്കിക്കൊണ്ടിരിക്കുന്നതുമായ ആനുകൂല്യങ്ങളിലും പദ്ധതികളിലും വെളളം ചേർക്കാനാണ്‌ മോഡി സർക്കാരിന്റെ ന്യൂനപക്ഷ കാര്യാലയം ശ്രമിച്ചു കൊണ്ടിരിക്കുന്നത്‌. ധനക്കമ്മി കുറയ്ക്കുന്നതിനായി സാമൂഹ്യക്ഷേമത്തിനുളള ഫണ്ട്‌ വെട്ടിക്കുറയ്ക്കുന്നതിന്റെ ഭാഗമായി ന്യൂനപക്ഷ ക്ഷേമപ്രവർത്തനങ്ങൾക്ക്‌ നീക്കിവച്ചിരിക്കുന്ന തുക വെട്ടിക്കുറയ്ക്കുന്നു. ന്യൂനപക്ഷങ്ങളുടെ അവകാശം സംരക്ഷിക്കുന്നതിന്‌ ധൈര്യപൂർവം മുമ്പോട്ടുവരേണ്ടതും അതിന്റെ ചാമ്പ്യൻമാരാകേണ്ടതും കമ്മ്യൂണിസ്റ്റുകാരുമാണ്‌. സമൂഹത്തിന്റെ വലിയൊരു വിഭാഗത്തെ പിന്നോക്കാവസ്ഥയിൽ നിർത്തിക്കൊണ്ട്‌ ജനാധിപത്യ പ്രക്രിയ പൂർത്തീകരിക്കാനോ രാജ്യത്തിന്‌ യഥാർഥ പുരോഗതി കൈവരിക്കാനോ കഴിയുകയില്ല.
7. ബിജെപി അധികാരത്തിലിരിക്കുന്ന മധ്യപ്രദേശ്‌, ഛത്തിസ്ഘട്ട്‌, ഗുജറാത്ത്‌ എന്നീ സംസ്ഥാനങ്ങളിലും അതുപോലെ ഡൽഹി, ഒഡിഷ, കർണാടക എന്നീ സംസ്ഥാനങ്ങളിലും ക്രിസ്ത്യൻ ന്യൂനപക്ഷങ്ങൾ ആക്രമണങ്ങൾക്ക്‌ വിധേയമായിക്കൊണ്ടിരിക്കുകയാണ്‌. ന്യൂനപക്ഷങ്ങളെ, എല്ലാവിധത്തിലുമുളള ഇത്തരം അടിച്ചമർത്തലുകളിൽനിന്ന്‌ സംരക്ഷിക്കുന്നതിനുവേണ്ടി പാർട്ടി പോരാടേണ്ടതാണ്‌. ഓൾ ഇന്ത്യാ തൻസീൻ-ഇ-ഇൻസാഫ്‌ പോലെ ന്യൂനപക്ഷാവകാശങ്ങൾക്ക്‌ വേണ്ടി പ്രവർത്തിക്കുന്ന സംഘടനകൾക്ക്‌ എല്ലാവിധ ഒത്താശകളും ചെയ്യാൻ നമ്മുടെ സഖാക്കൾ തയാറാകണം.
8. സംഘപരിവാർ പ്രഖ്യാപിച്ചിട്ടുളള പുനർ മതപരിവർത്തനം ന്യൂനപക്ഷങ്ങൾക്കിടയിൽ പരക്കെ ഭീതിയുളവാക്കിയിട്ടുണ്ട്‌. ഇത്തരത്തിലുളള ഭ്രാന്തമായ നടപടികളെ ശക്തമായി ചെറുക്കേണ്ടതുണ്ട്‌.
9. എല്ലാവിഭാഗം ജനങ്ങളെയും വിശിഷ്യാ ന്യൂനപക്ഷത്തെ ആകർഷിക്കുന്ന പ്രത്യയശാസ്ത്ര ദാർശനിക നിലപാടുകളുടെ അഭാവത്തിൽ മതതീക്ഷണത ശക്തമാകും. ഇത്‌ മതമൗലിക തീവ്രവാദം ശക്തിപ്പെടുത്തുന്നതിന്‌ വഴിതെളിക്കും.
സ്ത്രീശാക്തീകരണം
1. ജനസംഖ്യയുടെ 50 ശതമാനത്തോളംവരുന്ന സ്ത്രീകളുടെ സജീവ പങ്കാളിത്തം രാഷ്ട്രീയ സാമൂഹ്യ ജീവിതത്തിൽ വേണ്ടത്രയില്ലാതെ രാജ്യത്തിന്റെ സമൂലമായ പരിവർത്തനവും പുരോഗതിയും കൈവരിക്കുക അസാധ്യമാണ്‌. കാലം മാറുന്നതിനനുസരിച്ചും സാമ്പത്തിക ആവശ്യങ്ങൾ നിറവേറ്റുന്നതിനുമായി സ്ത്രീകൾ കൂടുതലായി അവരുടെ വീടുകളിൽനിന്നും പുറത്തേയ്ക്ക്‌ വരാനും അങ്ങനെ പുതിയ തൊഴിലിടങ്ങളിലേയ്ക്ക്‌ എത്തിപ്പെടുകയും ചെയ്യുന്നു. തൊഴിലിടങ്ങളിൽ അവർ വീണ്ടും കുടുംബങ്ങളിലേതുപോലെ ഫ്യൂഡൽ ചിന്താഗതികളെ നേരിടേണ്ടിവരുന്നു. സർക്കാർ പൊതുമേഖലാ സ്ഥാപനങ്ങളിലെ ജോലികളിലൊഴികെ കൂലിയുൾപ്പെടെയുളള കാര്യങ്ങളിൽ മറ്റ്‌ തൊഴിലിടങ്ങൾ അവരോട്‌ വിവേചനം കാട്ടുന്നു.
2. പെൺകുട്ടികൾക്ക്‌ ജനിക്കാൻപോലുമുളള അവകാശം നിഷേധിക്കപ്പെടുകയാണ്‌. അവൾ, പ്രത്യേകിച്ചും, ഉന്നത കുടുംബങ്ങളിലുളള കുട്ടികൾ, ഭ്രൂണഹത്യയ്ക്ക്‌ ഇരകളാവുകയാണ്‌. ഇത്‌ ലിംഗാനുപാതത്തെ ബാധിച്ചിട്ടുണ്ട്‌. സ്ത്രീകളുടെ സംഖ്യ ക്രമാനുഗതമായി കുറഞ്ഞുകൊണ്ടിരിക്കുന്നു. ജനസംഖ്യാനുപാതത്തിലുളള സമതുലനം നഷ്ടമാകുന്നത്‌ ഉത്കണ്ഠാജനകമായ ഒരു സാമൂഹ്യപ്രശ്നമാണ്‌. പോഷകാഹാരത്തിന്റെ കാര്യത്തിലും വിദ്യാഭ്യാസത്തിന്റെ കാര്യത്തിലും പെൺകുട്ടികൾ വിവേചനം നേരിട്ടുകൊണ്ടിരിക്കുകയാണ്‌.
3. പുരുഷകേന്ദ്രീകൃത ഫ്യൂഡൽ ചിന്താഗതികൾ മാത്രമല്ല സന്നദ്ധസേവനമേഖലയും സ്ത്രീ ചൂഷണത്തിനുളള പുത്തൻ ആയുധമാണ്‌. സന്നദ്ധസേവനം എന്ന പേരിൽ ജീവിക്കാനാവശ്യമായ മിനിമം വേതനംപോലും ആശാവർക്കർ, അംഗണവാടി ടീച്ചർ, സ്കൂൾ ഉച്ചഭക്ഷണ പരിപാടിയിലെ പാചക തൊഴിലാളികൾ തുടങ്ങിയ വിഭാഗങ്ങൾക്ക്‌ നൽകുന്നില്ല. ഈ മേഖലയിൽ പ്രവർത്തിക്കുന്നവർ കൊടിയ സാമ്പത്തിക ചൂഷണത്തിന്‌ വിധേയരാകുന്നു. പുരുഷമേധാവിത്വപരമായ ഫ്യൂഡൽ സമൂഹം സ്ത്രീകളെ അടിച്ചമർത്തിയിരുന്നെങ്കിൽ ആഗോളവൽക്കരണ കാലഘട്ടത്തിൽ സ്ത്രീചൂഷണം അവരുടെ ജീവിതത്തിൻമേൽ കനത്ത പ്രത്യാഘാതങ്ങൾ ഏൽപ്പിക്കുന്നു. മനുഷ്യക്കടത്ത്‌ വർധിച്ചുകൊണ്ടിരിക്കുന്നു. സ്ത്രീയെ ഒരു കച്ചവടച്ചരക്കായി മാറ്റിക്കൊണ്ട്‌ പരസ്യങ്ങൾക്ക്‌ അവരെ ഉപയോഗിച്ചുകൊണ്ട്‌ ഉപഭോഗതൃഷ്ണ ജനങ്ങൾക്കിടയിൽ വളർത്തുന്നു. ലിംഗസമത്വത്തിനുവേണ്ടിയുളള പോരാട്ടം, ജീവിതത്തിലെ എല്ലാ തുറകളിലും അവർക്ക്‌ ന്യായമായി ലഭിക്കേണ്ട അംഗീകാരം, സ്ത്രീകളുടെ പ്രത്യേക അവകാശങ്ങൾക്ക്‌ വേണ്ടിയുളള പോരാട്ടം, സ്ത്രീശാക്തീകരണത്തെ ലക്ഷ്യമാക്കി നടത്തേണ്ടതുണ്ട്‌.
സ്ത്രീകൾക്ക്‌ 33 ശതമാനം സീറ്റുകൾ പാർലമെന്റിലും നിയമസഭയിലും സംവരണം ചെയ്യുന്ന ബില്ലുകൾ പാസാക്കിയിരുന്നുവെങ്കിൽ അത്‌ ഇത്തരത്തിലുളള ഏറ്റവും ശക്തമായ നടപടിയാകുമായിരുന്നു. എന്നാൽ ഈ ബിൽ പാസാക്കാൻ ബൂർഷ്വാ പാർട്ടികൾ ആത്മാർഥത കാട്ടുന്നില്ല. സിപിഐയും മറ്റ്‌ ഇടതുപക്ഷ കക്ഷികളും ഇക്കാര്യത്തിൽ പ്രതിജ്ഞാബദ്ധവും ഈ ബിൽ പാസാക്കിയെടുക്കുന്നതിനുവേണ്ടിയുളള സമ്മർദ്ദങ്ങൾ തുടരുകയും ചെയ്യും. രാജ്യത്തിന്റെ തലസ്ഥാനമായ ഡൽഹിയിൽ പെൺകുട്ടി ബസിനുളളിൽവച്ച്‌ കൂട്ടബലാൽസംഗത്തിനിരയായ നിർഭയ സംഭവം സ്ത്രീസംരക്ഷണത്തിനാവശ്യമായ സത്വര നടപടികൾ അനിവാര്യമാക്കിത്തീർത്തിരിക്കുന്നു. ഇതിനായി നിയമനിർമാണമുൾപ്പെടെ പലതും സർക്കാർ ചെയ്യുമെന്ന്‌ അറിയിച്ചിരുന്നെങ്കിലും സ്ത്രീകൾക്കെതിരെയുളള പീഡനങ്ങളും മറ്റ്‌ കുറ്റകൃത്യങ്ങളും വർധിച്ചുകൊണ്ടേയിരിക്കുന്നു.
മാവോയിസ്റ്റുകളുടെയും മറ്റ്‌ ഇടത്‌ തീവ്രവാദികളുടെയും പ്രവർത്തനങ്ങൾ
രാജ്യത്ത്‌ പല പ്രദേശങ്ങളിലെയും കൊടിയ ചൂഷണവും ദാരിദ്രവും പിന്നോക്കാവസ്ഥയും ഇടത്‌ തീവ്രവാദത്തിന്റെ ഉദയത്തിനും കാരണമായിട്ടുണ്ട്‌. നക്സലിസം എന്ന്‌ ആദ്യകാലങ്ങളിലറിയപ്പെടുന്ന ഈ സരണി ഇന്ന്‌ മാവോയിസം എന്ന്‌ പരാമർശിക്കപ്പെടുന്നു. ഇതിനെ ഒരു ക്രമസമാധാനപ്രശ്നമായി മാത്രം കണ്ടുകൊണ്ട്‌ പരിഹരിക്കുക അസാധ്യമാണ്‌. ഇപ്പോൾ ഇടതുതീവ്രവാദികൾ അവരുടെ പ്രവർത്തനം മുമ്പെന്നത്തേക്കാളും. കൂടുതൽ പ്രദേശങ്ങളിലേയ്ക്ക്‌ വ്യാപിപ്പിച്ചുകൊണ്ടിരിക്കുന്നു. കാഠ്മണ്ഡു മുതൽ കന്യാകുമാരിവരെ ചുവന്ന ഇടനാഴി എന്നാണ്‌ അവർ വിളിക്കുന്നത്‌. ഇത്‌ യാഥാർഥ്യമല്ല. ആദിവാസികൾ താമസിക്കുന്ന അവികസിത പ്രദേശങ്ങളിലെ പിന്നോക്കാവസ്ഥയും പരിഹൃതമാകാതെ കിടക്കുന്ന സാമൂഹിക സാമ്പത്തിക പ്രശ്നങ്ങളാണ്‌ അവർക്ക്‌ ഇടം സൃഷ്ടിക്കുകയും അങ്ങനെ അവരുടെ ജനകീയ പിൻതുണയുടെ അടിത്തറ വിപുലമാകുകയും ചെയ്യുന്നു.
ഇടത്‌ തീവ്രവാദപ്രർത്തനം ശക്തമാകുന്ന പ്രദേശങ്ങളിൽ നിരപരാധികളായ ബഹുഭൂരിപക്ഷം ജനങ്ങൾ തീവ്രവാദികളുടെയും അതുപോലെതന്നെ പൊലീസിന്റെയും അക്രമണങ്ങൾക്ക്‌ ഒന്നിനുപിന്നാലെ ഒന്നായി ഇരയാകുന്നു. വ്യവസായവൽക്കരണത്തിന്റെപേരിൽ ബലം പ്രയോഗിച്ച്‌ കൃഷിയിടങ്ങൾ ഏറ്റെടുത്തതും ആദിവാസിമേഖലകളിലെ സ്ഥിതിഗതികളെ പരിതാപകരമായ ഒരവസ്ഥയിൽ കൊണ്ടുചെന്നെത്തിച്ചിട്ടുണ്ട്‌. ഇത്തരം നടപടികളിൽ കഷ്ടനഷ്ടങ്ങൾ അനുഭവിക്കുന്ന പിന്നോക്കപ്രദേശങ്ങളിലെ അവശ ജനവിഭാഗങ്ങൾ മാവോയിസ്റ്റുകളുടെ കപട വിപ്ലവ ആഹ്വാനങ്ങളിൽ ആകൃഷ്ടരാകുന്നു. തീവ്രവാദികളുടെ പ്രവർത്തനങ്ങൾ കേന്ദ്രീകരിച്ചിട്ടുളള പ്രദേശങ്ങളിൽ സംസ്ഥാനഭരണകൂടങ്ങൾ ജനകീയ പ്രശ്നങ്ങൾ പരിഹരിക്കുന്നതിന്‌ പകരം ജനങ്ങളെ തമ്മിലടിപ്പിക്കാനാണ്‌ ശ്രമിക്കുന്നത്‌. ഛത്തിസ്ഘട്ടിലെ കോൺഗ്രസും ബിജെപിസർക്കാരുകളും ചെയ്തിരുന്ന നടപടികൾ തീവ്രവാദികളെ നേരിടാൻ യുവാക്കളെ സംഘടിപ്പിച്ചുകൊണ്ട്‌ ആയുധമണിയിക്കുകയും അങ്ങനെ സ്വന്തം സഹോദരങ്ങളെ വധിക്കുന്നതിന്‌ വഴിയൊരുക്കുന്ന ഈ സേനയെ സൽവാജൂഡം എന്നാണ്‌ അറിയപ്പെടുന്നത്‌. സുപ്രീംകോടതി നിരോധിച്ചിട്ടും സൽവാജൂഡം അതിന്റെ പ്രവർത്തനങ്ങൾ തുടരുകയാണ്‌. മവോയിസ്റ്റ്‌ തീവ്രവാദത്തെ നേരിടേണ്ടത്‌ ത്രിമാനങ്ങളുളള മൂന്ന്‌ നടപടികളിലൂടെയാണ്‌ അവ ക്രമസമാധാനം, വികസനപ്രവർത്തനങ്ങൾ രാഷ്ട്രീയപോരാട്ടം എന്നിവയാണ്‌. ഇവയ്ക്കുപകരം പൊലീസ്്‌രാജ്‌ ഏർപ്പെടുത്തി വികസനപദ്ധതികൾ നടത്താതിരിക്കുകയും വികസനത്തിന്റെ മറവിൽ കൊടിയ അഴിമതി നടത്തിയും ഭരണപക്ഷം അവരുടെ മേധാവിത്വം നിലനിർത്തുന്നതിനുളള കളികൾ നടത്തുകയാണ്‌ ചെയ്തുകൊണ്ടിരിക്കുന്നത്‌.
4. ഇതിനുപുറമേ കേന്ദ്രസർക്കാരിനും ഇതേസംബന്ധിച്ച്‌ ഒരു അജണ്ടയുണ്ട്‌. ഭീകരവാദത്തെക്കാൾ അപകടകരമാണ്‌ ഇടതുതീവ്രവാദം എന്ന പൊതുധാരണ പരത്താൻ കേന്ദ്രസർക്കാർ ശ്രമിക്കുന്നു. കമ്മ്യൂണിസ്റ്റുകളാകെ പൊതുവിൽ അപകടകാരികളാണെന്ന്‌ ഒരു ധാരണ വരുത്തിത്തീർക്കുകയെന്നതാണ്‌ ഇതിനുപിന്നിൽ കമ്മ്യൂണിസ്റ്റുകൾക്കെതിരെ ജനങ്ങളെ അണിനിരത്താനുളള ഈ കുടില നീക്കത്തെ തോൽപ്പിച്ചേ മതിയാകൂ. ഇടതുതീവ്രവാദ പ്രചരണം നടത്തുന്ന പ്രദേശങ്ങളിൽ സിപിഐയ്ക്ക്‌ സ്വാധീന ശക്തിയും ഘടകങ്ങളുമുണ്ട്‌. ഈ വെല്ലുവിളി ഏറ്റെടുക്കാനും രാഷ്ട്രീയമായും പ്രത്യയശാസ്ത്രപരമായും പാർട്ടിക്ക്‌ കഴിയണം. തീവ്രവാദത്തിനെതിരെ പ്രത്യയശാസ്ത്ര രാഷ്ട്രീയ പ്രചരണം നടത്തി പാർട്ടിയുടെ നയപരിപാടികൾ തീവ്രവാദത്തിൽനിന്നും എങ്ങനെ വ്യത്യാസപ്പെട്ടിരിക്കുന്നുവെന്ന്‌ ജനങ്ങളെ ബോധ്യപ്പെടുത്തുന്നതരത്തിൽ ക്യാമ്പയിൻ സംഘടിപ്പിക്കണം. യഥാർഥ കമ്മ്യൂണിസ്റ്റ്‌ പ്രസ്ഥാനത്തിൽനിന്നും ജനങ്ങളെ അകറ്റുവാനാണ്‌ മാവോയിസ്റ്റുകൾ ശ്രമിച്ചുകൊണ്ടിരിക്കുന്നത്‌. ഇടതുതീവ്രവാദം ഒരു സാമൂഹ്യ രാഷ്ട്രീയ പ്രശ്നമാണെന്ന്‌ നാം തിരിച്ചറിയണം. മാവോയിസ്റ്റ്‌ ആക്രമണങ്ങളെ അപലപിക്കുമ്പോൾത്തന്നെ അവർക്കെതിരെയുളള ക്രൂരമായ മർദനങ്ങളെയും എതിർക്കപ്പെടേണ്ടതാണ്‌. സിപിഐ കേഡർമാരുൾപ്പെടെയുളള സാധാരണജനങ്ങളാണ്‌ മാവോയിസത്തെ ചെറുക്കാനെന്നപേരിൽ നടത്തുന്ന ക്രൂരവും പൈശാചികവുമായ മർദ്ദനങ്ങൾക്ക്‌ വിധേയരാകുന്നത്‌. സമീപകാലത്ത്‌ മാവോയിസ്റ്റ്‌ നേതാക്കൻമാരെ വധിക്കുന്നതിന്‌ ലക്ഷ്യം വച്ചുകൊണ്ടുളള നിരവധി വ്യാജ ഏറ്റുമുട്ടലുകൾ പൊലീസ്‌ സേന നടത്തുകയുണ്ടായി. ഇതിനെ അപലപിക്കേണ്ടത്‌ ആവശ്യമാണ്‌. പട്ടാളത്തെ ഈ പ്രദേശങ്ങളിലാകെ വിന്യസിച്ചിരിക്കുന്നതിനെയും എതിർക്കപ്പെടേണ്ടതുണ്ട്‌.
5. ഭീകരവാദത്തെക്കാൾ അപകടകരമാണ്‌ ഇടത്‌ തീവ്രവാദം എന്ന പൊതുധാരണയുണ്ടാക്കി കമ്മ്യൂണിസ്റ്റ്‌ പ്രസ്ഥാനത്തെയാകെത്തന്നെ അപകീർത്തിപ്പെടുത്താനും പാർശ്വവൽക്കരിക്കുന്നതിനുമുളള ഭരണകൂടത്തിന്റെ ശ്രമങ്ങൾക്കെതിരെയും മാർക്ക്സിസം ലെനിനിസത്തെ തെറ്റായി വ്യാഖ്യാനിക്കുന്നതിനെതിരെയും പ്രത്യയശാസ്ത്രപ്രചരണങ്ങൾക്കും സംവാദങ്ങൾക്കും നാം തുടക്കം കുറിക്കണം.
ഭീകരവാദവും വർഗീയതയും
1. നമ്മുടെ ജനാധിപത്യ മതേതര രാഷ്ട്രീയത്തിന്‌ വലിയൊരു ഭീഷണിയാണ്‌ ഭീകരവാദവും വർഗീയതയും. രാജ്യത്തിന്റെ വിവിധ ഭാഗങ്ങളിൽ, പ്രത്യേകിച്ചും തെരഞ്ഞെടുപ്പുകൾ നടന്ന പ്രദേശങ്ങളിൽ മോഡി സർക്കാർ അധികാരമേറ്റെടുത്തശേഷമുളള ആറ്‌ മാസത്തിനുളളിൽ അറുന്നൂറ്‌ വർഗീയ സംഘട്ടനങ്ങൾ നടക്കുകയുണ്ടായി. മോഡി സർക്കാർ ഭരണത്തിൻകീഴിൽ അതിവേഗത്തിലുളള വർഗീയധ്രൂവീകരണം ലക്ഷ്യമാക്കി സംഘപരിവാറിന്റെ വിവിധ സംഘടനകളാണ്‌ ഈ ലഹളകൾ ആസൂത്രണം ചെയ്ത്‌ നടപ്പിലാക്കിയത്‌. ഇത്തരത്തിലുളള ഭീകരവാദസംഭവങ്ങളും ആക്രമണ പദ്ധതികളും ഇക്കാലയളവിൽ വർധിച്ചിരിക്കുകയാണ്‌.
2. മതമൗലികവാദത്തിലൂന്നിയ ഭീകരവാദപ്രവർത്തനം ശക്തിപ്പെടുന്നതിന്‌ യഥാർഥ കാരണം സുവ്യക്തമായ ബദൽ ആശയങ്ങളുടെ അഭാവംകൊണ്ടാണ്‌. പുത്തൻ ഭരണകൂടം ശാസ്ത്രീയ യുക്തിചിന്തകളെ ദുർബലപ്പെടുത്താൻ ശ്രമിക്കുന്നത്‌ പ്രശ്നത്തെ കൂടുതൽ രൂക്ഷമാക്കുന്നുണ്ട്‌. മതത്തെ മാത്രം ആധാരമാക്കിക്കൊണ്ടുളളതല്ല ഇന്ത്യയിലെ ഭീകരവാദപ്രവർത്തനങ്ങൾ.
3. ആന്റി ടെററിസ്റ്റ്‌ സ്ക്വാഡും നാഷണൽ ഇൻവെസ്റ്റിഗേഷൻ ഏജൻസിയും നടത്തിയ ഇൻവെസ്റ്റിഗേഷൻ ഫലങ്ങൾ വെളിവാക്കുന്നത്‌ മലഗോവ്‌ ബോംബ്‌ സ്ഫോടനം, ഹൈദരാബാദിലെ മെക്കാ മസ്ജിദ്‌ ബോംബ്‌ സ്ഫോടനം, അജ്മീർ ദർഗാ ബോംബാക്രമണം, സംജോതാ എക്സ്പ്രസിലെ സ്ഫോടനം എന്നിവ അഭിനവ്‌ പോലുളള ഹിന്ദുത്വ സംഘപരിവാർ സംഘടനകളുടെ സൃഷ്ടിയാണെന്നാണ്‌. നിരവധി ആർഎസ്‌എസ്‌ പ്രചാരകർ-സേവകർ ഈ കേസുകളിൽ ഉൾപ്പെടുകയും ചാർജ്ജ്ഷീറ്റുകൾ നൽകപ്പെടുകയും ചെയ്യപ്പെട്ടിട്ടുണ്ട്‌. പക്ഷേ ഈ ഗവൺമെന്റിനുകീഴിൽ ഈ കേസുകൾ ക്രമേണ ദുർബലപ്പെടുത്താനുളള ശ്രമങ്ങൾ നടക്കുകയാണ്‌. എന്തിനേറെ സംഘടിതമായ വർഗീയസംഘട്ടനങ്ങളും വ്യാജ ഏറ്റുമുട്ടലുകളും നടത്തിയതിന്‌ ശിക്ഷിക്കപ്പെട്ടവർ ഇപ്പോൾ ജാമ്യത്തിൽ ഇറങ്ങിയിരിക്കുകയാണ്‌.
പൊലീസ്‌ ഹിന്ദുത്വസംഘടനകളിൽപ്പെട്ട ഏതാനും നേതാക്കളെ അറസ്റ്റ്‌ ചെയ്തിട്ടുണ്ടെങ്കിലും കെട്ടിച്ചമയ്ക്കപ്പെട്ട കേസുകളുടെ പേരിൽ അറസ്റ്റ്‌ ചെയ്ത മുസ്ലിം ചെറുപ്പക്കാരെ മോചിപ്പിക്കുന്നതിൽ പരാജയപ്പെട്ടിരിക്കുകയാണ്‌. കെട്ടിച്ചമയ്ക്കപ്പെട്ട കേസുകളുടെപേരിൽ അറസ്റ്റ്‌ ചെയ്യപ്പെട്ടവരെ മോചിപ്പിക്കുകയും പുനരധിവസിപ്പിക്കുകയും വേണം. കളളക്കേസുകൾ മെനഞ്ഞ്‌ ജയിലിലടച്ച പൊലീസധികാരികൾക്കെതിരെ ശക്തമായ നടപടികൾ ഉണ്ടാകണം. വിഘടനവാദവും വംശീയപ്രശ്നങ്ങളും തീവ്രവാദം വളരുന്നതിന്‌ കാരണമാകുന്നുണ്ട്‌, പ്രത്യേകിച്ചും വടക്കുകിഴക്കൻ സംസ്ഥാനങ്ങളിൽ. രാജ്യതലസ്ഥാനമായ ഡൽഹിയുൾപ്പെടെയുളള രാജ്യത്തിന്റെ വിവിധ ഭാഗങ്ങളിൽ വടക്കുകിഴക്കൻ സംസ്ഥാനങ്ങളിൽനിന്നും എത്തുന്നവർക്കെതിരെ വിദ്വേഷവും വിരോധവും വളർത്തുന്നതരത്തിലുളള പ്രചരണപരിപാടികൾ നടക്കുന്നുണ്ട്‌.
രാജ്യത്ത്‌ ഭീകരവാദപ്രശ്നങ്ങൾ നിലനിൽക്കുന്നുവെന്നത്‌ ഒരു യാഥാർഥ്യമാണ്‌. അതിർത്തിയിലൂടെയുളള നുഴഞ്ഞുകയറ്റവും നടക്കുന്നുണ്ട്‌. ഇവിടത്തെ ഭീകരവാദത്തിന്‌ അമേരിക്കൻ തിയറി അനുസരിച്ചുളള ഇസ്ലാമിക തീവ്രവാദവുമായി ഒരു ബന്ധവുമില്ല. വാജ്പേയ്‌ സർക്കാരിന്റെകാലത്തെ ഒരു വിഷലിബ്ദമായ മുദ്രാവാക്യത്തെ നരേന്ദ്രമോഡി ഗവൺമെന്റ്‌ പുനരുജ്ജീവിപ്പിച്ചിരിക്കുകയാണ്‌. ‘എല്ലാ മുസ്ലിങ്ങളും ഭീകരവാദികളല്ല, പക്ഷേ എല്ലാ ഭീകരവാദികളും മുസ്ലിങ്ങളാണ്‌ എന്നതാണ്‌ ആ മുദ്രാവാക്യം’ നമ്മുടെ രാജ്യത്തെ ഭീകരവാദത്തിന്റെ വേരുകൾ, അത്‌ ഇസ്ലാമിക ഭീകരവാദമായാലും ഇടതുപക്ഷ തീവ്രവാദമായാലും സാമൂഹ്യ സാമ്പത്തിക ബന്ധങ്ങളുമായി ആണ്ടിറങ്ങിയിട്ടുളളതാണ്‌.
5. വർഗീയത രാജ്യത്തിന്‌ ഒരു ഭീഷണിയായി ഇന്നും തുടരുകയാണ്‌. മതമൗലികവാദവും യാഥാസ്ഥിതികമായിട്ടുളള മതദുർവ്യാഖ്യാനവും വർഗീയശക്തികളുടെ താൽപ്പര്യങ്ങൾ സംരക്ഷിക്കാൻ കളമൊരുക്കുന്നതാണ്‌. സംഘപരിവാർ രഷ്ട്രീയത്തെ വർഗീയവൽക്കരിക്കാൻ അതീവ ശ്രമങ്ങൾ നടത്തുന്നുണ്ട്‌. മുസ്ലിം വിരുദ്ധ, വിദ്വേഷ പ്രചാരണവും പാകിസ്ഥാനുമായുളള സംഘർഷവും ദ്രുതഗതിയിലുളള വർഗീയ ധ്രുവീകരണത്തിനായി ഉപയോഗിക്കുന്നു. ഹിന്ദുത്വത്തിന്റെ വരവ്‌ മുസ്ലിം വർഗീയതയുടെ സ്വാധീനമേഖല വർധിപ്പിക്കാൻ അവസരം നൽകുകയുണ്ടായി. ആത്യന്തികമായി ന്യൂനപക്ഷ വർഗീയതയെ ഭൂരിപക്ഷ വർഗീയത ആളിക്കത്തിക്കുകയാണ്‌. ഭീകരവാദം ഉയർത്തുന്ന പ്രശ്നങ്ങളെ സമഗ്രമായരീതിയിൽ പരിശോധിക്കാനും, സമീപകാലത്ത്‌ നടത്തിയ ഇൻവെസ്റ്റിഗേഷൻ റിപ്പോർട്ടുകളുടെ പശ്ചാത്തലത്തിൽ അന്വേഷണരീതികൾക്ക്‌ പുതിയ ദിശ നൽകണമെന്ന ആവശ്യം ഇതിനകംതന്നെ ഉയർന്നിട്ടുണ്ട്‌. ഇക്കാര്യത്തിൽ അന്വേഷണ ഏജൻസികളെയും പൊലീസ്‌ സംവിധാനത്തെയും ആകെത്തന്നെ അഴിച്ചുപണിയണമെന്ന ആവശ്യത്തിൽ സിപിഐ ഉറച്ചുനിൽക്കുന്നു.
കാലാവസ്ഥവ്യതിയാനവും പരിസ്ഥിതിസാമ്രാജ്യത്വവും
1. ലാഭക്കൊതിയെ ലക്ഷ്യംവച്ചുകൊണ്ടുളള മുതലാളിത്തത്തിന്റെ ഭ്രാന്തമായ നെട്ടോട്ടത്തിൽ പരിസ്ഥിതിമലിനീകരണം ഉയർത്തുന്ന പ്രത്യാഘാതങ്ങളെ പൂർണമായും അവർ അവഗണിക്കുകയാണ്‌. പരിസ്ഥിതിയെ പ്രതികൂലമായി ബാധിക്കുന്ന പ്രോജക്ടുകൾക്ക്‌ ഒന്നിനുപുറമെ ഒന്നായി നരേന്ദ്രമോഡി സർക്കാർ അനുമതി നൽകിക്കൊണ്ടിരിക്കുകയാണ്‌. പുതിയ ഭൂമി ഏറ്റെടുക്കൽ നിയമം പരിസ്ഥിതിയെ ആകെത്തന്നെ ദോഷകരമായി ബാധിക്കും.
2. ലോകത്തെ ഏറ്റവും വലിയ പരിസരമലിനീകരണം നടത്തുന്ന അമേരിക്ക കാലാവസ്ഥ വ്യതിയാനം സംബന്ധിച്ച്‌ യുഎൻ ഫ്രെയിംവർക്കിൽ ഒപ്പിട്ടതിനുശേഷം ഇതിന്റെ ഉത്തരവാദിത്തം മുഴുവൻ വികസ്വരരാജ്യങ്ങളുടെ മേൽ കെട്ടിവയ്ക്കാനുളള ഉപായങ്ങൾ നടത്തിക്കൊണ്ടിരിക്കുകയാണ്‌. നിർണായകമായ ഈ ദേശീയപ്രശ്നത്തിൽപ്പോലും അമേരിക്കയ്ക്ക്‌ മോഡി ഗവൺമെന്റ്‌ കീഴടങ്ങുന്നത്‌ ദൗർഭാഗ്യകരമാണ്‌.
3. അതിശയകരമെന്ന്‌ പറയട്ടെ, അമേരിക്കയുടെ ഇക്കാര്യത്തിലുളള കുതന്ത്രങ്ങളെ പ്രതിരോധിക്കുന്നതിനുപകരം അവരുമായി ഇക്കാര്യത്തിൽ യോജിച്ച്‌ പ്രവർത്തിക്കുകയാണ്‌ മോഡി സർക്കാർ. ബ്രിക്സ്‌ രാജ്യങ്ങളായിരുന്നിട്ടുപോലും ചൈനയും ബ്രസീലും തങ്ങളുടെ സങ്കുചിത താൽപ്പര്യങ്ങൾക്കനുസരിച്ചാണ്‌ ഇക്കാര്യത്തിൽ പ്രതികരിച്ചത്‌. ഇതാകട്ടെ കാലാവസ്ഥാവ്യതിയാനം ഉയർത്തുന്ന പൊതുതാൽപ്പര്യങ്ങൾക്ക്‌ അനുരോധമായിട്ടുളളതല്ല.
4. പരിസ്ഥിതി സാമ്രാജ്യത്വത്തിനെതിരെ പൊരുതുന്ന വിഷയത്തിൽ പാർട്ടി പ്രത്യേകം ശ്രദ്ധയും ഊന്നലും നൽകേണ്ടതാണ്‌.
ഇടതുപക്ഷഐക്യവും സിപിഐയും
1. കഴിഞ്ഞ ലോക്സഭാ തെരഞ്ഞെടുപ്പിലും അതിന്‌ തൊട്ടുമുമ്പും നടന്ന നിയമസഭാ തെരഞ്ഞെടുപ്പുകളിലും പശ്ചിമബംഗാളിൽ ഒരു പരിധിവരെ, കേരളത്തിലും ഇടതുപക്ഷത്തിന്‌ തിരിച്ചടി സംഭവിച്ചു. കേരളത്തിൽ അത്‌ തെരഞ്ഞെടുപ്പ്‌ പരാജയമായിരുന്നെങ്കിൽ പശ്ചിമബംഗാളിലും മറ്റിടങ്ങളിലും രാഷ്ട്രീയമായ പരാജയമായിരുന്നു. രാജ്യത്തെ തെരഞ്ഞെടുപ്പ്‌ സമ്പ്രദായത്തിന്റെ ന്യൂനതകൾമൂലവും ഇടതുപക്ഷശക്തികളെയും അവരെ പിന്തുണക്കുന്നവരുടെയും എതിർക്കുന്നവരുടെയും രാഷ്ട്രീയ ബലാബലത്തിൽ വരുന്ന മാറ്റങ്ങൾക്കനുസരിച്ചും തെരഞ്ഞെടുപ്പ്‌ പരാജയങ്ങൾ ഉണ്ടാവുകയെന്നത്‌ ഒഴിവാക്കാനാവില്ല. പക്ഷെ ജനകീയ അടിത്തറയിലും ജനപിന്തുണയിലും ചോർച്ചയുണ്ടാകുന്നത്‌ ആശങ്കാജനകമാണ്‌.
2. ഇടതുപക്ഷം ചരിത്രത്തിലെ അതിന്റെ ഏറ്റവുംവലിയ വെല്ലുവിളികളെയാണ്‌ അഭിമുഖീകരിച്ചുകൊണ്ടിരിക്കുന്നത്‌. മതേതരരാഷ്ട്രീയത്തിന്‌ തിരിച്ചടിയുണ്ടാവുകയും കോൺഗ്രസ്‌ പാതിതകർന്ന അവസ്ഥയും രാജ്യം ബിജെപിയുടെ രൂപത്തിൽ വലതുപക്ഷത്തിന്റെ പിടിയിലമർന്നതും ഇടതുപക്ഷത്തിന്റെ ദയനീയമായ പരാജയവും ജനങ്ങളിൽ നിരാശയുണ്ടാക്കിയിട്ടുണ്ട്‌; പ്രത്യേകിച്ചും ഇടതുപക്ഷത്തിന്റെ അണികളിൽ. അവർക്ക്‌ ഒരുതരം നിസഹായത അനുഭവപ്പെടുകയാണ്‌.
3. ഇടതുപക്ഷ പ്രതിസന്ധി പൊടുന്നനെ ഉണ്ടായതോ ഒരു പുത്തൻ പ്രതിഭാസമോ അല്ല. അതിന്‌ പല മാനങ്ങളുണ്ട്‌. ആഴത്തിലുളള ആത്മപരിശോധന ഇക്കാര്യത്തിൽ ആവശ്യമാണ്‌.
4. ദേശീയ സ്വാതന്ത്ര്യപ്രസ്ഥാനത്തിൽ ഇടതുപക്ഷം നിർണായകമായ പങ്ക്‌ വഹിച്ചിട്ടുണ്ട്‌. സ്വാതന്ത്ര്യാനന്തര കാലഘട്ടത്തിൽ രാജ്യത്തിന്റെ നയങ്ങളും രാഷ്ട്രീയവും രൂപപ്പെടുത്തുന്ന കാര്യത്തിലും അതിന്റെ പങ്ക്‌ മഹനീയമാണ്‌. ഭൂപരിഷ്കരണത്തിനുവേണ്ടി, തൊഴിൽനിയമങ്ങൾക്കുവേണ്ടി, തൊഴിലാളികൾ ആദിവാസി ദളിത്‌ വിഭാഗങ്ങൾ, കർഷകത്തൊഴിലാളികൾ, ന്യൂനപക്ഷങ്ങൾ എന്നിവരുടെ അവകാശങ്ങളും താൽപ്പര്യങ്ങളും സംരക്ഷിക്കുന്നതിനുവേണ്ടി ഇടതുപക്ഷം നടത്തിയ ധീരോദത്തമായ പ്രക്ഷോഭങ്ങൾ നമ്മുടെ രാജ്യത്തിന്റെ ചരിത്രത്തിൽ മുദ്ര പതിപ്പിച്ചിട്ടുണ്ട്‌. എക്കാലവും രാജ്യത്തിന്റെ സാമൂഹിക-സാമ്പത്തിക അജണ്ട നിർണയിക്കുന്ന കാര്യത്തിലും സമൂഹത്തിലെ അധഃസ്ഥിത വിഭാഗങ്ങളുടെ അവകാശ സംരക്ഷണത്തിലും ഇടതുപക്ഷം വഹിക്കുന്ന പങ്ക്‌ അംഗീകരിക്കപ്പെട്ടിട്ടുണ്ട്‌.
5. ഇന്ത്യയിലെ ആദ്യത്തെ പൊതുതെരഞ്ഞെടുപ്പിൽ അവിഭക്ത കമ്മ്യൂണിസ്റ്റ്‌ പാർട്ടിക്ക്‌ 9.5 ശതമാനം വോട്ടുകൾ ലഭിക്കുകയുണ്ടായി. പാർട്ടി പിളർന്നതിനുശേഷം കമ്മ്യൂണിസ്റ്റ്‌ ശക്തികൾ ഭിന്നിച്ചുപോയി. സിപിഐഎമ്മിന്‌ പശ്ചിമബംഗാളിലും കേരളത്തിലും ത്രിപുരയിലും വലിയ ഇടതുപക്ഷ പാർട്ടിയായി മാറാൻ കഴിഞ്ഞു. മറ്റ്‌ സംസ്ഥാനങ്ങളിലെ ചില പോക്കറ്റുകളിൽ അവർക്ക്‌ സ്വാധീനം ലഭിച്ചു. എന്നാൽ സിപിഐ മിക്ക സംസ്ഥാനങ്ങളിലും അതിന്റെ സ്വാധീനം നിലനിർത്തിക്കൊണ്ട്‌ അഖിലേന്ത്യാ ദേശീയപാർട്ടിയെന്ന നിലയിലുളള ഒരേയൊരു ഇടതുപക്ഷ പാർട്ടിയായി നിലകൊളളുകയാണെങ്കിലും അതിന്റെ അടിത്തറ ചുരുങ്ങിവരുകയാണ്‌. തമിഴ്‌നാട്ടിലും ആന്ധ്രാപ്രദേശിലും തെലങ്കാനയിലും ഇരുപാർട്ടികളും തുല്യമോ ഏറ്റക്കുറച്ചിലുകളോടെയുളളതോ ആയ സ്വാധീനമുണ്ട്‌. ബീഹാർ, ജാർഘണ്ഡ്‌, പഞ്ചാബ്‌, ഛത്തിസ്ഘട്ട്‌, മണിപ്പൂർ എന്നിവിടങ്ങളിൽ സിപിഐ ശക്തമാണ്‌. സിപിഎമ്മിന്‌ മഹാരാഷ്ട്ര, ഹിമാചൽപ്രദേശ്‌, കശ്മീർ എന്നീ സംസ്ഥാനങ്ങളിൽ നല്ല സംഘടനാസംവിധാനമുണ്ട്‌. അവിടങ്ങളിൽ നല്ല രാഷ്ട്രീയപ്രവർത്തനവും അവർക്ക്‌ കാഴ്ചവയ്ക്കാൻ കഴിയുന്നുണ്ട്‌. മറ്റ്‌ സംസ്ഥാനങ്ങളിൽ ഇരുപാർട്ടികളുമുണ്ടെങ്കിലും അവ ദുർബലമാണ്‌. ആർഎസ്പി പശ്ചിമബംഗാളിലും കേരളത്തിലും, ഫോർവേർഡ്‌ ബ്ലോക്ക്‌ പശ്ചിമബംഗാളിലുമായി പരിമിതപ്പെട്ടിരിക്കുന്നു. എങ്കിലും അവരുടെ സാന്നിധ്യവും പ്രവർത്തനവും മറ്റ്‌ ചുരുക്കം ചില സംസ്ഥാനങ്ങളിലുണ്ട്‌. സിപിഐ(എംഎൽ) ലിബറേഷന്‌ ബീഹാറിലെയും ജാർഘണ്ഡിലെയും ചിലപ്രദേശങ്ങളിലും സ്വാധീന ശക്തിയുണ്ട്‌.
6. കൂടുതൽ ഇടതുപക്ഷപാർട്ടികൾ രംഗപ്രവേശം ചെയ്തുവെങ്കിലും ഇടതുപക്ഷ സ്വാധീനം വിപുലപ്പെടുത്താൻ അതൊന്നും പര്യാപ്തമായിട്ടില്ല. എല്ലാ ഇടതുപക്ഷപാർട്ടികളുംകൂടി നേടിയ വോട്ടുകൾ ഒരുമിച്ചുകൂട്ടിയാൽപ്പോലും പിന്നീടൊരിക്കലും പഴയ 9.5 ശതമാനം സ്ഥാനത്തേയ്ക്ക്‌ വരാൻ കഴിഞ്ഞിട്ടില്ല. 2014ലെ തെരഞ്ഞെടുപ്പിൽ ഇടതുപക്ഷത്തിന്‌ ആത്യന്തികമായി 4.5 ശതമാനമായി കുറയുകയായിരുന്നു. സിപിഐക്കാകട്ടെ 0.8 ശതമാനം വോട്ട്‌ കൈവരിച്ചുകൊണ്ട്‌ മോശപ്പെട്ട പ്രകടനമാണ്‌ കാഴ്ചവയ്ക്കാൻ കഴിഞ്ഞത്‌.
7. ഇക്കഴിഞ്ഞ തെരഞ്ഞെടുപ്പിൽ നവ ഉദാരവൽക്കരണ നയങ്ങൾ വാശിയോടെ നടപ്പാക്കാൻ പ്രതിജ്ഞാബദ്ധമായ രണ്ട്‌ ബൂർഷ്വാ പാർട്ടികൾതമ്മിൽ കടുത്ത പോരാട്ടമാണ്‌ നടന്നത്‌. എന്നാൽ ഈ അവസരം മുതലെടുത്തുകൊണ്ട്‌ കൂടുതൽ വോട്ടുകൾ നേടാൻ ഇടതുപക്ഷത്തിന്‌ കഴിഞ്ഞില്ലെന്നു മാത്രമല്ല, പരമ്പരാഗതമായി വോട്ടുകൾ ലഭിച്ചുകൊണ്ടിരുന്ന അടിത്തറകൾ നിലനിർത്താൻപോലും കഴിയാതെപോയി.
8. നവ ഉദാരവൽക്കരണത്തിന്റെയും ആഗോളവൽക്കരണത്തിന്റെയും വരവോടുകൂടി അതിനെ അംഗീകരിക്കുകയും അതിന്റെ ഗുണങ്ങൾ അനുഭവിക്കുകയും ചെയ്യുന്ന മധ്യവർത്തിനിരയിലെ ഗണ്യമായ വിഭാഗം ഇടതുപക്ഷത്തിൽനിന്നും അന്യവൽക്കരിക്കപ്പെട്ടു. തൊഴിലാളിവർഗം വർധിതമായ ഐക്യത്തോടെ, അവരുടെ പ്രശ്നങ്ങൾ ഏറ്റെടുത്തുകൊണ്ട്‌ തിളക്കമാർന്ന യോജിച്ച പ്രക്ഷോഭങ്ങൾ സംഘടിപ്പിക്കാൻ കഴിഞ്ഞുവെങ്കിലും അത്‌ സാമ്പത്തികമായ വിഷയങ്ങളിൽമാത്രം ഒതുങ്ങുകയായിരുന്നു. എന്നാൽ രാഷ്ട്രീയപ്രശ്നങ്ങളോട്‌ വേണ്ടത്രരീതിയിൽ പ്രതികരിക്കാൻ കഴിഞ്ഞിട്ടില്ല. ആയതുകൊണ്ട്‌ ട്രേഡ്‌ യൂണിയനുകൾ തൊഴിലാളികളെ രാഷ്ട്രീയവൽക്കരിക്കുന്നതിന്റെ ദൗത്യം ഏറ്റെടുക്കേണ്ടിയിരിക്കുന്നു.
9. പ്രാദേശികപാർട്ടികളുടെയും ജാതിവർഗശക്തികളുടെയും ആവിർഭാവം ഇടതുപക്ഷശക്തികളുടെ സ്വാധീനവും ശക്തിയും ചില പ്രദേശങ്ങളിൽ കുറയുവാൻ കാരണമായിട്ടുണ്ട്‌.
10. കമ്മ്യൂണിസ്റ്റ്‌ പ്രസ്ഥാനത്തിനുപുറത്ത്‌ വലിയൊരു സോഷ്യലിസ്റ്റ്‌ പ്രസ്ഥാനം രാജ്യത്തുണ്ടായിരുന്നു. അവ ഭിന്നിക്കുകയും വീണ്ടും യോജിക്കുകയും പലതവണകളായി പിളരുകയും ചെയ്തുകൊണ്ട്‌ ദുർബലമായിക്കഴിഞ്ഞു. ഈ ഗ്രൂപ്പുകളിൽ പലതും ജാതീയതയുടെ പിൻബലത്തിൽ പ്രാദേശിക പാർട്ടികളായി മാറിയിരിക്കുന്നു. എന്നാൽ അവർ പുനരൈക്യത്തിനായുളള ശ്രമങ്ങൾ നടത്തുകയാണ്‌.
11. ലോകസോഷ്യലിസ്റ്റ്‌ ബ്ലോക്കിന്റെ തകർച്ചയും സോവിയറ്റ്‌ യൂണിയൻ ശിഥിലപ്പെട്ടതും പാർട്ടിയിലുണ്ടായ ഭിന്നിപ്പും കമ്മ്യൂണിസ്റ്റ്‌ പ്രസ്ഥാനത്തെ പ്രത്യേകിച്ച്‌ സിപിഐയെ ദുർബലപ്പെടുത്തിയിട്ടുണ്ട്‌. രാജ്യവ്യാപകമായ വ്യക്തവും ശരിയുമായ ഒരു ബദലിന്റെ അഭാവം ഇടതുപക്ഷത്തെ പിൻതുണയ്ക്കുന്ന വലിയൊരു വിഭാഗം ജനങ്ങളിൽ വിശേഷിച്ചും യുവജനങ്ങളിലും വിദ്യാർഥികൾക്കിടയിലും കടുത്ത നിരാശയുളവാക്കിയിട്ടുണ്ട്‌. ഈ കാരണങ്ങളെല്ലാം നമുക്ക്‌ ലഭിക്കുന്ന വോട്ടിങ്‌ ശതമാനത്തിൽ ഏറ്റക്കുറച്ചിലുകൾ ഉണ്ടാകുന്നതിന്‌ ഹേതുവായിട്ടുണ്ട്‌.
12. പ്രാദേശിക പാർട്ടികളുമായി കൂട്ടുചേരുന്നത്‌ നമ്മുടെ അടിത്തറയെ ദുർബലപ്പെടുത്തിയെന്ന ഒരു വാദഗതിയുണ്ട്‌. ഇതിൽ കുറച്ചൊക്കെ യാഥാർഥ്യം കണ്ടേക്കാം. തെരഞ്ഞെടുപ്പ്‌ സഖ്യങ്ങളെ രാഷ്ട്രീയ സഖ്യങ്ങളായി തെറ്റിദ്ധരിക്കപ്പെടുന്നുണ്ട്‌. തെരഞ്ഞെടുപ്പ്‌ സഖ്യങ്ങൾ താൽക്കാലികമാണെന്നത്‌ ജനങ്ങളെ ബോധ്യപ്പെടുത്താനും അവരെ രാഷ്ട്രീയവൽക്കരിക്കുന്ന കാര്യത്തിൽ നമുക്ക്‌ പരാജയം സംഭവിച്ചിട്ടുണ്ട്‌. പാർലമെന്ററി ജനാധിപത്യത്തിൽ തെരഞ്ഞെടുപ്പ്‌ ധാരണകൾ അനിവാര്യമായിവരും. നമ്മുടെ പ്രാതിനിധ്യം കൂടുതൽ ലഭിക്കുന്നതിനും രാഷ്ട്രീയ അടവുനയം മുന്നോട്ടുകൊണ്ടുപോകുന്നതിനുമായി പ്രാദേശിക പാർട്ടികളുമായി ഇനിയും തെരഞ്ഞെടുപ്പ്‌ സഖ്യത്തിലേർപ്പെടേണ്ടിവരും. എന്നാൽ ഇതിന്റെ നാനാവശങ്ങൾ വീണ്ടും പരിശോധനകൾക്ക്‌ വിധേയമാക്കണം. എന്തുതന്നെയായാലും തെരഞ്ഞെടുപ്പ്‌ സഖ്യങ്ങൾ രാഷ്ട്രീയ അടവ്‌ നയത്തിന്‌ വിധേയമായിട്ട്‌ മാത്രമായിരിക്കണം.
13. സാമ്പത്തിക നയങ്ങളാണ്‌ രാജ്യത്തിന്റെ രാഷ്ട്രീയ ഗതിയെ നിർണയിക്കുന്നത്‌. ഫ്യൂഡലിസത്തിൽനിന്നും മുതലാളിത്തത്തിന്റെ പരിവർത്തനത്തിനിടയിൽ പുത്തൻ ധനികശക്തികൾ രാഷ്ട്രീയത്തിലേയ്ക്ക്‌ കടന്നുവരികയും അവർ മുതലാളിത്ത അനുകൂല നയങ്ങൾക്കായി സമ്മർദ്ദം ചെലുത്തുകയുമാണ്‌. ഈ നവലിബറൽ കാലഘട്ടത്തിൽ കോൺഗ്രസ്‌ മധ്യവർഗനിലപാടുകൾ ഉപേക്ഷിച്ചുകൊണ്ട്‌ പൂർണമായും നിയോലിബറൽ സാമ്പത്തിക നയങ്ങളിലേയ്ക്ക്‌ വ്യതിചലിച്ചിട്ടുണ്ട്‌. കോർപ്പറേറ്റുകളുടെ ആഗമനത്തോടെ ഇന്ത്യയുടെ മുതലാളിത്ത ശക്തികൾ ബിജെപിയെ സ്വാധീനിക്കുകയും അവരുടെ ‘കാലഹരണപ്പെട്ട’ സ്വദേശിനയം ഉപേക്ഷിച്ചുകൊണ്ട്‌ തികച്ചും വലതുപക്ഷ കോർപ്പറേറ്റ്‌ അനുകൂല നിലപാടിലേയ്ക്ക്‌ മാറുകയും ചെയ്തു. ഇതോടൊപ്പം ഹിന്ദുത്വ വർഗീയതയും കൂട്ടുചേർന്നിട്ടുണ്ട്‌.
14. കോർപ്പറേറ്റുകൾ അവരുടെ സമ്പത്തും ദൃശ്യ അച്ചടി മാധ്യമങ്ങളും ഉപയോഗിച്ചുകൊണ്ട്‌ ഇടതുശക്തികളെ അപകീർത്തിപ്പെടുത്താനും പാർശ്വവൽക്കരിക്കാനും സാധ്യമായ എന്തൊക്കെ ചെയ്യാൻ കഴിയുമോ അതൊക്കെ ചെയ്യുകയാണവർ. കോർപ്പറേറ്റ്‌ ഹൗസുകൾ രാജ്യത്തുതന്നെ അവരുടെ നയങ്ങൾ ആജ്ഞാപിക്കുകയും അടിച്ചേൽപ്പിക്കുകയാണ്‌.
ഇനി എന്തുചെയ്യണം?
നവഉദാരീകരണനയങ്ങളിൽ ഇനിയും അവശേഷിച്ചിരിക്കുന്ന അജണ്ടകൾ ഭ്രാന്തമായി നടപ്പിലാക്കാനുളള ശ്രമങ്ങളും വർഗീയശക്തികളുടെ കടന്നുകയറ്റവും തീർച്ചയായും നമുക്കുമുമ്പിൽ വൻവെല്ലുവിളികൾ ഉയർത്തിയിരിക്കുകയാണ്‌. അതേസമയം ബദൽ സാമൂഹികസാമ്പത്തിക നയങ്ങൾ ജനങ്ങൾക്കിടയിൽ പ്രചരിപ്പിച്ചുകൊണ്ട്‌ ഇടതുപക്ഷത്തിനുതന്നെ ഒരു ബദൽ ശക്തിയായി മാറാനുളള വലിയ സാധ്യതകളാണ്‌ തുറന്നുകിട്ടിയിരിക്കുന്നത്‌.
ഇടതുപക്ഷംതന്നെയാണ്‌ മതേതരത്വത്തിൽ തികച്ചും പ്രതിജ്ഞാബദ്ധമായ രാജ്യത്തെ ഏറ്റവും വലിയ മതേതരശക്തി. ദേശീയ പ്രാദേശിക കക്ഷികൾ ഒരുപോലെ നവ ഉദാരീകരണ പരിഷ്കാരങ്ങൾ നടപ്പിലാക്കാൻ കച്ചകെട്ടിയിറങ്ങുമ്പോൾ നവഉദാരീകരണ നയങ്ങൾക്ക്‌ ജനപക്ഷബദൽ മുന്നോട്ടുവയ്ക്കാൻ കഴിയുന്നത്‌ ഇടതുപക്ഷത്തിനുമാത്രമാണ്‌.
കൂടുതൽ വർധിതമായ ശക്തവും വിപുലവുമായ ഇടതുപക്ഷസഖ്യം, മറ്റ്‌ മതേതര ജനാധിപത്യപാർട്ടികളെയും വിശേഷിച്ചും പ്രാദേശിക പാർട്ടികളെ ഇടതുപക്ഷത്തേയ്ക്ക്‌ ആകർഷിക്കുകയും അങ്ങനെ പരിപാടിയിൽ അധിഷ്ഠിതമായ വിശാലമായ ഒരു ഇടതുപക്ഷ ജനാധിപത്യസഖ്യം രൂപംകൊളളുകയും ചെയ്യും.
==============

2015, ഫെബ്രുവരി 25, ബുധനാഴ്‌ച

സി.പി.ഐ 22ആം പാർട്ടി കോൺഗ്രസ്‌ കരട്‌ രാഷ്ട്രീയ പ്രമേയം. - Part 2

കള്ളപ്പണം.
1. വിദേശ ബാങ്കുകളിൽ ഒളിച്ചുവച്ചിട്ടുള്ള കള്ളപ്പണം തിരികെകൊണ്ടുവരുമെന്ന വാഗ്ദാനത്തിൽ നിന്നും നരേന്ദ്രമോഡി യുടേണടിച്ചിരിക്കുകയാണ്‌. ഈ മലക്കംമറിച്ചിൽ സമാന്തര സാമ്പത്തിക വ്യവസ്ഥ ഉയർത്തുന്ന പ്രശ്നങ്ങളെ കൂടുതൽ വഷളാക്കും.
2. വിദേശ ബാങ്കുകളിൽ കള്ളപ്പണം സൂക്ഷിച്ചവരുടെ വിവരങ്ങൾ പുറത്തായിട്ടുണ്ട്‌. അത്‌ എന്തൊക്കെയായാലും രാഷ്ട്രീയക്കാരും കള്ളപ്പണക്കാരും തമ്മിലുള്ള അവിശുദ്ധ കൂട്ടുകെട്ടുണ്ടെന്നുള്ളത്‌ തീർച്ചയാണ്‌.
3. കള്ളപ്പണത്തിന്റെ വ്യാപ്തിയും വലിപ്പവും എത്രമാത്രമുണ്ടെന്ന്‌ തിട്ടപ്പെടുത്തുക ദുഷ്കരമാണ്‌. സമാന്തര സമ്പത്തും ഫണ്ടുകളും രാജ്യത്തുനിന്നും കടത്തിക്കൊണ്ടുപോയ പണവും നമ്മുടെ മനസുകൾക്ക്‌ ഊഹിക്കാൻ കഴിയുന്നതിന്‌ എത്രയോ അപ്പുറമാണ്‌. ഗ്ലോബൽ ഫൈനാൻഷ്യൽ ഇന്റഗ്രിറ്റി എന്ന സ്ഥാപനത്തിന്റെ കണക്കുകൾ പ്രകാരം 1948 മുതൽ 2008 വരെയുള്ള കാലയളവിൽ 462 ബില്യൻ ഡോളർ അതായത്‌ 20.8 ട്രില്യൻ രൂപ നികുതി വെട്ടിപ്പ്‌ നടത്തുന്നതിനായി രാജ്യത്തിനു പുറത്തേക്ക്‌ രഹസ്യമായി കടത്തുകയായിരുന്നു.
ഇന്റർനാഷണൽ മോണിറ്ററി ഫണ്ടിലെ മുതിർന്ന സാമ്പത്തിക ശാസ്ത്രജ്ഞന്റെ ‘ഡ്രൈവേഴ്സ്‌ ആൻഡ്‌ ഡൈനാമിക്സ്‌ ഓഫ്‌ ഇലിസ്റ്റ്‌ ഫിനാൻസ്‌ ഫ്ലൊ ഫ്രം 1948 ടു 2008′ എന്ന ലേഖനത്തിൽ കള്ളപ്പണത്തെ തടയാൻ സർക്കാർ സ്വീകരിക്കേണ്ട നടപടികളെക്കുറിച്ച്‌ പറയുന്നുണ്ട്‌. കള്ളപ്പണം വ്യാപാര ഉദാരവത്കരണത്തിന്റെ ഫലമാണെന്നും ഇത്‌ പ്രത്യക്ഷമായും പരോക്ഷമായും അനധികൃത വ്യാപാരത്തെ പിന്തുണയ്ക്കുന്ന ഉപാധിയാവർത്തിക്കുന്നു. ഇത്തരം സാമ്പത്തിക ഉദാരവത്കരണത്തെയും കള്ളപ്പണത്തെയും തടഞ്ഞ്‌ മൂലധനത്തെ വർധിപ്പിക്കുന്നതിന്‌ സാമ്പത്തിക സ്ഥാപനങ്ങളെ ഏകോപിപ്പിക്കുകയും പിന്തുണനൽകുകയും ചെയ്യേണ്ടത്‌ സർക്കാരാണെന്നാണ്‌ ലേഖനത്തിൽ അദ്ദേഹം പറയുന്നത്‌.
ശരാശരി പ്രതിവർഷം 1948 മുതൽ 2008 വരെ പുറത്തേക്ക്‌ ഒഴുകിയതാകട്ടെ ആഭ്യന്തര ഉൽപ്പാദനത്തിന്റെ 1.5 ശതമാനമാണ്‌. നാണ്യപ്പെരുപ്പമായി സമീകരിക്കപ്പെട്ടുകഴിഞ്ഞതിനുശേഷവും പ്രതിവർഷം 6.4 ശതമാനമായി പണത്തിന്റെ പുറത്തേക്കുള്ള ഒഴുക്ക്‌ വർധിച്ചുകൊണ്ടേയിരിക്കുന്നു. ഇതേ റിപ്പോർട്ടിൽതന്നെ സൂചിപ്പിക്കുന്നത്‌ വിദേശത്തെ അവിഹിത നിക്ഷേപം നമ്മുടെ രാജ്യത്തെ മൊത്തം അണ്ടർഗ്രൗണ്ട്‌ സമ്പത്തിന്റെ 62 ശതമാനം വരുമെന്നാണ്‌. അതുപോലെ വിദേശത്തെ നിയമവിരുദ്ധ നിക്ഷേപം ആകട്ടെ ഇന്ത്യയുടെ ദേശീയ വരുമാനത്തിന്റെ 50 ശതാനത്തോളമായിട്ടാണ്‌ കണക്കാക്കപ്പെടുന്നത്‌.
റിപ്പോർട്ടുപ്രകാരം 39 ലക്ഷം കോടി രൂപയാണ്‌ വിദേശത്തേക്ക്‌ ഗൂഢമായി കടത്തി നിക്ഷേപിച്ചിട്ടുള്ളത്‌. ഒന്നാം സ്ഥാനത്തുനിൽക്കുന്ന ഇന്ത്യയുടെ സ്വിസ്‌ ബാങ്കിലെ 1486 ബില്യൻ ഡോളർ നിക്ഷേപമാണ്‌. വിദേശങ്ങളിൽ നിന്ന്‌ ഈ കള്ളപ്പണം തിരികെ കൊണ്ടുവന്നാൽ രാജ്യത്തെ പാവപ്പെട്ടവരിൽ 49 ശതമാനത്തിന്‌ ഒരു ലക്ഷം രൂപവച്ച്‌ വിതരണം ചെയ്യാൻ കഴിയും. അതുപോലെ ഈ പണം തിരികെ രാജ്യത്ത്‌ എത്തിച്ചേർന്നാൽ നമ്മുടെ മുഴുവൻ വിദേശകടവും മടക്കിനൽകാൻ പര്യാപ്തമാവും. അതുപോലെ ഈ തുക നിക്ഷേപിക്കുകയാണെങ്കിൽ അതിൽനിന്ന്‌ ലഭിക്കുന്ന പലിശ നമ്മുടെ വാർഷിക ബജറ്റിനെക്കാൾ അധികം വരും.
അവിഹിതപണത്തിന്റെ വ്യാപ്തി നമ്മുടെ എല്ലാ കണക്കുകൂട്ടലുകൾക്കും അപ്പുറത്താണ്‌. ദുർഭരണം, എല്ലാത്തലത്തിലുമുള്ള അഴിമതി, നിയമങ്ങൾ പ്രയോഗിക്കുന്നതിലെ പരാജയം, സർവോപരി യാതൊരു ചരടുകളുമില്ലാത്ത ഉദാരവൽക്കരണംഇവയെല്ലാംകൂടി ചേരുമ്പോൾ നമ്മുടെ ദേശീയ സമ്പത്തിൽ ഭീമമായൊരു തുക പുറം രാജ്യങ്ങളിലേക്ക്‌ ചോർന്നുപോകുന്നു. സ്വാതന്ത്ര്യാനന്തരം അധികാരത്തിൽ വന്ന ഒരു ഗവൺമെന്റും വ്യാജ സമ്പത്തിന്റെ കുത്തൊഴുക്ക്‌ തടയാനോ കള്ളപ്പണം പിടിച്ചെടുക്കുന്നതിനോ ഉള്ള ഫലപ്രദമായ യാതൊരു നടപടിയും സ്വീകരിച്ചിട്ടില്ല.
നികുതിവെട്ടിക്കലും വിദേശത്തേക്കുള്ള പണത്തിന്റെ കുത്തൊഴുക്കും നിർബാധം തുടരുമ്പോഴും ഗവൺമെന്റ്‌ അടിക്കടി കൂടുതൽ നികുതി ഇളവുകൾ സമ്പന്ന വർഗത്തിന്‌ നൽകിക്കൊണ്ടിരിക്കുന്നു. ഉദാരവൽക്കരണവും സ്വതന്ത്ര കമ്പോളാവസ്ഥയും ഒരാശ്വാസവും നൽകുന്നില്ല. വളർച്ചകൊണ്ട്‌ ഗുണമനുഭവിക്കുന്നത്‌ സമൂഹത്തിലെ സമ്പന്നർക്കും ഇടത്തരം ധനിക വർഗത്തിനുമാണ്‌. ഏത്‌ ഗവൺമെന്റ്‌ അധികാരത്തിൽ വന്നാലും സ്വതന്ത്ര കമ്പോള വിപണിയുടെ ആധിപത്യം രാഷ്ട്രീയ ശ്രേണികളിൽ നുഴഞ്ഞുകയറുകയും സമ്പത്ത്‌ ഘടനയിൽ വലിയ മാറ്റങ്ങളൊന്നും വരുത്താതെ തൽസ്ഥിതി തുടരുകയും ചെയ്യുന്നു. കള്ളപ്പണത്തിന്റെ കാര്യത്തിൽ നരേന്ദ്രമോഡിയുടെ യുടേൺ മറിച്ചിൽ ഇതിനുത്തമോദാഹരണമാണ്‌. സർക്കാരിന്റെ പക്കലുള്ള കള്ളപ്പണക്കാരുടെ രഹസ്യ നിക്ഷേപ ലിസ്റ്റ്‌ പരസ്യപ്പെടുത്താൻപോലും നരേന്ദ്രമോഡി തയാറാവുന്നില്ല.
വ്യത്യസ്ഥതലങ്ങളിലെ അഴിമതിയുടെ വളർച്ച
1. യൂറോപ്പിലെ വികസിത രാജ്യങ്ങൾ സാമ്പത്തിക പ്രതിസന്ധിയിലാണ്‌. സാമ്പത്തിക സ്ഥാപനങ്ങളുടെയും ബാങ്കുകളുടെയും തകർച്ചയിൽ നിന്ന്‌ കരകയറുന്നതിന്‌ സമ്പദ്ഘടനയെ ഉത്തേജിപ്പിക്കുന്നതിനും പൊതു ഫണ്ടിൽനിന്നും രക്ഷാപാക്കേജുകൾ നടപ്പിലാക്കിയും പ്രതിസന്ധിയുടെ ഭാരം അധ്വാനിക്കുന്ന വിഭാഗങ്ങളുടേയും സാധാരണക്കാരുടേയും മേൽ അടിച്ചേൽപ്പിച്ചും വേതനത്തിലും പെൻഷനിലും കുറവ്‌ വരുത്തിയും ബജറ്റിലൂടെയുള്ള സാമൂഹ്യ ചെലവുകൾ ഗണ്യമായി വെട്ടിക്കുറയ്ക്കുകയും ചെയ്യുന്നു. തൊഴിലില്ലായ്മയിലെ വർധനവ്‌, പിരിച്ചുവിടൽ, ലേ ഓഫ്‌, അസാധാരണമായ നാണയപ്പെരുപ്പം, വൻപിച്ച അഴിമതി, സാമ്പത്തിക അസമത്വം ഇവയൊക്കെ വികസിത രാജ്യങ്ങൾ നേരിടുന്ന ധനപ്രതിസന്ധിയുടെ ഫലമായിട്ടുണ്ടായിട്ടുള്ളതാണ്‌. വിദേശത്ത്‌ രഹസ്യമായി നിക്ഷേപിച്ചിരിക്കുന്ന കള്ളപ്പണം നമ്മുടെ രാജ്യത്തെ സംബന്ധിച്ച്‌ ഗുരുതരമായ പ്രശ്നമാണ്‌ ഉയർത്തുന്നത്‌. രണ്ടാം യുപിഎ സർക്കാരിനെപോലെ, അന്താരാഷ്ട്ര കരാറുകളുടെ മറവിൽ നരേന്ദ്രമോഡിയും കള്ളപ്പണക്കാരെ സംരക്ഷിക്കുന്ന നടപടിയാണ്‌ സ്വീകരിക്കുന്നത്‌.
2. നരസിംഹറാവു-മൻമോഹൻസിങ്‌ ഇരട്ടകൾ ആഗോളവൽക്കരണ പരിഷ്കരണങ്ങൾ 90 കളിൽ ആരംഭിച്ചു. സർവതലത്തിലും അഴിമതിയുടെ കൂത്തരങ്ങായി മാറുകയായിരുന്നു. രാഷ്ട്രീയത്തിന്റെ തലപ്പത്തിലുള്ളവർ ഉൾപ്പെട്ട അഴിമതികളും വെട്ടിപ്പുകളും ഏറിവന്നുവെന്ന്‌ മാത്രമല്ല അതിലെല്ലാം അടങ്ങിയിരിക്കുന്ന ഭീമാകാരമായ തുക മനുഷ്യചിന്തയ്ക്ക്‌ എത്രയോ അപ്പുറമാണ്‌. ജയിൻ ഹവാല കേസ്‌, ഹർഷദ്മേത്ത ഓഹരി കുംഭകോണം എന്നിവയിൽ തുടങ്ങി 2ജി സ്പെക്ട്രം, കോമൺവെൽത്ത്‌ ഗെയിംസ്‌, ദേശസാൽകൃത ബാങ്കുകളുടെ കിട്ടാക്കടം എഴുതിത്തള്ളൽ, ആദർശ്ശ്‌ ഹൗസിങ്‌ സൊസൈറ്റി, കൽക്കരിപാടം, കെ ജി ബെയ്സിൻ ഇങ്ങനെ എത്രയോ അഴിമതി കുംഭകോണങ്ങളാണ്‌ നമുക്ക്‌ കാണേണ്ടിവന്നത്‌. ഈ കൊള്ളകളിൽ എല്ലാംതന്നെ ഒന്നോ അതിലധികമോ വരുന്ന കോർപറേറ്റ്‌ ഭവനങ്ങളോടൊപ്പം മന്ത്രിമാരും ഉദ്യോഗസ്ഥ മേധാവികളും പങ്കാളികളായിട്ടുണ്ട്‌.
3. ആലോചിക്കാൻപോലും കഴിയാത്ത തുകയ്ക്കുള്ള നമ്മുടെ ദേശീയ സമ്പത്തിന്റെ ഈ കൊള്ള സാധാരണ ജനങ്ങളുടെയും പ്രത്യേകിച്ച്‌ പ്രത്യേകിച്ച്‌ വിദ്യാസമ്പന്നരായ നഗരവാസികളായ ജനങ്ങളിലും അസ്വസ്ഥതപടർത്തിയിട്ടുണ്ട്‌. നിയോ ലിബറലിസത്തിന്റെ ഉപോൽപ്പന്നമാണ്‌ അഴിമതി എന്നിരിക്കലും തങ്ങളുടെ ദുരിതങ്ങൾക്കുകാരണം സാർവത്രികമായ അഴിമതിയുമായി ബന്ധപ്പെട്ടതാണെന്ന രീതിയിൽ ഈ പ്രശ്നത്തെ അവർ നോക്കിക്കാണുന്നു. സമീപകാലത്തുണ്ടായ വമ്പിച്ച അഴിമതി വിരുദ്ധ പോരാട്ടങ്ങളിലെ മദ്ധ്യവർത്തി വിഭാഗത്തിന്റെ വൻതോതിലുള്ള പ്രാതിനിധ്യം വെളിവാക്കുന്നത്‌ അഴിമതിക്കെതിരെയുള്ള ജനകീയ രോഷത്തെയാണ്‌. ഫലപ്രദവും ശക്തവുമായ ലോക്പാൽ ബില്ലിനുവേണ്ടി സിപിഐ നിലകൊള്ളുന്നു. മറ്റ്‌ ഇടതുപക്ഷ കക്ഷികൾക്കൊപ്പം ഈ നിലപാട്‌ പ്രഖ്യാപിച്ചുകൊണ്ട്‌, ഔദ്യോഗിക ലോക്പാൽ ബില്ലിന്‌ നിരവധി സമൂർത്തമായ ഭേദഗതികൾ പാർട്ടി നൽകുകയുണ്ടായിട്ടുണ്ട്‌.
തൊഴിലെടുക്കുന്നവരുടെ അവകാശങ്ങൾക്കുനേരെയുള്ള കടന്നാക്രമണം
1, നരേന്ദ്രമോഡി ഗവൺമെന്റിന്റെ സാമ്പത്തിക നയങ്ങളിലെ സർവപ്രധാനമായ ഭാഗങ്ങളിലൊന്നാണ്‌ തൊഴിലാളികൾ ത്യാഗപൂർണമായി നേടിയെടുത്ത അവകാശങ്ങളെ പാടെ ഇല്ലായ്മചെയ്യുക എന്നത്‌. തങ്ങളുടെ സർക്കാർ വ്യവസായ സൗഹൃദവും നിക്ഷേപസൗഹൃദവുമായ തൊഴിൽ പരിഷ്കരണ നിയമങ്ങൾ കൊണ്ടുവരുമെന്ന്‌ പ്രധാനമന്ത്രിയും ധനമന്ത്രിയും ആവർത്തിച്ചാവർത്തിച്ച്‌ ഉറപ്പുകൊടുക്കുന്നു.
2. രാജസ്ഥാനിലെ ബിജെപി സർക്കാർ ഇതിനകം തൊഴിൽ നിയമങ്ങളാകെ പൊളിച്ചെഴുതിക്കൊണ്ട്‌ ഭേദഗതികൾ വരുത്തുകയുണ്ടായി. ആ പാത പിൻതുടരുകയാണ്‌ നരേന്ദ്രമോഡി ഗവൺമെന്റ്‌. നിർണായകമായ ചില തൊഴിൽ നിയമങ്ങളിൽ ഇതിനകംതന്നെ കേന്ദ്രം ഭേദഗതി വരുത്തുകയുണ്ടായി. ട്രേഡ്‌ യൂണിയൻ സംഘടിപ്പിക്കുന്നതിനും കൂട്ടായി വിലപേശുന്നതിനും അർഹതപ്പെട്ട അവകാശങ്ങൾ നേടിയെടുക്കുന്നതിനായി പ്രക്ഷോഭങ്ങൾ സംഘടിപ്പിക്കുന്നതിനുള്ള തൊഴിലാളികളുടെയും ജീവനക്കാരുടെയും അവകാശങ്ങൾ എടുത്തുകളയുന്നതിനായി തൊഴിൽ നിയമങ്ങൾ അപ്പാടെ മാറ്റിമറിച്ചുകൊണ്ടുള്ള നിയമഭേദഗതിക്കാണ്‌ സർക്കാർ പദ്ധതിയിട്ടിട്ടുള്ളത്‌.
നഗരവൽക്കരണവും അതിന്റെ പ്രത്യാഘാതങ്ങളും
1. കേന്ദ്ര-സംസ്ഥാന സർക്കാരുകളുടെ നവസാമ്പത്തിക ഉദാരവൽക്കരണ നയങ്ങൾ ഭ്രാന്തമായി പിന്തുടരുന്നതിന്റെ ഫലമായി രാജ്യത്ത്‌ നഗരവൽക്കരണം ത്വരിതഗതിയിൽ നടന്നുകൊണ്ടിരിക്കുകയാണ്‌. കാർഷിക-അനുബന്ധ മേഖലകളിലെ തൊഴിൽ സാധ്യതകൾ ചുരുങ്ങിയതിന്റെ ഫലമായി നഗരത്തിലേക്ക്‌ ഗ്രാമീണ തൊഴിലാളികളുടെ കുടിയേറ്റത്തിന്‌ ഇത്‌ ആക്കം വർധിപ്പിച്ചിട്ടുണ്ട്‌. നഗരവൽക്കരണ പ്രക്രിയയുടെ ഏറ്റവും നിഷേധാത്മകമായ ഫലങ്ങളിൽ ഒന്നാണ്‌ റിയൽ എസ്റ്റേറ്റുകാരുടെയും ഭൂമാഫിയകളുടെയും അഭൂതപൂർവമായ മേധാവിത്വം. ലക്ഷക്കണക്കിനാളുകളുടെ ജീവിതം വഴിമുട്ടിച്ചുകൊണ്ട്‌ വ്യാജമായ തിരിമറികളിലൂടെയും ഭൂമി തട്ടിയെടുക്കുന്നത്‌ ഒരു ദുരന്തമായി മാറിയിരിക്കുകയാണ്‌. ഭൂമി-ബിൽഡർ മാഫിയയും രാഷ്ട്രീയക്കാരും ഉദ്യോഗസ്ഥരും ചേർന്നുള്ള അവിശുദ്ധമായ കൂട്ടുകെട്ട്‌ അതിക്രമങ്ങളാണ്‌ നടക്കുന്നത്‌. ദശലക്ഷക്കണക്കിനാളുകൾ ഭൂമി നഷ്ടപ്പെട്ടവരായി മാറിയിരിക്കുന്നു. ഈ അടുത്തകാലത്തു കൊണ്ടുവന്ന, 2013 ലെ ഭൂമി ഏറ്റെടുക്കൽ നിയമഭേദഗതി സ്ഥിതിഗതികളെ വീണ്ടും വഷളാക്കും. 2. നഗരവൽക്കരണത്തിന്റെ ഭാഗമായി ജനങ്ങൾക്കാവശ്യമായ സൗകര്യങ്ങൾ (അമിനിറ്റീസ്‌) സ്വകാര്യവൽക്കരിക്കുന്നതിന്റെ ഫലമായും യാതൊരു മുൻകൂർ പ്ലാനിങ്ങുമില്ലാതെ നടപ്പിലാക്കുന്ന നഗരവൽക്കരണത്തിന്റെയും അധിക ഭാരം മുഴുവൻ നഗരവാസികളുടെ ചുമലിലാണ്‌ കെട്ടി ഏൽപ്പിക്കുന്നത്‌. നിരവധി നഗരങ്ങളിലും പട്ടണങ്ങളിലും ജലവിതരണംപോലും സ്വകാര്യവൽക്കരിച്ചിരിക്കുകയാണ്‌. കുടിയേറ്റ തൊഴിൽ പ്രശ്നം കൂലിവ്യവസ്ഥയേയും പ്രതികൂലമായി ബാധിച്ചിട്ടുണ്ട്‌.
3. സമൂഹത്തിലെ ദുർബല വിഭാഗങ്ങൾക്കുള്ള പാർപ്പിട സൗകര്യം അപ്പാടെ അവഗണിക്കപ്പെട്ടെന്നതാണ്‌ മറ്റൊരു അസ്വസ്ഥതയുണ്ടാക്കുന്ന വസ്തുത. ഭൂമി-ബിൽഡർ മാഫിയ ദുർബല വിഭാഗങ്ങൾക്കുവേണ്ടിയുള്ള പാർപ്പിട നിർമാണ പദ്ധതികളെ അന്യായമായ മാർഗങ്ങളിലൂടെ അട്ടിമറിച്ചുകൊണ്ട്‌ കൈവശപ്പെടുത്തുന്നു. പാർട്ടി അഭൂതപൂർവമായി നടന്നുകൊണ്ടിരിക്കുന്ന ഈ നഗരവൽക്കരണ പ്രതിഭാസത്തെയും അതിന്റെ നിഷേധാത്മകവശങ്ങൾ ഉയർത്തുന്ന പ്രശ്നങ്ങളെയും ഏറ്റെടുക്കേണ്ടതാവശ്യമാണ്‌.
കാർഷിക രംഗത്തെ പ്രതിസന്ധി
1. കഴിഞ്ഞ പതിനഞ്ച്‌ കൊല്ലക്കാലമായി ഇന്ത്യൻ കാർഷികരംഗം സ്ഥായിയായ പ്രതിസന്ധിയെ നേരിട്ടുകൊണ്ടിരിക്കുന്നതിന്‌ നാം സാക്ഷ്യം വഹിക്കുകയാണ്‌. തൽഫലമായി കാർഷികോൽപ്പാദനം ഗണ്യമായി കുറഞ്ഞു. കൃഷിയോഗ്യമായ ഭൂമി ചുരുങ്ങിവരുന്നതും ആശങ്കയുളവാക്കുന്നതാണ്‌. നാഷണൽ സാമ്പിൾ സർവെ ഓർഗനൈസേഷൻ റിപ്പോർട്ട്‌ പ്രകാരം നാൽപ്പത്‌ ശതമാനത്തോളം കർഷകർ കാർഷികവൃത്തി ഉപേക്ഷിച്ച്‌ ജീവനോപധികൾക്കായി മറ്റ്‌ തൊഴിൽമാർഗം അന്വേഷിക്കുകയാണ്‌. പ്രതിവർഷം 3.5 ശതമാനം കർഷകർ കൃഷിത്തൊഴിലാളികളുടെ പദവിയിലേക്ക്‌ എത്തിപ്പെടുന്നു.
കാർഷികവൃത്തിക്കാവശ്യമായ സാധനസാമഗ്രികളുടെ വിലയിലെ വർധനവും തങ്ങൾ ഉൽപ്പാദിപ്പിക്കുന്ന കാർഷികോൽപ്പന്നങ്ങളുടെ വിലയിടിവും കാരണം കൃഷിക്കാരന്റെ കഴുത്ത്‌ ഇരുതലയുള്ള കത്രികയ്ക്ക്കത്ത്‌ ഇരിക്കുന്ന തുപോലെയാണ്‌. എല്ലാറ്റിനുമുപരി ബാങ്ക്‌ വായ്പകൾ മരവിപ്പിച്ചതിന്റെ അടിസ്ഥാനത്തിൽ സ്വകാര്യ പണമിടപാടുകാരോടുള്ള കർഷകരുടെ കടബാധ്യത വർധിക്കുന്നു. പാശ്ചാത്യരാജ്യങ്ങളിൽ കാർഷിക സബ്സിഡികൾ ഉയർത്തുമ്പോൾ, ഇവിടെ കൃഷിക്കാരന്‌ ജീവിച്ചുപോകുന്നതിനാവശ്യമായ കൈത്താങ്ങായി ലഭിച്ചിരുന്ന നാമമാത്ര സൗജന്യങ്ങളും സബ്സിഡികളും നിർത്തലാക്കുകയാണ്‌. ചെറുകിട നാമമാത്ര കൃഷിക്കാർക്ക്‌ കാർഷിക കമ്പോളത്തിൽ പങ്കാളിത്തം അഥവാ ഇടപെടാനുള്ള അവസരം ലഭിക്കാത്ത തരത്തിലുള്ള ഒട്ടേറെ കടമ്പകൾ നിലനിൽക്കുന്നു. കമ്പോളത്തിനുമുന്നിൽ നിസഹായരായി പകച്ചുനിൽക്കാനെ അവർക്ക്‌ കഴിയുന്നുള്ളു.
2. കാർഷിക വളർച്ചയുടെ ഗതി താഴേയ്ക്കാണ്‌ പൊയ്ക്കൊണ്ടിരിക്കുന്നത്‌. കഴിഞ്ഞ വർഷാവസാന ക്വാർട്ടറിൽ വളർച്ച 5.7 ശതമാനത്തിൽ നിന്ന്‌ 3.2 ശതമാനമായി കുറഞ്ഞു. 60 ശതമാനത്തിലധികം വരുന്ന ഗ്രാമീണ ജനങ്ങളെ ഇത്‌ സാരമായി ബാധിക്കും. ഭക്ഷ്യധാന്യങ്ങൾ വിതച്ച്‌ കൃഷിചെയ്യുന്ന സ്ഥലത്തിന്റെ വിസ്തൃതിയിലും കുറവുവരികയാണ്‌. പ്രത്യേകിച്ചും ഖാരിഫ്‌ വിളകളായ ധാന്യ-പയർവർഗങ്ങളുടെ കാര്യത്തിൽ ഇത്‌ സംഭവിച്ചുകൊണ്ടിരിക്കുകയാണ്‌. ഭക്ഷ്യവിളകളിൽ നിന്നും നാണ്യവിളകളിലേക്ക്‌ മാറി കൃഷി ചെയ്യുന്നതിനാണ്‌ കർഷകർക്ക്‌ ഇപ്പോൾ ഏറെ താൽപ്പര്യം. 2004-05 മുതൽ 2010-11 വരെ കാർഷിക വളർച്ച മെല്ലെപ്പോക്കിലായിരുന്നുവെന്നത്‌ പ്രകടമായിത്തന്നെ കാണാൻ കഴിയും. മൂന്നു ശതമാനം മാത്രമായിരുന്നു അത്‌. 2011-12 ൽ വളർച്ച വെറും 3.9 ശതമാനമായിരുന്നു. നമ്മുടെ സംഘടനയുടെ മൊത്തം മൂലധനവും കാർഷിക മൂലധനവുമായി ആനുപാതിക അടിസ്ഥാനത്തിൽ നോക്കുമ്പോൾ സ്വകാര്യ മേഖലയും പൊതുമേഖലയും കൂടിച്ചേർന്നുള്ള കാർഷിക മൂലധനത്തിൽ കുറവുണ്ടായിരിക്കുകയാണ്‌. 1970-80 വരെ ശരാശരി 17.3 ശതമാനവും തുടർന്നിങ്ങോട്ടുള്ള ശതകങ്ങളിൽ ശരാശരി 11.6 ശതമാനവും 90 മുതൽ 94 വരെ ഒൻപത്‌ ശതമാനം കുറവാണ്‌ കാർഷിക മൂലധനത്തിൽ ഉണ്ടായിട്ടുള്ളതെന്നാണ്‌ കണക്കുകൾ. പൊതുഫണ്ടുകളും നിക്ഷേപങ്ങളും ചിലവഴിക്കുന്നതിൽ കാർഷിക രംഗം എത്രമാത്രം ദരിദ്രമാണെന്നതിന്റെ ദയനീയമായ ചിത്രമാണ്‌ മേൽപ്പറഞ്ഞ കണക്കുകൾ വരച്ചുകാട്ടുന്നത്‌. ഈ നൂറ്റാണ്ടിന്റെ ആദ്യത്തെ ശതകത്തിൽ വീണ്ടും മൊത്തം കാർഷിക മൂലധനത്തിൽ കുറവുണ്ടായിട്ടുണ്ട്‌.
3. വികസനത്തിന്റെ പേരിൽ കൃഷിഭൂമി കാർഷികേതര ആവശ്യങ്ങൾക്കായി കൈമാറ്റം ചെയ്യപ്പെടുന്നു. ഭൂമി ഏറ്റെടുക്കൽ ഇന്ന്‌ കലുഷിതമായിക്കൊണ്ടിരിക്കുകയാണ്‌. കൃഷിക്കാരിൽ നിന്ന്‌ ഭൂമി ബലമായി തട്ടിപ്പറിച്ചെടുക്കുന്നതിന്റെ ഫലമായി കൃഷിയെയും കാർഷികവൃത്തിയെയും ആശ്രയിച്ച്‌ ജീവിച്ചുപോന്ന കൃഷിക്കാരുടെയും കാർഷിക തൊഴിലാളികളുടെയും നിലനിൽപ്പിനെതന്നെ അപകടത്തിലാക്കിക്കൊണ്ട്‌ ജീവിതവും ജീവനോപാധികളും അവർക്ക്‌ നഷ്ടപ്പെടുകയാണ്‌. മോഡിസർക്കാർ ഓർഡിനൻസിലൂടെ ധൃതിപിടിച്ച്‌ ഭൂമി ഏറ്റെടുക്കൽ നിയമം 2013 ഭേദഗതി ചെയ്യുകയുണ്ടായല്ലൊ. കർഷകരുടെ വിലയേറിയതും ബഹുവിള കൃഷിചെയ്തുകൊണ്ടിരുന്നതുമായ ജലസേചന സൗകര്യമുള്ള കൃഷിഭൂമി വൻതോതിൽ നഷ്ടപ്പെടുന്നതിന്‌ ഇത്‌ വഴിയൊരുക്കും.
4. ജനസംഖ്യ വളർച്ചയുടെ അടിസ്ഥാനത്തിൽ കാർഷികോൽപ്പാദനം വർധിക്കാത്ത സാഹചര്യമാണുള്ളത്‌. അതേസമയം കൃഷിയോഗ്യമായ ഭൂമിയുടെ വിസ്തൃതി കുറഞ്ഞുവരികയും ചെയ്യുന്നു. ഉൽപ്പാദന ചെലവിലെ വർധനവും ഉൽപ്പന്നങ്ങളുടെ വിലയിടിവ്‌ കാരണവും 60 ശതമാനത്തിലധികം കർഷകരെ കടക്കെണിയിലേക്ക്‌ തള്ളിവിട്ടിരിക്കുകയാണ്‌. ലക്ഷക്കണക്കിന്‌ കർഷകരാണ്‌ ആത്മഹത്യയിലേക്ക്‌ എടുത്തെറിയപ്പെട്ടത്‌. കഴിഞ്ഞ പത്തു വർഷത്തിനുള്ളിൽ അര മില്യൻ കർഷകർ ആത്മഹത്യ ചെയ്യുകയുണ്ടായി. മഹാരാഷ്ട്ര, കർണാടക, മധ്യപ്രദേശ്‌, ഛത്തീസ്ഗഡ്‌ എന്നീ സംസ്ഥാനങ്ങളിൽ 122823 കർഷക ആത്മഹത്യകൾ നടന്നു. കുറച്ചു മാസങ്ങൾക്കു മുമ്പ്‌ പശ്ചിമബംഗാളിലും കേരളത്തിലും കർഷകർ ആത്മഹത്യ ചെയ്യുന്ന സംഭവങ്ങൾ ഉണ്ടായിരിക്കുന്നു. നിത്യേന കർഷകർ ആത്മഹത്യ ചെയ്യുന്ന സംഭവങ്ങൾക്കു വിദർഭ സാക്ഷ്യം വഹിക്കുകയാണ്‌.
5. സാമ്പത്തിക പരിഷ്കരണ കാലഘട്ടത്തിൽ ഉദാരവൽക്കരണം അതിന്റെ വഴികാട്ടിയായി നിൽക്കുന്ന സാഹചര്യത്തിൽ കർഷകർക്കുള്ള ബാങ്ക്‌ വായ്പകൾ വെട്ടിച്ചുരുക്കിയതിന്റെ ഫലമായി സ്വകാര്യ പണമിടപാടിനുള്ള വായ്പയെടുക്കൽ കർഷകരുടെ ഇടയിൽ വർധിച്ചിരിക്കുകയാണ്‌. ബാങ്ക്‌ വായ്പയിലെ കുറവ്‌ നികത്തുന്നതിന്‌ പകരമായി ഗവൺമെന്റ്‌ ഇപ്പോൾ ‘അംഗീകൃത വായ്പാ വിതരണ’ (അക്രഡിറ്റഡ്‌ ലോൺ പ്രൊവോഡേഴ്സ്‌) ക്കാർ മുഖാന്തരം വായ്പകൾ വിതരണം ചെയ്യുന്നതിന്‌ നടപടി സ്വീകരിച്ചിരിക്കുകയാണ്‌. അങ്ങനെ പുതിയ മഹാജന്മാരെ ഈ രംഗത്ത്‌ സൃഷ്ടിച്ചിരിക്കുന്നു. ഇപ്പോൾ കൃഷിക്കാർ ഇവരെയും എന്തിന്‌ പെട്രോൾ വിതരണക്കാരെപോലും കടമെടുക്കുന്നതിന്‌ സമീപിക്കേണ്ടിവരുന്നു. കമ്പോള നിരക്ക്‌ എന്നതാണ്‌ മന്ത്രമെന്നിരിക്കെ, അതനുസരിച്ചുണ്ടാകുന്ന പലിശനിരക്കിലെ വർധനവ്‌ കൃഷിക്കാരുടെ ജീവിതം ദുരിതക്കയത്തിലേക്ക്‌ അവരെ തള്ളിയിടുകയാണ്‌.
6. ബാങ്കുകളിൽ നിന്ന്‌ ചുരുങ്ങിയ നിരക്കിൽ വായ്പയെടുത്തിട്ട്‌ ഗ്രാമീണ മേഖലയിൽ ഭീമമായ കൊള്ളപ്പലിശയ്ക്ക്‌ വായ്പ വിതരണം ചെയ്യുന്ന മൈക്രോ ഫൈനാൻസ്‌ സമ്പ്രദായം കൃഷിക്കാരെ മറ്റൊരു ചൂഷണത്തിന്‌ വിധേയമാക്കുകയാണ്‌. ഇവിടത്തെ ഏറ്റവും കുറഞ്ഞ പലിശനിരക്ക്‌ 35 ശതമാനമാണ്‌. കാർഷിക മേഖലയിലെ സ്വകാര്യ പങ്കാളിത്തത്തിന്റെ പേരിൽ കോർപറേറ്റുകൾക്ക്‌ കരാർ കൃഷിക്ക്‌ അനുവാദം നൽകിയിരിക്കുന്നു. പുതിയതായി ഈ രംഗത്ത്‌ പ്രവേശിച്ചവരുടെ യന്ത്രവൽകൃത കൃഷി സമ്പ്രദായം കാർഷിക മേഖലയിലെ തൊഴിൽ സാധ്യതകളെ ഇല്ലാതാക്കിയിരിക്കുന്നു. എൻസിഎഫ്‌ ശുപാർശകളോടുള്ള ഗവൺമെന്റിന്റെ തണുപ്പൻ പ്രതികരണവും ജൈവകൃഷിയുമായി ബന്ധപ്പെട്ട പ്രശ്നങ്ങൾക്കും പ്രത്യേക പരിഗണന ലഭിക്കേണ്ടതാണ്‌.
7. മൊൺസാന്റോ, കാർഗിൽ തുടങ്ങിയ ബഹുരാഷ്ട്ര ഭീമന്മാർ അവരുടെ വിത്ത്‌, വളം, കീടനാശിനി തുടങ്ങിയ കാർഷിക തന്ത്രങ്ങൾ നമ്മുടെ കാർഷികമേഖലയിൽ പ്രയോഗിക്കുന്നു. ഉയർന്ന ചെലവും അപകടസാധ്യതയും വിനാശം വരുത്തുന്നതുമായ ജനിതക വിളകൾ നമ്മുടെ കാർഷിക പ്രതിസന്ധിക്ക്‌ പരിഹാരമല്ല. ഇത്‌ ഇന്ത്യൻ കാർഷിക മേഖലയ്ക്ക്‌ കൂടുതൽ നാശം സൃഷ്ടിക്കും.
8. കോർപറേറ്റ്‌ ഫാമിങ്ങിനെ പ്രോത്സാഹിപ്പിക്കുക എന്നതിന്റെ മറവിൽ കേന്ദ്ര-സംസ്ഥാന സർക്കാരുകൾ ഭൂപരിഷ്കരണ ആശയങ്ങളെ തെറ്റായി വ്യാഖ്യാനം ചെയ്യാനും ഭൂപരിധി നിയമം ലംഘിക്കുകയും ചെയ്യുന്നു.
9. കാർഷികോൽപ്പന്നങ്ങളുടെ ഊഹക്കച്ചവട നിരോധനം എടുത്തുകളഞ്ഞിരിക്കുന്നു. സ്വതന്ത്രവ്യാപാരത്തിനായുള്ള ആസിയൻ, യൂറോപ്യൻ യൂണിയനുമായി രാജ്യം ഒപ്പുവച്ചിട്ടുള്ള കരാറുകൾ കാർഷികോൽപ്പാദനത്തിൽ നിഷേധാത്മകമായ ഫലങ്ങൾ സൃഷ്ടിക്കുന്നതിനെ ഉപകരിക്കുകയുള്ളു.
10. വേൾഡ്‌ ട്രേഡ്‌ ഓർഗനൈസേഷനുമായുള്ള ചർച്ചകളിൽ, ധാന്യങ്ങളുടെ റിസർവ്വ്‌ സ്റ്റോക്കിന്റെ കാര്യത്തിലും സബ്സിഡി നൽകുന്ന വിഷയത്തിലും അമേരിക്കൻ-യൂറോപ്യൻ യൂണിയൻ സമ്മർദ്ദങ്ങൾക്ക്‌ ഇന്ത്യ വഴങ്ങേണ്ടിവന്നു. ഇത്‌ കാർഷികമേഖലയെ നാശത്തിലെത്തിക്കുകയും ഭക്ഷ്യസുരക്ഷയ്ക്ക്‌ ഭീഷണിയാവുകയും ചെയ്യും. ഉയർന്ന സാങ്കേതികവിദ്യയും സാങ്കേതികജ്ഞാനവും വിദേശത്തുനിന്ന്‌ ലഭിക്കുന്നതിൽ പരിമിതപ്പെടുത്തിക്കൊണ്ട്‌ വിദേശ നിക്ഷേപങ്ങൾക്ക്‌ നിയന്ത്രണം ഏർപ്പെടുത്തണം. കഴിയുന്നിടത്തോളം പ്രാദേശികമായി ഉൽപ്പാദിപ്പിക്കുന്ന വ്യാവസായികോൽപ്പന്നങ്ങൾ ആഭ്യന്തര കമ്പോളത്തിൽ റിസർവ്വ്‌ ചെയ്യണം. “ഇന്ത്യയിൽ നിർമിക്കുക” (മേക്കിൻ ഇന്ത്യ) എന്ന അനഭിലഷണീയമായ മുദ്രാവാക്യത്തിന്റെ സ്ഥാനത്ത്‌ ജനങ്ങളുടെ ക്രയശേഷി വർധിപ്പിക്കുന്നതിനായിരിക്കണം ഊന്നൽ നൽകേണ്ടത്‌. വിദ്യാഭ്യാസം, ആരോഗ്യം, സാങ്കേതികവിജ്ഞാന വികസനം, പാർപ്പിടം എന്നീ രംഗങ്ങളിൽ പുതിയ സംരംഭങ്ങൾക്ക്‌ തുടക്കംകുറിക്കാൻ ഉതകുന്നതരത്തിൽ സാമൂഹ്യ മേഖലയിൽ നിക്ഷേപം നടത്തുകയും പ്രാദേശിക ജനസമൂഹങ്ങളുടെ വികസനത്തിന്‌ ആവശ്യമായ ഫണ്ട്‌ എപ്പോഴും ലഭ്യമാക്കുന്നതിന്‌ ഉതകുന്നതരത്തിൽ ഒരു സാമൂഹ്യ സുരക്ഷാ ഫണ്ട്‌ സ്വരൂപിക്കണം.
3) നവസാമ്പത്തിക ഉദാരീകരണത്തിന്‌ ഒരു ബദൽ രൂപരേഖ
യുപിഎ, എൻഡിഎ തുടങ്ങിയ ബൂർഷ്വാ കക്ഷികളുടെ ഗവൺമെന്റുകൾ രാജ്യത്ത്‌ പിൻതുടർന്നുവന്ന നാണംകെട്ട സാമ്പത്തിക ഉദാരീകരണനയത്തിന്റെ ഫലമായി രാജ്യം അഗാധമായ പ്രതിസന്ധിയുടെ ചളിക്കുണ്ടിൽപ്പെട്ടിരിക്കുകയാണ്‌. ആഗോള സാമ്പത്തിക തകർച്ച ഈ പ്രതിസന്ധിയെ കൂടുതൽ മൂർച്ഛിപ്പിച്ചിട്ടുണ്ട്‌. ഇന്ത്യയ്ക്കാവശ്യം സാമ്പത്തിക വളർച്ചയെ മാത്രം ലക്ഷ്യംവച്ചുകൊണ്ടുള്ള ഇപ്പോഴത്തെ സാമ്പത്തിക തന്ത്രങ്ങളിൽ നിന്ന്‌ മടങ്ങിപ്പോകലാണ്‌. തൊഴിൽസൗഹൃദവും ജനസൗഹൃദവും ലഭ്യമായ മാനവശേഷിയേയും പൊതു-സ്വകാര്യ മൂലധനത്തെയും സമ്പൂർണമായി വിനിയോഗിക്കുന്ന പുതിയൊരു വികസനതന്ത്രമാണ്‌ രാജ്യത്ത്‌ ഇന്ന്‌ ആവശ്യമായിട്ടുള്ളത്‌. ഏറ്റവും മുന്തിയ പരിഗണന ദാരിദ്ര്യനിർമാർജനത്തിന്‌ നൽകുകയും അതിനാവശ്യമായ നയങ്ങളും നടപടികളും ഈ പുതിയതന്ത്രത്തിൽ ആവിഷ്കരിക്കേണ്ടതാണ്‌. ഉൾക്കൊള്ളലിന്റെ വളർച്ചയാണ്‌ യഥാർഥത്തിൽ ഈ കാലഘട്ടം ആവശ്യപ്പെടുന്നത്‌.
* വ്യാവസായിക വളർച്ചയുടെ അടിത്തറ, ലഭ്യമായ സാമ്പത്തിക-പ്രകൃതിവിഭവങ്ങളെ അടിസ്ഥാനപ്പെടുത്തിയായിരിക്കണം. അത്‌ തൊഴിൽദായക വളർച്ചയ്ക്ക്‌ ഉതകുന്നതായിരിക്കണം. രാജ്യത്തെ ജനസംഖ്യയിൽ നല്ലൊരു വിഭാഗത്തിന്‌ തൊഴിൽ നൽകുന്ന കരകൗശല-കുടിൽ വ്യവസായത്തെ പരിരക്ഷിക്കുന്നതിനും വികസിപ്പിക്കുന്നതിനും അർഹമായ പരിഗണന നൽകണം.
* ഉയർന്ന സാങ്കേതികവിദ്യയും സാങ്കേതികജ്ഞാനവും വിദേശത്തുനിന്ന്‌ ലഭിക്കുന്നതിൽ പരിമിതപ്പെടുത്തിക്കൊണ്ട്‌ വിദേശ നിക്ഷേപങ്ങൾക്ക്‌ നിയന്ത്രണം ഏർപ്പെടുത്തണം. കഴിയുന്നിടത്തോളം പ്രാദേശികമായി ഉൽപ്പാദിപ്പിക്കുന്ന വ്യാവസായികോൽപ്പന്നങ്ങൾ ആഭ്യന്തര കമ്പോളത്തിൽ റിസർവ്വ്‌ ചെയ്യണം. “ഇന്ത്യയിൽ നിർമിക്കുക” (മേക്കിൻ ഇന്ത്യ) എന്ന അനഭിലഷണീയമായ മുദ്രാവാക്യത്തിന്റെ സ്ഥാനത്ത്‌ ജനങ്ങളുടെ ക്രയശേഷി വർധിപ്പിക്കുന്നതിനായിരിക്കണം ഊന്നൽ നൽകേണ്ടത്‌.
* വിദ്യാഭ്യാസം, ആരോഗ്യം, സാങ്കേതികവിജ്ഞാന വികസനം, പാർപ്പിടം എന്നീ രംഗങ്ങളിൽ പുതിയ സംരംഭങ്ങൾക്ക്‌ തുടക്കംകുറിക്കാൻ ഉതകുന്നതരത്തിൽ സാമൂഹ്യ മേഖലയിൽ നിക്ഷേപം നടത്തുകയും പ്രാദേശിക ജനസമൂഹങ്ങളുടെ വികസനത്തിന്‌ ആവശ്യമായ ഫണ്ട്‌ എപ്പോഴും ലഭ്യമാക്കുന്നതിന്‌ ഉതകുന്നതരത്തിൽ ഒരു സാമൂഹ്യ സുരക്ഷാ ഫണ്ട്‌ സ്വരൂപിക്കണം.
* വ്യത്യസ്ത തലങ്ങളിലായി കൃഷിയിലും അനുബന്ധ മേഖലകളിലും പൊതുഫണ്ടിന്റെ നിക്ഷേപവും വിനിയോഗവും വർധിപ്പിക്കണം. ഇതുമൂലം രാജ്യത്തിന്റെ സമസ്ത മേഖലകളിലും വികസനം സാധ്യമാകുന്നതിനുള്ള സാഹചര്യം സൃഷ്ടിക്കുകയും രാജ്യം അഭിവൃദ്ധിയിലേക്ക്‌ കുതിച്ചുയരുകയും ചെയ്യും. ഇന്ത്യയുടെ മാനവ വികസനത്തിന്റെ സൂചകങ്ങൾ മേലോട്ടുയരാൻ ഇത്‌ കാരണമാകും.
* ഒരു ജനകീയ ബദൽ സാമ്പത്തികപരിപാടി ആവിഷ്കരിച്ച്‌ നടപ്പിലാക്കണം. കൃഷിക്കാരുടേയും കർഷകത്തൊഴിലാളികളുടേയും താൽപര്യങ്ങൾ സംരക്ഷിക്കുമെന്ന്‌ ഉറപ്പുവരുത്തുന്നതും തൊഴിൽസൗഹൃദപരവും തൊഴിൽദായകമായ വളർച്ചയെ ലക്ഷ്യംവയ്ക്കുന്നതുമായ കാർഷിക പരിഷ്കരണങ്ങൾ ലക്ഷ്യമിട്ടുകൊണ്ടുള്ളതായിരിക്കണം ഈ പരിപാടി. കോർപറേറ്റ്‌വൽക്കരണത്തിന്റെ കെടുതികളെ തരണംചെയ്യാൻ കഴിയുന്ന തരത്തിൽ പുതിയതരം സഹകരണ സ്ഥാപനങ്ങൾ ആരംഭിക്കേണ്ടത്‌ അത്യാവശ്യമാണ്‌. കർഷകന്‌ ഭൂമിയിൽ അവകാശം, യുവജനങ്ങൾക്ക്‌ തൊഴിലിനും വിദ്യാഭ്യാസത്തിനുമുള്ള അവകാശം, ജനങ്ങൾക്ക്‌ ഭക്ഷണം, പാർപ്പിടം, ആരോഗ്യസുരക്ഷ എന്നിവ ലഭിക്കുന്നതിനുവേണ്ടിയുള്ള അവകാശം എന്നിവ ഉറപ്പാക്കുകയും നടപ്പിലാക്കുകയും വേണം. ഈ ബദൽ പരിപാടിയിൽ ഭൂപരിഷ്കരണത്തിന്‌ പ്രാമുഖ്യം നൽകണം.
* ജലം ലഭ്യമല്ലാത്ത പ്രദേശങ്ങളിൽ ജലസേചനസൗകര്യത്തിനായി സമൂർത്തമായ ഒരു പദ്ധതിക്ക്‌ രൂപംകൊടുക്കണം.
* പൊതുമേഖലയെ സംരക്ഷിക്കുകയും വികസിപ്പിക്കുകയും വേണം. അതിന്റെ പ്രവർത്തനങ്ങളിൽ ജനാധിപത്യവൽക്കരണം ഉറപ്പാക്കുന്നതിനായി യൂണിറ്റ്‌ തലംമുതൽ തൊഴിലാളികൾക്കും അവരുടെ ട്രേഡ്‌ യൂണിയൻ പ്രതിനിധികൾക്കും പ്രവർത്തനങ്ങളിൽ പങ്കാളിത്തം നൽകണം.
* പൊതുമേഖലാ സ്ഥാപനങ്ങളുടെ ഓഹരി വിറ്റഴിക്കുന്ന എല്ലാ നടപടികളും അവസാനിപ്പിക്കേണ്ടതാണ്‌. കരകൗശല-കുടിൽ വ്യവസായങ്ങളെ പ്രോത്സാഹിപ്പിക്കുകയും അവരെ ഈ മേഖലയിൽ നിന്ന്‌ കയറ്റുമതി ചെയ്യാൻ പര്യാപ്തമാക്കുന്ന തരത്തിൽ ഉൽപ്പാദനം നടത്താൻ പ്രാപ്തമാക്കണം.
* ചെറുകിട വ്യവസായങ്ങൾ നമ്മുടെ വ്യവസായ മേഖലയിൽ സുപ്രധാനമായ ഒരു പങ്ക്‌ വഹിക്കുന്നുണ്ട്‌. രാജ്യത്തെ മൊത്തം വ്യവസായോൽപാദനത്തിന്റെ 40 ശതമാനം ചെറുകിട മേഖലയിൽ നിന്നാണ്‌. അതുപോലെ മൊത്തം കയറ്റുമതിയുടെ ചെറുകിട വ്യവസായ മേഖലയ്ക്കുള്ള വിഹിതം 35 ശതമാനമാണ്‌. 20 മില്യൻ തൊഴിലാളികളാണ്‌ രാജ്യത്ത്‌ ചെറുകിട വ്യവസായ ഉൽപാദന മേഖലയിൽ പണിയെടുക്കുന്നത്‌. വൻ വ്യവസായികളോടുള്ള താൽപര്യം കാരണം എസ്‌ എസ്‌ ഐ സെക്ടറിനുമാത്രം റിസർവ്വ്‌ ചെയ്തിരുന്ന നിരവധി ഉൽപ്പന്നങ്ങളെ സമീപകാലത്ത്‌ ലിസ്റ്റിൽ നിന്നും പിൻവലിക്കുകയുണ്ടായി. അതുപോലെ ചെറുകിട വ്യവസായ മേഖലയിലെ വിദേശനിക്ഷേപങ്ങൾക്കുണ്ടായിരുന്ന (എഫ്ഡിഐ) നിയന്ത്രണങ്ങൾ അപ്പാടെ എടുത്തുകളഞ്ഞു. ചെറുകിട വ്യവസായങ്ങൾക്ക്‌ പ്രാദേശിക അന്താരാഷ്ട്ര മാർക്കറ്റിൽ അവരുടെ ഉൽപന്നങ്ങൾക്ക്‌ മത്സരിക്കാൻ ഉതകുന്ന തരത്തിലുള്ള സഹായങ്ങൾ നൽകേണ്ടതാണ്‌. ഇതിനായി ബാങ്കുകൾ ഉദാരമായ വായ്പകളും മറ്റ്‌ ഉത്തേജക പാക്കേജുകളും നൽകാൻ തയാറാകണം. സഹകരണ പ്രസ്ഥാനത്തെ ശക്തിപ്പെടുത്തുന്നതിനും വികസിപ്പിക്കുന്നതിനും പ്രത്യേക ഊന്നൽ നൽകണം. കയറ്റുമതിയെ മാത്രം ലക്ഷ്യംവച്ചുകൊണ്ടുള്ള ‘ഇന്ത്യയിൽ നിർമിക്കുക’ എന്ന പരിപാടി ചെറുകിട-ഇടത്തരം വ്യവസായങ്ങളെ വളരെയധികം ദോഷകരമായി ബാധിക്കും.
* സാർവത്രികമായ പൊതുവിതരണ സമ്പ്രദായം രാജ്യത്താകമാനം നടപ്പിലാക്കണം. എല്ലാ കുടുംബങ്ങൾക്കും പ്രതിമാസം 35 കിലോ ഭക്ഷ്യധാന്യങ്ങൾ കിലോയ്ക്ക്‌ രണ്ട്‌ രൂപ നിരക്കിൽ വിതരണം ചെയ്യാൻ തയാറാകണം. ഇത്‌ ഉറപ്പാക്കുന്നതിനായി ഭക്ഷ്യസുരക്ഷ നിയമ ബിൽ പാസാക്കണം.
* അടിയുറച്ച മതേതരത്വത്തിനായി മതത്തെ ഭരണകൂടത്തിൽ നിന്നും വേർപെടുത്തി നിർത്തണമെന്ന്‌ ഭരണഘടനയിൽ കൂട്ടിച്ചേർക്കുകയും അതുറപ്പാക്കുകയും വേണം. വർഗീയശക്തികളെ തടയുന്നതിനാവശ്യമായ ശക്തമായ നടപടികൾ സ്വീകരിക്കണം. നമ്മുടെ വിദ്യാഭ്യാസ സമ്പ്രദായത്തിന്റെ കാതലായിരിക്കണം യുക്തിചിന്തയും ശാസ്ത്രബോധവും.
* സ്ത്രീകൾക്കെതിരെയുള്ള അതിക്രമങ്ങളും വിവേചനവും അവസാനിപ്പിക്കാനും അവരുടെ ശാക്തീകരണത്തിനും ലിംഗനീതിക്കുമായി പോരാടണം.
* മതേതരത്വം സംരക്ഷിക്കുകയും ന്യൂനപക്ഷങ്ങളുടെ അവകാശങ്ങൾ ഉറപ്പാക്കുകയും സമൂഹത്തിൽ പിന്നാക്കം നിൽക്കുന്ന ദുർബല ജനവിഭാഗങ്ങളായ ദളിത്‌, ആദിവാസി, പിന്നാക്ക ന്യൂനപക്ഷ സമുദായങ്ങളുടെ ഉന്നമനത്തിനായുള്ള പ്രത്യേക പദ്ധതികൾക്ക്‌ രൂപം നൽകണം.
4. വിദേശനയത്തിലെ വ്യതിയാനം
1. രാജ്യത്തിന്റെ വിദേശനയത്തെ രാജ്യം പിന്തുടരുന്ന സാമ്പത്തിക നയങ്ങൾ പൊതുവിൽ സ്വാധീനിക്കുകയും നിർണയിക്കുകയും ചെയ്യും. നരേന്ദ്രമോഡി സർക്കാർ അധികാരത്തിൽ വന്ന നാൾ മുതൽ അമേരിക്കയോടുള്ള വ്യക്തമായ ചായ്‌വ്‌ പ്രകടമാണ്‌. ലോകമാകെ സാമ്പത്തികവും രാഷ്ട്രീയവുമായ അധീശത്വം നേടാൻ പരിശ്രമിച്ചുകൊണ്ടിരിക്കുന്ന ആഗോള മൂലധനത്തിന്റെ ഉപകരണങ്ങളായ ലോക ബാങ്ക്‌, ഐഎംഎഫ്‌ എന്നിവയുടെ നേരിട്ടുള്ള സ്വാധീനത്തിന്‌ വഴങ്ങിക്കൊണ്ട്‌ സാമ്പത്തിക നവഉദാരീകരണ നയങ്ങൾ രാജ്യത്ത്‌ നടപ്പിലാക്കാൻ പ്രതിജ്ഞാബദ്ധമായ പുതിയ ഗവൺമെന്റിന്റെ വിദേശനയങ്ങളിൽ കൃത്യമായ നയവ്യതിയാനമാണ്‌ വന്നിട്ടുള്ളത്‌. ഇതാകട്ടെ രാജ്യം പിൻതുടർന്നുപോന്ന സ്വതന്ത്രവും ജനങ്ങളുടെ ആകെ അഭിപ്രായ സമന്വയമുണ്ടായിരുന്ന വിദേശനയത്തിലുള്ള കുതറിമാറ്റമാണ്‌.
2. തന്ത്രപ്രധാന പങ്കാളിത്തമെന്നാൽ സാമ്പത്തിക പ്രശ്നങ്ങളിലോ അമേരിക്കയുടെ താൽപര്യങ്ങളിലോ മാത്രം ഒതുങ്ങുന്നതല്ല. നരേന്ദ്രമോഡി സർക്കാർ എല്ലാ മേഖലകളിലും പ്രത്യേകിച്ച്‌ സൈനിക രംഗത്ത്‌ അമേരിക്കയുമായും അതിന്റെ പിണിയാളുകളായ മധ്യപൂർവ രാജ്യങ്ങളുമായും സിയോണിസ്റ്റ്‌ രാജ്യമായ ഇസ്രായേലുമായുള്ള സഹകരണം മുമ്പെങ്ങുമില്ലാത്ത തരത്തിൽ വർധിപ്പിച്ചുകൊണ്ടേയിരിക്കുകയാണ്‌. രണ്ടാം യുപിഎയുടെ ഭരണകാലത്ത്‌ ഇസ്രായേലിൽ നിന്ന്‌ സൈനിക ഉപകരണങ്ങൾ വിലയ്ക്കുവാങ്ങുന്നത്‌ അതിന്റെ പാരമ്യതയിൽ എത്തിയെങ്കിൽ മോഡിയുടെ ഭരണം ഇസ്രായേലുമായി കെട്ടിപ്പുണരുന്ന സൗഹൃദത്തിലാണ്‌. ഇതാകട്ടെ അറബ്‌ രാജ്യങ്ങളുമായി നിലനിന്നിരുന്ന രാജ്യത്തിന്റെ പരമ്പരാഗതമായ സൗഹൃദത്തെ ബലികഴിച്ചുകൊണ്ടുള്ളതാണ്‌. ഇന്ത്യ മേലിൽ പലസ്തീനെ ഐക്യരാഷ്ട്രസഭയിൽ പിന്തുണക്കില്ലെന്ന സൂചനകളാണ്‌ സമീപകാലത്ത്‌ വിദേശകാര്യ മന്ത്രാലയത്തിൽ നിന്ന്‌ ചോർന്നുകിട്ടിയ വാർത്തയിലൂടെ മനസിലാക്കാൻ കഴിയുന്നത്‌. തന്ത്രപ്രധാന പങ്കാളിത്തസഹകരണത്തിന്റെ പേരിൽ അമേരിക്കയുടെ സഖ്യശക്തികളായ ജപ്പാനുമായും ഓസ്ട്രേലിയയുമായുമുള്ള പങ്കാളിത്തവും സഹകരണവും ഈ ഗവൺമന്റ്‌ വർദ്ധിപ്പിക്കുകയുണ്ടായി.
3. സാമ്പത്തിക ആഗോളവൽക്കരണത്തിന്റെ ഈ യുഗത്തിൽ മേഖലാസഹകരണവും വികസ്വര രാജ്യങ്ങളും പുതിയതായി വളർച്ചയെത്തിയ രാജ്യങ്ങളുമായുള്ള പരസ്പര സഹകരണവും നമ്മെ സംബന്ധിച്ചിടത്തോളം വളരെ പ്രധാനപ്പെട്ടതാണ്‌. ഈ ദൗത്യം ശിരസാവഹിക്കുന്ന കാര്യത്തിൽ തണുപ്പൻ നയമാണ്‌ മോഡിസർക്കാരിനുള്ളത്‌. ഇന്തോ-പാക്‌ തർക്ക പ്രശ്നങ്ങളെ മുഖ്യമായി ഉന്നയിച്ചതുകാരണം കാഠ്മണ്ഡിൽ നടന്ന സാർക്ക്‌ സമ്മേളനം ഒരുതരം വെള്ളപൂശലായി പരിണമിക്കുകയാണുണ്ടായത്‌. അടുത്തിടെ നടന്ന ബ്രിക്സ്‌ ഉച്ചകോടിയിലും നിഷ്ക്രിയമായ പങ്കാണ്‌ ഇന്ത്യ വഹിച്ചത്‌. അമേരിക്കയുടെ ബഹുധ്രുവ ലോകത്തിനായുള്ള ശ്രമങ്ങളെ തടയിടാൻ കഴിയുന്ന തരത്തിൽ ബ്രിക്സ്‌ ബാങ്ക്‌ സ്ഥാപിക്കുക എന്ന കാര്യത്തിലും സജീവ താൽപര്യം ഇന്ത്യ കാട്ടിയില്ല. ഷാൻഹായി സഹകരണ സംഘടന, ഏഷ്യൻ ഇൻഫ്രാസ്ട്രക്ചർ ബാങ്ക്‌ എന്നിവ രൂപീകരിക്കുന്നതിന്റെ കാര്യത്തിലും ഡബ്ല്യു ടി ഒ യിലും മറ്റ്‌ അന്താരാഷ്ട്ര വേദികളിലും ഒക്കെത്തന്നെ സജീവമല്ലാത്ത ഒഴുക്കൻ നിലപാടാണ്‌ നമ്മുടെ രാജ്യം സ്വീകരിച്ചത്‌.
4. നമ്മുടെ അയൽരാജ്യങ്ങളുമായുള്ള ബന്ധം ശക്തിപ്പെടുത്തുക, വികസ്വര രാജ്യങ്ങളെ ഒരുമിപ്പിച്ചു നിർത്തുക, സാമ്രാജ്യത്തിനും പുത്തൻകൊളോണിയലിസത്തിനുമെതിരെയും സമാധാനത്തിനുവേണ്ടിയും പൊരുതുന്ന ജനങ്ങളുമായി ഐക്യപ്പെടുക എന്നീ തത്വങ്ങളിൽ അധിഷ്ഠിതമായ വിദേശനയത്തെ മുന്നോട്ടുകൊണ്ടുപോകുകയാണ്‌ ഇന്നത്തെ സാർവദേശീയ സാഹചര്യത്തിൽ ഇന്ത്യയുടെ വർത്തമാനമായ ദൗത്യവും കടമയും. ഇത്തരമൊരു നയത്തിന്‌ കടകവിരുദ്ധമാണ്‌ നരേന്ദ്രമോഡി പിന്തുടരുന്ന വിദേശനയം.
5. നിർഭാഗ്യകരമായ മറ്റൊരു വസ്തുത രാജ്യത്തിനകത്തെ വർഗീയ ശക്തികളുടെ ഇടപെടൽ കാരണം പുതിയ ഗവൺമെന്റിന്റെ വിദേശനയത്തിൽ പ്രത്യേകിച്ചും അറബ്‌-പാകിസ്ഥാൻ രാജ്യങ്ങളുമായുള്ള ബന്ധത്തെ പ്രതികൂലമായി ബാധിച്ചിരിക്കുന്നുവെന്നത്‌ നിർഭാഗ്യകരമാണ്‌.
5) രാഷ്ട്രീയ പ്രശ്നങ്ങൾ
1. കഴിഞ്ഞ പാർട്ടി കോൺഗ്രസിനു ശേഷം രാജ്യത്തെ രാഷ്ട്രീയ സംഭവവികാസങ്ങളിൽ വമ്പിച്ച മാറ്റങ്ങളാണ്‌ ഉണ്ടായിട്ടുള്ളത്‌. നരേന്ദ്രമോഡി നേതൃത്വം നൽകുന്ന എൻഡിഎ ഗവൺമെന്റ്‌ അധികാരത്തിലേറിയതോടെ രാജ്യത്ത്‌ വ്യക്തമായ വലതുപക്ഷ വ്യതിയാനം സംഭവിച്ചിരിക്കുന്നു. കോർപറേറ്റ്‌ മൂലധന ശക്തികൾ, വലതുപക്ഷ ആശയങ്ങൾ, ആക്രമണോത്സുകമായ വർഗീയത, ഇവയുടെ ഒരു കൂട്ടുകെട്ടിനെയാണ്‌ പുതിയ ഗവൺമെന്റ്‌ പ്രതിനിധാനം ചെയ്യുന്നത്‌. ഭരണത്തിലേറി ആദ്യത്തെ ആറുമാസക്കാലം തികയുന്നതിനു മുമ്പുതന്നെ അവരുടെ രാഷ്ട്രീയവും സാമ്പത്തികവുമായ അജൻഡ അനാവരണം ചെയ്യപ്പെട്ടു.
2. ബിജെപിക്കും ലോക്സഭയിൽ ഒറ്റയ്ക്ക്‌ കേവല ഭൂരിപക്ഷം കിട്ടിയതോടെ കൂട്ടുകക്ഷി രാഷ്ട്രീയത്തിന്റെ കാലം തൽക്കാലത്തേക്ക്‌ അവസാനിച്ചിരിക്കുന്നു. കഴിഞ്ഞ ലോക്സഭാ തെരഞ്ഞെടുപ്പിനുശേഷം നടന്ന സംസ്ഥാന തെരഞ്ഞെടുപ്പുകളിൽ ഹരിയാന, ഝാർഖണ്ഡ്‌, മഹാരാഷ്ട്ര എന്നീ സംസ്ഥാനങ്ങളിൽ ബിജെപി ഭൂരിപക്ഷം നേടുകയും അധികാരത്തിലേറുകയും ചെയ്തു. എന്നാൽ യുപി, രാജസ്ഥാൻ സംസ്ഥാനങ്ങളിലെ ഉപതെരഞ്ഞെടുപ്പുകളിൽ ബിജെപി പിന്നോക്കം പോയെങ്കിലും ബിജെപിക്ക്‌ അതിന്റെ രാഷ്ട്രീയ സ്വാധീനം രാജ്യത്തിന്റെ വിവിധ ഭാഗങ്ങളിലേക്ക്‌ വ്യാപിപ്പിക്കാൻ കഴിഞ്ഞിട്ടുണ്ട്‌. അടുത്തിടെ ഝാർഖണ്ഡിലും ജമ്മുകശ്മീരിലും നടന്ന തെരഞ്ഞെടുപ്പ്‌ ഫലങ്ങൾ മേൽപ്പറഞ്ഞ പ്രവണതയെ വീണ്ടും ദൃഢീകരിക്കുകയാണ്‌. ലോക്സഭാ തെരഞ്ഞെടുപ്പ്‌ ഫലങ്ങളുമായി സംസ്ഥാന തെരഞ്ഞെടുപ്പുകളെ താരതമ്യപ്പെടുത്തുമ്പോൾ ബിജെപിക്ക്‌ ലഭിച്ച വോട്ടിന്റെ കാര്യത്തിൽ ശോഷണം വന്നുവെന്നത്‌ എടുത്തുപറയേണ്ട വസ്തുതയാണ്‌.
3. ലോക്സഭയിലും വിവിധ സംസ്ഥാനങ്ങളിലും നടന്ന തെരഞ്ഞെടുപ്പ്‌ ഫലങ്ങൾ നമ്മുടെ തെരഞ്ഞെടുപ്പ്‌ സമ്പ്രദായത്തിന്റെ വൈകല്യങ്ങളെ തുറന്നുകാട്ടുന്നതാണ്‌. നാം ഇക്കാലമത്രയും പിന്തുടർന്ന തെരഞ്ഞെടുപ്പ്‌ രീതി അനുസരിച്ച്‌ 30 ശതമാനം വോട്ട്‌ നേടുന്ന കക്ഷികൾക്ക്‌ അധികാരത്തിലേറാൻ കഴിയും. ആനുപാതിക പ്രാതിനിധ്യ സമ്പ്രദായത്തിലുളള തെരഞ്ഞെടുപ്പ്‌ പരിഷ്കരണം വർത്തമാനകാലഘട്ടത്തിൽ ഏറ്റവും അവശ്യം നടപ്പിലാക്കേണ്ടതാണെന്നാണ്‌ ഈ ജനവിധി നമ്മെ ബോധ്യപ്പെടുത്തുന്നത്‌.
4. സാമ്പത്തിക രംഗത്ത്‌ തീവ്രവും നാണംകെട്ട നിലയിലുള്ള നവഉദാരീകരണ നയങ്ങൾ ഒരുവശത്ത്‌; മറുവശത്ത്‌ രാഷ്ട്രീയമായി സംഘപരിവാർ ശക്തികളെ എല്ലാ മേഖലകളിലും അഴിഞ്ഞാടാൻ അനുവദിച്ചുകൊണ്ട്‌ വർഗീയാടിസ്ഥാനത്തിൽ ജനങ്ങളെ ഭിന്നിപ്പിച്ച്‌ നിർത്തുക എന്നതാണ്‌ മോഡി അമിത്ഷാ ദ്വയങ്ങളുടെ തന്ത്രം. ബിജെപിയുടെ താത്വിക കേന്ദ്രമായ ആർഎസ്‌എസ്‌ ആദ്യമായിട്ടാണ്‌ ഭരണത്തിൽ നേരിട്ടിടപെടുന്നതും പലപ്പോഴും ആജ്ഞാപിക്കുകയും ചെയ്യുന്നത്‌. ഗവൺമെന്റിന്റെ തന്ത്രപ്രധാനമായ എല്ലാ മേഖലകളിലും പ്രത്യേകിച്ച്‌ വിദ്യാഭ്യാസ, സാംസ്കാരിക, ചരിത്രം കൈകാര്യം ചെയ്യുന്ന വകുപ്പുകളിലും സ്ഥാപനങ്ങളിലും ആർഎസ്‌എസുകാരെയും സംഘപരിവാറുകാരെയും കുത്തിനിറയ്ക്കുന്നു എന്നുമാത്രമല്ല രാജ്യത്തിന്റെ തന്ത്രപ്രധാനമായ സുരക്ഷ രഹസ്യാന്വേഷണ മേഖലകളിൽപ്പോലും സംഘപ്രചാരകന്മാർ നുഴഞ്ഞുകയറുകയാണ്‌.
5. നരേന്ദ്രമോഡിയുടെ ഏകാധിപത്യ പ്രവണതയ്ക്കും തൻപ്രമാണിത്വത്തിനുമുള്ള പ്രകടമായ തെളിവാണ്‌ ബിജെപി മന്ത്രിസഭാ രൂപീകരണവും തുടർന്നുണ്ടായ മന്ത്രിസഭാ വികസനവും. തൻപ്രമാണിത്തത്തെ ചോദ്യം ചെയ്യപ്പെടാൻ സാധ്യതയുള്ള എല്ലാവരേയും പാർശ്വവൽക്കരിച്ചുകൊണ്ട്‌ സ്തുതിപാഠകരെയാണ്‌ മോഡി പാർട്ടിയിലും ഗവൺമെന്റിലും നിയമിച്ചത്‌. ഇതുവഴി നിലവിലുള്ള എല്ലാ കീഴ്‌വഴക്കങ്ങളേയും പാർലമെന്ററി നടപടിക്രമങ്ങളെയും തകിടംമറിക്കുകയാണ്‌ മോഡി ചെയ്തത്‌.
6. കേന്ദ്ര സർക്കാരിന്‌ രാജ്യസഭയിൽ ഭൂരിപക്ഷമില്ലല്ലോ. ബന്ധപ്പെട്ട എല്ലാവരുമായി അഭിപ്രായസമന്വയ രൂപീകരണത്തിന്‌ ശ്രമിക്കുന്നതിന്‌ പകരമായി ഓർഡിനൻസ്‌ രാജ്‌ നടപ്പിലാക്കുകയാണ്‌ നരേന്ദ്രമോഡി ഗവൺമെന്റ്‌. നമ്മുടെ പ്രകൃതിവിഭവങ്ങളെ കോർപറേറ്റുകൾക്ക്‌ കൊള്ളയടിക്കുവാൻ വേണ്ടിയാണ്‌ രാജ്യസഭയിൽ ഭൂരിപക്ഷമില്ലാത്ത ഗവൺമെന്റ്‌ ഓർഡിനൻസ്‌ ഇറക്കിക്കൊണ്ടിരിക്കുന്നത്‌. കൽക്കരി, ഇൻഷുറൻസ്‌, ഭൂമി ഏറ്റെടുക്കൽ തുടങ്ങിയ കാര്യങ്ങളിൽ ഓർഡിനൻസുകൾ ഇതിനകംതന്നെ വന്നുകഴിഞ്ഞു. ബഹുരാഷ്ട്ര കുത്തകകളെ പ്രീണിപ്പിക്കുവാൻ വേണ്ടി നിയമഭേദഗതികൾക്കായി സർക്കാർ പല ഓർഡിനൻസുകളും സർക്കാർ ഇറക്കികൊണ്ടിരിക്കുകയാണ്‌.
7. വലതുപക്ഷ വർഗീയ ശക്തികളെ അഴിഞ്ഞാടാൻ കയറൂരിവിട്ടിരിക്കുന്നത്‌ നമ്മുടെ ജനാധിപത്യ സംവിധാനത്തിനുതന്നെ ഗുരുതരമായ ഭീഷണിയായിരിക്കുകയാണ്‌. സാമ്പത്തിക പരമാധികാരം, മതേതരത്വം, നിയമവാഴ്ച, പാർലമെന്ററി ജനാധിപത്യ സംവിധാനം തുടങ്ങി ജനങ്ങൾ നാളിതുവരെ നേടിയെടുത്ത എല്ലാ നേട്ടങ്ങളും ഇന്ന്‌ അപകടാവസ്ഥയുടെ നിഴലിലാണ്‌. എല്ലാവിധ കടന്നാക്രമണങ്ങളും ഒരുപോലെ ഗൗരവമേറിയ വിഷയമായതുകൊണ്ട്‌ ഇതിലേതെങ്കിലുമൊന്ന്‌ കുറഞ്ഞതോ കൂടിയതോ ആയ ഭീഷണിയാണെന്ന്‌ വിലയിരുത്തുന്നത്‌ അക്ഷന്തവ്യമായ തെറ്റായിരിക്കും.
8. വൻകിട കോർപറേറ്റുകൾ നിയന്ത്രിക്കുന്ന മാധ്യമങ്ങൾ പുതിയ ഭരണകൂടത്തിന്റെ ചട്ടുകമായാണ്‌ പ്രവർത്തിക്കുന്നത്‌. ജനങ്ങളുടെ യഥാർഥ പ്രശ്നങ്ങളിൽ നിന്ന്‌ ശ്രദ്ധ തിരിച്ചുവിടാൻ ഈ മാധ്യമങ്ങൾ കിണഞ്ഞു പരിശ്രമിക്കുകയാണ്‌. വർഗീയത ഇരുതലമൂർച്ചയുള്ള വാളാണ്‌. ഈ ആയുധത്തെ മോഡിയും സംഘവും സമർഥമായി ഉപയോഗിക്കുന്നത്‌ ഒരുവശത്ത്‌ വർഗീയ ധ്രുവീകരണം സൃഷ്ടിക്കുവാനും അതുവഴി മറുവശത്ത്‌ ജനങ്ങളുടെ അടിസ്ഥാന പ്രശ്നങ്ങളിൽ നിന്നും ശ്രദ്ധ തിരിച്ചുവിട്ടുകൊണ്ട്‌ ജനങ്ങളുടെ ഇടയിൽ ചർച്ചാവിഷയമാക്കാതിരിക്കാനുമാണ്‌. ഈ രാഷ്ട്രീയ തന്ത്രം മോഡിയും കൂട്ടരും നന്നായി പയറ്റുകയാണ്‌.
9. ന്യൂനപക്ഷ വർഗീയ ധ്രുവീകരണവും വർധിച്ചുവരുന്ന വർഗീയ ഭീഷണിക്ക്‌ കാരണമാണ്‌. ഭൂരിപക്ഷ വർഗീയതയുടെ അതിക്രമങ്ങളിൽ സ്വാഭാവികമായും ന്യൂനപക്ഷങ്ങൾക്കിടയിൽ ഉണ്ടായിട്ടുള്ള മാനസികവും സാമൂഹികമായ ഭയം അവരെയും മതഭീകരവാദത്തിലേക്ക്‌ നയിക്കുകയും ഭൂരിപക്ഷവർഗീയതപോലെതന്നെ മതേതര മൂല്യങ്ങൾക്ക്‌ ന്യൂനപക്ഷ വർഗീയതയും ആത്യന്തികമായി ഭീഷണിയായി മാറിയിരിക്കുന്നു.
10. സാമൂഹിക സാമ്പത്തിക രംഗത്ത്‌ തികച്ചും ജനകീയ നിലപാടുകളെടുക്കുന്നതും അതിനെയടിസ്ഥാനപ്പെടുത്തിക്കൊണ്ട്‌ ജനവിരുദ്ധ നവഉദാരവൽക്കരണ നയങ്ങൾക്ക്‌ ജനകീയ ബദൽ അവതരിപ്പിക്കാൻ കഴിയുന്നതും ഇടതുപക്ഷത്തിന്‌ മാത്രമാണെന്ന്‌ കോർപറേറ്റുകൾക്ക്‌ നന്നായിട്ടറിയാം. അതിനാലാണ്‌ ഇടതുപക്ഷ പാർട്ടികളെ ദുർബലപ്പെടുത്താനും അവരെ പാർശ്വവൽക്കരിക്കാനും വൻകിട കോർപറേറ്റുകളും അവരുടെ ചൊൽപ്പടിക്ക്‌ നിൽക്കുന്ന രാഷ്ട്രീയ പാർട്ടികളും നന്നായി പരിശ്രമിക്കുന്നത്‌. പ്രാദേശിക പാർട്ടികളെ പ്രലോഭിപ്പിച്ചും പ്രോത്സാഹിപ്പിച്ചും ഇടതുപാർട്ടികളെ പരാജയപ്പെടുത്താൻ കുത്തകകൾ നടത്തിയ ബോധപൂർവമായ ശ്രമം കഴിഞ്ഞ ലോക്സഭാ തെരഞ്ഞെടുപ്പിൽ നാം കണ്ടതാണ്‌. വരാൻ പോരുന്ന നാളുകളിൽ ഇടതുപക്ഷത്തിന്റെ നേർക്കുള്ള ഈ ആക്രമണത്തിന്‌ മൂർച്ച കൂടുവാൻ പോകുകയാണ്‌.
11. ഇന്നത്തെ പ്രത്യേക രാഷ്ട്രീയ സാഹചര്യത്തിൽ ഇടതു പാർട്ടികളുടെ യോജിച്ചുള്ള പ്രവർത്തനങ്ങളിൽ ഐക്യം വിപുലപ്പെടുത്തേണ്ടത്‌ വളരെയധികം അടിയന്തര പ്രാധാന്യമുള്ളതാണ്‌. കഴിഞ്ഞ നവംബർ മാസത്തിൽ പ്രധാനപ്പെട്ട ആറു ഇടതുപക്ഷ പാർട്ടികൾ സിപിഐ, സിപിഐ(എം), സിപിഐ-(എംഎൽ), ഫോർവേർഡ്‌ ബ്ലോക്ക്‌, എസ്‌യുസിഐ(സി) യോജിച്ചു നടത്തിയ രാഷ്ട്രീയ പ്രക്ഷോഭം ഈ ദിശയിലുള്ള സ്വാഗതാർഹമായ തുടക്കമാണ്‌. ഇതുകൊണ്ട്‌ മതിയാവുന്നില്ല. ഈ പ്ലാറ്റ്ഫാം കൂടുതൽ വിപുലപ്പെടുത്തേണ്ടതും വികസിപ്പിക്കേണ്ടതും പ്രക്ഷോഭങ്ങളിലും പരിപാടികളിലുമുള്ള സമൂർത്തമായ ഐക്യം കെട്ടിപ്പടുക്കേണ്ടതുമാണ്‌.
ആർഎസ്‌എസിന്റെ നേരിട്ടുള്ള കടന്നുകയറ്റം
1. അടൽ ബിഹാരി വാജ്പേയി നേതൃത്വം നൽകിയ കഴിഞ്ഞ എൻഡിഎ ഗവൺമെന്റിനെ അപേക്ഷിച്ച്‌, രാഷ്ട്രീയ സ്വയം സേവക്‌ സംഘം ഭരണത്തിന്റെയും ബിജെപിയുടെയും എല്ലാ തന്ത്രപ്രധാന മേഖലകളിലും നേരിട്ട്‌ പിടിമുറുക്കുന്നതായാണ്‌ കാണുന്നത്‌. ഗവൺമെന്റിലും ബിജെപിയിലും സംഘപ്രചാരകന്മാരെ നേരിട്ട്‌ നിയോഗിച്ചുകൊണ്ടാണ്‌ ആർഎസ്‌എസ്‌ അവരുടെ അജൻഡ നടപ്പിലാക്കുന്നത്‌. വിദ്യാഭ്യാസം, സാമൂഹ്യ സാംസ്കാരികം, വാർത്താവിതരണ പ്രക്ഷേപണ വകുപ്പുകളിലെ പ്രധാനപ്പെട്ട നയരൂപീകരണങ്ങളും ആർഎസ്‌എസിന്റെ മുൻകൂർ അനുമതിയോടെ മാത്രമാണ്‌ നടപ്പിലാക്കുന്നത്‌. ഹിന്ദുവർഗീയതയോട്‌ കൂറ്‌ പുലർത്തുന്നവർ വ്യത്യസ്ത മേഖലകളിൽ നുഴഞ്ഞുകയറിയിരിക്കുകയാണ്‌. ചരിത്രവും പാഠ്യപദ്ധതിപോലും ആവിഷ്കരിക്കുന്നത്‌ ഹിന്ദുത്വ അജൻഡയെ അടിസ്ഥാനപ്പെടുത്തിയാണ്‌. എന്തിനധികം പറയുന്നു, അവർ, ശാസ്ത്ര കോൺഗ്രസ്‌ നടത്തിപ്പുപോലും പ്രതിലോമപരത പ്രചരിപ്പിക്കുവാനുള്ള വേദിയാക്കുകയുണ്ടായി. ഒരുഭാഗത്ത്‌ സാമ്പത്തിക നയങ്ങൾ കോർപറേറ്റുകൾ തീരുമാനിക്കുമ്പോൾ മറുഭാഗത്ത്‌ മറ്റ്‌ എല്ലാ കാര്യക്രമങ്ങളും നേരിട്ട്‌ നിയന്ത്രിക്കുന്നത്‌ ആർഎസ്‌എസാണ്‌. ഇതാകട്ടെ പാർലമെന്ററി ജനാധിപത്യ വ്യവസ്ഥയ്ക്ക്‌ അതിഭീഷണമായ വെല്ലുവിളിയാണ്‌ ഉയർത്തിയിട്ടുള്ളത്‌. ആർഎസ്‌എസ്‌ ഒരു അരാഷ്ട്രീയ സംഘടനയാണെന്നാണ്‌ അവർ അവകാശപ്പെട്ടുകൊണ്ടിരിക്കുന്നത്‌.
ഗവൺമെന്റ്‌ നേരിട്ട്‌ നിയന്ത്രിക്കുന്നതിനെക്കാളേറെ, ഹിന്ദുപരിവാർ സംഘടനകൾ രാജ്യത്തെ ഭിന്നിപ്പിക്കാനുളള ഛിദ്രപ്രവൃത്തികളിൽ ഏർപ്പെട്ടിരിക്കുകയാണ്‌. വളരെ പ്രകോപനപരമായ മുദ്രാവാക്യങ്ങൾ ഉയർത്തിക്കൊണ്ട്‌ നമ്മുടെ മതേതരത്വത്തെ പിച്ചിച്ചീന്തുകയാണ്‌. അയോധ്യാവിവാദം വീണ്ടും ഉയർത്തിക്കൊണ്ടുവരുന്നു. (ഭരണഘടനാപദവിപോലും ലംഘിച്ചുകൊണ്ട്‌ ചില ഗവർണർമാർ ഈ വിഷയത്തിൽ വിവാദ പ്രസ്താവനകൾ പുറപ്പെടുവിക്കുന്നു) വാജ്പേയ്‌ ഗവൺമെന്റിന്റെ കാലത്ത്‌ ഉപേക്ഷിച്ച എല്ലാ വിധ്വംസക വിദ്വേഷ വിഷയങ്ങളെ പൂർവാധികം ശക്തിയോടുകൂടി പുനർജീവിപ്പിക്കുകയാണ്‌. ‘ലൗ ജിഹാദ്‌’, ‘ഘർവാപസി’, രാഷ്ട്രപിതാവിന്റെ ഘാതകനായ നാഥുറാം ഗോഡ്സെയെ രാജ്യസ്നേഹിയായി പ്രഖ്യാപിക്കുകവഴി രാഷ്ട്രപിതാവിനെ അപമാനിക്കൽ, ന്യൂനപക്ഷ വിഭാഗങ്ങളുടെ ഉത്സവാവധികൾ പരോക്ഷമായി ഇല്ലായ്മ ചെയ്യൽ, തുടങ്ങിയ പ്രവൃത്തികൾ വർഗീയ ധ്രുവീകരണം ശക്തിപ്പെടുത്തുന്നു എന്നുമാത്രമല്ല; നമ്മുടെ നാനത്വത്തിൽ ഏകത്വമെന്ന തത്വത്തിന്റെ കടയ്ക്കൽ കത്തിവയ്ക്കുക കൂടിയാണ്‌. ശാസ്ത്രത്തെയും സാങ്കേതികജ്ഞാനത്തെയും ചരിത്രപാരമ്പര്യങ്ങളെയുമൊക്കെ പ്രതിലോമ ചിന്താഗതികളിൽ തളച്ചിടാൻ ഗവൺമെന്റുതന്നെ നേതൃത്വം നൽകുന്നു.
ഫ്ലാഗ്ഷിപ്പ്‌ പദവികൾ അവതാളത്തിൽ
1. സാമൂഹ്യസേവന മേഖലകളിലെ ചെലവ്‌ വെട്ടിക്കുറച്ച്‌ ധനക്കമ്മി കുറയ്ക്കുക എന്നത്‌ നരേന്ദ്രമോഡി ഗവൺമെന്റിന്റെ പ്രഖ്യാപിത നിലപാടാണ്‌. 2014-15 ലെ ബജറ്റിൽ വിദ്യാഭ്യാസം, ആരോഗ്യം എന്നീ മേഖലകളിൽ മാത്രം 25 ശതമാനം വിഹിതമാണ്‌ വെട്ടിക്കുറച്ചത്‌. ഈ രണ്ടുമേഖലകളും പൂർണമായും സ്വകാര്യവൽക്കരിക്കുവാനും വാണിജ്യവൽക്കരിക്കുവാനുമാണ്‌ ഗവൺമെന്റ്‌ പദ്ധതിയിടുന്നത്‌.
2. കഴിഞ്ഞ രണ്ടാം യുപിഎ സർക്കാരിന്റെ കാലത്ത്‌ മഹാത്മാഗാന്ധി ഗ്രാമീണ തൊഴിലുറപ്പ്‌ പദ്ധതിയിൽ വെളളം ചേർക്കാൻ തുടങ്ങിയിരുന്നുവെങ്കിലും അത്‌ പൂർണമായി നിർത്തലാക്കുവാനുളള നടപടിയാണ്‌ മോഡി ഗവൺമെന്റ്‌ സ്വീകരിച്ചുവരുന്നത്‌. കഴിഞ്ഞ സർക്കാരിന്റെ കാലത്ത്‌ ഇതിനായി നീക്കിവച്ചിരുന്ന ഫണ്ട്‌ പൂർണമായി ഉപയോഗിച്ചിരുന്നില്ല. ഇപ്പോൾ സംസ്ഥാനങ്ങൾക്ക്‌ നൽകേണ്ട ഈ ഇനത്തിലെ വിഹിതം വെട്ടിക്കുറച്ചിരിക്കുന്നു. ഗ്രാമീണ തൊഴിലുറപ്പ്‌ പദ്ധതിയുടെ ഗുണഭോക്താക്കളായ ജനവിഭാഗങ്ങളെ സംഘടിപ്പിച്ചുകൊണ്ട്‌ എംജിഎൻആർഇഎ സംരക്ഷിക്കുന്നതിനുളള പ്രക്ഷോഭണം പാർട്ടി സംഘടിപ്പിക്കണം.
തെരഞ്ഞെടുപ്പ്‌ പരിഷ്കരണം
ലോക്സഭാ തെരഞ്ഞെടുപ്പിൽ 52 ശതമാനം സീറ്റുകൾ നേടിയ ബിജെപിക്ക്‌ കേവലം 31 ശതമാനം വോട്ടുകൾ മാത്രമാണ്‌ ലഭിച്ചത്‌. ഇത്‌ നിലവിലുളള തെരഞ്ഞെടുപ്പ്‌ പ്രക്രിയയുടെ അശാസ്ത്രീയതയെ വിളിച്ചറിയിക്കുന്നതാണ്‌. മാത്രവുമല്ല അഴിമതിക്ക്‌ വളം വയ്ക്കുന്നതാണ്‌ ഇപ്പോഴത്തെ തെരഞ്ഞെടുപ്പ്‌ സമ്പ്രദായം. ആയതിനാൽ സമഗ്രമായ ഒരു തെരഞ്ഞെടുപ്പ്‌ പരിഷ്കരണമാണ്‌ സിപിഐ ആവശ്യപ്പെടുന്നത്‌. ആനുപാതിക പ്രാതിനിധ്യ അടിസ്ഥാനത്തിലുളള തെരഞ്ഞെടുപ്പ്‌ വ്യവസ്ഥയായിരിക്കണം പകരം വയ്ക്കേണ്ടത്‌.
തെരഞ്ഞെടുപ്പ്‌ പരിഷ്ക്കരണം മുൻനിർത്തി ഇന്ദ്രജിത്ത്ഗുപ്ത കമ്മിറ്റിയുടേതടക്കം ഒന്നിലധികം റിപ്പോർട്ടുകൾ നിലവിലുണ്ട്‌. ഈ റിപ്പോർട്ടുകളെ ആസ്പദമാക്കി ആനുപാതിക പ്രാതിനിധ്യ സമ്പ്രദായത്തിലുളള ശാസ്ത്രീയ പരിഷ്ക്കരണം തെരഞ്ഞെടുപ്പ്‌ പ്രക്രിയയിൽ അനിവാര്യമാണ്‌. തെരഞ്ഞെടുപ്പിൽ ജാതി-മത-ശക്തികളുടെയും പണക്കൊഴുപ്പിന്റെയും കായികശേഷിയുടെയും പിൻബലത്തിലുളള തെരഞ്ഞെടുപ്പ്‌ രീതി ഇല്ലായ്മ ചെയ്യുന്നവിധിത്തിലായിരിക്കണം ഈ തെരഞ്ഞെടുപ്പ്‌ നവീകരണങ്ങൾ നടപ്പിലാക്കേണ്ടത്‌. അർഥവത്തായ തെരഞ്ഞെടുപ്പ്‌ പരിഷ്ക്കാരങ്ങൾക്കായുളള ജനകീയ പ്രക്ഷോഭ പ്രചരണ പ്രവർത്തനങ്ങൾ പാർട്ടി ഏറ്റെടുത്ത്‌ നടത്തേണ്ടതാണ്‌.
ജമ്മുകശ്മീർ
അതിലോലമായ അതിർത്തി സംസ്ഥാനമായ ജമ്മുകശ്മീർ ഇപ്പോഴും പ്രശ്നബാധിത പ്രദേശമായി തുടരുന്നു. ഇക്കഴിഞ്ഞ ഒന്നരപ്പതിറ്റാണ്ടിനിടെ ഭീകരപ്രവർത്തനങ്ങളിൽ ഗണ്യമായ കുറവുണ്ടായെങ്കിലും വികസനരംഗത്തെ മുരടിപ്പും തൊഴിലില്ലായ്മയും പൊതുവേ യുവജനങ്ങളെ അസ്വസ്ഥരാക്കുന്നു. എഎഫ്പിഎസ്‌എ നിയമത്തിന്റെ മറവിൽ നടക്കുന്ന മനുഷ്യാവകാശ ലംഘനങ്ങളും തുടർച്ചയായുളള സൈനികവിന്യാസവും മേഖലയെ സംഘർഷഭരിതമാക്കിക്കൊണ്ടിരിക്കുന്നു. ഘട്ടംഘട്ടമായി എഫ്പിഎസ്‌എ കരിനിയമം ജമ്മുകശ്മീരിൽനിന്നും മറ്റ്‌ വടക്കുകിഴക്ക്‌ സംസ്ഥാനങ്ങളിൽനിന്നും പിൻവലിക്കണം. കഴിഞ്ഞ അസംബ്ലി തെരഞ്ഞെടുപ്പിൽ 70 ശതമാനത്തോളം ജനങ്ങൾ തങ്ങളുടെ വോട്ടവകാശം വിനിയോഗിച്ചിട്ടുണ്ട്‌.
എന്നാൽ ഇത്‌ അടിസ്ഥാനപ്രശ്നങ്ങൾക്ക്‌ പരിഹാരമായിയെന്ന്‌ കരുതേണ്ടതില്ല. ജമ്മുകശ്മീർ പ്രശ്നം രമ്യമായി പരിഹരിക്കാൻ പാകിസ്ഥാനുമായി ചർച്ച നടത്തുന്നതിനോടൊപ്പംതന്നെ സംസ്ഥാനത്തിന്‌ അർഹമായ സ്വയംഭരണാധികാരവും, സംസ്ഥാനത്തിനകത്ത്‌ പ്രാദേശിക സ്വയംഭരണാവകാശവും ഉറപ്പുവരുത്തുവാൻ കേന്ദ്രസർക്കാർ നടപടികൾ സ്വീകരിക്കണം. സംസ്ഥാനത്തിന്‌ പ്രത്യേക സാമ്പത്തിക പാക്കേജുകൾ നടപ്പിലാക്കുകയും, ജനങ്ങളെയും രാഷ്ട്രീയശക്തികളെയും ഉൾപ്പെടുത്തിക്കൊണ്ട്‌ പ്രശ്നപരിഹാരത്തിനായി ആത്മാർഥമായ അനുരഞ്ജനശ്രമങ്ങൾ നടത്തിക്കൊണ്ട്‌ സ്ഥിരമായ പരിഹാരം തേടണം.
വടക്കുകിഴക്കൻ സംസ്ഥാനങ്ങൾ കലാപകലുഷിതം
1. വടക്കുകിഴക്കൻ സംസ്ഥാനങ്ങൾ ഇപ്പോഴും കലാപഭരിതമായി തുടരുകയാണ്‌. അസമിൽ തുടർച്ചയായി ഉണ്ടായിക്കൊണ്ടിരിക്കുന്ന വംശീയ വർഗീയകലാപങ്ങൾ, ദീർഘകാലമായി നിലനിൽക്കുന്ന സംഘർഷാവസ്ഥയ്ക്ക്‌ പരിഹാരം കാണുന്നതിനും നിയമവാഴ്ച സംരക്ഷിക്കുന്നതിലും സംസ്ഥാന ഗവൺമെന്റ്‌ പരാജയപ്പെട്ടിരിക്കുന്നുവെന്നതാണ്‌ കാണിക്കുന്നത്‌. കേന്ദ്രത്തിൽ വർഗീയശക്തികൾ അധികാരത്തിലേറിയത്‌, പ്രദേശത്തെ വർഗീയ വിഘടനശക്തികൾക്ക്‌ ഊർജ്ജം പകർന്നിരിക്കുകയാണ്‌. കഴിഞ്ഞ പത്ത്‌ മാസങ്ങൾക്കുളളിൽ തുടർച്ചയായി ഉണ്ടായിക്കൊണ്ടിരിക്കുന്ന വംശീയ വർഗീയസംഘർഷങ്ങളിൽ പൊലിഞ്ഞുവീണത്‌ നൂറുകണക്കിന്‌ ജീവനുകളാണ്‌. അയൽസംസ്ഥാനങ്ങളിൽനിന്നുളള നുഴഞ്ഞുകയറ്റവും, പണ്ടുകാലംമുതൽ കുടിയേറിപ്പാർത്തവർക്ക്‌ പൗരത്വം നൽകുന്ന വിഷയവും ഇപ്പോഴും തീപ്പൊരി പാറുന്ന പ്രശ്നങ്ങളായി നിലനിൽക്കുന്നു. സമാധാനവും വർഗീയ ഐക്യവും പ്രദാനം ചെയ്യുവാൻ ഈ പ്രശ്നങ്ങളുടെ എല്ലാമാനങ്ങളെയും കണക്കിലെടുത്തുകൊണ്ടുളള ക്രിയാത്മകമായ പ്രശ്നപരിഹാരം ഉണ്ടാകണം.
2. വിഘടനവാദികളുടെ വിധ്വംസക പ്രവർത്തനങ്ങളും അവരെ അടിച്ചമർത്തുന്ന പാരാമിലിട്ടറി സേനയുടെ പ്രവർത്തനങ്ങളുമാണ്‌ മണിപ്പൂരിനെ കലാപകലുഷിതമായ സംസ്ഥാനമായി നിലനിർത്തുന്നത്‌. അതിർത്തിയുടെ സമഗ്രത നിലനിർത്തുന്നതിലൂടെ മാത്രമേ ഗ്രേറ്റർ നാഗാലാൻഡ്‌ മുദ്രാവാക്യവും അതുയർത്തിക്കൊണ്ടുവരുന്ന പ്രക്ഷോഭവും പ്രതിരോധിക്കാനാകൂ.
3. സാമ്പത്തിക പാക്കേജുകളുടെ പ്രഖ്യാപനം ഒന്നുകിൽ കടലാസുകളിൽ മാത്രമൊതുങ്ങുന്നു. അല്ലെങ്കിൽ അത്‌ അഴിമതിക്കാരുടെ കൈകളിലെത്തുന്നു എന്ന അവസ്ഥ ഉളളതുകൊണ്ട്‌ ഈ മേഖലയുടെ വികസനം ഇപ്പോഴും സ്വപ്നമായിത്തുടരുന്നു
. 4. എഐപിഎസ്‌എ എന്ന കരിനിയമത്തിന്റെ മറവിൽ സൈന്യവും അർദ്ധസൈന്യവും മണിപ്പൂരിൽ നടത്തുന്ന കടുത്ത മനുഷ്യാവകാശലംഘനങ്ങൾ അവസാനിപ്പിക്കുകയും മണിപ്പൂരിൽനിന്നും മറ്റ്‌ വടക്കുകിഴക്കൻ സംസ്ഥാനങ്ങളിൽനിന്നും എഐപിഎസ്‌എ പിൻവലിക്കുകയും ക്രമേണ സേനകൾ ഇവിടെനിന്ന്‌ പിൻവാങ്ങുകയും വേണം.
5. വടക്കുകിഴക്കൻ സംസ്ഥാനങ്ങൾക്ക്‌ പ്രത്യേക ശ്രദ്ധയും പരിഗണനയും നൽകിക്കൊണ്ട്‌ അവയുടെ സമഗ്രവികസനത്തിനുതകുന്ന പദ്ധതികളും ആസൂത്രണം ചെയ്യേണ്ടതുണ്ട്‌. പ്രദേശവാസികളുടെ തനത്‌ വംശീയ, സാംസ്കാരിക തനിമ നിലനിർത്തിക്കൊണ്ട്‌ സ്വത്വം സംരക്ഷിച്ചുകൊണ്ടുവേണം ഇത്തരം പദ്ധതികൾ വികസിപ്പിക്കേണ്ടത്‌.
ഇടതുപക്ഷം ഭരിച്ചിരുന്ന സംസ്ഥാനങ്ങൾ
ഇടതുപക്ഷം ഭരിച്ചിരുന്ന കേരളം, പശ്ചിമബംഗാൾ, ത്രിപുര എന്നീ മൂന്ന്‌ സംസ്ഥാനങ്ങളിൽ ത്രിപുരയിൽമാത്രമാണ്‌ തുടർച്ചയായി മൂന്നാംതവണയും അധികാരം നിലനിർത്താൻ കഴിഞ്ഞത്‌. ഉത്കൃഷ്ടമായ ഭരണംകൊണ്ടും ജനക്ഷേമപരമായ പരിപാടികൾ നടപ്പിലാക്കിയും ത്രിപുരയിലെ ജനങ്ങൾക്ക്‌ മാത്രമല്ല രാജ്യത്തെ ജനങ്ങൾക്കാകെ മാതൃകാപരമായ ഭരണമാണ്‌ ത്രിപുര ഗവൺമെന്റ്‌ കാഴ്ചവച്ചത്‌. കേരളത്തിൽ ഒന്നിടവിട്ട്‌ എൽഡിഎഫ്‌, യുഡിഎഫ്‌ എന്ന രീതിയിൽ അധികാരത്തിൽവരുന്ന റെക്കോഡ്‌ രീതിയെ ഭേദിക്കാൻ ഭൂരിപക്ഷത്തിന്റെ നേരിയ വ്യത്യാസത്തിൽ ഇടതുമുന്നണിക്ക്‌ കഴിഞ്ഞില്ല. എന്നാൽ നിരന്തരമായ ജനകീയപ്രശ്നങ്ങൾ ഏറ്റെടുത്തുകൊണ്ടും പ്രക്ഷോഭത്തിന്റെ മാർഗം സ്വീകരിച്ചുകൊണ്ടും ഒരു രാഷ്ട്രീയ ശക്തിയായിത്തന്നെ ഇടതുപക്ഷ ജനാധിപത്യമുന്നണി കേരളത്തിൽ മുന്നോട്ടുപോകുന്നു.
പശ്ചിമബംഗാളിലെ സാഹചര്യങ്ങൾ സംഭ്രമജനകമാണ്‌. മമതാബാനർജി നേതൃത്വം നൽകുന്ന തൃണമൂൽ കോൺഗ്രസ്‌ അധികാരത്തിലേറിയതോടെ ഇടതുപക്ഷത്തിനെതിരെ ഭീകരത അഴിച്ചുവിട്ടിരിക്കുകയാണ്‌. ഇടതുപക്ഷനേതാക്കൾക്കും അണികൾക്കുംനേരെയുളള ആക്രമണങ്ങൾ, പാർട്ടി ഓഫീസുകൾ കൈയേറി നശിപ്പിക്കൽ എന്നിങ്ങനെ തൃണമൂൽകോൺഗ്രസിന്റെയും ഗവൺമെന്റിന്റെയും നടപടികൾ സംസ്ഥാനത്തെ നിയമവാഴ്ചയെത്തന്നെ തകരാറിലാക്കിയിരിക്കുകയാണ്‌. ഗവൺമെന്റ്‌ നൽകിയ വാഗ്ദാനങ്ങൾ പാലിക്കാത്തതിൽ ജനങ്ങൾ തീർത്തും നൈരാശ്യത്തിലാണ്‌. തൃണമൂൽകോൺഗ്രസിന്റെ നേതാക്കളും മന്ത്രിമാരും ഉൾപ്പെട്ട വൻഅഴിമതികളാണ്‌ ബംഗാളിൽ അരങ്ങേറിക്കൊണ്ടിരിക്കുന്നത്‌. ജനങ്ങളാകെ അസംതൃപ്തരാണ്‌. ഈ ഭരണത്തിൽ ബംഗ്ലാദേശിലെ തീവ്രവാദഗ്രൂപ്പുകളുമായി തൃണമൂൽ കോൺഗ്രസ്‌ സഹകരിക്കുകയും യോജിച്ച്‌ പ്രവർത്തനങ്ങളിൽ ഏർപ്പെടുന്നുവെന്ന കുറ്റപ്പെടുത്തലുകൾ ഉയർന്നുവരുന്നുമുണ്ട്‌. ഈ സാഹചര്യത്തെ യൊക്കെ ചൂഷണം ചെയ്തുകൊണ്ട്‌ ബിജെപിയും ഇതര സംഘപരിവാർ ശക്തികളും വർഗീയ ധ്രുവീകരണത്തിനുളള പ്രവർത്തനങ്ങൾ നടത്തുകയാണ്‌. ടിഎംസി ഗവൺമെന്റും ബിജെപിയും ഉയർത്തുന്ന രാഷ്ട്രീയവെല്ലുവിളികളെ ഏറ്റെടുത്തുകൊണ്ട്‌ ഇടതുപക്ഷ ശക്തികൾക്ക്‌ പഴയ കരുത്തും ശക്തിയും ആർജിച്ചുകൊണ്ട്‌ വീണ്ടും ശക്തിപ്രാപിച്ചുകൊണ്ട്‌ മുന്നോട്ടുപോകാൻ കഴിയണം.