2016, ഡിസംബർ 18, ഞായറാഴ്‌ച

ദേശീയഗാനത്തെ അപമാനിച്ചത് ആര്?


ഇന്ത്യയുടെ ദേശീയഗാനം ഇപ്പോൾ വീണ്ടും വിവാദത്തിൽപ്പെട്ടിരിയ്ക്കുകയാണ്. ഭരണകൂടത്തിന്റെ അടിച്ചേൽപ്പിയ്ക്കലുകളുടെ പട്ടികയിൽ ഒന്നായി ജനം അതിനെ കാണാൻ തുടങ്ങിയിരിയ്ക്കുന്നു. കാരണം സുപ്രീം കോടതിയിലെ ചില ശുംഭന്മാരുടെ ഒരു വിധിയും.
രാജ്യത്തിലെ എല്ലാ സിനിമ തീയറ്ററുകളിലും ദേശീയഗാനം നിർബന്ധമായും കേൾപ്പിയ്ക്കണമെന്നും, അത് കേൾക്കുന്ന എല്ലാവരും എഴുന്നേറ്റു നിൽക്കണമെന്നും, അങ്ങനെ ചെയ്യാത്തവരെ അറസ്റ്റ് ചെയ്ത് നിയമനടപടികൾ എടുക്കണമെന്നും ചില ജഡ്ജി ഏമാന്മാർക്ക് പെട്ടെന്ന് വെളിപാടുണ്ടായതിൻറെ അന്തരഫലമാണ് രാജ്യത്തിന്റെ ദേശീയഗാനത്തെ ഈ ദയനീയമായ അവസ്ഥയിൽ എത്തിച്ചിരിയ്ക്കുന്നത്.
ഈ വിധി ഇന്ത്യൻ ജനാധിപത്യത്തിനും, നിയമങ്ങൾക്കും, ജുഡീഷ്യൽ കീഴ്വഴക്കങ്ങൾക്കും എതിരാണെന്ന് അൽപമെങ്കിലും നിയമപരിജ്ഞാനമുള്ള സാമാന്യബോധമുള്ള ആളുകൾക്ക് വ്യക്തമായ ബോധമുണ്ട്. എങ്കിലും "രാജ്യദ്രോഹി" എന്ന വിളിപ്പേര് കിട്ടുമോ എന്ന ഭയവും, സംഘികളുടെ "പാകിസ്ഥാൻ വിസ" വാങ്ങാനുള്ള മടിയും കാരണം അത് പുറത്തു പറയാൻ അവർ അറയ്ക്കുമ്പോൾ, മടിയേതുമില്ലാതെ ദിഗംബരൻ ഉറക്കെ പറയുന്നു - "ഈ കോടതി വിധിയെ എതിർത്തു തോൽപ്പിയ്ക്കാൻ കഴിഞ്ഞില്ലെങ്കിൽ നമ്മളൊന്നും "ഇന്ത്യക്കാർ" എന്ന വിളിപ്പേരിന് അർഹരല്ല".
എന്ത് കൊണ്ടാണ് ഈ കോടതി വിധിയെ വിമർശിയ്ക്കേണ്ടത് ...
കാരണം ഒന്ന്:
ഈ വിധി ഇന്ത്യൻ ദേശീയഗാനത്തെ അപമാനിയ്ക്കുന്നതാണ്
നിങ്ങൾ നിങ്ങളുടെ അമ്മയെ ബഹുമാനിയ്ക്കാറുണ്ടോ? അതിനെന്താ സംശയം എന്ന് മറുപടി.
കാമസൂത്രയോ, സണ്ണി ലിയോണിന്റെ ചൂടുള്ള രംഗങ്ങൾ ഉള്ള സിനിമയോ കാണാൻ തീയറ്ററിൽ പോകുമ്പോൾ സ്വന്തം അമ്മയെ കൂടെ കൊണ്ടുപോകാറുണ്ടോ എന്നാണ് ചോദ്യം എങ്കിലോ?
ദേഷ്യം കൊണ്ട് നിങ്ങളുടെ മുഖം ചുവക്കുന്നത് എനിയ്ക്ക് കാണാം. കാരണം അമ്മയെ ബഹുമാനിയ്ക്കാൻ സിനിമ തീയറ്ററിന്റെ ആവശ്യമില്ല എന്ന സാമാന്യബോധം!
ഇന്ത്യൻ ദേശീയഗാനം പവിത്രമായി കാണുന്നവരാണ് ഇന്ത്യൻ ജനത. സ്വാതന്ത്ര്യ ദിനത്തിൽ, റിപ്പബ്ലിക് ദിനത്തിൽ, സ്ക്കൂൾ അസ്സംബ്ലിയിൽ എന്ന് വേണ്ട എവിടെയും മനസ്സിൽ അഭിമാനത്തോടെയും ആദരവോടെയും മാത്രമാണ് ഇന്ത്യൻ ജനത ദേശീയഗാനത്തെ ശ്രവിച്ചിട്ടുള്ളത്.
സിനിമ തീയറ്റർ എന്നത് ഹോട്ടൽ, ലോഡ്ജ്, ഷോപ്പിംഗ് മാളുകൾ, അഡ്വെഞ്ചർ പാർക്കുകൾ, സർക്കസ്, ബ്യൂട്ടിപാർലർ എന്നിവയൊക്കെപ്പോലെ ഒരു സർവീസ് മേഖലയാണ്. സിനിമ എന്ന വിനോദം വിൽക്കുന്ന കച്ചവടസ്ഥാപനങ്ങൾ. അവിടെ വരുന്ന ജനങ്ങൾ ആഗ്രഹിയ്ക്കുന്നതും മാനസികവിനോദമാണ്. അത് ചിലപ്പോൾ ക്രൈംആക്ഷന് ചിത്രങ്ങൾ നൽകുന്ന വയലൻസ് ആകാം, അശ്ലീലചിത്രങ്ങൾ നൽകുന്ന ലൈംഗികഉണർവ്വാകാം, കോമഡി ചിത്രങ്ങൾ നൽകുന്ന ചിരിയാകാം, ചില ചിത്രങ്ങൾ നൽകുന്ന ദു:ഖമോ, ദേശഭക്തിയോ, ദേഷ്യമോ, തത്വചിന്തയോ ഒക്കെയാകാം.
എന്തുമാകട്ടെ. അവിടെ നടക്കുന്നത് സിനിമയുടെ വിൽപന മാത്രമാണ്.
അത്തരം ഒരു കച്ചവടസ്ഥലത്ത്, പവിത്രമായ ഇന്ത്യയുടെ ദേശീയഗാനം ആലപിയ്ക്കുന്നത് നിർബന്ധപൂർവ്വം അടിച്ചേൽപ്പിയ്ക്കുമ്പോൾ, ആ ജഡ്ജിമാർ ശരിയ്ക്കും നമ്മുടെ പ്രിയപ്പെട്ട ആ ഗാനത്തെ അവഹേളിയ്ക്കുകയാണ് ചെയ്യുന്നത്.
വിശിഷ്ടഅവസരങ്ങളിൽ പാടാനുള്ളതാണ് ദേശീയഗാനം. കക്കൂസിൽ ഇരുന്ന് ആരും അത് പാടാറില്ല.
കാരണം രണ്ട്:
നിലവിലുള്ള ഇന്ത്യൻ നിയമങ്ങൾക്ക് വിരുദ്ധമാണ്
ഔദ്യോഗികചടങ്ങുകളിലും, സവിശേഷ അവസരങ്ങളിലും, പ്രത്യേക പൊതുപരിപാടികളിലും ഒക്കെ കൃത്യമായ നിയമവിധേയമായി ആലപിയ്ക്കേണ്ട ഒന്നാണ് ദേശീയഗാനം. ദേശീയഗാനം അപ്പോഴൊക്കെ ആലപിയ്ക്കണം, എങ്ങനെ ആലപിയ്ക്കണം, തുടങ്ങി എല്ലാ കാര്യങ്ങളും വിശദമായി നിയമങ്ങളിലും, സർക്കാർ മാർഗ്ഗനിർദ്ദേശങ്ങളിലും വ്യക്തമാക്കിയിട്ടുണ്ട്. (The prevention of insults to National Honour Act, 1971)
എന്നാൽ സിനിമ തീയറ്ററുകൾ ഇന്നു വരെ ഈ ലിസ്റ്റിൽ വന്നിട്ടില്ല. (സുപ്രീംകോടതിയിൽ ഈ വങ്കൻ വിധിയിലല്ലാതെ) ദേശീയഗാനം സിനിമാ ഹാളുകളിൽ കേൾപ്പിക്കണമെന്ന് ഒരു നിയമവും നിഷ്കർഷിക്കുന്നില്ല.
കരൺ ജോഹറിന്റെ ഹിന്ദി സിനിമ ദേശീയഗാനം കേൾപ്പിക്കുന്നുവെന്ന കാരണത്താൽ, നിരോധിച്ചുകൊണ്ട് ജസ്റ്റിസ്.ദീപക് മിശ്ര 13 വർഷം മുൻപ് മധ്യപ്രദേശ് ഹൈക്കോടതി ജഡ്ജിയായിരുക്കെ ഇട്ട വിധിന്യായം ചോദ്യം ചെയ്ത് കരൺ ജോഹർ സുപ്രീംകോടതിയെ സമീപിച്ച കേസിൽ, ജസ്റ്റിസ് വി.എൻ.ഖരേ അദ്ധ്യക്ഷനായ മൂന്നംഗ ബെഞ്ച്, ദീപക് മിശ്രയുടെ വിധി റദ്ദാക്കുകയും, സിനിമാഹാളിൽ ദേശീയഗാനം പാടുമ്പോൾ എഴുന്നേറ്റു നിൽക്കേണ്ടതില്ല എന്ന് വിധിക്കുകയും ചെയ്തിട്ടുണ്ട്. അത് അന്തിമവിധിയാണ്.
അതേ കേസിലെ അന്ന് പരാജയപ്പെട്ട ഹരജിക്കാരൻ ശ്യാം നാരായൺ ചൗക്സി 13 വർഷത്തിനു ശേഷം ജസ്റ്റിസ്.ദീപക് മിശ്രയുടെ കോടതിയിൽ അതേ ആവശ്യം ഉന്നയിക്കുകയും ഈ വിവാദ ഇടക്കാല വിധിയിലൂടെ ജസ്റ്റിസ്.ദീപക് മിശ്ര അധ്യക്ഷനായ ബെഞ്ച് അതനുവദിക്കുകയും ചെയ്തു.
ഒരു വിഷയത്തിൽ ഒരു അന്തിമവിധിയും, അതിനു തീർത്തും വിപരീതമായ ഒരു ഇടക്കാലവിധിയും ഉള്ളപ്പോൾ, നാം പൗരന്മാർ നേരത്തേയുള്ള അന്തിമവിധി അനുസരിക്കാൻ ബാദ്ധ്യസ്ഥരാണെന്നും ഇടക്കാലവിധി ആ കേസിലെ കക്ഷികൾക്ക് മാത്രമായി പരിമിതപ്പെടുത്തിക്കാണുകയോ അവഗണിക്കുകയോ ചെയ്യാവുന്നതാണെന്നുമാണ് നിയമതത്വം.
ഇത്തരം നിയമവിരുദ്ധ വിധികൾ അനുസരണ അർഹിക്കുന്നില്ലാത്തവിധം അവഗണിക്കാവുന്നതാണെന്ന് ജസ്റ്റിസ്.വി.ആർ കൃഷ്ണയ്യർ അടങ്ങിയ 3 അംഗ ബെഞ്ച് നേരത്തേ വ്യക്തമാക്കിയിട്ടുള്ളതാണ്.
ദീപക് മിശ്ര എങ്ങനെ അദ്ദേഹത്തിന്റെ തന്നെ നേരത്തത്തെ കേസ് നിയമവിരുദ്ധമായി വീണ്ടും വാദം കേട്ടു എന്ന വലിയ ചോദ്യം ബാക്കി നിൽക്കുന്നുണ്ട്.
ദേശീയഗാനം ആലപിയ്ക്കപ്പെടുമ്പോൾ കേൾവിക്കാൾ പരിശുദ്ധമായ മനസ്സോടെയും, ശ്രദ്ധയോടെയും, ഏകാഗ്രതയോടെയും എഴുന്നേറ്റു നിൽക്കണമെന്നും, തടസ്സങ്ങളില്ലാതെ അത് ആലപിയ്ക്കപ്പെടണമെന്നും നിയമം അനുശാസിയ്ക്കുന്നു.
സിനിമ കാണാൻ വരുന്നവർ ഈ മാനസികഅവസ്ഥയിൽ അല്ല വരുന്നത്. നിയമലംഘനത്തിനും, അതുവഴി ദേശീയഗാനം അപമാനിയ്ക്കപ്പെടാനും ആണ് ഇത് വഴിയൊരുക്കുന്നത്. സിനിമ തുടങ്ങാൻ വൈകിയാൽ കൂകുന്ന സാധാരണക്കാരനും, അശ്ലീലസിനിമ കാണാൻ വരുന്ന ഞരമ്പ് രോഗിയും ഒക്കെ മനസ്സിൽ ദേശഭക്തി നിറയട്ടെ എന്നാണ് ജഡ്ജിഎമ്മാന് തോന്നിയതെങ്കിൽ, ആ നിഷ്കളങ്കതയ്ക്ക് നല്ല നമസ്കാരം.
കാരണം മൂന്ന്:
ജുഡീഷ്യൽ കീഴ്വഴക്കങ്ങൾക്ക് എതിരാണ്
ഇന്ത്യൻ ജനാധിപത്യ സംവിധാനത്തിൽ നിയമങ്ങൾ നിർമ്മിയ്ക്കാനുള്ള അവകാശം പാർലമെന്റിനും, ജനങ്ങളാൽ തെരഞ്ഞെടുക്കുന്ന ഭരണകൂടങ്ങൾക്കുമാണ് ഉള്ളത്. ജുഡിഷ്യറിയ്ക്ക് നിയമങ്ങൾ നിർമ്മിയ്ക്കാൻ അവകാശമില്ല. നിലവിലുള്ള നിയമങ്ങൾക്കനുസരിച്ച് കേസുകളെ വിലയിരുത്തി തീരുമാനമെടുക്കാനും, നിയമങ്ങളെ വ്യാഖ്യാനിയ്ക്കാനും മാത്രമാണ് അവർക്ക് അവകാശമുള്ളത്.
എന്നാൽ സിനിമ ഹാളിൽ ദേശീയഗാനം പാടണമെന്ന് നിലവിൽ ഒരു നിയമവും നമ്മുടെ രാജ്യത്ത് നിലവിലില്ലാത്തതിനാൽ, ഈ ഉത്തരവ് വഴി പുതിയ ഒരു നിയമനിർമ്മാണത്തിനാണ് ആ ജഡ്ജിമാർ ശ്രമിച്ചിരിയ്ക്കുന്നത്. ജുഡീഷ്യറിയുടെ അധികാരപരിധിയ്ക്ക് പുറത്തുള്ള ആ നീക്കം നിയമവിരുദ്ധവും, ജുഡീഷ്യൽ കീഴ്വഴക്കങ്ങൾക്ക് എതിരുമാണ്.
ഇത്തരം ജുഡീഷ്യൽ വിജിലന്റിസം മുളയിലേ നുള്ളികളഞ്ഞില്ലെങ്കിൽ അത് ഇന്ത്യൻ ജനാധിപത്യത്തിന് തന്നെ അപകടകരമാണ്.
കാരണം നാല്:
ജനാധിപത്യത്തിന്റെ അന്ത:സത്തയെ ഹനിയ്ക്കുന്നതാണ്.
ഇന്ത്യൻ ജനാധിപത്യത്തിന്റെ ഏറ്റവും വലിയ പ്രത്യേകത അത് മനുഷ്യാവകാശങ്ങൾക്ക് നൽകുന്ന പ്രത്യേക പരിഗണനയാണ്. ഇന്ത്യൻ ഭരണഘടന നൽകുന്ന അവകാശങ്ങൾക്കൊപ്പം, അത് പൗരന്മാരോട് ആവശ്യപ്പെടുന്ന ചില മൗലിക ഉത്തരവാദിത്വങ്ങൾ ഉണ്ട്. ഇന്ത്യൻ ദേശീയഗാനത്തെ ആദരിയ്ക്കുക എന്നത് അത്തരം ഒരു ഉത്തരവാദിത്വമാണ്.
എന്നാൽ ഒരിയ്ക്കലും ഇന്ത്യൻ ഭരണഘടന പൗരന്മാർക്ക് മേൽ ഈ ഉത്തരവാദിത്വങ്ങൾ ബലമായി അടിച്ചേൽപ്പിയ്ക്കാൻ ശ്രമിച്ചിട്ടില്ല. ദേശഭക്തി എന്നത് പരസ്യമായി പ്രകടിപ്പിയ്ക്കണമെന്നും, ഇല്ലെങ്കിൽ നിങ്ങൾ ശിക്ഷാർഹർ ആണെന്നും ഇന്ത്യൻ ഭരണഘടന അനുശാസിയ്ക്കുന്നില്ല.
ദേശീയഗാനം ചൊല്ലുന്നത് യഹോവ സാക്ഷികൾ എന്ന വിഭാഗക്കാരുടെ വിശ്വാസങ്ങൾക്ക് എതിരാകയാൽ, അതിനു നിർബന്ധിക്കരുതെന്നും, നിർബന്ധിച്ചല്ല ദേശഭക്തിയുണ്ടാക്കേണ്ടതെന്നും, ബിജോയ് ഇമ്മാനുവലും സ്റ്റേറ്റും തമ്മിലെ കേസിൽ സുപ്രീംകോടതി വിധിച്ചു. സഹനമാണ് നമ്മുടെ കീഴ്വഴക്കമെന്നും, സഹനമാണ് നാം പഠിപ്പിക്കുന്നതെന്നും, സഹനമാണ് ഭരണഘടന ഉദ്ഘോഷിക്കുന്നതെന്നും അത് നമ്മളായിട്ട് വെള്ളം ചേർക്കരുതെന്നും ബഹു സുപ്രീംകോടതി അഭിപ്രായപ്പെടുന്നുണ്ട്.
അതേ സുപ്രീം കോടതിയിൽ തന്നെയാണ് ഇന്ന് ജസ്റ്റിസ്.ദീപക് മിശ്രയെപ്പോലുള്ള ജഡ്ജിമാർ ഇമ്മാതിരി വിലകുറഞ്ഞ വിധികൾ പുറപ്പെടുവിയ്ക്കുന്നത് എന്നത്, നമ്മുടെ നാടിന്റെ ഭാഗ്യദോഷം.
കാരണം അഞ്ച്:
ഈ വിധിയ്ക്കു പിന്നിൽ വ്യക്തമായ രാഷ്ട്രീയലക്ഷ്യങ്ങൾ ഉണ്ട്
നോട്ടു നിരോധനത്തിന്റെ അനന്തരഫലങ്ങൾ മോഡി സർക്കാരിനെ വേട്ടയാടാൻ തുടങ്ങുകയും, പകരം സംവിധാനങ്ങളുടെ അപര്യാപ്തത മൂലം ജനങ്ങൾക്കിടയിൽ പ്രതിഷേധം വളരുകയും ചെയ്യുന്ന ഒരു സമയത്താണ് ഈ കേസിൽ ഇത്തരമൊരു വിധി ഉണ്ടായത് എന്നത് വളരെ ശ്രദ്ധേയമാണ്.
വ്യക്തമായ സംഘപരിവാർ ചായ്വുള്ള ഒരാൾ നൽകിയ പൊതുതാത്പര്യഹർജി, ഹൈകോടതിയിൽ മുൻപ് അനുകൂലവിധി പ്രഖ്യാപിച്ച ഇപ്പോഴത്തെ സുപ്രീംകോടതി ജഡ്ജിയുടെ മുന്നിൽ വരുന്നതും, ജനാധിപത്യ, നിയമ കീഴ്വഴക്കങ്ങളെ ലംഘിച്ച് ഒരു ഇടക്കാലഉത്തരവ് ധൃതി പിടിച്ച് ഉണ്ടാകുന്നതും ഒക്കെ യാദൃച്ഛികം അല്ല.
എന്തിനാണ് സിനിമ തീയറ്ററുകളിൽ മാത്രമായി ദേശീയഗാനം ഇങ്ങനെ അടിച്ചേൽപ്പിയ്ക്കുന്നു എന്നതിന് ഉത്തരമില്ല. ഇന്ത്യയിലെ കോടതികളിൽ കൂടി ഇങ്ങനെ ദേശീയഗാനം ദിവസേന പാടി ആദരിക്കണമെന്നാവശ്യപ്പെട്ട് ചിലർ സമർപ്പിച്ച ഹരജികൾ തള്ളിക്കൊണ്ട് "അത്രയ്ക്ക് കാറ്റു വേണ്ട" എന്ന മട്ടിലാണ് സുപ്രീംകോടതി പ്രതികരിച്ചത് എന്നതാണ് രസകരം.
ഏറ്റവും വലിയ അപകടം "മോങ്ങാനിരുന്ന നായുടെ തലയിൽ തേങ്ങ വീണത്" പോലെ, ഈ കോടതിവിധി സംഘി മതഭ്രാന്തരുടെ ഏറ്റവും വലിയ ആയുധമായി മാറും എന്നതാണ്. തങ്ങൾക്ക് ശത്രുത ഉള്ളവരെ ദ്രോഹിയ്ക്കാൻ ബീഫിന് പുറമേ ദേശീയഗാനത്തെക്കൂടി കിട്ടിയ സന്തോഷം സംഘികൾ പലയിടത്തും പ്രകടിപ്പിച്ചു വരുന്നു.
ഗോവയിലെ എഴുത്തുകാരനും സാമൂഹ്യപ്രവർത്തകനുമായ സലിൽ ചതുർവേദിയ്ക്ക് മുൻപുണ്ടായ ഉണ്ടായ അനുഭവം ഓർക്കുക. പനജിയിലെ ഒരു തീയറ്ററിൽ ദേശീയഗാനം കാണിച്ചപ്പോൾ എഴുന്നേറ്റില്ല എന്ന പേരിൽ ചിലർ അദ്ദേഹത്തെ മർദ്ദിച്ച് അവശനാക്കി. അരയ്ക്കു താഴെ തളർന്ന ഒരു വികലാംഗനായിരുന്നു അദ്ദേഹം എന്ന സത്യം, "ദേശഭക്തരായ" ആ അക്രമികൾക്ക് മർദ്ദനം നടത്തുന്നതിൽ യാതൊരു തടസ്സവുമായിരുന്നില്ല. അംഗവൈകല്യം വകവയ്ക്കാതെ, വികലാംഗ ടെന്നീസ് അന്താരാഷ്ട്ര മത്സരങ്ങളിൽ ഇന്ത്യയെ പ്രതിനിധീകരിച്ച് പലപ്രാവശ്യം പങ്കെടുത്ത് രാജ്യത്തിന്റെ അഭിമാനം ഉയർത്തിയ ഒരു കായികതാരമായിരുന്നു സലിൽ ചതുർവേദി എന്നതാണ് ഏറ്റവും വേദനിപ്പിയ്ക്കുന്ന സത്യം.
അന്ന് പ്രതികരണമാരാഞ്ഞ മാധ്യമങ്ങളോട് അദ്ദേഹം ചോദിച്ച ഒരു ചോദ്യമുണ്ട്.
"എന്റെ രാജ്യസ്നേഹത്തിന് വിലയിടാൻ മറ്റുള്ളവർക്ക് എന്താണാവകാശം?"
വാൽകഷ്ണം:
"എന്തരടേ ശിവാ, 'ജനഗണമന'യെ മാറ്റി 'വന്ദേമാതര'ത്തെ ദേശീയഗാനം ആക്കണമെന്ന് പറഞ്ഞു നടന്ന ആർ.എസ്.എസ്സുകാർക്കൊക്കെ, ഇപ്പോൾ ആ പാട്ടിനോട് ഭയങ്കരസ്നേഹം!
"എന്തരു പറയാനാ അണ്ണാ... നാട്ടുകാരെ തല്ലാൻ കോടതി തന്നെ ചാൻസ് കൊടുക്കുമ്പോൾ പിന്നെ സ്നേഹിയ്ക്കാതിരിയ്ക്കാൻ പറ്റോ?"

2016, നവംബർ 20, ഞായറാഴ്‌ച

നോട്ടു നിരോധനം - അർദ്ധസത്യങ്ങളും യാഥാർഥ്യവും….(Part 4) - കറൻസിരഹിത സമ്പത്ത് വ്യവസ്ഥ എന്ന 'പേറ്റിഎം' സ്വപ്നം..

നരേന്ദ്രമോഡിയുടെ അർദ്ധരാത്രി വിളംബരം വഴി ഏറ്റവും അധികം നേട്ടം ഉണ്ടാക്കിയത് ആര് എന്ന ചോദ്യത്തിന് ഒറ്റഉത്തരമേ ഉള്ളൂ. പണം ഇലക്ട്രോണിക്ക് രീതിയിൽ കൈകാര്യം ചെയ്യുന്നതും ട്രാൻസ്ഫർ നടത്തുന്നതുമായ കാർഡ് കമ്പനികളും,ഓൺലൈൻ വെബ്സൈറ്റുകളും, മൊബൈൽ പണം കൈമാറ്റം ചെയ്യുന്ന കമ്പനികളും, .
മോഡിയുടെ 'തുഗ്ലക്ക്' പരിഷ്കാരത്തെ വാഴ്ത്താനും, പ്രചരിപ്പിയ്ക്കാനും സംഘികളെക്കാൾ ആവേശം കാണിച്ചതും 'പേറ്റിഎം' പോലുള്ള ഇത്തരം കമ്പനികളാണ്. 'പേറ്റിഎം' കമ്പനിയാകട്ടെ നരേന്ദ്ര മോഡിയുടെ പടമുള്ള സ്വന്തം പരസ്യങ്ങൾ കൊണ്ട് ദിനപത്രങ്ങൾ നിറച്ചാണ് ഈ പ്രഖ്യാപനത്തെ വരവേറ്റത്. റിലയൻസ് ജിയോയ്ക്ക് ശേഷം മോഡി, ബ്രാൻഡ് അംബാസിഡറാകുന്ന രണ്ടാമത്തെ പരസ്യമായിരുന്നു 'പേറ്റിഎം' കമ്പനിയുടേത്.
മോഡിയുടെ മണ്ടത്തനത്തെ ന്യായീകരിയ്ക്കാൻ സംഘികൾ പറഞ്ഞു നടക്കുന്ന ഏറ്റവും വലിയ ന്യായങ്ങളിൽ ഒന്ന്, ഇത് ഇന്ത്യയിൽ ക്യാഷ്ലെസ്സ് (cashless) ഇക്കോണമി കൊണ്ടു വരാനുള്ള ഏറ്റവും വലിയ നീക്കമാണ് എന്നാണ്. ഇലക്ട്രോണിക് ക്യാഷ് ട്രാൻസാക്ഷന് മാത്രമാണ് ഭാവി എന്നുള്ള പ്രവചനങ്ങളും, ഇന്ത്യ ഉടനെ അത്തരം ഒരു സാമ്പത്തിക വ്യവസ്ഥയിലേയ്ക്ക് പോകാൻ പോകുന്നു എന്നുള്ള സംഘിതള്ളുകളും, സോഷ്യൽ മീഡിയയിൽ നിറയാൻ കാരണം ഈ പ്രചാരണമാണ്.
സാമ്പത്തികശാസ്ത്രമേഖലയുമായോ, ഇന്ത്യയിലെ സാമൂഹികയാഥാർഥ്യങ്ങളുമായോ പുലബന്ധം പോലുമില്ലാത്ത രാഷ്ട്രീയതീരുമാനമാണ് മോഡി എടുത്തത് എന്നതിന്റെ ഏറ്ററ്വും വലിയ തെളിവാണ് ഈ ക്യാഷ്ലെസ്സ് ഇക്കോണമി വാദങ്ങൾ. 130 കോടി ഇന്ത്യക്കാരിൽ എത്ര ശതമാനം പേർക്കാണ് ഇലക്ട്രോണിക് ക്യാഷ് ട്രാൻസാക്ഷന് നടത്താൻ കഴിയുക എന്ന കണക്കുകൾ പരിശോധിച്ചാൽ മതിയാകും ഈ വാദങ്ങളുടെ പൊള്ളത്തരം മനസ്സിലാക്കാൻ.
ബാങ്ക് ഓഫ് ഇന്റർനാഷണൽ സെറ്റിൽമെന്റ് (BIS) നൽകിയ കണക്കുകൾ പരിശോധിച്ചാൽ, ഇന്ത്യയിൽ നടക്കുന്ന സാമ്പത്തിക ഇടപാടുകളിൽ വെറും 11% മാത്രമാണ് ഇലക്ട്രോണിക്ക് ക്യാഷ്ലെസ്സ് ഇടപാടുകൾ എന്ന് മനസിലാക്കാം. ഈ വിഷയത്തിൽ ലോകരാജ്യങ്ങളിൽ വളരെ പുറകിലാണ് ഇന്ത്യ.
ഇന്ത്യയിൽ ഏറ്റവും കൂടുതൽ ഇലക്ട്രോണിക് ട്രാൻസ്ഫർ നടക്കുന്നത് ഡെബിറ്റ് കാർഡുകൾ ഉപയോഗിച്ചാണ്. എന്നാൽ ഡെബിറ്റ് കാർഡുകൾ ഉള്ളവരുടെ എണ്ണവും ഇന്ത്യയിൽ അന്താരാഷ്ട്രനിലവാരത്തെക്കാൾ താഴെയാണ്.
ജനസംഖ്യയ്ക്കനുസരിച്ചുള്ള എ.ടി.എമ്മുകളുടെ എണ്ണം നിരാശാജനകമാണ്. നഗരങ്ങളിൽ ഒരു സ്ക്വയർ കിലോമീറ്ററിന് ഉള്ളിൽ ആറോളം എ.ടി.എം ഉണ്ടെങ്കിൽ, ഗ്രാമപ്രദേശങ്ങളിൽ ഇത് വെറും ആറ് സ്ക്വയർ കിലോമീറ്ററിന് ഉള്ളിൽ ഒരു എ.ടി.എം എന്ന നിരക്കിലാണ്. ക്രെഡിറ്റ് കാർഡുകൾ, മൊബൈൽ മണി ട്രാൻസാക്ഷൻ എന്നിവ നടത്തുന്നവരുടെ എണ്ണത്തിലും ഇന്ത്യ വളരെ പുറകിലാണെന്ന് കണക്കുകൾ കാണിയ്ക്കുന്നു.
ഇന്ത്യയിൽ ആകെ 138,626 ബാങ്ക് ബ്രാഞ്ചുകൾ ആണ് ഉള്ളത്. ഇതിൽ 33 ശതമാനം ബ്രാഞ്ചുകളും മഹാനഗരങ്ങളിലും, തിരക്കേറിയ പട്ടണങ്ങളിലുമാണ്. ചെറുകിടപട്ടണങ്ങൾ, ടൌൺഷിപ്പുകൾ, തിരക്കേറിയ പഞ്ചായത്തുകൾ എന്നിവിടങ്ങളിൽ 40% ബ്രാഞ്ചുകൾ ഉള്ളപ്പോൾ, ഉൾനാടൻ ഗ്രാമങ്ങളിൽ വെറും 26% ബ്രാഞ്ചുകൾ ആണുള്ളത്. ഇന്ത്യൻ ജനസംഖ്യയുടെ 70% ആളുകളും ഗ്രാമങ്ങളിൽ താമസിയ്ക്കുന്നവരാണ് എന്ന വസ്തുത ഈയവസരത്തിൽ ഓർക്കേണ്ടതുണ്ട്.
32 ശതമാനം ഇന്ത്യക്കാർ മാത്രമാണ് ബാങ്കിങ് സൗകര്യങ്ങൾ ഉപയോഗിയ്ക്കുന്നത് എന്നാണ് കണക്കുകൾ കാണിയ്ക്കുന്നത്. പ്രധാനമന്ത്രി ജൻധൻ യോജന എന്ന പദ്ധതിപ്രകാരം പുതുതായി ഉണ്ടാക്കിയ 24 കോടി ബാങ്ക് അക്കൗണ്ടുകൾ കൂടി കണക്കിലെടുത്താൽ, ഇന്ത്യയിലെ 53% ആളുകൾക്ക് ബാങ്ക് അക്കൗണ്ടുകൾ ഉണ്ടെന്ന് പറയാമെങ്കിലും, അതിൽ 25% അക്കൗണ്ടുകളും ക്രയവിക്രയം നടക്കാത്ത നിഷ്ക്രിയ അക്കൗണ്ടുകൾ ആണ്.
ഇന്ത്യയിൽ ഇലക്ട്രോണിക്ക് മണിയെ അടിസ്ഥാനമാക്കിയ സാമ്പത്തികവ്യവസ്ഥ എത്രത്തോളം സുരക്ഷിതമാണ് എന്നതും ഒരു വലിയ ചോദ്യമാണ്. ചില സമകാലീന സംഭവവികാസങ്ങൾ അതിന് അടിവരയിടുന്നു.
ഇക്കഴിഞ്ഞ ഒക്ടോബർ മാസത്തിൽ ഇന്ത്യയിൽ ഡെബിറ്റ് കാർഡുകളുടെ ഡാറ്റ ചോർത്തപ്പെട്ട സംഭവം വൻവിവാദമായിരുന്നു. എസ്.ബി.ഐ, എച്ച്.ഡി.എഫ്.സി, ഐ.സി.ഐ.സി.ഐ, ആക്സിസ് ബാങ്ക്, എസ് ബാങ്ക് എന്നിങ്ങനെയുള്ള എല്ലാ പ്രധാനബാങ്കുകളിൽ എല്ലാം കൂടി 3.2 മില്യൺ ഡെബിറ്റ് കാർഡുകളുടെ വിവരങ്ങളാണ് ചൈനീസ് ഹാക്കർമാർ ചോർത്തിയത്. ഒടുവിൽ സാമ്പത്തികമന്ത്രാലയം തന്നെ നേരിട്ട് ഇടപെടുകയും, ബാങ്കുകൾ ഇത്തരം കാർഡുകൾ ഉപഭോക്താക്കളിൽ നിന്നും തിരികെ വാങ്ങി പകരം കാർഡുകൾ നൽകി. എസ്.ബി.ഐ മാത്രം ആറു ലക്ഷം ഡെബിറ്റ് കാർഡുകളാണ് മാറ്റി നൽകിയത്.
ഈ സംഭവം നമ്മുടെ ഇലക്ട്രോണിക്ക് ബാങ്കിങ് സിസ്റ്റത്തിന്റെ സുരക്ഷയെ തന്നെ ചോദ്യം ചെയ്യുന്നു. അയൽരാജ്യത്തെ ഹാക്കർമാർക്ക് നമ്മുടെ ഇലക്ട്രോണിക്ക് ബാങ്കിങ് ഓപ്പറേഷനുകളെ തട്ടിയെടുക്കാൻ കഴിഞ്ഞാൽ, അത് നമ്മുടെ സമ്പത്ത് വ്യവസ്ഥയിൽ ഉണ്ടാക്കാവുന്ന സ്വാധീനം കള്ളനോട്ടുകളേക്കാൾ ഗുരുതരമായിരിയ്ക്കും.
പൂർണ്ണമായും സുരക്ഷിതവും, ഫലപ്രദവുമായ ക്യാഷ്ലെസ്സ് എക്കോണമി എന്ന ലക്ഷ്യത്തിൽ എത്താൻ ഇന്ത്യയ്ക്ക് ദശകങ്ങൾ വേണ്ടി വരും എന്ന് സാരം.
ഒരു കാർഡ് സ്വൈപ്പിങ് മെഷീൻ വാങ്ങി, മാസവാടക നൽകി, ഇലക്ട്രോണിക്ക് രൂപ ഇടപാട് നടത്താൻ ഉള്ള സാമ്പത്തികസ്ഥിതി ഇന്ത്യയിലെ ഒരു തട്ടുകടക്കാരനോ, വഴിവക്കിലിരുന്ന് പച്ചക്കറി വിൽക്കുന്ന ചെറുകിട കച്ചവടക്കാരനോ പോലുള്ളവർക്ക് ഒരിയ്ക്കലും കഴിയില്ല എന്ന് മനസ്സിലാക്കാൻ സാമ്പത്തികശാസ്ത്രത്തിൽ ബിരുദമെടുക്കേണ്ട ആവശ്യമില്ല. 500, 1000 കറൻസി പിൻവലിച്ചപ്പോൾ, ഭൂരിപക്ഷം വരുന്ന സാധാരണക്കാരായ കച്ചവടക്കാർ പട്ടിണിയിലായതും, റിലയൻസ്, ബിർല മുതലായ കുത്തക മുതലാളിമാരുടെ സൂപ്പർമാർക്കറ്റുകളിൽ വ്യാപാരം കൊഴുത്തതും യാദൃച്ഛികമല്ല.
മുതലാളിത്തം മാർക്കറ്റിന്റെ നിയന്ത്രണം ഏറ്റെടുക്കാൻ എന്ത് മാർഗ്ഗവും സ്വീകരിയ്ക്കും എന്നതിന് ചരിത്രം തന്നെ തെളിവാണ്.
മോഡിയുടെ 'പരിഷ്കാരം' മൂലം വിസ, മാസ്റ്റർകാർഡ്, പേറ്റിഎം മുതലായ കമ്പനികൾ നേടാൻ പോകുന്ന കോടികളുടെ ലാഭത്തിന്റെ കമ്മീഷൻ, ആരുടെയൊക്കെ പോക്കറ്റിൽ എത്തുമെന്ന്, നമുക്കൂഹിയ്ക്കാം.
========
References
1)https://dbie.rbi.org.in/DBIE/dbie.rbi?site=publications#!3
2)http://www.bbc.com/news/world-asia-india-37725187
=============
നോട്ടു നിരോധനം - അർദ്ധസത്യങ്ങളും യാഥാർഥ്യവും….
Part 1 http://njan-digambaran.blogspot.com/2016/11/1.html
Part 2 http://njan-digambaran.blogspot.com/2016/11/2.html
Part 3 http://njan-digambaran.blogspot.com/2016/11/3.html

2016, നവംബർ 17, വ്യാഴാഴ്‌ച

നോട്ടു നിരോധനം - അർദ്ധസത്യങ്ങളും യാഥാർഥ്യവും:- (ഭാഗം - 3) - കള്ളപ്പണം മഹാശ്ചര്യം!

മോഡി മഹാരാജാവിന്റെ അർദ്ധരാത്രി വിളംബരത്തിന്റെ ഏറ്റവും വലിയ അവകാശവാദം കള്ളപ്പണം ഇല്ലാതാക്കാൻ കറൻസിനോട്ട് നിരോധനം അനിവാര്യമാണ് എന്നതാണ്. ഈ വിളംബരത്തിന്റെ തൊട്ടുപിറകെ, ഇതാ ഇൻഡ്യാ മഹാരാജ്യത്ത് നിന്നും കള്ളപ്പണം മുഴുവൻ ഇല്ലാതാകാൻ പോകുന്നു, നാളെ മുതൽ കള്ളപ്പണക്കാർ പട്ടിണിയിലായി ബംഗാളികളുടെ കൂടെ കൂലിപ്പണിയെടുക്കേണ്ടി വരും മുതലായ യമണ്ടൻ വാദങ്ങളുമായി സംഘികൾ സോഷ്യൽ മീഡിയയിൽ സജീവമായി. ഈ തുഗ്ലക്ക് പരിഷ്കാരത്തെ അനുകൂലിയ്ക്കുന്നവരെല്ലാം പറയുന്നതും കള്ളപ്പണത്തിന്റെ കഥകളാണ്. നമുക്ക് ഇനി പരിശോധിയ്ക്കാൻ ഉള്ളത് ഇതിലെ വസ്തുതകളാണ്.
എന്താണ് കള്ളപ്പണം? ഏറ്റവും ചുരുങ്ങിയ വാക്കുകളിൽ പറഞ്ഞാൽ, സർക്കാരിന് നികുതി കൊടുക്കാത്തതിനാൽ രേഖകൾ ഇല്ലാത്ത പണം. കള്ളനോട്ട് പോലെയല്ല കള്ളപ്പണം. അത് റിസർവ്വ് ബാങ്ക് തന്നെ അടിച്ചിറക്കിയ കറൻസി തന്നെയാണ്. അത് ഒരാൾ അദ്ധ്വാനിച്ചു സമ്പാദിച്ചതാകാം, അഴിമതി നടത്തി സമ്പാദിച്ചതാകാം, സ്ഥലമോ വസ്തുക്കളോ മറ്റോ വിറ്റ് സമ്പാദിച്ചതാകാം .... ടാക്സ് എന്ന പേരിൽ സർക്കാരിനുള്ള വിഹിതം നൽകിയില്ല എന്നത് കൊണ്ട് മാത്രമാണ്, അത് കൈവശം വയ്ക്കുന്നത് നിയമവിരുദ്ധമാകുന്നത്. കള്ളപ്പണത്തെ ടാക്സ് അടപ്പിച്ച് നിയമാനുസൃതമായ പണമാക്കി മാറ്റാൻ പ്രേരിപ്പിയ്ക്കുക എന്നതാണ് ഒരു സർക്കാരിന് ചെയ്യാവുന്ന ഏറ്റവും വലിയ കാര്യം.
ഉയർന്ന കറൻസി നോട്ടു നിരോധനം മൂലം, 500, 1000 രൂപ നോട്ടായി കള്ളപ്പണം സൂക്ഷിച്ചിരിയ്ക്കുന്നവർക്ക് അത് വിലയില്ലാതാകും എന്നതാണ് മോഡി വിളംബരത്തിന്റെ കള്ളപ്പണഎക്കോണമിയുടെ കാതൽ. കേൾക്കുമ്പോൾ വളരെ ലോജിക്കായി തോന്നും. എന്നാൽ കള്ളപ്പണത്തെ തടയാൻ ഇത് എത്ര ഫലപ്രദമാണ് എന്ന് ചിന്തിയ്ക്കുമ്പോൾ ഈ നീക്കത്തിന്റെ പൊള്ളത്തരം മനസിലാക്കാം.
ആദ്യമായി മനസ്സിലാക്കേണ്ടത്, ഇന്ത്യയിൽ കറൻസിനോട്ടായി സൂക്ഷിച്ചിരിയ്ക്കുന്ന കള്ളപ്പണത്തിന്റെ അളവ് വളരെ തുശ്ചമാണ്.
1978ൽ ജനതാ സർക്കാർ ഉയർന്ന കറൻസി നോട്ടുകൾ നിരോധിച്ചതിനെപ്പറ്റി, അന്നത്തെ റിസർവ്വ് ബാങ്ക് ഗവർണർ ആയിരുന്ന ഐ ജി പട്ടേല്, പിന്നീട് അദ്ദേഹത്തിന്റെ Glimpses of Indian Economic Policy: an insider’s View എന്ന പുസ്തകത്തില് പറഞ്ഞത് ഇങ്ങനെയാണ്. “കള്ളപ്പണം ആരും അധിക കാലം നോട്ടുകളായി സൂക്ഷിക്കുകയില്ല, കള്ളപ്പണം ചാക്കില്കെട്ടി തലയിണക്കടിയിലും പെട്ടിയിലും സൂക്ഷിക്കുന്നുവെന്നത് ഒരു മിഥ്യാധാരണയാണ്. അങ്ങനെ സൂക്ഷിക്കപ്പെടുന്നത് യഥാര്ത്ഥ കള്ളപ്പണത്തിന്റെ വളരെ ചെറിയ അളവു മാത്രമാണ്.”
ഇതേ അഭിപ്രായം മുൻറിസർവ്വ് ബാങ്ക് ഗവർണ്ണർ രഘുറാം രാജനും പറഞ്ഞിട്ടുണ്ട്.നോട്ടുപിന്വലിച്ചാല് അതിനെ അതിജീവിക്കാന് കള്ളപ്പണക്കാര് തന്ത്രങ്ങള് മെനയുമെന്നാണ് അന്നദ്ദേഹം പറഞ്ഞത്. അതിനാല് കള്ളപ്പണം വെളിപ്പെടുത്തുന്നതിന് വെളിപ്പെടുത്തുന്നതിന് നികുതി ആനുകൂല്യങ്ങള് നല്കണമെന്നും കണക്കില്പ്പെടാത്ത ഇടപാടുകള് കണ്ടെത്തുന്നതിനുള്ള സംവിധാനം ശക്തിപ്പെടുത്തണമെന്നുമായിരുന്നു അദ്ദേഹത്തിന്റെ അഭിപ്രായം. 2012 ലെ നാഷണൽ ഇൻസ്റ്റിറ്റ്യൂട്ട് ഓഫ് ഫിനാൻഷ്യൽ മാനേജ്മെന്റ് റിപ്പോർട്ടിൽ വ്യക്തമായി ഈ വസ്തുത പറയുന്നുണ്ട്.
റിയൽ എസ്റ്റേറ്റ്, കെട്ടിടങ്ങൾ,ഭൂമി,സ്വർണ്ണം, വെള്ളി, വജ്രം ആഭരണങ്ങൾ, ഷെയർ മാർക്കറ്റ്, വിദേശനിക്ഷേപം, ബിസിനസ്സ് സ്വത്തുക്കൾ എന്നിവയിലാണ് തൊണ്ണൂറുശതമാനം പേരും കള്ളപ്പണം സൂക്ഷിയ്ക്കുന്നത്. ദീർഘകാലം സൂക്ഷിയ്ക്കുന്നതിലെ അസൗകര്യം, ഇൻകംടാക്സ് റെയ്ഡിനോടുള്ള ഭയം, മോഷ്ടാക്കളുടെ ശല്യം എന്നിങ്ങനെ പല കാരണങ്ങൾ കൊണ്ടും കള്ളപ്പണം കറൻസിയായി സൂക്ഷിയ്ക്കുന്ന റിസ്ക്ക് എടുക്കാൻ ഭൂരിപക്ഷം കള്ളപ്പണക്കാരും തയ്യാറാകില്ല. ബില്യണുകളും, കോടികളും കൊണ്ട് അമ്മാനമാടുന്ന വൻകിടകള്ളപ്പണക്കാരുടെ അനധികൃതസമ്പാദ്യം വിദേശബാങ്കുകളിലും, സ്വിസ്സ് അക്കൗണ്ടുകളിലും സുരക്ഷിതമായി വിശ്രമിയ്ക്കുന്നു. അങ്ങനെ കള്ളപണമുള്ള 165 ഇന്ത്യക്കാരുടെ ലിസ്റ്റ് മോഡി സർക്കാരിന്റെ മേശവലിപ്പിൽ വിശ്രമിയ്ക്കാൻ തുടങ്ങിയിട്ട് രണ്ടു വർഷം കഴിഞ്ഞു. ആ പേരുകൾ പരസ്യമാക്കാനോ, ആ കള്ളപ്പണം പിടിച്ചെടുത്ത് ഇന്ത്യയിൽ കൊണ്ട് വരാനോ ഇന്നുവരെ വിരൽ പോലും അനക്കാത്ത സർക്കാരാണ് ഇതെന്നും ഓർക്കണം. മോഡിയുടെ പരിഷ്കാരത്തെ ഈ വൻകിട കള്ളപ്പണക്കാരെല്ലാം ഒരുപോലെ പരസ്യമായി പിന്തുണയ്ക്കുന്നു എന്നത് ഏറ്റവും വലിയ തമാശയുമാണ്.
സ്വിസ്സ് ബാങ്ക്, കെയ്മാൻ ഐലന്റ്, ഫോറിൻ ഡയറക്റ്റ് ഇൻവെസ്റ്റ്മെന്റ് (FDI) എന്നീ കള്ളപ്പണത്തെ വെളുപ്പിക്കയും സൂക്ഷിക്കയും ചെയ്യുന്ന ഏർപ്പാടിലാണ് ഇന്ത്യയിലെ കള്ളപ്പണമുള്ള ഉപരിവർഗ്ഗം കുറേ വർഷങ്ങളായി ഏർപ്പെട്ടിരിക്കുന്നത്. ഇന്ത്യയിലെ കള്ളപ്പണത്തിന്റെ മഹാഭൂരിഭാഗം ഇവരുടെ പക്കലാണ്.
മധ്യവർഗ്ഗത്തിൽ പെടുന്ന കള്ളപ്പണക്കാർ ഭൂമിയിലും, സ്വര്ണത്തിലും, ബിസിനസ്സിലുമായി ചിലവാക്കുന്നതിനാൽ കറൻസി നോട്ട് നിരോധനം അവരെയും വലുതായി ബാധിച്ചിട്ടില്ല. കറൻസിയായ കൈയ്യിൽ ഉള്ള പണം തങ്ങളുടെ തൊഴിലാളികൾക്ക് മുൻകൂർ ശമ്പളം നൽകിയും, ബിനാമികൾ വഴി നോട്ടുകൾ മാറിയും അവർ ഈ താത്കാലിക പ്രതിസന്ധിയെ സുഖമായി തരണം ചെയ്യുന്നുണ്ട്.
ഈ നീക്കം ഏറ്റവും കൂടുതൽ ബാധിയ്ക്കുന്നത്, ചെറിയ ലോക്കൽ കള്ളപ്പണക്കാരെയാണ്. തങ്ങളുടെ വയലുകൾ വിൽക്കുമ്പോൾ ആധാരത്തിൽ തുക കുറച്ചു കാണിച്ച്, ടാക്സ് ഇനത്തിൽ അൽപം ലാഭം ഉണ്ടാക്കാൻ ശ്രമിച്ച കർഷകർ വരെ ഈ 'കള്ളപ്പണക്കാരുടെ' ലിസ്റ്റിൽ ഉണ്ട്. നിയമനടപടികൾ പേടിച്ച് കള്ളപ്പണം സ്വയം വെളിപ്പെടുത്താൻ തയ്യാറാകാത്തതിനാൽ, വലിയ നഷ്ടങ്ങൾ ഇല്ലാതെ എങ്ങനെയും കറൻസി മാറാൻ, ഇപ്പോൾ അവരാണ് ഏറ്റവും കൂടുതൽ ശ്രമിയ്ക്കുന്നതും.
രണ്ടു മാസത്തെ കാലാവധിയും, പുതിയ 2000 രൂപ നോട്ടും ഇത്തരം കള്ളപ്പണക്കാർക്ക് ഒരു അനുഗ്രഹമാണ്. ചാക്കില് കെട്ടി സൂക്ഷിക്കുന്നവര്ക്ക് 1000 ത്തേക്കാള് 2000 ആണു കൂടുതല് സൗകര്യം. 500 രൂപയുടെ ആറ് നോട്ട് സാധാരണക്കാരന് നൽകി, അവരെക്കൊണ്ട് പുതിയ 2000 രൂപ നോട്ടു തിരികെ വാങ്ങുന്ന സംഘങ്ങൾ മുതൽ ജൻധൻ യോജനയുടെ സീറോ ബാലൻസ് അക്കൗണ്ടിൽ പാൻ കാർഡ് ഇല്ലാതെ 49,950 രൂപ നിക്ഷേപിയ്ക്കുന്ന കമ്മീഷൻ സംഘങ്ങൾ വരെ ഇപ്പോൾ നാട്ടിൽ സജീവമാണ്. നോട്ടു മാറുന്ന ഹവാല സംഘങ്ങളുടെ കമ്മീഷൻ റേറ്റ് കൂട്ടാൻ ഈ പരിഷ്ക്കാരം ഉപകരിച്ചു എന്നത് മാത്രമാണ് ഫലം.
ഇന്ത്യൻ സാമ്പത്തികവ്യവസ്ഥയിൽ നിലവിലുള്ള കള്ളപ്പണം ഏകദേശം 35 ലക്ഷം കോടി വരുമെന്നാണ് ലോകബാങ്ക് കണക്ക്. അതിന്റെ പത്തു ശതമാനം പോലും വരില്ല 500, 1000 രൂപ കറൻസി നോട്ടുകളായി സൂക്ഷിരിയ്ക്കുന്ന കള്ളപ്പണം. മേൽപറഞ്ഞ പല വഴികളിലൂടെ സ്വന്തം പണം രക്ഷിയ്ക്കാൻ കള്ളപ്പണക്കാർക്ക് അവസരമുള്ളപ്പോൾ, രണ്ടു മാസത്തിനുള്ളിൽ ഈ ചെറിയ ശതമാനം കള്ളപ്പണം മുഴുവൻ പോലും ഇല്ലായ്മ ചെയ്യാൻ കഴിയില്ല എന്ന് സാമാന്യബുദ്ധിയുള്ള ആർക്കും മനസ്സിലാകും. കൂടി വന്നാൽ ആകെ കള്ളപ്പണത്തിന്റെ 6% ഇല്ലാതാക്കാൻ കഴിയും എന്ന് പ്രതീക്ഷിയ്ക്കാം. ഡിസംബർ 30 കഴിഞ്ഞ്, ഇപ്പോഴത്തെ പരിഷ്കാരത്തിന്റെ ഓളം മാറിയാൽ, കള്ളപ്പണം വീണ്ടും പഴയ പോലെയാകാൻ പ്രയാസമുണ്ടാവില്ല.
500, 1000 രൂപ നോട്ടുകളുടെ നിരോധനം ഇന്ത്യയിലെ കള്ളപ്പണത്തിന്റെ വളരെ ചെറിയൊരു ഭാഗത്തെ മാത്രമേ താത്കാലികമായി എങ്കിലും ബാധിയ്ക്കുകയുള്ളൂ. കള്ളപ്പണം എന്ന മഞ്ഞുമലയുടെ തുമ്പിനെ സ്പർശിയ്ക്കാനേ ഈ നീക്കം കൊണ്ട് കഴിയൂ എന്ന് വ്യക്തം.
കള്ളപ്പണത്തെ നേരിടാനുള്ള മാർഗ്ഗങ്ങൾ എന്താണ്?
ഒരു രോഗത്തെ ചികിത്സിയ്ക്കുന്നത് അതിന്റെ മൂലകാരണത്തെ കണ്ടെത്തിയാവണം. അല്ലാതെ രോഗലക്ഷണങ്ങളെ ചികിത്സിച്ചല്ല. കള്ളപ്പണം എന്നത് നമ്മുടെ സമൂഹത്തെ ബാധിച്ച ഒരു രോഗമാണ്. അതിന്റെ മൂലകാരണങ്ങളെ കണ്ടെത്തി ചികിത്സിയ്ക്കാതെ, നോട്ടുനിരോധനം പോലുള്ള പൗഡർ പൂശൽ നടപടികൾ ഈ പ്രശ്നം ഇല്ലാതാക്കാൻ ഉതകില്ല.
അഴിമതി, സ്വാർത്ഥത, സാമൂഹികബോധത്തിന്റെ മൂല്യച്യുതി, സാമ്പത്തികഅസമത്വങ്ങൾ എന്നിവയാണ് കള്ളപ്പണത്തിന്റെ മൂലകാരണങ്ങൾ.
നികുതി നൽകുക എന്നത് തന്റെ സാമൂഹികബാധ്യതയാണ് എന്ന് ഓരോ പൗരനും തോന്നുന്ന വിധത്തിൽ, വ്യക്തിപരമായ മൂല്യങ്ങൾ വളർത്താൻ പരാജയപ്പെട്ട സമൂഹമാണ് നമ്മുടേത്. അറിഞ്ഞോ, അറിയാതെയോ നിയമലംഘനം നമ്മുടെ സാമൂഹികജീവിതത്തിന്റെ ഭാഗമായി മാറിയിട്ടുണ്ട് എന്ന് പറയാം. പൊതുവഴിയിൽ മൂത്രം ഒഴിയ്ക്കാനും, പോലീസ് ചെക്കിങ് ഇല്ലെങ്കിൽ ഹെൽമെറ്റ് ധരിയ്ക്കാതിരിയ്ക്കാനും, സർക്കാർ ഓഫീസിൽ സ്വന്തം കാര്യങ്ങൾ വേഗം നടക്കാൻ പ്യൂണിന് വരെ കൈമടക്ക് നൽകാനും യാതൊരു മനഃസാക്ഷിക്കുത്തും അനുഭവപ്പെടാത്ത സമൂഹമാണ് നമ്മുടേത്. വ്യക്തിപരമായ ധാർമികത, സാമൂഹിക മൂല്യങ്ങൾ (മതപരമായവ അല്ല) എന്നിവയൊക്കെ വളർത്തുന്നതിൽ നമ്മുടെ വിദ്യാഭ്യാസസമ്പ്രദായം പരാജയപ്പെട്ടു എന്ന് പറയാം.
നികുതി വെട്ടിയ്ക്കാൻ ഒരു പൗരനെ പ്രേരിപ്പിയ്ക്കുന്ന ഘടകങ്ങൾ എന്തൊക്കെയാണ്? ആദ്യമായി പറയേണ്ടത് നികുതി ഘടനയുടെ കൂടിയ ശതമാനമാണ്. ഇന്ത്യയിൽ 10%, 20%, 30% എന്നിങ്ങനെയാണ് ഇൻകംടാക്സ് നിരക്കുകൾ. അതായത് സ്വന്തം രക്തം വിയർപ്പാക്കി സമ്പാദിച്ച 100 രൂപയിൽ 30 രൂപ സർക്കാരിന് കൊടുക്കണം. ഈ പൈസ കൊണ്ടാണ് സർക്കാരിന്റെ ദൈനംദിന കാര്യങ്ങൾ നടത്തുന്നതും, നരേന്ദ്രമോഡിയെപ്പോലുള്ള രാഷ്ട്രീയക്കാർ കോടികൾ ചിലവഴിച്ച് ലോകം മുഴുവൻ ചുറ്റുന്നതും ഒക്കെ നടക്കുന്നത്. പകരം സർക്കാർ നൽകുന്നത് പൊള്ളയായ വാഗ്ദാനങ്ങളും സാമൂഹിക സുരക്ഷ ഇല്ലായ്മയുമാണ് എന്നും, ഇത് അനീതിയാണ് എന്നുമൊരു തോന്നൽ ജനങ്ങളിൽ ഉണ്ടായാൽ അത് നികുതിവെട്ടിപ്പിന് അനുകൂലമായ ഒരു മനോഭാവം വളർത്തും.
നികുതി നിരക്കുകൾ കുറയ്ക്കുക എന്നത് കള്ളപ്പണത്തെ കുറയ്ക്കാൻ വലിയൊരു അളവ് വരെ സഹായിയ്ക്കും എന്ന് സാമ്പത്തികശാസ്ത്രം പറയുന്നു. ഒപ്പം സർക്കാർ സാമൂഹ്യസുരക്ഷാപദ്ധതികളിൽ കൂടുതൽ പണം ചിലവഴിച്ച് ജനങ്ങളുടെ വിശ്വാസം നേടണം. താൻ നൽകുന്ന നികുതി ന്യായീകരിയ്ക്കത്തക്കതാണ് എന്നൊരു വിശ്വാസം ജനങ്ങൾക്ക് ഉണ്ടാകുന്നത് കൂടുതൽ നികുതിപിരിവിന് സഹായിയ്ക്കും എന്ന് മാത്രമല്ല, നികുതി ഇളവ് മൂല൦ വരുമാനത്തിൽ വരുന്ന കുറവിനെ ഇല്ലായ്മ ചെയ്യും എന്നതും വസ്തുതയാണ്. (യു.എ.ഇ, ഖത്തർ മുതലായ ഗൾഫ് രാജ്യങ്ങളടക്കം തങ്ങളുടെ പൗരന്മാരിൽ നിന്നും ഇൻകംടാക്സേ ഈടാക്കാത്ത രാജ്യങ്ങളും ലോകത്തുണ്ട് എന്നോർക്കണം.
അഴിമതി കള്ളപ്പണത്തിന്റെ ഏറ്റവും വലിയ കാരണമാണ്. പ്രത്യേകിച്ചും വൻകിട, കോർപ്പറേറ്റ് മേഖലയിൽ. ഒരാൾക്ക് അഴിമതി മൂലം ലഭിയ്ക്കുന്ന പണം, അതിന്റെ നിയമപ്രകാരമായ സ്രോതസ്സ് കാണിയ്ക്കാൻ കഴിയാത്തതിനാൽ മുഴുവൻ കള്ളപ്പണമായി മാറ്റാതെ വഴിയില്ല. അഴിമതിയ്ക്കെതിരെ ശക്തമായ നടപടികളും, പിടിയ്ക്കപ്പെട്ടാൽ ജയിൽ ശിക്ഷയ്ക്ക് ഒപ്പം അഴിമതി വഴി നേടിയ പണത്തിന്റെ രണ്ടിരട്ടി തിരികെ സർക്കാരിലേക്ക് അടയ്ക്കണമെന്ന വിധത്തിലുള്ള നിയമനിർമ്മാണങ്ങളും അനിവാര്യമാണ്.
വിദേശരാജ്യത്ത് കള്ളപ്പണം നിക്ഷേപിയ്ക്കുന്നത് തടയാൻ അന്താരാഷ്ട്ര കരാറുകളും, നിയമനിർമ്മാണവും അനിവാര്യമാണ്. ഒപ്പം FDI വഴിവരുന്ന നിക്ഷേപങ്ങളിലെ ഓഫ്ഷോർ കമ്പനികളുടെ സുതാര്യതയ്ക്ക് വേണ്ടിയുള്ള നിയമങ്ങൾ നിർമ്മിയ്ക്കുകയും, രാഷ്ട്രത്തിനകത്തെ കോര്പ്പറേറ്റ് നിയമങ്ങൾ സാമൂഹ്യക്ഷേമം കണക്കാക്കി നവീകരിയ്ക്കുകയും ചെയ്യണം. കള്ളപ്പണവും നിയന്ത്രിയ്ക്കുന്ന വൻകിടകൾക്കെതിരെ നടപടികൾ എടുക്കാതെ കള്ളപ്പണം നിയന്ത്രിയ്ക്കാം എന്ന് കരുതുന്നത് മൂഢത്തരമാണ്. വേര് വെട്ടാതെ കളകളെ നശിപ്പിയ്ക്കാൻ കഴിയില്ലെന്ന് സാധാരണ കർഷകന് പോലും അറിയാം..
പക്ഷെ കള്ളപ്പണക്കാരായ കോർപറേറ്റുകളും, അവർ പിന്താങ്ങുന്ന രാഷ്ട്രീയക്കാരും ഏറെയുള്ള നമ്മുടെ രാജ്യത്ത് അത് നടക്കുന്നില്ല എന്നത് സത്യം. മറിച്ച് അത്തരക്കാരെ സഹായിയ്ക്കാനാണ് മോഡി സർക്കാർ എന്നും ശ്രമിച്ചത്. വിദേശബാങ്കുകളിൽ നിക്ഷേപമുള്ള കള്ളപ്പണക്കാരുടെ വിവരം മറച്ചു വെച്ചതും, പരിസ്ഥിതിയെ നശിപ്പിച്ചതിന് അദാനി കമ്പനിയുടെമേൽ കഴിഞ്ഞ സർക്കാർ ചുമത്തിയ 200 കോടി രൂപയുടെ പിഴ ഒഴിവാക്കി കൊടുത്തതും, നാഷണൽ ബാങ്കുകളിൽ നിന്നും കോടികൾ ലോൺ എടുത്തിട്ട് പൈസ തിരികെ നൽകാതെ വിദേശരാജ്യത്തേയ്ക്ക് കടക്കാൻ വിജയ് മല്യയ്ക്ക് ഡിപ്ലോമാറ്റിക്ക് പാസ്സ്പോർട്ട് നൽകി സഹായിച്ചതും, വോഡാഫോണ് കമ്പനി ഇന്ത്യയില് ഉണ്ടാക്കിയ ലാഭത്തിനു 20000 കോടി രൂപയുടെ നികുതി ഒഴിവാക്കികൊടുത്തതും, കോർപ്പറേറ്റുകൾ ബാങ്കുകൾക്ക് നൽകാനുള്ള കിട്ടാക്കടം തിരികെ പിടിയ്ക്കാൻ ശക്തമായ നടപടി എടുത്ത റിസർവ്വ് ബാങ്ക് ഗവർണ്ണർ രഘുറാം രാജനെ രായ്ക്കുരായ്മാനം പറഞ്ഞു വിട്ട്, മുകേഷ് അംബാനിയുടെ മുൻതൊഴിലാളിയായ ഉർജിത് പട്ടേലിനെ ആ കസേരയിൽ ഇരുത്തിയതും നരേന്ദ്രമോഡി സർക്കാർ തന്നെയാണ്.`
മുൻപ് മോഡി സർക്കാർ, സ്രോതസ്സ് വെളിപ്പെടുത്താതെ, കള്ളപ്പണം ടാക്സ് അടച്ച് വെളുപ്പിയ്ക്കാൻ ഒരു ഇളവ് അനുവദിച്ചിരുന്നു. ആ സമയത്താണ്, ഒരു മാസത്തിനുള്ളിൽ 500, 1000 നോട്ടുകൾ പിൻവലിയ്ക്കും എന്നൊരു വിളംബരം ഇറക്കിയിരുന്നു എന്ന് കരുതുക. എങ്കിൽ കള്ളപ്പണക്കാർ ഭൂരിപക്ഷവും ആ പദ്ധതിയുമായി സഹകരിയ്ക്കുകയും, അന്ന് ലഭിച്ചതിനേക്കാൾ മൂന്നു മടങ്ങു തുക ടാക്സ് ഇനത്തിൽ സർക്കാരിന് ലഭിയ്ക്കുകയും ചെയ്തേനെ. സാധാരണ ജനങ്ങൾക്ക് ഒരു ബുദ്ധിമുട്ടും ഉണ്ടാക്കാതെ, കള്ളപ്പണത്തിന്റ വലിയൊരു ശതമാനം തിരിച്ചു പിടിയ്ക്കാൻ അത് സഹായിയ്ക്കുകയും ചെയ്തേനെ.
അപ്പോൾ സംഘികൾ മറ്റൊരു ന്യായം ഉന്നയിയ്ക്കും. മുൻകൂട്ടി സമയം കൊടുത്താൽ, കള്ളപ്പണമൊക്കെ സ്വർണ്ണവും ഭൂമിയുമൊക്കെ വാങ്ങി ചിലവാക്കില്ലേ എന്ന്. അതിന് ഒരുത്തരമേ ഉള്ളൂ..
സ്വർണ്ണം ആയാലും ഭൂമി ആയാലും അതെല്ലാം വിവിധ നികുതികൾ (സെയിൽസ് ടാക്സ്, പ്രോപ്പർട്ടി ടാക്സ് etc) നൽകേണ്ട ഇടപാടുകൾ തന്നെയാണ്. ഒരു നിശ്ചിത തുകയ്ക്ക് മുകളിലുള്ള ഭൂമി കൈമാറ്റങ്ങൾക്കും, സ്വർണ്ണം വാങ്ങുന്നതിനും, പാൻകാർഡും, ആധാർ കാർഡും നിര്ബന്ധമാക്കിയാൽ അതെല്ലാം രേഖകളിൽ എത്തും. ഇപ്പോൾ പൊതുജനങ്ങളോട് ബാങ്കിലുള്ള പണത്തിന്റെ പേരിൽ കാണിയ്ക്കുന്ന പരാക്രമങ്ങൾ, അപ്പോൾ അത്തരം ഇടപാടുകളിൽ മാത്രം കാണിച്ചാൽ, അതെല്ലാം നിയന്ത്രിയ്ക്കാൻ പറ്റും. കള്ളപ്പണമില്ലാത്ത സാധാരണക്കാരുടെ ജീവിതം വഴി മുട്ടിയ്ക്കേണ്ട ആവശ്യവുമില്ല.
മുൻപും സർക്കാരുകൾ പഴയ നോട്ട് പിൻവലിച്ചു പുതിയവ ഇറക്കിയിട്ടുണ്ട്. സാധാരണജനങ്ങൾക്ക് അതൊരു ബുദ്ധിമുട്ടും ഉണ്ടാക്കിയിട്ടില്ല. എന്നാൽ യാതൊരു തയ്യാറെടുപ്പും ഇല്ലാതെ, നരേന്ദ്രമോഡി, ഈ "മസാലസിനിമ മോഡൽ" വിളംബര൦ നടത്തിയത്, ജനങ്ങളിൽ പരിഭ്രാന്തി ഉണ്ടാക്കി പണവുമായി ബാങ്കുകളിലെയ്ക്ക് അവരെ ഓടിയ്ക്കുക എന്ന ഉദ്ദേശത്തോടെയല്ലേ എന്ന് സംശയിച്ചാൽ തെറ്റില്ല.
ഇത് വരെയുള്ള വിശകലനത്തിൽ നിന്നും ഒരു കാര്യം വ്യക്തമാണ്. കള്ളനോട്ടോ, കള്ളപ്പണമോ അല്ല മോദിയുടെ ഈ അർദ്ധരാത്രി വിളംബരത്തിന്റെ ശരിയായ ലക്ഷ്യം. മറിച്ച് ബാങ്കുകളിൽ കോർപറേറ്റുകൾ വരുത്തിയ കിട്ടാക്കടം സൃഷ്ടിച്ച നഷ്ടത്തെ നാട്ടുകാരുടെ നിയമാനുസ്രതമായ പണം ഉപയോഗിച്ച് മറികടന്ന്, വീണ്ടും കോർപ്പറേറ്റുകൾക്ക് ബിസിനസ്സിനു പണം ലഭ്യമാക്കുക. അതിനുള്ള മറ മാത്രമാണ് കള്ളപ്പണം ഇല്ലാതാകാൻ പോകുന്നേ എന്നുള്ള പ്രചാരം. അല്ലെങ്കിൽ ജനസംഖ്യയുടെ ഒരു ശതമാനം പോലും വരാത്ത കള്ളപ്പണക്കാരെ പിടിയ്ക്കാൻ തലയ്ക്ക് വെളിവുള്ള ഒരു ഭരണാധികാരിയും തൊണ്ണൂറു ശതമാനം ജനങ്ങളെയും ദുരിതത്തിലാക്കില്ല.
കോര്പറേറ്റുകൾക്ക് വേണ്ടി, ഇന്ന് നിങ്ങളുടെ വിരലിൽ മഷി പുരട്ടുന്നവർ, നാളെ നിങ്ങളുടെ തല മൊട്ടയടിച്ചാലും അത്ഭുതമില്ല.
(തുടരും)
=======================
References
1)https://www.theguardian.com/commentisfree/2016/nov/15/corrupt-rich-india-modi-500-1000-rupee-note?CMP=share_btn_fb
2) http://www.hindustantimes.com/india-news/cash-has-only-6-share-in-black-money-seizures-reveals-income-tax-data/story-JfFuTiJYtxKwJQhz2ApxlL.html
3)http://www.dailyo.in/politics/demonetisation-black-money-2g-bjp-modi-nehru-rss-coal-scam/story/1/14056.html
4)http://economictimes.indiatimes.com/news/economy/policy/indias-new-strike-against-black-money-backfires/articleshow/55452196.cms
5)http://www.huffingtonpost.in/2016/11/09/heres-what-raghuram-rajan-thinks-of-currency-demonetisation/
====================
നോട്ടു നിരോധനം - അർദ്ധസത്യങ്ങളും യാഥാർഥ്യവും….
Part 1
http://njan-digambaran.blogspot.com/2016/11/1.html
Part 2
http://njan-digambaran.blogspot.com/2016/11/2.html

2016, നവംബർ 15, ചൊവ്വാഴ്ച

നോട്ടു നിരോധനം - അർദ്ധസത്യങ്ങളും യാഥാർഥ്യവും:- [(ഭാഗം - 2) - കള്ളനോട്ടിന്റെ ദേശഭക്തി ചരിതം.]

മോഡിയുടെ നോട്ട് നിരോധനത്തിന്റെ ഒന്നാമത്തെ കാരണമായി പറഞ്ഞിരിയ്ക്കുന്നത്, പാകിസ്ഥാൻ ഇറക്കിയ കള്ളനോട്ട് ഇല്ലാതാക്കാൻ ഈ നീക്കം അനിവാര്യമാണ് എന്നാണ്. ‘പാകിസ്ഥാൻ കള്ളനോട്ടടിച്ചു വിതരണം നടത്തുന്നത് കാരണമാണ് ഇന്ത്യൻ സാമ്പത്തിക സുരക്ഷ താറുമാറാകുന്നത് ’ എന്നും, ഇപ്പോൾ നരേന്ദ്ര മോഡി ഉഗ്രനൊരു ‘സർജിക്കൽ സ്ട്രൈക്കിലൂടെ’ അത് പൊളിച്ചെന്നും ആണ് സംഘഭക്തരുടെ പ്രധാനവാദം. ഈ വാദങ്ങളുടെ യാഥാർഥ്യം പരിശോധിച്ച്, ഇന്ത്യയിലെ കള്ളനോട്ട് ശൃംഖല തടയാൻ ഈ പരിഷ്കാരം എത്രത്തോളം ഉപകരിയ്ക്കും എന്നാണ് അടുത്തതായി നാം പരിശോധിയ്ക്കുന്നത്.
കള്ളനോട്ട് എന്നത് എല്ലാ രാജ്യങ്ങൾക്കും തലവേദനയായ ഒരു വിഷയമാണ്. മനുഷ്യൻ കറൻസി ഉപയോഗിയ്ക്കാൻ തുടങ്ങിയ കാലം മുതൽ തന്നെ കള്ളനോട്ടുകളും നിലവിലുണ്ട്. മയക്കുമരുന്ന്, ആയുധവ്യാപാരം എന്നിവ പോലെ ലോകമെങ്ങും വ്യാപിച്ച ഒരു അധോലോകബിസിനസ്സ് ആണ് കള്ളനോട്ട് കച്ചവടവും. ഏറ്റവും സുരക്ഷാമാനദണ്ഡങ്ങൾ പുലർത്തുന്ന അമേരിക്ക, ബ്രിട്ടൻ, യൂറോപ്പിലെ വികസിത രാജ്യങ്ങൾ എന്നിവിടെ പോലും കള്ളനോട്ട് സാമ്രാജ്യം വിപുലമാണ്. അപ്പോൾ പിന്നെ വികസിതമല്ലാത്ത ഇന്ത്യ, പാകിസ്ഥാൻ, ആഫ്രിക്കൻ രാജ്യങ്ങൾ എന്നിവിടങ്ങളുടെ സ്ഥിതി പറയണ്ടല്ലോ.
എപ്പോഴും കള്ളനോട്ട് മാഫിയ കൂടിയ വിലയുള്ള നോട്ടുകൾ അച്ചടിയ്ക്കാനാണ് ശ്രമിയ്ക്കുന്നത്. അഞ്ചു രൂപ നോട്ടിന്റെ കള്ളനോട്ട് ഉണ്ടാക്കാൻ വരുന്ന ചിലവിൽ അൽപം കൂടുതൽ മാത്രമേ 500 രൂപ നോട്ടിന്റെ കള്ളനോട്ടടിയ്ക്കാൻ വേണ്ടി വരുള്ളൂ എന്ന് വന്നാൽ, അഞ്ഞൂറിന്റെ പുറകെ പോകുന്നതല്ലേ ലാഭം. അത് കൊണ്ട് തന്നെ ഇന്ത്യയിൽ ഏറ്റവും കൂടുതൽ കള്ളനോട്ടുകൾ 100, 500, 1000 എന്നീ വിലയുള്ള നോട്ടുകളിലാണ് അച്ചടിയ്ക്കുന്നത്. ഇന്ത്യയ്ക്കുള്ളിലെ അധോലോകസംഘങ്ങളും, പാകിസ്ഥാൻ പിന്തുണയോടെ പ്രവർത്തിയ്ക്കുന്ന ഭീകരസംഘടനകളുമാണ് ഇന്ത്യൻ മാർക്കറ്റിലെ കള്ളനോട്ടിന്റെ പ്രധാന കച്ചവടക്കാർ.
ഇന്ത്യയിലെ സാമ്പത്തികക്രയവിക്രയത്തിൽ കള്ളനോട്ടുകളുടെ അളവെന്താണ് എന്നതാണ് അടുത്ത പ്രധാന ചോദ്യം. ശരിയായ കണക്ക് സർക്കാരിന്റെ കൈയ്യിൽ പോലുമില്ല എന്നതാണ് സത്യം. റിസർവ്വ് ബാങ്കിന്റെ കണക്കനുസരിച്ച് ബാങ്കിങ് മേഖലയിൽ 2015-2016 കാലഘട്ടത്തിൽ കണ്ടെത്തിയ കള്ളനോട്ടിന്റെ കണക്ക് ഇപ്രകാരമാണ്.
ആകെ കണ്ടെത്തിയ നോട്ടുകളുടെ എണ്ണം - 6.5 ലക്ഷം; അതിൽ 500, 1000 രൂപ നോട്ടുകളുടെ എണ്ണം - 4 ലക്ഷം; 100 രൂപ നോട്ടുകളുടെ എണ്ണം - 2 ലക്ഷം; മറ്റുള്ളവ - 0.5 ലക്ഷം
കണ്ടെത്തിയ നോട്ടുകളുടെ കണക്കായതിനാൽ വിതരണത്തിലുള്ളവ ഇതിന്റെ എത്രയെങ്കിലും മടങ്ങ് കൂടുതലാകാം. എങ്കിലും ആകെയുള്ള കള്ളനോട്ടിന്റെ 62% ആണ് 500, 1000 രൂപ നോട്ടുകളുടെ എണ്ണം എന്ന് കണക്കു കൂട്ടുന്നതിൽ തെറ്റില്ല. 30% ആണ് 100 രൂപ നോട്ടുകളുടെ എണ്ണം. അപ്പോൾ, കള്ളനോട്ട് പൂർണ്ണമായും ഇല്ലായ്മ ചെയ്യാനാണ് 500, 1000 രൂപ നോട്ടുകൾ പിൻവലിച്ചതെങ്കിൽ, 30%വരുന്ന നൂറു രൂപ കള്ളനോട്ടുകൾ ഇപ്പോഴും വിതരണത്തിലുണ്ട് എന്ന സത്യം മുന്നിലുണ്ട്.
എല്ലാ രാജ്യങ്ങളും കള്ളനോട്ടിനെ നേരിടാൻ പല നടപടികളും എടുക്കാറുണ്ട്. നോട്ടിലെ സുരക്ഷാസംവിധാനങ്ങൾ വർദ്ധിപ്പിച്ച്, തത്തുല്യമായ കള്ളനോട്ട് അടിയ്ക്കുന്നത് പ്രയാസകരമായി മാറ്റുക എന്നതാണ് ഏറ്റവും പ്രധാനമായ നടപടി. അപ്പോൾ കള്ളനോട്ടും യഥാർത്ഥ നോട്ടും കണ്ടാൽ പെട്ടെന്ന് തിരിച്ചറിയാൻ കഴിയും. ലോകത്തെ രാജ്യങ്ങളെല്ലാം ഇത്തരത്തിൽ, അനുകരിയ്ക്കാനാകാത്ത വിധം നോട്ടിലെ സുരക്ഷാ സംവിധാനങ്ങൾ വർദ്ധിപ്പിയ്ക്കാൻ ഗവേഷണം നടത്താനും നടപ്പിലാക്കാനും കോടിക്കണക്കിന് രൂപ ചിലവഴിയ്ക്കുന്നുണ്ട്. ഇതിൽ ഏറ്റവും വിജയിച്ചിട്ടുള്ളത് ആസ്ത്രേലിയയാണ്. ലോകത്താദ്യമായി പോളിമർ കറൻസി അച്ചടിച്ച് ഇറക്കിയാണ് അവർ കള്ളനോട്ടിനെ നേരിട്ടത്. ലോകത്തിലെ 26 രാജ്യങ്ങൾ അവരുടെ സാങ്കേതികവിദ്യ ഇപ്പോൾ ഉപയോഗിയ്ക്കുന്നുണ്ട്.
നിലവിലുള്ള കറൻസി നോട്ടിനെ ഓരോ മിനിമം നിശ്ചിത കാലാവധിയിലും മാറ്റി പുതിയ സുരക്ഷാസംവിധാനങ്ങൾ ഉള്ള പകരം നോട്ട് ഇറക്കുക എന്നത് ലോകരാജ്യങ്ങളിൽ എങ്ങും സാധാരണപ്രക്രിയയാണ്. അവിടെയൊന്നും ജനങ്ങൾക്ക് പുതിയ നോട്ടിനായി ആഴ്ചകളോളം ക്യൂ നിൽക്കേണ്ടി വന്നിട്ടില്ല എന്നത് വേറെ കാര്യം.
ഈ അർദ്ധരാത്രി പരിഷ്കാരം 500, 1000 നോട്ടുകളുടെ കള്ളനോട്ടിനെ വെറും പേപ്പറാക്കി മാറ്റും എന്നത് ശരിയാണ്. എന്നാൽ ഈ നടപടി കള്ളനോട്ട് സമ്പ്രദായത്തെ ഇല്ലായ്മ ചെയ്യും എന്നൊക്കെ പറയുന്നത് സ്വപ്നലോകത്ത് ജീവിയ്ക്കുന്നവർ മാത്രമാണ്.
നൂറും, മറ്റു കുറഞ്ഞ നോട്ടുകളുടെയും കള്ളനോട്ടുകൾ ഇപ്പോഴും പ്രചാരത്തിൽ ഉണ്ടെന്ന് മാത്രമല്ല, നോട്ടുമാറ്റൽ മൂലം ജനങ്ങൾ അനുഭവിയ്ക്കുന്ന പരിഭ്രാന്തി മുതലെടുത്ത് ഇത്തരം ചില്ലറ കള്ളനോട്ടുകൾക്ക് വൻപ്രചാരം ലഭിയ്ക്കുന്ന സാഹചര്യവും ഇന്നുണ്ട്.
സർക്കാർ നൽകിയ പുതിയ 2000 രൂപ നോട്ടും കൈയ്യിൽ വെച്ച്, ദൈനംദിനകാര്യങ്ങൾക്ക് എന്ത് ചെയ്യണമെന്നറിയാതെ പകച്ചു നിൽക്കുന്ന ആളുകളെ സമീപിച്ച്, ചില്ലറ കള്ളനോട്ടുകൾ നൽകി കബളിപ്പിയ്ക്കാൻ കള്ളനോട്ടു മാഫിയയ്ക്ക് എളുപ്പമാണ്. മാർക്കറ്റിൽ ചില്ലറ കള്ളനോട്ടുകൾ എത്ര വ്യാപിച്ചു എന്ന് ഈ പരിഷ്കാരത്തിന്റെ അലകൾ അടങ്ങുമ്പോൾ മനസ്സിലാകും.
പുതിയ 2000 രൂപ നോട്ട് ഇറക്കിയ സർക്കാരിന്റെ നടപടിയാണ് ഏറ്റവും സംശയാസ്പദം. സാമ്പത്തികമേഖലയിൽ കള്ളനോട്ടിന്റെ സ്വാധീനം കുറയ്ക്കാനായി തങ്ങളുടെ കറൻസിയുടെ ഏറ്റവും വലിയ തുക ചെറുതാക്കാനാണ് സാധാരണ രാജ്യങ്ങൾ ശ്രമിയ്ക്കുന്നത്. മുൻപ് പറഞ്ഞ പോലെ, അച്ചടിയ്ക്കുന്ന നോട്ടിന്റെ വില കുറയും തോറും കള്ളനോട്ട് കച്ചവടത്തിലെ ലാഭം കുറയും എന്ന സാമ്പത്തികശാസ്ത്രം കൊണ്ടാണത്. അമേരിക്കൻ ഡോളറിന്റെ ഏറ്റവും വലിയ നോട്ട് 100 ഡോളർ ആണ്. 1978ൽ മൊറാജി ദേശായി സർക്കാർ 5000, 10000 രൂപയുടെ നോട്ടുകൾ ഉൾപ്പെടെ 100 രൂപയ്ക്കു മുകളിലുള്ള നോട്ടുകൾ നിരോധിച്ചു. എന്നാൽ പിന്നീട് ഈ പരിഷ്കാരം പരാജയപ്പെട്ടപ്പോൾ, 1987 ലെ സർക്കാർ 500, 1000 മുതലായ നോട്ടുകൾ കൊണ്ട് വന്നു. അപ്പോഴും 5000, 10000 രൂപയുടെ നോട്ടുകൾ ഇറക്കിയില്ല എന്നത് ഈ കാരണം കൊണ്ടാണ്.
2000 രൂപ നോട്ട് കള്ളനോട്ട് മാഫിയയെ സംബന്ധിച്ചിടത്തോളം ഒരു ചാകരയാണ്. മുൻപ് 1000 രൂപ ഇറക്കിയ സ്ഥാനത്ത് 2000 രൂപയുടെ നോട്ട് അടിയ്ക്കുമ്പോൾ, അവരുടെ ലാഭം ഇരട്ടിയാവുകയാണ് ചെയ്യുക. ചുരുക്കി പറഞ്ഞാൽ, കള്ളനോട്ടിനെ ഇല്ലാതാക്കാൻ വേണ്ടി എന്ന് പറഞ്ഞ് കൊണ്ടുവന്ന പരിഷ്കാരം കള്ളനോട്ട് മാഫിയയെ സഹായിയ്ക്കുന്നതായി മാറി.
2000 രൂപ നോട്ട് കൊണ്ട് വന്നതിന് പിന്നിലുള്ള സാമ്പത്തികശാസ്ത്രം വിവരിയ്ക്കാൻ സംഘപരിവാർ കേന്ദ്രങ്ങൾക്ക് പോലും കഴിഞ്ഞില്ല എന്നതാണ് സത്യം. അത് ഉയർത്താനിടയുള്ള ചോദ്യങ്ങൾ മറികടക്കാനാണ് പുതിയ 2000 രൂപ നോട്ടിൽ നാനോ ചിപ്പ് ഉണ്ടെന്നും, അത് ജി.പി.എസ് വഴി സാറ്റലൈറ്റിന്റെ സഹായത്തോടെ കണ്ടെത്താനാകും എന്നൊക്കെയുള്ള കഥകൾ സംഘികൾ പ്രചരിപ്പിച്ചത്. എന്നാൽ മുൻപുള്ള നോട്ടുകൾക്കുള്ള സുരക്ഷാസംവിധാനങ്ങളേ പുതിയ നോട്ടിനുമുള്ളൂ എന്ന സത്യം റിസർവ്വ് ബാങ്ക് ഉദ്യോഗസ്ഥരും കേന്ദ്രധനമന്ത്രിയും പുറത്തു വിട്ടപ്പോഴാണ് ആ നുണ പൊളിഞ്ഞത്.
കള്ളനോട്ടു മാഫിയയുടെ ഏറ്റവും വലിയ ആയുധം അതിന്റെ ശക്തമായ വിതരണ ശൃംഖലയാണ്. ആ ശ്രംഖല തകർക്കാത്ത കാലത്തോളം, ഓരോ മാസവും കറൻസി നോട്ടു മാറ്റിയാലും, കള്ളനോട്ട് എന്ന വിപത്തിനെ തടയാൻ ഒരു സർക്കാരിനും കഴിയില്ല. പക്ഷെ, ആ മേഖലയിൽ മോഡി സർക്കാർ ഒരു വൻപരാജയമാണ്.
ഏതു സാമാന്യബോധമുള്ള പൗരനും അറിയാവുന്ന ഈ സത്യം മുന്നിലുണ്ടായിട്ടും, എന്ത് കൊണ്ട് മോഡി സർക്കാർ 2000 രൂപ നോട്ട് കൊണ്ടു വന്നു എന്ന് ചോദിച്ചാൽ ഒറ്റഉത്തരമേ ഉള്ളൂ. അർദ്ധരാത്രിയിലെ വിളംബരം നടത്താൻ വേണ്ടി ചെയ്യേണ്ടി വന്ന കടുംകൈ ആണത്. അത് എന്തെന്ന് വിശദമാക്കാം.
റിസർവ്വ് ബാങ്കിന്റെ കണക്കനുസരിച്ച് ഇന്ത്യയിൽ ആകെ വിതരണം ചെയ്യപ്പെട്ട കറൻസി നോട്ടുകളുടെ 86% നോട്ടുകളും 500, 1000 എന്നിവയുടെ നോട്ടുകളാണ്.ഒറ്റദിവസം കൊണ്ട് ഇവ മാർക്കറ്റിൽ നിന്നും പിൻവലിച്ചാൽ, പകരം നൽകാൻ ചില്ലറ നോട്ടുകൾ അടിച്ചിറക്കാൻ മാസങ്ങൾ വേണ്ടി വരും. അതേ സമയം കൂടിയ വിലയ്ക്കുള്ള നോട്ടായാൽ അത്രയും സമയം വേണ്ട. അത് കൊണ്ടാണ് 2000 രൂപ നോട്ട് അവതരിച്ചത്.
ചുരുക്കി പറഞ്ഞാൽ അർദ്ധരാത്രിയിലെ മോഡി നാടകത്തിന് ഇന്ത്യ കൊടുക്കേണ്ടി വന്ന വിലകളിലൊന്നാണ് 2000 രൂപ നോട്ട്.
കള്ളപ്പണക്കാർക്കും 2000ത്തിന്റെ നോട്ട് വലിയൊരു അനുഗ്രഹമാണ്. അത് എങ്ങനെയെന്ന് അടുത്ത പോസ്റ്റിൽ പറയാം.
അപ്പോൾ ചോദ്യം വരുന്നത് ഇതാണ്. കള്ളനോട്ട് നിരോധിയ്ക്കൽ, കള്ളപ്പണം തടയൽ എന്നിവയായിരുന്നു ഈ പരിഷ്കാരത്തിന്റെ അന്തിമലക്ഷ്യമെങ്കിൽ, എന്തിനാണ് 2000 രൂപയുടെ നോട്ട് ഇറക്കിയത്?
സ്വന്തം ഭരണപരാജയങ്ങൾ മറച്ചു വെയ്ക്കാനായി അർദ്ധരാത്രിയിലെ ദേശസ്നേഹഡ്രാമ നടത്താനും, അംബാനി അദാനി മുതലായ മുതലാളിമാരുടെ കിട്ടാക്കടം മൂലം പ്രതിസന്ധിയിലായ ബാങ്കുകളെ സാധാരണക്കാരന്റെ വിയർപ്പ് കലർന്ന പണം കൊണ്ട് രക്ഷിയ്ക്കുക, എന്നിട്ട് വീണ്ടും മുതലാളിമാർക്ക് കടം കൊടുക്കുക എന്നീ ലക്ഷ്യങ്ങൾ നേടാനും വേണ്ടി മാത്രമാണ്, ഈ പരിഷ്കാരങ്ങൾ ഉണ്ടായതെന്ന് സംശയം തോന്നുന്നതും അത് കൊണ്ട് തന്നെയാണ്.
ജനങ്ങളെ ദ്രോഹിയ്ക്കുന്നതോ, കബളിപ്പിയ്ക്കുന്നതോ ആയ ഏതു നടപടികൾ എടുത്താലും അതിന് മറയിടാൻ മോഡി സർക്കാർ ഉപയോഗിയ്ക്കുന്ന ഏറ്റവും വലിയ ആയുധം "ദേശസ്നേഹം" എന്ന വാക്കാണ്. അതിൽ പുട്ടിന് പീരയിടുന്ന പോലെ "പാകിസ്ഥാൻ"എന്നൊരു വാക്ക് കൂടി ചേർത്താൽ കാര്യം എളുപ്പമാണ്. അത് നന്നായി അറിയാവുന്നത് കൊണ്ടാണ് ഈ പരിഷ്‌കാരത്തെ എതിർക്കുന്നവരെയും, സംശയത്തോടെ നോക്കുന്നവരെയും ദേശദ്രോഹികൾ എന്ന വിളിയുമായി സംഘപരിവാരം നേരിടുന്നത്. അങ്ങനെ പാകിസ്ഥാന്റെ ചിലവിൽ തനിയ്ക്ക് പ്രിയപ്പെട്ട അംബാനിയെയും, അദാനിയേയും ഒക്കെ രക്ഷിയ്ക്കാൻ മോഡിയ്ക്ക് എളുപ്പവുമാണ്.
(തുടരും...)
=====================
Reference
1) https://en.wikipedia.org/wiki/Counterfeit_money
2)https://www.rbi.org.in/scripts/PublicationsView.aspx?id=14947
നോട്ടു നിരോധനം - അർദ്ധസത്യങ്ങളും യാഥാർഥ്യവും... [ഭാഗം – 1 - അണിയറക്കഥകൾ]
മുഴുവൻ ലേഖനം വായിയ്ക്കാൻ ഈ ലിങ്കിൽ പോകുക.
http://njan-digambaran.blogspot.com/2016/11/1.html

2016, നവംബർ 13, ഞായറാഴ്‌ച

നോട്ടു നിരോധനം - അർദ്ധസത്യങ്ങളും യാഥാർഥ്യവും:- (ഭാഗം - 1) - അണിയറക്കഥകൾ

മോഡി സർക്കാരിന്റെ 'പരിഷ്ക്കാരമായ' 500, 1000 രൂപയുടെ നോട്ടുകളുടെ അപ്രതീക്ഷിതനിരോധനം, ഇന്ത്യൻ സമൂഹത്തെ ഏറെക്കുറെ നിശ്ചലാവസ്ഥയിലാക്കിയിരിയ്ക്കുകയാണ്. ഇതിനെ അനുകൂലിച്ചും പ്രതികൂലിച്ചും വാദപ്രതിവാദങ്ങൾ അരങ്ങു തകർക്കുകയാണല്ലോ. ഈ വിഷയത്തിൽ ലഭ്യമായ വസ്തുതകളും കണക്കുകളും ചരിത്രവും വിശകലനം ചെയ്യാനും, ഈ പരിഷ്കാരത്തിന്റെ ഗുണദോഷഫലങ്ങൾ വിലയിരുത്താനും ഉള്ള ഒരു ശ്രമമാണ് ഈ ലേഖനം.
എന്ത് കൊണ്ട് നോട്ട് നിരോധനം?
“ഉണ്ടിരുന്ന നായർക്ക് പെട്ടെന്ന് വിളി വന്ന പോലെ” ഒരു അർദ്ധരാത്രിയ്ക്ക് നോട്ടുകൾ നിരോധിയ്ക്കാൻ മോഡി സർക്കാർ തീരുമാനിച്ചതിന് പിന്നിലെ വസ്തുതയെന്ത് എന്നാദ്യം വിലയിരുത്താം. ഈ നീക്കത്തിന് പിന്നിൽ ഉള്ള കാരണമായി സർക്കാരും, മോഡി അനുകൂലികളും നിരത്തുന്നത് ഈ വാദങ്ങളാണ്.
1) ഇന്ത്യയിൽ വ്യാപകമായ കള്ളനോട്ട് ഇല്ലാതാക്കാനുള്ള മാർഗ്ഗമാണ് ഇത്. 2) നോട്ടായി സൂക്ഷിച്ചു വെച്ചിരിയ്ക്കുന്ന കള്ളപ്പണം ഇല്ലായ്മ ചെയ്യാനുള്ള ഏറ്റവും എളുപ്പമുള്ള മാർഗ്ഗമാണ് ഇത്. 3) കറൻസിയിൽ അധിഷ്ഠിതമായ നമ്മുടെ സാമ്പത്തികവ്യവസ്ഥയെ, ഇലക്ട്രിക് ട്രാൻസ്ഫർ അധിഷ്ഠിതമായ ഡിജിറ്റൽ സാമ്പത്തികവ്യവസ്ഥയിലേയ്ക്ക് മാറ്റാനുള്ള പ്രധാന ചുവടുവെയ്പ്പാണ് ഇത്.
ശരിയ്ക്കും ഇതായിരുന്നോ ഇത്ര തിരക്ക് പിടിച്ച ഈ തീരുമാനത്തിന് കാരണം? അല്ലെന്നാണ് വസ്തുതകൾ പറയുന്നത്. മറിച്ച് ഇത്തരം ഒരു കടുംകൈ കാട്ടാൻ സർക്കാർ നിർബന്ധിതമായി എന്ന് വേണം പറയാൻ.
നോട്ടുറദ്ധാക്കൽ നടപടികളിലേക്ക് നയിച്ച സംഭവവികാസങ്ങൾക്ക് തുടക്കം കുറിച്ചത് കഴിഞ്ഞ വർഷം ഡിസംബറിൽ നടന്ന ഒരു സംഭവമാണ്. ഇന്ത്യയിൽ കറൻസി നോട്ടുകൾ അച്ചടിയ്ക്കുന്നത് നാല് പ്രസ്സുകളിലാണ്. മധ്യപ്രദേശിലെ ദേവസ്, മഹാരാഷ്ട്രയിലെ നാസിക്, കർണാടകയിലെ മൈസൂർ, ബംഗാളിലെ സാൽബോണി എന്നിവിടങ്ങളിലാണ് ഈ പ്രസ്സുകൾ ഉള്ളത്. ഇതിൽ നാസിക്കിലെ പ്രസ്സിൽ അച്ചടിച്ച നോട്ടുകളിൽ വലിയൊരു വീഴ്ച സംഭവിച്ചു. അവിടെ അച്ചടിച്ച 30 കോടി 1000 രൂപ നോട്ടുകൾ അച്ചടിയുടെ അപാകത മൂലം, സെക്യൂരിറ്റി ത്രെഡ് ഇല്ലാതെയാണ് പുറത്തു വന്നത്. എന്നാൽ അച്ചടിച്ച നോട്ടുകളെ പരിശോധിയ്ക്കുന്ന വിഭാഗം, ഈ തെറ്റ് തിരിച്ചറിയാൻ വൈകിയത് മൂലം ഇതിൽ 20 കോടി നോട്ടുകൾ വിതരണത്തിനായി അയയ്ക്കുകയും ചെയ്തു. അതിനാൽ ബാങ്കുകളിലും എ.ടി.എം മെഷീനുകളിലും ഈ തെറ്റായി അച്ചടിച്ച നോട്ടുകൾ വൻതോതിൽ എത്തുകയുണ്ടായി.
വൈകിയെങ്കിലും ഈ തെറ്റ് കണ്ടുപിടിച്ച റിസർവ്വ് ബാങ്ക് അധികൃതർ , ഉത്തരവാദികളായ രണ്ട് ഉദ്യോഗസ്ഥരെ സസ്പെൻഡ് ചെയ്യുകയും ചെയ്തു. റിസർവ്വ് ബാങ്ക് ഉടൻ തന്നെ ഇത്തരം നോട്ടുകൾ പിൻവലിയ്ക്കാൻ ഉത്തരവിടുകയും, ബാങ്കുകളിൽ നിന്നും നോട്ടുകൾ തിരികെ വിളിയ്ക്കുകയും ചെയ്തു. എന്നാൽ അപ്പോഴേയ്ക്കും 10 കോടിയോളം നോട്ടുകൾ ജനങ്ങളുടെ പക്കൽ എത്തികഴിഞ്ഞിരുന്നു. ജനങ്ങൾ ഇത്തരം നോട്ടുകളുമായി വന്നാൽ കള്ളനോട്ട് എന്ന് പറഞ്ഞ് അവരെ ബുദ്ധിമുട്ടിയ്ക്കാതെ, ആ നോട്ടുകൾ വാങ്ങി പകരം നല്ല നോട്ടുകൾ നൽകണമെന്നും റിസർവ്വ് ബാങ്ക് ഉത്തരവിൽ പറഞ്ഞിരുന്നു.
മാർക്കറ്റിൽ എത്തിയ ഇത്തരം കേടായ നോട്ടുകൾ പതുക്കെപ്പതുക്കെയെങ്കിലും നീക്കം ചെയ്യുന്ന പ്രക്രിയ തുടരുന്ന സമയത്താണ്, പത്താൻകോട്ട് ആക്രമണം നടക്കുന്നതും പാകിസ്ഥാനും ഇന്ത്യയും തമ്മിലുള്ള ഉഭയകക്ഷി ബന്ധം ഏറ്റവും വഷളാവുകയും ചെയുന്നത്. ഇന്ത്യയിലേയ്ക്ക് ഭീകരസംഘടനകൾക്ക് ഫണ്ടിങ്ങിനായി കൂടുതൽ കള്ളനോട്ടുകൾ പാകിസ്ഥാനിൽ നിന്നും വരുമെന്ന് ഇന്ത്യൻ രഹസ്യാന്വേഷണ ഏജൻസികൾ മുന്നറിയിപ്പ് നൽകി. അതോടെ റിസർവ്വ് ബാങ്കും കേന്ദ്രസർക്കാരും ഒരു ആശയക്കുഴപ്പത്തിലായി. കാരണം കള്ളനോട്ടും നല്ല നോട്ടും തമ്മിൽ തിരിച്ചറിയാനുള്ള ഏറ്റവും വലിയ മാർഗ്ഗമാണ് നോട്ടിലെ സെക്യൂരിറ്റി ത്രെഡ്. ആ ത്രെഡില്ലാത്ത കേടായ നോട്ടുകൾ മാർക്കറ്റിൽ സുലഭമായി ഉള്ളപ്പോൾ, ഇത്തരം കള്ളനോട്ടുകൾ കൂടി വന്നാൽ എങ്ങനെ അവയെ തിരിച്ചറിഞ്ഞു നടപടി എടുക്കും എന്നത് ബാങ്കുകൾക്ക് മുന്നിലെ വലിയ ചോദ്യമായി.
അതിനു ഒരു പരിഹാരമേ ഉള്ളൂ. പഴയ നോട്ടുകൾ പിൻവലിച്ച് പുതിയ നല്ല നോട്ടുകൾ ഇറക്കുക. തങ്ങൾക്ക് പറ്റിയ അബദ്ധത്തെ ഒരു അവസരമാക്കി മാറ്റാൻ, അതിന് ഒരു കള്ളപ്പണവേട്ടയുടെ ധീരപരിവേഷം നൽകുക.. അതിനുള്ള ശ്രമം റിസർവ്വ് ബാങ്കും, കേന്ദ്രസാമ്പത്തിക മന്ത്രാലയവും ആലോചിച്ചു തുടങ്ങിയത് പത്തു മാസങ്ങൾക്ക് മുൻപാണ്.
1978 ലെ ജനതാ സര്ക്കാര് 1000, 5000, 10000 രൂപാ നോട്ടുകള് നിരോധിച്ചിരുന്നു. കള്ളപ്പണവും കള്ളനോട്ടും തടയാന് എന്ന് പറഞ്ഞായിരുന്നു അന്നും ഇത് ചെയ്തത് 38 വര്ഷത്തിനുശേഷവും അതേ രോഗത്തിന് അതേ ചികിത്സ തന്നെ വീണ്ടും ചെയ്യേണ്ടി വരുന്നത് എന്തു കൊണ്ടെന്ന് നാം ചിന്തിക്കേണ്ടിയിരിക്കുന്നു.
മുന്നൊരുക്കങ്ങൾ
ഇത്തരം ഒരു നടപടി മൂലം തങ്ങൾക്ക് "പ്രിയപ്പെട്ടവർക്ക്' ഒരു ദോഷവും വരരുതെന്ന് പൂർണ്ണമായും ഉറപ്പ് വരുത്തിയിട്ടാണ് മോഡി സർക്കാർ മുന്നോട്ടു പോയത്.
മോഡി സർക്കാർ അധികാരത്തിൽ വന്ന ശേഷം 2015 മേയിൽ, ഇന്ത്യയിൽ നിന്നും വിദേശത്തേയ്ക്ക് അയക്കാവുന്ന പണത്തിന്റെ തോത് ഇരട്ടിയായി വർദ്ധിപ്പിച്ചിരുന്നു. ലിബറലൈസ്ഡ് റെമിറ്റൻസ് സ്കീം (LRS) എന്ന പേരിലെ ഈ പദ്ധതിപ്രകാരം വ്യക്തമായ വെളിപ്പെടുത്തലുകൾ ഇല്ലാതെ, വിവിധ വ്യക്തിപരമായ ആവശ്യങ്ങൾക്കായി, 2,50,000 ഡോളർ വരെ വിദേശത്തെയ്ക്ക് അയയ്ക്കാം എന്ന നില വന്നു. അതോടെ വിദേശത്തേയ്ക്ക് കടത്തുന്ന പണത്തിന്റെ അളവിൽ ഒരു കുതിച്ചുചാട്ടം തന്നെ നടന്നു. 2016 സാമ്പത്തികവർഷം 4.6 ബില്യൺ ഡോളറാണ് ഈ പദ്ധതിപ്രകാരം നാട് കടന്നത്.
ഈ കാലത്തു തന്നെ, മോഡിയുടെ ഏറ്റവും അടുത്ത സുഹൃത്തുക്കളായ മുകേഷ് അംബാനി റീലിയൻസ് ജിയോ തുടങ്ങിയതും, ബാബാ രാംദേവ് പതഞ്ജലി വ്യവസായ സാമ്രാജ്യം വിപുലീകരിച്ചതും ഒക്കെ നോട്ടു പിൻവലിയ്ക്കലിന്റെ അനന്തസാധ്യതകളെ ഉപയോഗപ്പടുത്താനായിരുന്നു എന്നതും ഉത്തരം കിട്ടാത്ത ചോദ്യങ്ങളാണ്.
നോട്ടു പിൻവലിയ്ക്കൽ പ്രഖാപിയ്ക്കുന്നതിന്റെ മുൻപ് തന്നെ വൻതുകയ്ക്കുള്ള 500, 1000 രൂപ നോട്ടുകൾ ബാങ്കുകളിൽ നിക്ഷേപിയ്ക്കാൻ ബി.ജി.പി നേതാക്കൾക്കും, അടുപ്പക്കാർക്കും അവസരം ഒരുക്കി കൊടുത്തതിന്റെ വാർത്തകളും ഇപ്പോൾ പുറത്തു വരുന്നുണ്ട്. ബംഗാളിലെ ബി.ജെ. പി സംസ്ഥാനഘടകം മോഡിയുടെ പ്രഖ്യാപനത്തിന് മണിക്കൂറുകൾക്ക് മുൻപ്, ഒരു കോടിയിലധികം വിലയുള്ള 500, 1000 രൂപ നോട്ടുകൾ, ഇന്ത്യന് ബാങ്കിന്റെ കൊല്ക്കത്ത സെന്ട്രല് അവന്യൂ ബ്രാഞ്ചിലെ 554510034, 6365251388 എന്നീ അക്കൗണ്ട് നമ്പറുകളിൽ നിക്ഷേപിച്ച വാർത്ത തന്നെ ഒരു ഉദാഹരണം.
എസ്.ബി.ഐ, പഞ്ചാബ് നാഷണൽ ബാങ്ക് അടക്കമുള്ള ബാങ്കുകളിൽ കഴിഞ്ഞ സാമ്പത്തിക അർദ്ധവാര്ഷികത്തിൽ ഡെപ്പോസിറ്റുകളുടെ വലിയ ഒരു കുതിച്ചു ചട്ടം കാണുകയുണ്ടായി. മോഡിയുടെ അർദ്ധരാത്രി വിളംബരത്തിന് ആറുമാസം മുൻപ്, ഒരു ശതമാനത്തിന് താഴെയായിരുന്ന നിക്ഷേപങ്ങൾ, പെട്ടെന്ന് നാല് ശതമാനവും കടന്ന് വളർന്നത് എങ്ങനെയെന്ന് ബാങ്ക് അധികൃതർക്ക് പോലും വിശദീകരിയ്ക്കാൻ കഴിയുന്നില്ല. നോട്ടുനിരോധനത്തിന്റെ വാർത്ത, മോഡിയുടെ വേണ്ടപ്പെട്ടവരെയൊക്കെ മുൻകൂട്ടി അറിയിച്ചിരുന്നു എന്ന സംശയത്തെ ഇത് ബലപ്പെടുത്തുന്നു.
എന്നാൽ ഈ മുന്നൊരുക്കം, ആവശ്യമുള്ള പകരം നോട്ടുകൾ അച്ചടിയ്ക്കുന്നതിലോ, പുതിയ നോട്ടുകൾ വയ്ക്കാനായി എ.ടി.എം മെഷീനുകൾ സെറ്റ് ചെയ്യാനോ, നോട്ടുകൾ മാറ്റി നൽകാൻ ഉള്ള അടിസ്ഥാനസൗകര്യങ്ങൾ ഒരുക്കാനോ സർക്കാരിന് കഴിഞ്ഞില്ല. അതാണ് ഇപ്പോൾ സാധാരണജനങ്ങൾ അനുഭവിയ്ക്കുന്ന ബുദ്ധിമുട്ടുകൾക്ക് മൂലകാരണം.
നോട്ടു നിരോധിയ്ക്കലിന് പിന്നിൽ മറ്റൊരു രഹസ്യലക്ഷ്യവും ഉണ്ടായിരുന്നു.
കിട്ടാക്കടം മൂലം വലയുന്ന ബാങ്കുകളുടെ സാമ്പത്തികപ്രതിസന്ധി തരണം ചെയ്യാൻ, ജനങ്ങൾ ബാങ്കുകളിൽ ഡെപ്പോസിറ്റ് ചെയ്യുന്ന തുക വർദ്ധിപ്പിയ്ക്കുക. കറൻസി റദ്ധാക്കുമ്പോൾ ജനങ്ങൾ ഉള്ള പണം മുഴുവൻ കൊണ്ട് ബാങ്കിൽ ഇടുമെന്നതിനാൽ ഇത് എളുപ്പമാണ്. ഈ നീക്കത്തിന് വലിയൊരു കാരണമുണ്ട്.
ഇന്ത്യയിൽ ബാങ്കുകൾക്ക് കിട്ടാക്കടം 6 ലക്ഷം കോടി രൂപയാണെന്നാണ് കണക്കുകൾ പറയുന്നത്. ഇന്ത്യയിലെ വൻകിട വ്യവസായികൾക്കും മുതലാളിമാർക്കും ബാങ്കുകൾ നൽകി തിരികെ ലഭിയ്ക്കാത്ത ലോണാണ് ഈ കിട്ടാക്കടം എന്ന് പറയുന്നത്. മുകേഷ് അംബാനി മുതൽ വിജയ് മല്യ വരെയുള്ള മുതലാളിമാർ ബാങ്കുകൾക്ക് തിരികെ നൽകാനുള്ള തുകയാണിത്. രഘുറാം രാജൻ റിസർവ്വ് ബാങ്ക് ഗവർണ്ണർ ആയപ്പോൾ മുതൽ ഇത്തരം കിട്ടാക്കടം തരാനുള്ളവർക്കെതിരെ നടപടി എടുക്കണമെന്ന് ആവശ്യപ്പെട്ടു വരികയായിരുന്നു. ഒടുവിൽ ഈ വർഷം മാർച്ചിൽ, ഇങ്ങനെ കിട്ടാക്കടം തരാനുള്ള മുതലാളിമാരുടെ പൂർണ്ണമായ ലിസ്റ്റ് പബ്ലിക്ക് ആയി പ്രസിദ്ധീകരിച്ച്‌, നിയമനടപടികൾ ആരംഭിയ്ക്കാൻ അദ്ദേഹം ശ്രമം തുടങ്ങി. ഈ കിട്ടാക്കടത്തിന്റെ പകുതിയെങ്കിലും തിരികെ കിട്ടിയാൽ ബാങ്കുകൾ നിലവിലുള്ള സാമ്പത്തികപ്രതിസന്ധി തരണം കടക്കും എന്നായിരുന്നു രഘുറാം രാജന്റെ കണക്കുകൂട്ടൽ.
അപകടം മണത്ത കോർപ്പറേറ്റ് ലോകം ശക്തമായ എതിർനീക്കം തുടങ്ങി. ഉടനെ തന്നെ നരേന്ദ്രമോഡി ഈ വിഷയത്തിൽ നേരിട്ട് ഇടപെടുകയും, രഘുറാം രാജനെ റിസർവ്വ് ബാങ്ക് ഗവർണ്ണർ സ്ഥാനത്ത് നിന്നും നീക്കി, അംബാനിയുടെ റീലിയൻസ് കമ്പനിയുടെ മുൻഉദ്യോഗസ്ഥനും, റിസർവ്വ് ബാങ്ക് ഡെപ്യൂട്ടി ഗവർണ്ണറുമായ ഉർജിത് പട്ടേലിനെ ആ സ്ഥാനത്ത് നിയമിയ്ക്കുകയും ചെയ്തു. ഉർജിത് പട്ടേൽ ആയിരുന്നു, മുതലാളിമാരെ ശല്യപ്പെടുത്താതെ, 500, 1000 കറൻസി നോട്ടുകൾ നിരോധിച്ച്, ജനങ്ങളുടെ പണം ബാങ്കുകളിലേക്ക് ഒഴുക്കി നേട്ടം ഉണ്ടാക്കാം എന്ന ആശയത്തിന്റെ മുഖ്യസൂത്രധാരൻ.
പ്രഖ്യാപനത്തിന് ശേഷം ഈ പരിഷ്കാരത്തെ അനുകൂലിച്ചാണ് ആദ്യപ്രതികരണങ്ങൾ ഇന്ത്യൻ സമൂഹത്തിൽ ഉണ്ടായത്. എന്തിനധികം, ഇതിനെ എതിർത്തവരെ കള്ളപ്പണക്കാരെ പിന്തുണയ്ക്കുന്നവർ എന്നും പാകിസ്ഥാൻ ചാരന്മാർ എന്നും വരെ മുദ്ര കുത്തി പ്രചാരണം വ്യാപകമായി നടന്നു.
ഇന്ന് ഈ പരിഷ്കരണ പ്രഖ്യാപനത്തിന്റെ നാലാം ദിവസമാണ്. കഴിഞ്ഞ നാല് ദിവസവും, മറ്റെല്ലാ ജോലിയും മാറ്റി വെച്ച് അന്നന്നത്തെ ആവശ്യത്തിന് പണം കിട്ടാനായി ബാങ്കുകളുടെയും, എ.ടി.എമ്മുകളുടെയും മുന്നിൽ മണിക്കൂറുകൾ ചിലവഴിച്ച ജനങ്ങൾക്കു സഹികെട്ട്, എതിരായി പ്രതികരിയ്ക്കാൻ തുടങ്ങിയിരിയ്ക്കുന്നു.
500, 1000 രൂപ നോട്ടുകൾ പിൻവലിയ്ക്കുന്നതിന് മുൻപായി പകരം ആവശ്യത്തിന് 100, 50 മുതലായ ചില്ലറ നോട്ടുകൾ മാർക്കറ്റിൽ ആവശ്യത്തിന് ലഭ്യമാണ് എന്ന് ഉറപ്പു വരുത്താൻ സർക്കാരിന് കഴിഞ്ഞില്ല. സാധാരണ ആവശ്യങ്ങൾക്ക് ചില്ലറ രൂപയാണ് ആവശ്യം. പുതിയതായി 2000 രൂപ നോട്ട് ഇറക്കാൻ കാണിച്ച ഉത്സാഹം ഇക്കാര്യത്തിൽ കാണിച്ചില്ല. പുതിയ 2000, 500 രൂപ നോട്ടുകൾ വിതരണം ചെയ്യാനുള്ള സോഫ്റ്റ് വെയറോ, സംവിധാനങ്ങളോ എ.ടി.എമ്മുകളിൽ ചെയ്യാത്തതിനാൽ, അവ മൊത്തം ചില്ലറ രൂപ നിറയ്ക്കേണ്ടി വന്നു. ഫലം എ.ടി.എമ്മുകൾ പെട്ടെന്ന് കാലിയായിക്കൊണ്ടിരുന്നു. ജനങ്ങൾ പൈസ എടുക്കാനാകാതെ വലഞ്ഞു.
ഇന്ത്യയിലെ മഹാഭൂരിപക്ഷം ജനങ്ങളെയും ബാധിയ്ക്കുന്ന ഒരു പരിഷ്കാരം പ്രഖ്യാപിച്ചു നടപ്പാക്കുമ്പോൾ, അത്യാവശ്യം ചെയ്യേണ്ട മുന്നൊരുക്കങ്ങൾ നടത്താൻ സർക്കാർ പരാജയപ്പെട്ടു എന്ന് വ്യക്തം. പ്രഖ്യാപനം നടത്തിയപ്പോൾ വെറും ഒരാഴ്ച കൊണ്ട് നോട്ടുമാറലിന്റെ പ്രശ്നങ്ങൾ അവസാനിയ്ക്കും എന്ന് വീരവാദം പറഞ്ഞ മോഡി സർക്കാർ, പ്രശ്‍നങ്ങൾ വഷളായപ്പോൾ, ഇപ്പോൾ അൻപതു ദിവസങ്ങൾ കൊണ്ടേ പ്രശ്നങ്ങൾ തീരൂ എന്ന് തുറന്നു സമ്മതിയ്ക്കുന്നത് തന്നെ ആ പിടിപ്പുകേടിന്റെ തെളിവാണ്.
ഇനി നോക്കാനുള്ളത് ഈ പരിഷ്കാരങ്ങൾ ഇന്ത്യൻ സാമ്പത്തികവ്യവസ്ഥയ്ക്ക് സഹായകമാകുമോ, കള്ളപ്പണത്തെ തടയുമോ എന്നിങ്ങനെയുള്ള കാര്യങ്ങളാണ്.
(ലേഖനം തുടരും)
===========================
References:
1) http://m.thehindu.com/.../rbi-tells.../article8055067.ece
2)http://economictimes.indiatimes.com/news/economy/finance/indians-sent-a-record-4-6-billion-abroad-as-outward-overseas-remittances/articleshow/52301330.cms
3) http://indianexpress.com/article/business/business-others/fy16-outward-remittance-flow-jumps-3-5-times-post-revised-norms-2798024/
4) http://www.doolnews.com/bharatiya-janata-party-west-bengal-accout-cash-deposit-443.html#sthash.ewvCh6Jh.dpuf
5) https://m.rbi.org.in/Scripts/NotificationUser.aspx...

2016, നവംബർ 12, ശനിയാഴ്‌ച

56 ഇഞ്ച് നെഞ്ചളവുള്ള രാജാവിന്റെ വിളംബരം....

(ഒരു ഇന്ത്യൻ നാടോടിക്കഥ....വർത്തമാനകാല യാഥാർഥ്യങ്ങളുമായി ഒരു ബന്ധവുമില്ല.)
പണ്ടൊരു നാട്ടിൽ ഒരു രാജാവുണ്ടായിരുന്നു. നാട്ടിലുള്ള എല്ലാ കള്ളന്മാരെയും പിടികൂടി മോഷണം അവസാനിപ്പിയ്ക്കും എന്നും, കള്ളന്മാരുടെ കൈയ്യിലുള്ള പണം പിടിച്ചെടുത്ത് ഓരോ പ്രജകളുടെയും വീട്ടിൽ എത്തിച്ചു കൊടുക്കും എന്നൊരു വാഗ്ദാനം അദ്ദേഹം ജനങ്ങൾക്ക് നൽകിയിരുന്നു.
എന്നാൽ കള്ളന്മാരുണ്ടോ പിടി കൊടുക്കുന്നു! മാത്രമല്ല അവരിൽ പലരും രാജാവിന്റെ രഹസ്യസുഹൃത്തുക്കളുമായിരുന്നു. രാജാവിനെ സമ്പത്തും പ്രശസ്തിയും നൽകാൻ വൻകിടകള്ളന്മാരായ അവർ സഹായിച്ചിരുന്നതിനാൽ, അവരെ പിണക്കാൻ രാജാവിന് കഴിയില്ലായിരുന്നു. അവർക്ക് പലപ്പോഴും രാജാവ് തന്നെ രഹസ്യമായി പൊതുഖജനാവ് തുറന്ന് കൊടുത്ത് മോഷണം നടത്താൻ സഹായിച്ചിരുന്നു.
ചെറുകിട പോക്കറ്റടിക്കാരെയും, തട്ടിപ്പുകാരെയും പിടിച്ചാൽ പോലും, അവർ ഉദ്യോഗസ്ഥർക്ക് കൈക്കൂലി നൽകി രക്ഷപ്പെട്ടിരുന്നു. അങ്ങനെ രാജ്യത്ത് മോഷണം അനുദിനം വളർന്നു.
രാജ്യത്ത് മോഷ്ടാക്കൾ കൂടി വരുന്നതായും, രാജാവ് വാക്കു പാലിയ്ക്കാൻ കഴിവില്ലാത്തവനാണെന്നും ജനങ്ങൾക്കിടയിൽ സംസാരം ഉയർന്നു. തനിയ്‌ക്കെതിരെ ജനരോഷം ഉയരുന്നത് മനസ്സിലാക്കിയ രാജാവിന് ഉറക്കം നഷ്ടമായി. ഒടുവിൽ ഉപദേശകർ അദ്ദേഹത്തിന് ഒരു ബുദ്ധി പറഞ്ഞു കൊടുത്തു. അയൽരാജ്യമാണ് നമ്മുടെ നാട്ടിലെ എല്ലാ പ്രശ്നങ്ങൾക്കും കാരണം എന്ന് പറഞ്ഞു പരത്തുക. കള്ളന്മാർ അയൽരാജ്യത്തിന്റെ ചാരന്മാർ ആണെന്ന് രാജഭക്തർ നാട് നീളെ പ്രചരിപ്പിച്ചു.
എന്നിട്ട് രാജാവ് ഒരു അർദ്ധരാത്രി ഒരു വിചിത്രമായ വിളംബരം ഇറക്കി. രാജ്യത്തെ കള്ളന്മാരെയും ചാരന്മാരെയും എല്ലാം കണ്ടെത്തി ശിക്ഷിയ്ക്കാൻ പ്രായോഗികബുദ്ധിമുട്ട് ഉള്ളതിനാൽ, നാളെ മുതൽ എല്ലാ പ്രജകൾക്കും അൻപത് ചാട്ടവാറടി നൽകുമെന്നായിരുന്നു വിളംബരം. പ്രജകളിൽ കള്ളന്മാരും, ചാരന്മാരും ഉള്ളതിനാൽ, എല്ലാവർക്കും അടി കൊടുക്കുമ്പോൾ, അത് വഴി എല്ലാ കള്ളന്മാർക്കും ചാരന്മാർക്കും അടി കിട്ടുമെന്നും, അതോടെ അടി പേടിച്ച് അവർ മോഷണം നിർത്തും എന്നും, ജനങ്ങളെ അഭിസംബോധന ചെയ്ത് രാജാവ് പറഞ്ഞു മനസ്സിലാക്കി കൊടുത്തു.
ജനങ്ങൾക്ക് ആദ്യം ഈ ആശയം പിടി കിട്ടിയില്ലെങ്കിലും, രാജഭക്തർ ഇത് രാജ്യസ്നേഹത്തിന്‌ വേണ്ടി ചെയ്യേണ്ട ത്യാഗമാണ് എന്ന് പറഞ്ഞു കൊടുത്തപ്പോൾ, കൈയ്യടിച്ച് വിളംബരത്തെ സ്വാഗതം ചെയ്തു. ഈ പരിഷ്‌ക്കാരത്തെ എതിർത്തവരെ അവർ രാജ്യദ്രോഹികളായി മുദ്രകുത്തി. ഒരു കുറ്റവും ചെയ്യാത്ത തൊണ്ണൂറ്റി അഞ്ചു ശതമാനം സാധാരണ ആളുകളും അടി കൊണ്ടാലെന്താ, ബാക്കി അഞ്ചു ശതമാനം കള്ളന്മാർക്കും അടി കൊള്ളുമെന്നതിനാൽ, ഇത് മോഷണം അവസാനിപ്പിയ്ക്കാൻ ഏറ്റവും മികച്ച മാർഗ്ഗമാണെന്ന് കൊട്ടാരവാസികളായ പണ്ഡിതരും വിലയിരുത്തി.
പിറ്റേന്ന് മുതൽ രാജ്യമൊട്ടാകെ അടി തുടങ്ങി. ഒരു തെറ്റും ചെയ്യാത്ത സ്വന്തം പ്രിയപ്പെട്ടവർ അടി വാങ്ങി കരഞ്ഞപ്പോഴും, പ്രജകൾ രാജാവിന്റെ ബുദ്ധിശക്തിയെ വാഴ്ത്തി. ഇതോടെ മോഷണവും, അയൽരാജ്യത്തെ ചാരശല്യവും ഇല്ലാതാകും എന്നവർ കിനാവ് കണ്ടു.
രാജാവിന്റെ സുഹൃത്തുക്കളായ വലിയ കള്ളന്മാർ ഈ വിളംബരത്തെപ്പറ്റി മുൻകൂട്ടി അറിഞ്ഞതിനാൽ, വിദേശനാടുകളിലേക്ക് കടന്ന് 'അടി'യിൽ നിന്നും രക്ഷപ്പെട്ടു. നാട്ടിലുള്ള വൻകിട കള്ളന്മാർ ഉദ്യോഗസ്ഥരെ സ്വാധീനിച്ചും, രഹസ്യമായി ഒളിച്ചിടുന്നതും പിടികൊടുക്കാതെയും 'അടി'യിൽ നിന്നും രക്ഷപ്പെട്ടു. ചോട്ടാ മോട്ട കള്ളന്മാരും, പോക്കറ്റടിക്കാരും മാത്രം അടി ഏറ്റുവാങ്ങി.
പക്ഷെ പ്രജകളുടെ പ്രശ്നം തീർന്നില്ല. അടി ഏറ്റുവാങ്ങാൻ മാസങ്ങളോളം അവർ ക്യൂ നിൽക്കേണ്ടി വന്നു. അടി കൊണ്ട് അവരുടെ ശരീരം ചുവന്നു. മുറിവുകൾ സംഭവിച്ചു. ചിലർ മരിച്ചു. എങ്കിലും എല്ലാം രാജ്യത്തിനും, രാജാവിനും വേണ്ടിയല്ലേ എന്നവർ ആശ്വസിച്ചു. ഈ സമയത്ത് രാജാവാകട്ടെ, വിദേശരാജ്യങ്ങളിൽ ഉല്ലാസയാത്ര നടത്തി രാജ്യഭരണത്തിന്റെ ക്ഷീണം മാറ്റികൊണ്ടിരുന്നു.
മാസങ്ങൾ കഴിഞ്ഞതോടെ കള്ളന്മാർ വീണ്ടും മോഷണം തുടങ്ങുകയും, രാജ്യം പഴയ അവസ്ഥയിലേയ്ക്ക് തിരികെ പോകുകയും ചെയ്തു. പക്ഷെ, ജനങ്ങൾക്ക് പ്രതീക്ഷ അവസാനിച്ചില്ല. അവർ കാതോർത്തിരുന്നു. രാജാവിന്റെ പുതിയ വിളംബരത്തിന് വേണ്ടി...
===
വാൽകഷ്ണം:
"എന്തരെടേയ് ശിവാ, നാട്ടുകാർ മുഴുവൻ മോഡിയുടെ അച്ഛന് പറയുകയാണല്ലോ?"
"ഇതാവും അണ്ണാ, അച്ഛാദിൻ!"

2016, ജൂലൈ 31, ഞായറാഴ്‌ച

മഹാത്മാ കുമ്മനത്തിന്റെ സത്യാന്വേഷണ പരീക്ഷണങ്ങൾ..

മുട്ടോളമെത്തുന്ന മുണ്ടുമുടുത്ത്, ഒരു മുട്ടൻ വടിയും കൈയ്യിലേന്തിയ, ആ അർദ്ധനഗ്നനായ ഫക്കീർ, പ്രതീക്ഷയോടെ തന്റെ മുഖത്ത് നോക്കുന്നു. "സമ്മതം" എന്നൊരു വാക്കു മാത്രമേ ആ വൃദ്ധൻ പ്രതീക്ഷിയ്ക്കുന്നുള്ളൂ എന്നറിയാം. അദ്ദേഹത്തോട് എങ്ങനെ തന്റെ തീരുമാനം പറയും?..
തന്റെ മുഖത്തു കണ്ട ഭാവഭേദമില്ലായ്മാ മനസ്സിലാക്കിയ പോലെ ബാപ്പുജി പറഞ്ഞു.
"ബേട്ടാ, നിന്റെ തീരുമാനം ഈ രാജ്യത്തിന്റെ ഭാവിയെയാണ് സ്വാധീനിയ്ക്കാൻ പോകുന്നതെന്ന് ഓർക്കുക. നല്ലവനെങ്കിലും നെഹ്റു ദുർബലനാണ്. നിന്നെ പോലെ ശക്തനായ ഒരു പ്രധാനമന്ത്രിയെയാണ് ഈ രാജ്യത്തിന് ആവശ്യം. എത്രയോ വർഷങ്ങളായി ഈ രാജ്യത്തിന്റെ സ്വാതന്ത്ര്യസമരപോരാട്ടത്തെ മുന്നിൽ നിന്ന് നയിച്ചവനാണ് നീ. ഇനി ഈ രാജ്യത്തിന്റെ ഭരണവും നീ തന്നെയാണ് നയിയ്ക്കേണ്ടത്. "
"ഇല്ല, ബാപ്പുജി. എനിയ്ക്കതിന് കഴിയില്ല. അധികാരം കൊതിച്ചല്ല ഞാൻ സ്വാതന്ത്ര്യപോരാട്ടത്തിൽ മുണ്ടും മടക്കികുത്തി ഇറങ്ങിയത്. എനിയ്ക്ക് പ്രധാനമന്ത്രിയാക്കണ്ട ."
കടുത്ത നിരാശ ബാപ്പുജിയുടെ മുഖത്ത് പടർന്നു. അതിനെ തൂവാല കൊണ്ട് തുടച്ചു കൊണ്ട് അദ്ദേഹം വീണ്ടും വീണ്ടും പലതും പറഞ്ഞു കൊണ്ട് നിർബന്ധിച്ചു. എന്നാൽ തന്റെ തീരുമാനം അന്തിമമായിരുന്നു. നിരാശനായി മടങ്ങുമ്പോൾ വാതിക്കൽ നിന്നും ബാപ്പുജി ഇത്രയും കൂടി പറഞ്ഞു.
"നീ എന്റെ ഹൃദയമാണ് തകർത്തത്."
ആ വാക്കുകൾ ഒരു അലർച്ചയായി ഡോൾബി എക്കോ ഇഫക്റ്റോടെ വീണ്ടും വീണ്ടും കാതുകളിൽ മുഴങ്ങുന്നു.
കുമ്മനം ഞെട്ടിയുണർന്നു.
കിടക്കയിൽ ചാരിയിരുന്ന് അദ്ദേഹം ആലോചിച്ചു. താൻ അന്ന് ചെയ്തത് ശരിയ്ക്കും തെറ്റ് തന്നെയാണോ. അന്ന് ആ തെറ്റ് ചെയ്തില്ലായിരുന്നെകിൽ ബാപ്പുജിയെ തനിയ്ക്ക് നഷ്ടമാകില്ലായിരുന്നു എന്നാലോചിയ്ക്കുമ്പോൾ ഇന്നും കണ്ണ് നിറയും.
എവിടെയാണ് ഈ തെറ്റുകൾ തുടങ്ങിയത്?
തന്റെ ഗുരുജിയായ ഗോൾവർക്കർ ആദ്യം മുതലേ കർശനമായി പറഞ്ഞിരുന്നു, 'സ്വാതന്ത്ര്യസമരപോരാട്ടത്തിന്റെ നാലയലത്ത് പോലും സംഘപ്രവർത്തകർ പോകാൻ പാടില്ലായെന്ന്.' ഗുരുവിന്റെ ആ ഉത്തരവ് താൻ അനുസരിച്ചില്ല. ബാക്കിയുള്ള സംഘപ്രവർത്തകർ ഉത്തമരായി കുറുവടി അഭ്യാസം, വർഗീയകലാപം, മുസ്ലിം ആക്രമണം, ദളിത് പീഡനം, ബ്രിട്ടീഷ് സേവനം, ഗാന്ധി അധിക്ഷേപം എന്നിങ്ങനെ സംഘപരിപാടികളുമായി മുന്നോട്ടു പോയപ്പോൾ , അധമനായ താൻ ഉപ്പു സത്യാഗ്രഹത്തിലും, ജാലിയൻവാല ബാഗിലും, നിസ്സഹരണ സമരത്തിലും, ഒക്കെ പങ്കെടുത്ത് ബാപ്പുജിയുടെ തോളിൽ കൈയിട്ടു നടക്കുകയായിരുന്നു.
ഗുരുശാപം തന്നെ.. അല്ലെങ്കിൽ അങ്ങനെയൊക്കെ സംഭവിയ്ക്കുമോ?
താൻ ഒഴിഞ്ഞ പ്രധാനമന്ത്രി സ്ഥാനത്തേയ്ക്ക് നെഹ്റുവിനെ നിയമിച്ചെങ്കിലും, ബാപ്പുജി അതീവദുഃഖിതനായിരുന്നു. ഇന്ത്യ വിഭജിച്ച സമയമായത് കൊണ്ട് രാജ്യമെങ്ങും മുസ്ലീങ്ങളെ തിരഞ്ഞു പിടിച്ച് കൊല്ലുന്ന വലിയ ഉത്തരവാദിത്വം സംഘപ്രവർത്തകർ ആത്മാർത്ഥമായി ചെയ്തിരുന്ന സമയമായതിനാൽ അദ്ദേഹത്തെ പോയി കാണാൻ പോലും പറ്റിയില്ല. നിരാശ കൊണ്ട് അദ്ദേഹം എന്തെങ്കിലും കടുംകൈയ്ക്ക് തുനിയുമെന്ന ചിന്ത പോലും തനിയ്ക്ക് ഉണ്ടായിരുന്നില്ല. ഒരു പക്ഷെ തന്നെ പ്രധാനമന്ത്രിയാക്കാത്തതിൽ അരിശം പൂണ്ട ഏതെങ്കിലും ഇന്ത്യൻ പൗരൻ അദ്ദേഹത്തെ വധിയ്ക്കാൻ ശ്രമിയ്ക്കുമോ എന്ന ഭയമായിരുന്നു മനസ്സിൽ. അതിനാലാണ് സംഘത്തിലെ മുതിർന്ന നേതാവായ നാഥുറാം വിനായക ഗോഡ്സെയെ ബാപ്പുവിന്റെ രഹസ്യമായി പിന്തുടർന്ന് സംരക്ഷണം കൊടുക്കാനായി ബോഡി ഗാർഡായി ബാപ്പുജിയുടെ അടുത്തേയ്ക്ക് അയച്ചത്. ആ മണ്ടൻ അവിടെപ്പോയി, "തന്നെ കുമ്മനം ബാപ്പുജിയുടെ ബോഡി ഗാർഡായി നിയമിച്ച് അയച്ചതായി" ബാപ്പുവിനോട് നേരിട്ട് പറഞ്ഞു. അതുകേട്ട ബാപ്പുജി, ദുഃഖം സഹിയ്ക്കാനാകാതെ, ഗോഡ്സെയുടെ പോക്കറ്റിൽ നിന്നും തോക്ക് പിടിച്ചു വാങ്ങി, സ്വയം വെടി വെച്ച് ആത്മഹത്യ ചെയ്തു.
ഗോഡ്സെയുടെ മണ്ടത്തനത്തിന്, പുകവലിയ്ക്കെതിരെയുള്ള പരസ്യത്തിൽ പറയും പോലെ , "വലിയ വില" കൊടുക്കേണ്ടി വന്നു. അതിനെപ്പറ്റി എന്തൊക്കെ ഗോസിപ്പാണ് പിന്നീടുണ്ടായത്. ഗോഡ്സെ ഗാന്ധിജിയെ വെടി വെച്ച് കൊന്നത്രെ. അതും സംഘം പറഞ്ഞു വിട്ടാണ് കൊല ചെയ്യിച്ചതത്രെ... എന്തൊരു വലിയ നുണയാണത്. ഭാഗൃത്തിന് ഗോഡ്സെയുടെ സംഘത്തിലെ മെമ്പർഷിപ്പ് ഗാന്ധിജി മരിയ്ക്കുന്നതിന് ഒരു ദിവസം മുൻപ് എക്സ്പിയർ ആയിപ്പോയത് കൊണ്ട് മാത്രം സംഘത്തിലെ പലരും കൊലക്കേസിൽ പ്രതിയാകാതെ രക്ഷപ്പെട്ടു.
അന്ന് താൻ സമ്മതം മൂളിയിരുന്നെകിൽ ഇത് വല്ലതും സംഭവിയ്ക്കുമായിരുന്നോ? പോയ ബുദ്ധി തിരികെ തരാൻ വെള്ളാപ്പള്ളി നടേശൻ വിചാരിച്ചാൽ പോലും പറ്റുമോ. സഹിയ്ക്കുക തന്നെ..
പ്രഭാതം പൊട്ടിവിടർന്നിരിയ്ക്കുന്നു. കിടക്കയിൽ നിന്നും എണീറ്റ്, ആ പൊട്ടിയ കഷ്ണങ്ങളിൽ ചവിട്ടാതെ, അദ്ദേഹം പുറത്തേയ്ക്ക് നടന്നു.
മാനത്ത് സൂര്യൻ കാവി നിറം വാരി വിതറിയിരിയ്ക്കുന്നു. പക്ഷികൾ ഗണഗാനം പാടുന്നു. വീട്ടിലെ ഗോശാലയിൽ നിന്നും ഒരു ഗോമാതാവ് മധുരമായി അമറുന്നു. ആ മധുരമായ സ്വരം കുമ്മനത്തിന്റെ മനസ്സ് നിറച്ചു.
"ആ പശുവിനെ ചവിട്ടിയ്ക്കാൻ സമയമായി. അമറുന്നത് കേട്ടില്ലേ."
തിരിഞ്ഞു നോക്കി. കൈരേഖ സുരേന്ദ്രനാണ്. "ശവം. നല്ലൊരു മൂഡ് കളഞ്ഞു" മനസ്സിൽ പ്രാകികൊണ്ട് കുമ്മനം ചിരിച്ചു.
"എന്തുണ്ട് സുരേന്ദ്രാ, അതിരാവിലെ?
"കുമ്മനംജി. നമ്മുടെ കേസ് ....!"
"ഏതു കേസ്?"
"മുഖ്യമന്ത്രി നിയമോപദേഷ്ടാവിനെ നിയമിച്ചത് തെറ്റാണ് എന്ന് പറഞ്ഞ് നമ്മൾ കൊടുത്ത കേസ്...!"
"ഓ..ആ കേസോ.. എന്തായി അത്?"
സുരേന്ദ്രന്റെ മുഖത്ത് നിരാശ പടർന്നു. "ജഡ്ജി കേസ് എടുത്ത് ചവറ്റു കുട്ടയിൽ ഇട്ടു കുമ്മനംജി.."
ഞെട്ടിപ്പോയ കുമ്മനംജി ചോദിച്ചു.
"എന്ത് പറ്റി. മുദ്രപേപ്പറിൽ സ്റ്റാമ്പ് ഒട്ടിച്ചിരുന്നില്ലേ?"
"അല്ല കുമ്മനംജി.. അങ്ങനെ ഒരു നിയമനം നടന്നിട്ടില്ല . നടക്കാത്ത നിയമനത്തിനെതിരെ എന്തിന് കേസ് കൊടുത്തു എന്ന് ചോദിച്ച് ജഡ്ജി കളിയാക്കുകയും ചെയ്തു."
"ഈശ്വരാ..."കുമ്മനംജി ദീർഘനിശ്വാസം വിട്ടു.
"അത് പിന്നെയും സഹിയ്ക്കാം. മുഖ്യമന്ത്രിയ്ക്ക് ഉപദേഷ്ടാവിനെ വയ്ക്കാൻ സ്വാതന്ത്ര്യമുണ്ടെന്നും, അങ്ങനെ വയ്ക്കാൻ പാടില്ല എന്ന് പറയാൻ താൻ ആരുവാ എന്ന് ജഡ്ജി നമ്മുടെ വക്കീലിന്റെ മുഖത്തു നോക്കി ചോദിച്ചു. ചങ്കിലാ അത് കൊണ്ടത്. നമ്മൾ നാണം കേട്ട് പോയി കുമ്മനംജി.."
കുമ്മനംജി ഒന്നും മിണ്ടിയില്ല.. ദൂരേയ്ക്ക് കണ്ണും നട്ട് നിന്ന്. അറിയാതെ ചുണ്ടിൽ നിന്നും വാക്കുകൾ ചിതറി..
"ഹേ റാം!"
വെളുപ്പാൻ കാലത്ത് കുമ്മനംജി എന്തിനാണ് റം അന്വേഷിയ്ക്കുന്നതെന്ന് ചിന്തിച്ചു കൊണ്ട്, സുരേന്ദ്രൻ അടുത്തുള്ള ബിവറേജ് ഷോപ്പ് തപ്പി നടന്നു മറഞ്ഞു.

2016, മാർച്ച് 3, വ്യാഴാഴ്‌ച

കനയ്യ കുമാറിന് ജാമ്യം ലഭിച്ചപ്പോൾ...


രാജ്യദ്രോഹ കുറ്റം എന്നത് ജാമ്യമില്ലാ വകുപ്പാണ്. എന്നിട്ടും ജാമ്യം കൊടുക്കാതിരിയ്ക്കാൻ കോടതിയ്ക്ക് കഴിയാതെ പോയത്, നിയമത്തിന്റെ മുന്നിൽ ഈ കേസിന്റെ നിലനിൽപ്പ് തന്നെ വളരെ ദുർബലമാണ് എന്ന സത്യം ഉൾക്കൊണ്ടു തന്നെയാണ്. അത് കന്നയ്യയുടെ വിജയമാണ്. വിധി പറഞ്ഞത് ദിവസങ്ങളോളം വലിച്ചു നീട്ടി, ഒടുവിൽ വൈകുന്നേരം കോടതി പൂട്ടുന്ന സമയം വരെ വിധി പറയാതെ താമസിപ്പിച്ച, (അത് മൂലം ജാമ്യം കിട്ടിയിട്ടും ഒരു ദിവസം കൂടി കനയ്യയ്ക്ക് ജയിലിൽ കഴിയേണ്ടി വന്നു) ജഡ്ജിയ്ക്ക് അധികാരകേന്ദ്രങ്ങളിൽ നിന്നും അനുഭവിയ്ക്കേണ്ടി വന്ന സമ്മർദം വിധിന്യായത്തിൽ വ്യക്തമാണ്. സർക്കാരിനെ പിണക്കാതെ, അതേ സമയം ഒരു നിരപരാധിയെ അനാവശ്യമായി ജയിലിൽ കിടത്താതെ, ഒരു ബാലൻസ് ഉണ്ടാക്കാനുള്ള തന്ത്രപ്പാട് ആ വിധിന്യായം വിലയിരുത്തിയാൽ കാണാം.
കേസ് പ്രാഥമിക ഘട്ടത്തിൽ ആയതിനാലും, തെളിവുകൾ വ്യക്തമല്ലാത്തതിനാലും കനയ്യ കുറ്റവാളി ആണോ അല്ലയോ എന്ന് വിലയിരുത്താൻ താൻ മുതിരുന്നില്ല എന്ന് വിധിന്യായത്തിന്റെ ആദ്യഭാഗത്ത് പറയുന്ന ജഡ്ജി, പക്ഷെ അവസാനഭാഗത്ത് നടത്തുന്ന പരാമർശങ്ങൾ ആ നിലപാടിന് കടകവിരുദ്ധമാണ്. ദേശസ്നേഹം എന്നത് പട്ടാളക്കാരിൽ ഒതുങ്ങി നിൽക്കുന്ന ഒന്നാണോ? പട്ടാളക്കാരുടെ ജോലിയുടെ കാഠിന്യം നോക്കിയാണോ ജനങ്ങളുടെ അഭിപ്രായസ്വാതന്ത്ര്യത്തിന്റെ പരിധി നിശ്ചയിയ്ക്കുന്നത്? കോടതിവിധികൾ വികാരങ്ങളുടെ പുറത്തല്ല, വസ്തുതകളുടെ പുറത്താണ് ഉണ്ടാകേണ്ടത് എന്ന സുപ്രീം കോടതി നിർദ്ദേശങ്ങളെ ജഡ്ജി പാടെ മറന്നു പോയെന്നു തോന്നുന്നു. കന്നയ്യ കുമാർ കോളേജ് യൂണിയൻ പ്രസിഡന്റ് ആയതിനാൽ കോളേജിൽ നടക്കുന്ന എല്ലാ സംഭവങ്ങൾക്കും ഉത്തരവാദിയാണ് എന്ന കോമഡി പരാമർശങ്ങൾ ഒക്കെ വിധിയിൽ വന്നത് അത് കൊണ്ടാകാം.
കേസ് എങ്ങോട്ടാണ് പോകുന്നതെന്ന് തലയ്ക്കു വെളിവുള്ള എല്ലാവർക്കും നന്നായിട്ട് അറിയാം. തെളിവുകൾ ദുർബലമായതിനാൽ, കനയ്യയെ പോയിട്ട് ഉമർ ഖാലിദിനെ പോലും ശിക്ഷിയ്ക്കാനുള്ള വകുപ്പ് ഈ കേസിൽ ഇല്ല എന്നത് വ്യക്തമാണ്. കനയ്യയെ ഈ കേസിൽ പെടുത്താൻ നോക്കിയത് സംഘികൾക്ക് പറ്റിയ ഏറ്റവും വലിയ മണ്ടത്തനവുമാണ്. ആ പരിപാടി സംഘടിപ്പിച്ച ഉമർ ഖാലിദിലും, കൂട്ടരിലും കേസ് ഒതുക്കിയിരുന്നെങ്കിൽ ഒരു പക്ഷെ കേസ് അവരുടെ വഴിയ്ക്ക് പോകുമായിരുന്നു. കനയ്യയെ കുടുക്കാൻ സംഘികൾ കള്ളതെളിവുകൾ ഉണ്ടാക്കിയപ്പോൾ, ഈ കേസ് മൊത്തമായി ദുർബലപ്പെടുകയായിരുന്നു.
മാത്രമല്ല ജെ.എൻ.യുവിൽ മാത്രം ഒതുങുമായിരുന്ന കനയ്യ കുമാർ എന്ന ചെറുപ്പക്കാരൻ അതോടെ ഒരു ദേശീയ നേതാവായി മാറി. യു-ടൂബിൽ വന്ന കനയ്യയുടെ പ്രസംഗം ദിവസങ്ങൾക്കകം ലക്ഷങ്ങളാണ് കണ്ടത്. അന്താരാഷ്ട്ര മാധ്യമങ്ങൾ വരെ ഈ ചെറുപ്പക്കാരനെകുറിച്ച് പേജുകളോളം എഴുതി. കേസിന്റെ ഭാവി എന്തായാലും, ഇന്ന് ഇന്ത്യയിലെ സംഘപരിവാർ വിരുദ്ധ രാഷ്ട്രീയത്തിന്റെ മുന്നണിപോരാളിയായി കനയ്യകുമാർ മാറിയിരിയ്ക്കുകയാണ്. സ്വന്തം ബുദ്ധിമോശം കാരണം, അരവിന്ദ് കെജ്രിവാളിനു ശേഷം, ഭാവിയിലെ മറ്റൊരു ജനപ്രിയനും ശക്തനുമായ എതിരാളിയെയാണ് ബി.ജെ.പിക്കാർ സൃഷ്ടിച്ചിരിയ്ക്കുന്നത്.
എന്നാൽ അതിലുമേറെ ബി.ജെ.പിയുടെ ഈ രാഷ്ട്രീയമണ്ടത്തനങ്ങൾ ക്ഷതം ഏൽപ്പിച്ചത് ഇന്ത്യയുടെ വിദേശനയത്തെയും കശ്മീരിനെ സംബന്ധിച്ച നിലപാടുകളെയുമാണ്. ഒതുങ്ങി കിടന്നിരുന്ന കാശ്മീർ വിഷയം അന്താരാഷ്ട്രശ്രദ്ധയിൽ കൊണ്ടു വരുക മാത്രമല്ല, ഇന്ത്യ അഭിപ്രായ സ്വാതന്ത്ര്യത്തിനു പോലും വില കൽപ്പിയ്ക്കാത്ത ജനാധിപത്യവിരുദ്ധ സർക്കാർ ഭരിയ്ക്കുന്ന രാജ്യമാണ് എന്നുള്ള പ്രതിശ്ചായ സൃഷ്ടിയ്ക്കാനും ഈ വിവാദങ്ങൾ ഇടയാക്കി. അത് കാശ്മീർ വിഷയത്തിൽ അന്താരാഷ്ട്രവേദിയിൽ ഇന്ത്യൻ നിലപാടുകളെ ദുർബലപ്പെടുത്തുകയേ ഉള്ളൂ. (അത് കൃത്യമായി മനസ്സിലാക്കിയത് കൊണ്ടാണ് ബി.ജെ.പി മന്ത്രിമാരിൽ അൽപമെങ്കിലും വകതിരുവുള്ള ഒരേ ഒരു മന്ത്രിയായ, വിദേശകാര്യമന്ത്രി സുഷമാ സ്വരാജ്, ഇത്രയും വിവാദങ്ങൾ ഉണ്ടായിട്ടും ഒരക്ഷരം മിണ്ടാത്തത്) ഒരു ക്യാമ്പസിൽ നടന്ന സംഭവത്തെ ഒരു അന്തർദേശീയ വിഷയമാക്കാതെ, യൂണിവേര്സിറ്റി അധികാരികളെ കൊണ്ടു തന്നെ പരിപാടി സംഘടിപ്പിച്ച വിദ്യാർഥികൾക്കെതിരെ നടപടികൾ എടുപ്പിച്ച്, മറ്റുള്ള വിഷയങ്ങൾ രഹസ്യാന്വേഷണ വിഭാഗത്തെ ഉൾപ്പെടുത്തി അന്വേഷിച്ചു കണ്ടെത്താൻ ശ്രമിയ്ക്കുകയായിരുന്നു ബുദ്ധിയുള്ള സർക്കാർ ചെയ്യേണ്ടിയിരുന്നത്. എന്നാൽ കോളേജിലെ എ.ബി.വി.പി യൂണിറ്റ്, ആർ.എസ്.എസ്, ബി.ജെ.പിയിലെ തീവ്രവാദിവിഭാഗങ്ങൾ എന്നിവരുടെ സമ്മർദം വഴി, ചില ന്യൂസ് ചാനലുകളുടെ സഹായത്തോടെ ഇതൊരു വൻവിവാദമാക്കിയപ്പോൾ കേന്ദ്രസർക്കാർ മുറിവേൽപ്പിച്ചത് ഇന്ത്യൻ ജനാധിപത്യത്തെയോ, നാനാത്വത്തിൽ എകത്വത്തെയോ മാത്രമല്ല, കാശ്മീർവിഷയത്തിലെ വിദേശനയത്തെ കൂടിയാണ്.
വാൽകഷ്ണം:
അല്ല, അറിയാൻ മേലാണ്ട് ചോദിയ്ക്കുവാ.... നരേന്ദ്ര മോഡി ബിരിയാണി തിന്നാൻ ചെന്നപ്പോൾ, പാകിസ്ഥാന്റെ കൈയ്യിൽ ഇന്ത്യയെ അടിയ്ക്കാൻ വടി കൊടുക്കാമെന്ന് , നവാസ് ഷെരീഫിന് വല്ല ഉറപ്പും കൊടുത്തിരുന്നോ?

2016, ഫെബ്രുവരി 21, ഞായറാഴ്‌ച

മംഗളം ജന്മഭൂമിയ്ക്ക് പഠിയ്ക്കുമ്പോള്‍...


പണ്ടൊരു വക്രബുദ്ധി ചെക്കനോട് ടീച്ചര്‍ പശുവിനെപ്പറ്റി ഉപന്യാസം എഴുതാന്‍ പറഞ്ഞു. ചെക്കന് പശുവിനെപ്പറ്റി ഒന്നും അറിയില്ല. തെങ്ങിനെപ്പറ്റിയാകും ഉപന്യാസം ചോദിയ്ക്കുക എന്ന് വിചാരിച്ച് അവന്‍ തെങ്ങിനെപ്പറ്റി പഠിച്ചു കൊണ്ടായിരുന്നു വന്നത്. അതു കൊണ്ട് കണ്ണുംപൂട്ടി എഴുതി “ പശു ഒരു മൃഗമാണ്‌. അതിനെ തെങ്ങില്‍ കെട്ടിയിടും” എന്നിട്ട് അവന്‍ ബാക്കി രണ്ടു പേജ് തെങ്ങിനെപ്പറ്റി എഴുതി നിറച്ചു.
ഇന്നത്തെ മംഗളം പത്രത്തിലെ ഒന്നാം പേജില്‍ വന്ന ഒരു വാര്ത്തു വായിച്ച സാമാന്യബുദ്ധിയുള്ളവര്‍ സംശയിച്ചു പോകും.; പണ്ടത്തെ ആ വക്രബുദ്ധി ചെക്കന് ഇപ്പോള്‍ മംഗളത്തില്‍ കൂലിയെഴുത്താണോ പണി എന്ന്!
മുഴുവന്‍ വാര്‍ത്ത വായിച്ചാല്‍ മനസ്സിലാകുക ഒറ്റകാര്യമാണ്. നാഗ്പൂരിലെ ആസ്ഥാനത്ത് ഗോട്സെയ്ക്ക് അമ്പലം പണിയാന്‍ ആശ മനസ്സില്‍ ഒളിച്ചു വെച്ചു നടക്കുന്ന ആര്‍.എസ്.എസ്സിന്റെ ഖജനാവില്‍ അംബാനി-അദാനി കുബേരമുതലാളിമാര്‍ സ്നേഹപൂര്വ്വം വാരിച്ചൊരിഞ്ഞ നാണയത്തുട്ടുകള്‍ മോഹിച്ചാണ് ആ വക്രബുദ്ധി ചെക്കന്‍ ഈ “ജന്മഭൂമി” അഭ്യാസത്തിന് തുനിഞ്ഞതെന്ന്‍.
വാര്ത്തയുടെ വെണ്ടയ്ക്കാ വലിപ്പത്തിലുള്ള തലക്കെട്ട്‌ നോക്കുക.
ജെ.എന്‍.യുവില്‍ നടന്നത്‌ ഇന്ത്യാവിരുദ്ധ നീക്കത്തിന്റെ പരീക്ഷണച്ചടങ്ങ്‌ : ഡി. രാജയുടെ മകള്ക്ക് ‌ ഐ.എസ്‌. അനുകൂലിയുമായി ഉറ്റബന്ധം”.
വായിച്ചിട്ട് എന്തു തോന്നി? ജെ.എന്‍.യുവിലെ ഇന്ത്യാവിരുദ്ധനീക്കത്തിന്റെ സൂത്രധാരിക ഡി.രാജയുടെ മകളാണ് എന്നല്ലേ അനുഭവപ്പെടൂ. അനുഭവപ്പെട്ടില്ലെങ്കില്‍ വീണ്ടും ഒന്നു കൂടെ അനുഭവിപ്പിയ്ക്കാനായി അടുത്തു തന്നെ കൊടുത്ത വാര്ത്തയുടെ ആദ്യവാചകം വായിയ്ക്കുക.
സി.പി.ഐ. നേതാവ്‌ ഡി. രാജയുടെ മകള്‍ അപരാജിത, ഒളിവില്‍ കഴിയുന്ന ഐ.എസ്‌. അനുകൂല വിദ്യാര്ഥിനേതാവ്‌ ഉമര്‍ ഖാലിദിന്റെ ഉറ്റസുഹൃത്ത്‌.”
ഹോ..എന്തൊരു ഭീകരമായ സത്യം..ഞെട്ടിയ്ക്കുന്ന വാര്ത്ത തന്നെ. ആരാണ് ഉമര്‍ ഖാലിദ്? ബിന്‍ ലാദന് ശേഷം അമേരിക്ക തിരഞ്ഞു കൊണ്ടിരിയ്ക്കുന്ന അന്താരാഷ്ട്രഭീകരനോ? അതോ ഇറാക്കിലെ ഐ.എസ്സിന്റെ ഇന്ത്യയിലെ കമാന്ഡറോ? പുറംലോകം മുഖം പോലും കാണാത്ത കാശ്മീരി കൊടുംഭീകരനോ?
ആല്ലെയല്ല. ഡല്ഹി്യിലെ ജെ.എന്‍.യു എന്ന യൂണിവേര്സിറ്റിയില്‍ ചരിത്രവിഷയത്തില്‍ പി.എച്ച്.ഡിയ്ക്ക് പഠിയ്ക്കുന്ന, ഡല്ഹിയില്‍ താമസിയ്ക്കുന്ന, 28 വയസ്സുകാരനായ ഒരു മറാത്തി പയ്യന്‍. യാതൊരു മതവിശ്വാസങ്ങളും വെച്ചു പുലര്ത്താത്ത ഒരു കടുത്ത നിരീശ്വരവാദി. മാവോയിസ്റ്റ് ആശയങ്ങളോട് അടുപ്പമുള്ള ഡെമോക്രാറ്റിക്ക് സ്റ്റുഡെന്സ് യൂണിയന്‍ (D.S.U) എന്ന വിദ്യാര്ഥി സംഘടനയില്‍ അംഗമായിരുന്ന, തീവ്രകമ്മ്യുണിസ്റ്റ് ആശയങ്ങള്‍ വെച്ചു പുലര്ത്തുന്ന ഒരു യുവാവ്. D.S.U ആശയങ്ങളില്‍ വെള്ളം ചേര്ക്കുന്നു എന്ന് പരാതിപ്പെട്ട് സംഘടനയില്‍ നിന്നും രണ്ടു മാസങ്ങള്ക്ക് മുന്പ് രാജി വെച്ച് സ്വന്തമായി ഒരു മാവോയിസ്റ്റ് ഗ്രൂപ്പ് ഉണ്ടാക്കി പ്രവര്ത്തിയ്ക്കുന്നവന്‍.. ക്യാമ്പസില്‍ അഫ്സല്‍ ഗുരു അനുസ്മരണം സംഘടിപ്പിച്ചവരുടെ സംഘത്തില്‍പെട്ടവന്‍ എന്ന കാരണം കൊണ്ട് ഇപ്പോള്‍ വിവാദപുരുഷനായവന്‍.ഈ പരിപാടിയുമായി ബന്ധപ്പെട്ട് പല പ്രാവശ്യം വിവിധ ചാനലുകളില്‍ ചര്‍ച്ചകളില്‍ പ്രത്യക്ഷപ്പെട്ടവന്‍.
ക്യാമ്പസിലെ വര്ഷ്ങ്ങളുടെ സഹവാസം കാരണവും, ഒരു വിദ്യാര്ഥിനേതാവ് എന്ന നിലയിലും, എല്ലാ വിദ്യാര്ഥികള്ക്കും സുപരിചിതനായ ഉമര്‍ ഖാലിദുമായി, അതേ കോളേജിലെ വിദ്യാര്ഥി്നിയും, സി.പി.ഐയുടെ വിദ്യാര്ഥിസംഘടനയായ ആള്‍ ഇന്ത്യ സ്റ്റുഡെന്സ് ഫെഡറേഷന്‍ എന്ന വിദ്യാര്ഥിപ്രസ്ഥാനത്തിന്റെ കോളെജിലെ നേതാവും, സി.പി.ഐ. ദേശീയനേതാവ് ഡി.രാജ എം.പിയുടെ മകളുമായ അപരാജിത, “ഉറ്റബന്ധം” പുലര്ത്തുന്നു എന്നത് ശരിയ്ക്കും ഞെട്ടിയ്ക്കുന്ന വിവരമായി മംഗളത്തിന് തോന്നിയതില്‍ തെറ്റില്ല. കാരണം ഒരേ ക്ലാസ്സില്‍ ഒരേ ബെഞ്ചില്‍ ഇരുന്നു പഠിയ്ക്കുന്നവര്‍ ആയാലും, കോളേജില്‍ മറ്റൊരാളുമായി സൌഹൃദം ഉണ്ടാക്കും മുന്പ് സംഘികള്‍ നല്കിയ രാജ്യസ്നേഹ സര്ട്ടിഫിക്കറ്റ്, ഭാവി മനസ്സിലാക്കാനുള്ള ജാതകം, പാസ്പോര്ട്ട് , ആധാര്‍ കാര്ഡ് എന്നിവയൊക്കെ വെരിഫൈ ചെയ്തിരിയ്ക്കണം എന്ന അലിഖിതനിയമം അപരാജിത തെറ്റിച്ചിരിയ്ക്കുന്നു.
അപ്പോള്‍ സംശയിയ്ക്കേണ്ട കാര്യമില്ല. ഇവളാണ് അവനെക്കൊണ്ട്‌ ഇതൊക്കെ ചെയ്യിച്ചത്.. അമ്പട ഭയങ്കരി! (“ഞാനാരാ മോന്‍” എന്ന് വാര്ത്തൊ ഉണ്ടാക്കിയ @#$%&മോന്‍ സ്വയം വിചാരിച്ചു പുളകം കൊണ്ടു കാണും)
തലക്കെട്ടിലെ “ഉറ്റബന്ധം” ആദ്യവാചകത്തില്‍ “ഉറ്റസുഹൃത്ത്‌” ആയി മാറിയത് ശ്രദ്ധിയ്ക്കുമല്ലോ. അല്ലെങ്കിലും മംഗളം പണ്ടേ, ഒരു ആണും പെണ്ണും ഒരുമിച്ചു വരുന്ന വാര്ത്തയകളില്‍ “സൌഹൃദം” എന്ന വാക്ക് ഉപയോഗിയ്ക്കാറില്ല. “ബന്ധം” ആണ് സൌകര്യം. ഇല്ലെങ്കില്‍ ഒരു ഇക്കിളി എഫെക്റ്റ് കിട്ടില്ല. ബാറ്റന്‍ ബോസ്/കോട്ടയം പുഷ്പനാഥ്‌ മുത്തപ്പന്മാരുടെ ചോരയാണ് ഞരമ്പുകളില്‍... (കാവിലമ്മേ കണ്ട്രോള്‍ തരൂ..)
അപരാജിതയെപ്പറ്റിയുള്ള കണ്ടുപിടിത്തങ്ങള്‍ തെളിവുകളായി പിന്നെയും വാര്ത്തയയിലുണ്ട്. ഇതാ ആ മൊഴിമുത്തുകള്‍ ..
“ജെ.എന്‍.യുവില്‍ രാജ്യദ്രോഹ മുദ്രാവാക്യങ്ങള്‍ മുഴക്കിയ വിദ്യാര്ഥിവകള്ക്കെതിരേ നടപടിയെടുക്കരുതെന്നാവശ്യപ്പെട്ട്‌ കഴിഞ്ഞദിവസം ജന്ദര്മന്തറിലേക്ക്‌ നടത്തിയ പ്രകടനത്തിനു നേതൃത്വം നല്കിെയതും അപരാജിത തന്നെ. മാതാപിതാക്കളും സി.പി.ഐ. നേതാക്കളുമായ ഡി.രാജയും ആനിരാജയും ഒപ്പമുണ്ടായിരുന്നു..”
കഴിഞ്ഞ ദിവസം, ജെ.എന്‍.യുവില്‍ രാജ്യദ്രോഹമുദ്രാവാക്യങ്ങള്‍ മുഴക്കിയ വിദ്യാര്ഥികള്ക്കെതിരേ നടപടിയെടുക്കരുതെന്നാവശ്യപ്പെട്ട്‌, ജന്ദര്മന്തറിലേക്ക്‌ അപരാജിത പ്രകടനം നടത്തി എന്നും നമ്മുടെ മംഗളം കണ്ടുപിടിച്ചു.
പക്ഷെ, വക്രബുദ്ധി ചെക്കന്റെ അത്ര ബുദ്ധി ഇല്ലാത്തതിനാല്‍ ദിഗംബരന്‍ ഗൂഗിള്‍ തപ്പി നോക്കി. ജന്തര്മ്ന്ദറിലെയ്ക്ക് ജാഥ നടത്തിയത് ജെ.എന്‍.യുവിലെ അധ്യാപകരും, വിദ്യാര്ഥി്കളും, എ.ഐ.എസ്.എഫ് അടക്കമുള്ള ഇടതുപക്ഷ വിദ്യാര്ഥിസംഘടനകളും ചേര്ന്നാണ്. അവരുടെ ആവശ്യം കള്ളകേസില്‍ കുടുക്കി അനാവശ്യമായി തടവിലാക്കിയ കോളേജ് യൂണിയന്‍ പ്രസിഡന്റ്‌ കനയ്യ കുമാറിന്റെ മോചനമായിരുന്നു എന്നാണ് എല്ലാ പത്രങ്ങളും റിപ്പോര്ട്ട് ചെയ്തത്.
രാജ്യദ്രോഹ മുദ്രാവാക്യങ്ങള്‍ മുഴക്കിയ വിദ്യാര്ഥികള്ക്കെതിരേ നടപടിയെടുക്കരുതെന്ന് ഇന്നു വരെ വിദ്യാര്ഥി്സംഘടനകളിലെ ഒരാളും ആവശ്യപ്പെട്ടിട്ടില്ല. മറിച്ച് കുറ്റക്കാരെ അറസ്റ്റു ചെയ്യാതെ, ‘കട്ടവനെ കിട്ടിയില്ലെങ്കില്‍ കണ്ടവനെ പോക്കാം’ എന്ന പോലീസ് ബുദ്ധി ഉപയോഗിച്ച്, ക്യാമ്പസ് സ്നേഹിയ്ക്കുന്ന കനയ്യയെ പോലുള്ള, എ.ബി.വി.പിയുടെ എതിര്ചേരിക്കാരായ വിദ്യാര്ഥിനേതാക്കളെ അറസ്റ്റ് ചെയ്തതിലാണ് ഇന്നു വരെ നടക്കുന്ന പ്രതിഷേധങ്ങള്‍ എതിര്പ്പ് ഉയര്ത്തിയിട്ടുള്ളത്. വാര്ത്തരയുടെ ലിങ്ക് ചുവടെ.
JNU row:students march to jantarmantar to show solodarity against continued arrest of Kanhaiya Kumar.
ഒരു സാധാരണ വിദ്യാര്ഥിപ്രതിഷേധത്തെ വരെ വാര്ത്തയ്ക്കു വേണ്ടി ഇങ്ങനെ വളച്ചൊടിച്ച മംഗളം പത്രപ്രവര്ത്തനത്തെ തന്നെ വ്യഭിചരിയ്ക്കുകയാണ് എന്ന് പറയാതെ വയ്യ.
ഇവിടം കൊണ്ടും തീരുന്നില്ല. മാസ്റ്റര്പീിസ്‌ വാചകം ഇനിയാണ്.
“അപരാജിത രാജ്യദ്രോഹകേസില്‍ കുടുങ്ങിയ സാഹചര്യത്തില്‍ മറ്റ്‌ ഇടതുനേതാക്കള്ക്കൊപ്പം ഡി. രാജയും കേന്ദ്ര ആഭ്യന്തരമന്ത്രി രാജ്‌നാഥ്‌ സിങ്ങിനെ കണ്ടിരുന്നു.”
ഏതു കേസിലാണ് അപരാചിത കുടുങ്ങിയത് എന്ന് നമുക്കാര്ക്കും അറിയില്ല. ഇന്നു വരെ ഒരു കേസും അവര്ക്കെതിരെ ആരും രെജിസ്റ്റര്‍ ചെയ്തിട്ടില്ല. പിന്നെ ആര് എവിടെ കുടുങ്ങി എന്ന് കോട്ടയത്തെ മംഗളം ഓഫീസില്‍ തന്നെ വിളിച്ചു ചോദിയ്ക്കേണ്ടി വരും.
കനയ്യ കുമാറിന്റെ അറസ്റ്റ്‌ നടന്നതിനെതുടര്ന്ന്, രാജ്യസഭഅംഗങ്ങള്‍ കൂടിയായ ഡി.രാജയും സീതാറാംയെച്ചൂരിയും രാജനാഥ്‌സിംഗിനെ കണ്ടത്, സി.പി.ഐയുടെയും, സി.പി.എമ്മിന്റെയും പാര്‍ലമെന്ററിപാര്ട്ടി നേതാക്കള്‍ എന്ന നിലയിലാണ്. അതിനെയും ഈ വാര്ത്താ വ്യഭിചാരത്തില്‍ കൂട്ടികുഴയ്ക്കുന്നത്‌ കൊണ്ട് മംഗളം എന്താണ് ഉദേശിച്ചതെന്ന് മനസ്സിലാക്കാന്‍ വത്തിയ്ക്കാന്‍ വരെ പോകേണ്ട ആവശ്യമില്ലല്ലോ.
ഒരു ആറുകോളം വാര്ത്താ കൊടുത്തെങ്കിലും അപരാജിതയെപ്പറ്റി പറയുന്ന മുകളില്‍ പറഞ്ഞ നാലു വരികള്‍ കൂടാതെ, ഒരു വരി കൂടെ മാത്രമാണ് വാര്‍ത്തയില്‍ ആകെയുള്ളത്. അത് മുന്പ് പറഞ്ഞത് വീണ്ടും ആവര്ത്തിയ്ക്കുന്ന ഈ വരിയാണ്.
“എം.ഫില്‍ വിദ്യാര്ഥിനിയായ അപരാജിതയുടെ ഉറ്റസുഹൃത്താണ്‌ ഒളിവില്‍ കഴിയുന്ന ഉമര്‍ ഖാലിദ്‌.”
ചുരുക്കിപറഞ്ഞാല്‍ അപരാജിത ഉമര്‍ ഖാലിദിന്റെ സുഹൃത്ത് ആയതിനാല്‍ രാജദ്രോഹിയാണ് എന്നാണ് മംഗളം വ്യാഖ്യാനം..
ആ ന്യായം അനുസരിച്ചാണെങ്കില്‍ ഇനി താമസിയ്ക്കാതെ, ഉമര്‍ ഖാലിദിന്റെ റിസര്ച്ച് ഗൈഡ് ആയ അദ്ധ്യാപകന്‍, കൂടെപഠിച്ച സഹപാഠികള്‍, ഫേസ്ബുക്കിലെ സുഹൃത്തുക്കള്‍ എന്നിങ്ങനെ തുടങ്ങി സ്ഥിരമായി ഭക്ഷം വിളമ്പി കൊടുത്ത മെസ്സിലെ ജോലിക്കാര്‍, തലമുടി സ്ഥിരമായി വെട്ടികൊടുത്തവന്‍ എന്നിവര്‍ വരെ മംഗളത്തിന്റെ രാജ്യദ്രോഹി പട്ടികയില്‍ ഇടംപിടിയ്ക്കാം എന്ന് ന്യായമായും പ്രതീക്ഷിയ്ക്കാം.
ഇനി എന്തിനു വേണ്ടിയാണ് മംഗളം ഈ ആര്‍.എസ്.എസ് പ്രചാരണം ഏറ്റെടുത്തതെന്ന് ഒന്ന് അവലോകനം ചെയ്യുക.
സംഘപരിവാര്‍ കളിയ്ക്കാന്‍ പോകുന്ന അടുത്ത നാടകത്തിന്റെ തിരശീലയാണ് ഇത്തരം പ്രചാരണങ്ങള്‍. കനയ്യ കുമാര്‍ അഫ്സല്‍ ഗുരു അനുസ്മരണം നടത്തുകയോ, രാജ്യദ്രോഹമുദ്രാവാക്യം വിളിയ്ക്കുകയോ ചെയ്തിട്ടില്ല എന്ന്‍ കേന്ദ്രആഭ്യന്തരവകുപ്പും, ഡല്ഹി പോലീസും ഗത്യന്തരമില്ലാതെ സമ്മതിച്ചു കഴിഞ്ഞു. വ്യാജ വീഡിയോകളും, വ്യാജ ഫോട്ടോഷോപ്പ് ചിത്രങ്ങളും ഒക്കെ നീലക്കുറുക്കന്റെ ഓരിയിടല്‍ മാതിരി ജനങ്ങള്ക്ക് മുന്നില്‍ തുറന്നുകാട്ടപ്പെട്ടു കഴിഞ്ഞു.അതോടെ അയാളെ അറസ്റ്റ് ചെയ്തതിനു പിന്നിലെ രാഷ്ട്രീയം എന്തെന്ന് മനസ്സിലാക്കാന്‍ അരിയാഹാരം കഴിയ്ക്കുന്ന ആര്ക്കും കഴിഞ്ഞിട്ടുമുണ്ട്.
അപ്പോള്‍ സംഘികള്ക്ക്ന മുഖം രക്ഷിയ്ക്കാന്‍ പുതിയ ഏതെങ്കിലും ഇരകളെ വേണം. തത്കാലം ഉമര്‍ ഖാലിദിനെകൊണ്ട് അഡ്ജസ്റ്റ് ചെയ്യാം. (ഒരു പാസ്പോര്ട്ടി നു പോലും ഇന്നു വരെ അപേക്ഷിച്ചിട്ടില്ലാത്ത അയാളെ ഇപ്പോള്‍ തന്നെ മൂന്ന് പ്രാവശ്യം പാകിസ്ഥാനില്‍ സന്ദര്ശിച്ചവനും, ഐ.എസ് ചാരനും ഒക്കെയാക്കി പ്രചാരണം നടന്നു വരുന്നതിനാല്‍ കാര്യങ്ങള്‍ എളുപ്പവുമാണ്)
പക്ഷെ, ഉമര്‍ ഖാലിദ്‌ നല്ലൊരു ഇരയല്ല. കാരണം അയാള്‍ കനയ്യയെപോലെ മുഖ്യധാര ഇടതുപക്ഷനേതാവല്ല. വെറും വികാരത്തിന്റെ പുറത്തു രാഷ്ട്രീയത്തില്‍ മുഴുകുന്ന അയാളെപോലുള്ളവര്‍, സംഘപരിവാറിന് നാളൊരു കാലത്ത് ഭീക്ഷണിയുമല്ല. എന്നാല്‍ അത് പോലെയല്ല കനയ്യ കുമാറും, അപരാജിതയും പോലുള്ളവര്‍. അവര്‍ ജ്വലിയ്ക്കുന്ന കനല്ക്കട്ടകളാണ്. സര്ക്കാരിന്റെ വിദ്യാഭ്യാസ കച്ചവടത്തിനും, വര്ഗ്ഗീയവല്ക്കരണത്തിനും എതിരെ നടന്ന “ഒക്കുപൈ യു.ജി.സി” (OCCUPY U.G.C) അടക്കമുള്ള വിദ്യാര്ഥി്സമരങ്ങളില്‍ ആ കനല്ക്കകട്ടകളുടെ ആളിക്കത്തല്‍ സര്ക്കാര്‍ കണ്ടു.
കഴിഞ്ഞ ജെ.എന്‍.യു ഇലക്ഷനില്‍ എ.ബി.വി.പിയുടെ സ്വപ്നങ്ങളെ തകര്ത്ത് കനയ്യ കുമാര്‍ പ്രസിഡന്റ്‌ സ്ഥാനാര്ഥിയായി വന്‍വിജയം നേടിയപ്പോള്തന്നെ അയാള്‍ സംഘപരിവാറിന്റെ നോട്ടപ്പുള്ളിയായി മാറിയിരുന്നു. അതിനാല്‍ തന്നെ അഫ്സല്‍ ഗുരു അനുസ്മരണം നടന്ന് പത്തു ദിവസം കഴിഞ്ഞിട്ടും, ആ പരിപാടി സംഘടിപ്പിച്ച ഒരാളെപോലും ഇന്നു വരെ അറസ്റ്റ് ചെയ്യാതെ, കനയ്യ കുമാറിനെ മാത്രമായി അറസ്റ്റ് ചെയ്തതിനു പിന്നിലെ രാഷ്ട്രീയം വ്യക്തവുമാണ്.
കനയ്യ കുമാറിനെ കുരുക്കാനുള്ള ശ്രമം പരാജയപ്പെട്ട സംഘപരിവാറിന്റെ അടുത്ത ശ്രമം അപരാജിതയെ കുടുക്കാനാണ്. അതിനായാണ് ഉമര്‍ ഖാലിദിന്റെ സുഹൃത്താണ് അപരാജിത എന്ന കാര്ഡിറക്കി കളിയ്ക്കാന്‍ അവര്‍ ശ്രമിയ്ക്കുന്നത്.
ഇനി എന്തിന് മംഗളം ഈ കളി കളിച്ചു എന്ന് ചിന്തിച്ചു നോക്കുക.
ഇതൊരു പൈഡ് (Paid)വാര്ത്തയാണ്. കാരണം മംഗളത്തിന്റെ സാധാരണ ഊഹസ്വഭാവമുള്ള ഇക്കിളി വാര്ത്തകളില്‍ “പറയപ്പെടുന്നു”, “സംശയിയ്ക്കപ്പെടുന്നു”, തുടങ്ങിയ പ്രയോഗങ്ങള്‍ ധാരാളമായി കാണാറുള്ളപ്പോള്‍, ഈ വാര്ത്തയിലാകട്ടെ എല്ലാം സത്യം എന്ന മട്ടില്‍ ദ്രിക്ക്സാക്ഷി വിവരണമാണ് നടത്തിയിട്ടുള്ളത്. അതായത് ഈ വാര്ത്ത വായിയ്ക്കുന്നവര്‍ വിശ്വസിയ്ക്കണമെന്ന് കാശു മുടക്കിയവനോട് നല്കി്യ ഉറപ്പിനെ പാലിയ്ക്കാനുള്ള വ്യഗ്രത കാണാം.
കേന്ദ്രഭരണം ബി.ജെ.പിയുടെ കൈയ്യില്‍ എത്തിയത് മുതല്‍ തന്നെ, സര്‍ക്കാര്‍ പരസ്യങ്ങള്‍ മോഹിച്ച് പല പത്രങ്ങളും ചാനലുകളും സംഘിപ്രീണനം തുടങ്ങിയത് നാം കണ്ടു കഴിഞ്ഞു.മംഗളം അല്‍പം താമസിച്ചോ എന്നത് ന്യായമായ മറ്റൊരു സംശയം.
ക്രിസ്തീയമാനെജ്മെന്റ് നിയന്ത്രിയ്ക്കുന്ന മംഗളം പത്രത്തിന് പണ്ടേ മതനിഷേധിയും, അവിശ്വാസിയും, കമ്മ്യുണിസ്റ്റുകാരിയും, ഒരു ദളിദ്ഹിന്ദുവിനെ വിവാഹം കഴിച്ചു തെമ്മാടികുഴിയ്ക്ക് അര്ഹയുമായ ആനിരാജയോട് ഒരു വിരോധം നിലവിലുണ്ട്. അതും രാജ കുടുംബത്തെ മൊത്തം ഈ വാര്ത്ത'കഥ'യിലേയ്ക്ക് വലിച്ചു കൊണ്ട് വരാന്‍ കാരണമായേയ്ക്കാം.
എന്നാല്‍ എന്തൊക്കെ “മ”വാര്ത്ത്കള്‍ എഴുതിയാലും, എന്തൊക്കെ അപവാദങ്ങള്‍ പ്രചരിപ്പിച്ചാലും, ഒരു ജീവിതകാലം മുഴുവന്‍ ഈ നാടിനും, ഇവിടത്തെ പാവപ്പെട്ട തൊഴിലാളികള്ക്കും വേണ്ടി ജീവിച്ച രാജ സഖാവിനെയോ, ആനിരാജ സഖാവിനെയോ, ആ പാരമ്പര്യം കാത്തു സൂക്ഷിയ്ക്കുന്ന അപരാജിതയെയോ കരിവാരി തേയ്ക്കാന്‍ നിങ്ങള്ക്ക് കഴിയില്ല. കാരണം അവരുടെ ദേശീയബോധത്തിലൂന്നിയ ജീവിതം കണ്ടു വളര്ന്ന വലിയൊരു ജനവിഭാഗം ഈ രാജ്യത്തുണ്ട്. അവര്‍ നിങ്ങളുടെ പത്രത്തിന് ടോയ്ലറ്റ് പേപ്പറിന്റെ വില പോലും കല്പ്പിയ്ക്കില്ല.
========================
വാല്കഷ്ണം:
“ബാപ്പുജി, ഈ വടിയും കുത്തിപ്പിടിച്ച് ഇങ്ങനെ ധൃതിയില്‍ അങ്ങ് എങ്ങോട്ട് പോകുകയാണ്?
“ഗോഡ്സേയുടെ കൈയ്യില്‍ നിന്നും ഒരു രാജ്യസ്നേഹി സര്ട്ടിഫിക്കറ്റ് വാങ്ങാന്‍ പോകുകയാണ്, മോനെ”

2016, ജനുവരി 30, ശനിയാഴ്‌ച

അഹിംസയുടെ പ്രവാചകനും, ഹിംസയുടെ സംഘപ്രചാരകരും .


ഇന്ന് ജനുവരി 30 ..
ലോകം കണ്ട ഏറ്റവും വലിയ അഹിംസയുടെ പ്രവാചകന്റെ നെഞ്ചത്ത് മതഭ്രാന്തിന്റെയും, വെറുപ്പിന്റെയും, ഹിംസയുടെയും സംഘദൂതൻ നിറയൊഴിച്ച ദിവസം.
സ്വതന്ത്ര ഇന്ത്യ കണ്ട ഏറ്റവും നിഷ്ഠുരമായ കൊലപാതകം, ഏറ്റവും വലിയ ഭീകരപ്രവര്ത്തനം എന്ന് നിസ്സംശയം അടയാളപ്പെടുത്താവുന്നതാണ് 1948 ജനുവരി 30ന് പ്രാര്ഥനാനിരതനായി നിന്ന രാഷ്ട്രപിതാവിന്റെ നെഞ്ചിലേക്ക് സംഘപരിവാറുകാരനായ നാഥുറാം വിനായക് ഗോഡ്സെ നിറയൊഴിച്ചത്. ''ഹേ, റാം'' എന്ന് ഉരുവിട്ടുകൊണ്ട്, തികഞ്ഞ ഹിന്ദുമത വിശ്വാസിയായ, ശ്രീരാമഭക്തനായ ആ വയോവൃദ്ധന് പിടഞ്ഞു വീണുമരിച്ചപ്പോള് തകർന്നത് ഭാരതമണ്ണിന്റെ അഭിമാനമായിരുന്നു.
"..അങ്ങനെ 1948 , ജനുവരി 30 വന്നു.. സമാധാനത്തിന്റെ ഉന്നതനായ ആ സുവിശേഷകന് ആര്.എസ്സ്.എസ്സ് കാരനായ ഒരു മതഭ്രാന്തന്റെ ബുള്ളറ്റിനാല് വീണു.. ഈ പരിതാപകരമായ എപ്പിസോഡിന്റെ അന്ത്യം എന്നെ മാനസികമായി തളര്ത്തി.. " - ( രാജ്വേശ്വര് ദയാൽ - life of our times, page 93-94)
ഗോൾവൾക്കറും സംഘവും രാജ്യവ്യാപകമായി നടത്താനിരുന്ന ഒരു മഹാ ആഭ്യന്തര ഭീഷണിയുടെ, കലാപത്തിന്റെ ഗൂഡാലോചനകള് പൊളിയുകയും, അവസാനം അതു മഹാത്മഗാന്ധിയുടെ കൊലപാതകത്തില് കലാശിക്കുകയും ചെയ്തു എന്ന് അന്നത്തെ ഉത്തർപ്രദേശ് ഹോം സെക്രട്ടറിയായിരുന്ന രാജ്വേശ്വര് ദയാല് എന്ന ഐ.എ.എസ് ഓഫീസർ ഹൃദയം നീറി എഴുതിയ വരികളാണിവ.
ഇന്ത്യയിൽ ഹിന്ദുതീവ്രവാദികളുടെയും, ആർ.എസ്.എസിന്റെയും യഥാര്ത്ഥ മുഖം തുറന്നുകാട്ടപ്പെടുന്നത് ഗാന്ധിവധത്തോടെയാണ്. ഇന്ന് നരേന്ദ്രമോഡിയും സംഘപരിവാറും ഇന്ത്യന് ദേശീയതയുടെ പ്രതീകമായി ഉയര്ത്തിപ്പിടിക്കുന്ന, സ്വതന്ത്ര ഇന്ത്യയിലെ ആദ്യ ആഭ്യന്തരമന്ത്രിയായ സാക്ഷാല് സര്ദാര് വല്ലഭായ് പട്ടേലും ഗോഡ്സേ ആർ.എസ്.എസ്കാരനാണെന്ന് പ്രഖ്യാപിച്ചു.
പക്ഷേ, ഗോഡ്സേ ആർ.എസ്.എസുകാരനല്ല എന്ന് സ്ഥാപിക്കാനാണ് അതിനുശേഷം ഇന്നോളം ഒളിഞ്ഞും തെളിഞ്ഞുമെല്ലാം ആർ.എസ്.എസ്. ശ്രമിച്ചിട്ടുള്ളത്. ഈ വധം ഇനിയൊരിക്കലും ശുദ്ധമാവാത്ത വിധത്തിൽ അവരുടെ കൈയില് ചോര പുരളിച്ചതിനാലാണ് അത്.
സാങ്കേതിക പ്രശ്നങ്ങള് ഉയര്ത്തിക്കാട്ടിയാണ് നാഥുറാം ഗോഡ്സേ ആർ .എസ്.എസുകാരനല്ല എന്ന് സ്ഥാപിക്കാനാണ് ആർ.എസ്.എസ്. ശ്രമിച്ചിട്ടുള്ളത്. അതായത് ഗാന്ധിയെ വധിച്ച വ്യക്തിക്ക് ആർ.എസ്.എസ് അംഗത്വമില്ല എന്നു പറഞ്ഞ് സംഭവത്തില് നിന്ന് കൈ കഴുക. പക്ഷേ ഗാന്ധിയുടെ കൊലപാതകിയെ നയിച്ച രാഷ്ട്രീയ-മത വികാരവും നിലപാടും എന്തെന്ന് പറയാതിരിക്കുകയും ചെയ്യുക. അവിടെയാണ് ചരിത്രം പരിഹസിക്കപ്പെടുന്നത്. ഗോഡ്സേയുടെ രാഷ്ട്രീയവും തങ്ങളുടെ രാഷ്ട്രീയവും ഒന്നായിരുന്നുവെന്ന് മന:പൂർവ്വം ആർ.എസ്.എസ് ഒളിപ്പിച്ചുവയ്ക്കുന്നു.
1915 ലാണ് ഹിന്ദു മഹാസഭ രൂപീകരിക്കപ്പെടുന്നത്. രാജാക്കന്മാരും ഭൂപ്രക്കന്മാരുമായിരുന്നു ഈ സംഘടനയില് അധികവും.1925 ലാണ് ആർ .എസ്.എസ്. രൂപീകരിക്കുന്നത്. ബ്രാഹ്മണരാണ് മുഖ്യമായും അംഗങ്ങള്. ഇരു സംഘടനകളും തമ്മില് ഗൗരവമായ വേര്തിരിവൊന്നും നിലവിലുണ്ടായിരുന്നില്ല. രണ്ടു സംഘടനകളുടെയും അടിസ്ഥാന സങ്കല്പ്പം ഹിന്ദുത്വവും ഹിന്ദു രാഷട്രവുമായിരുന്നു. ആർ .എസ്..എസ്. അത് സമൂഹത്തിലെ സാംസ്കാരിക ഇടപെടലിലൂടെ കൊണ്ടുവരാന് ശ്രമിച്ചു.ഹിന്ദു മഹാസഭ രാഷ്ട്രീയമായും. രണ്ടും അത്യന്തികമായി ഒരു ലക്ഷ്യത്തേയാണ് സേവിച്ചത്. ഹിന്ദുമഹാസഭാ നേതാവായ സവർക്കറും ആർ.എസ്.എസ്. നേതാക്കളും തമ്മില് എന്നും ഊഷ്മളമായ ബന്ധമാണ് പുലര്ത്തിയിരുന്നത്. ആർ.എസ്.എസ്. വീരസവര്ക്കറില് നിന്ന് ഉപദേശങ്ങള് തേടിയിരുന്നു. ഹിന്ദുമഹാസഭയും ആർ.എസ്.എസും എന്നും സഹോദര സംഘടനകള് പോലെയാണ് പ്രവര്ത്തിച്ചത്. ഹിന്ദുരാഷ്ട്രീയ പാര്ട്ടിയെന്ന ആവശ്യത്തെ ഹിന്ദുമഹാസഭ പ്രതിനിധീകരിച്ചതുകൊണ്ടുതന്നെ മിക്ക ആർ .എസ്.എസുകാരും ഹിന്ദുമഹാസഭയിലും തിരിച്ചും പ്രവര്ത്തിച്ചിരുന്നു. കാരണം അന്ന് ഹിന്ദുമഹാസഭയല്ലാതെ മറ്റൊരു ഹിന്ദു രാഷ്ട്രീയ പാര്ട്ടിയുണ്ടായിരുന്നില്ല.
ഗോഡ്സെ 1930 ലാണ് ആർ.എസ്.എസില് ചേര്ന്നത്. പെട്ടന്ന് തന്നെ ബൗദ്ധിക പ്രചാരകുമായി ഉയർന്നു.(ശ്രദ്ധിക്കുക. ഗോഡ്സേ വെറുമൊരു പ്രവര്ത്തകനായിരുന്നില്ല!). അഖണ്ഡഭാരത് ചിന്തയായിരുന്നു ഗോഡ്സേയെ നയിച്ചത്.
ആർ.എസ്.എസ്. അംഗമല്ല ഗോഡ്സേ എന്നവര് പറയുന്നത് സാങ്കേതിക പ്രശ്നം ഉന്നയിച്ചാണ്.തങ്ങള്ക്ക് അംഗത്വ പട്ടിക ഇല്ല എന്ന ഒറ്റക്കാരണത്താലാണ്ആർ .എസ്.എസ് ഗോഡ്സേ തങ്ങളില് നിന്ന് വിട്ടുപോയിരുന്നു എന്ന് വാദിക്കുന്നത്. ആര്ക്കും ഗോഡ്സേയുടെ ആർ.എസ്.എസ്. അംഗത്വം തെളിയിക്കുന്ന രേഖയോ അംഗത്വകാര്ഡോ ഹാജരാക്കാനാവില്ല. കാരണം അക്കാലത്ത് ആർ.എസ്.എസിന് ഔദ്യോഗികമായി അംഗങ്ങളുടെ പട്ടികയോ, മെമ്പർഷിപ്പ് സംവിധാനമോ ഉണ്ടായിരുന്നില്ല. അവർ ഒരിക്കലും അത്തരമൊന്ന് സൂക്ഷിച്ചിരുന്നില്ല. അംഗത്വ പട്ടിക പോയിട്ട് അവര്ക്ക് ഒരു ഭരണഘടനപോലും ഉണ്ടായിരുന്നില്ല. ലിഖിത രൂപത്തില് ഒരു ഭരണഘടനയുണ്ടാകുന്നത് ഗാന്ധി വധത്തിനും ശേഷമാണ്.
ഗോഡ്സേ ആർ.എസ്. എസ്. വിട്ടുവെന്ന വാദത്തിന് അദ്ദേഹത്തിന്റെ സഹോദരന് 1998 ജനുവരി 25 ന് ടൈംസ് ഓഫ് ഇന്ത്യയ്ക്ക് നല്കിയ അഭിമുഖത്തില് വ്യക്തമായി മറുപടി പറയുന്നുണ്ട്.
''സാങ്കേതികമായും സൈദ്ധാന്തികമായും അദ്ദേഹം ഒരു അംഗമായിരുന്നു (നാഥുറാം ആർ.എസ്.എസില്). പക്ഷേ അതിനുവേണ്ടി പ്രവര്ത്തിക്കുന്നത് നിര്ത്തിയിരുന്നു. ആര്.എസ്.എസ്. വിട്ടിരുന്നു എന്ന കോടതിയില് അദ്ദേഹം പറഞ്ഞത് ഗാന്ധി വധത്തെതുടര്ന്ന് ആർ.എസ്.എസ്് പ്രവര്ത്തകര് അറസ്റ്റ് ചെയ്യപ്പെടാതിരിക്കാനാണ്. ആർ.എസ്.എസില് നിന്ന് വിടുതല് തേടിക്കൊണ്ടുള്ള പറച്ചില് അവര്ക്ക് (ആർ.എസ്.എസ്. പ്രവര്ത്തകര്ക്ക്) നേട്ടമുണ്ടാവും എന്ന് മനസ്സിലാക്കിയാണ്. അദ്ദേഹം സന്തോഷത്തോടെ അത് ചെയ്തു''-ഗോപാല് ഗോഡ്സെ പറഞ്ഞു.
ഹിന്ദുമൗലികവാദത്തിന്റെ തുടര്ച്ചയിലും തീവ്രതയിലുമാണ് ഗാന്ധിവധം നടക്കുന്നത്. ഈ ഹിന്ദുവര്ഗീയതയുടെ യഥാര്ത്ഥ പ്രായോക്താക്കള് അന്നും ഇന്നും ആര്.എസ്.എസാണ്. ആർ.എസ്.എസ്. വിതച്ച വെറുപ്പിന്റെ വിത്തുകളാണ് ഗാന്ധിയുടെ വധത്തിലേക്ക് വളരുന്നത്. ആർ.എസ്.എസും ഗോഡ്സെയും ഹിന്ദുത്വവും ഹിന്ദുരാഷ്ട്രവാദവുമാണ് തങ്ങളുടെ രാഷ്ട്രീയ നിലപാടുകളായി ഉന്നയിച്ചത്. ഗോഡ്സേയുടെ രാഷ്ട്രീയത്തിന്റെ അടിത്തറ ആർ.എസ്.എസ്. സിദ്ധാന്തങ്ങളായിരുന്നു. ഗാന്ധിയെ വധിക്കണമെന്ന് ആർ.എസ്.എസ്. പരസ്യമായി പലപ്പോഴും അഭിപ്രായം പ്രകടിപ്പിച്ചിട്ടുണ്ട്. ഗാന്ധിക്കെതിരെ ഗോഡ്സേ നടത്തിയതുള്പ്പടെയുള്ള വധശ്രമങ്ങളെപ്പറ്റി ആർ.എസ്.എസിന് കൃത്യമായ ധാരണയുണ്ടായിരുന്നു. ഗാന്ധി വധിക്കപ്പെട്ട ഉടനെ ആര്.എസ്.എസ്. അത് ആഘോഷിക്കുകയാണ് ചെയ്തത്. പലയിടത്തും മധുരപലഹാരങ്ങള് വിതരണം ചെയ്യപ്പെട്ടു.
ഗാന്ധിക്കെതിരെ നാഥുറാം ഗോഡ്സെയുടെ ഒറ്റ വധശ്രമം മാത്രമല്ല നടന്നത്. 1934 മുതല് ഗാന്ധിയെ വധിയ്ക്കാന് നിരവധി ശ്രമങ്ങള് ഹിന്ദുമതഭ്രാന്തര് നടത്തിയിരുന്നു.
1934 ജൂണ് ഒമ്പതിന് പൂനയില് വച്ചായിരുന്നു ആദ്യത്തേ്. അയിത്തത്തിനെതിര ദേശവ്യാപകമായി പര്യടനം നടത്തുമ്പോഴാണ് വധശ്രമം നടന്നത്. 1934 ജൂണ് 25 ന് ഹിന്ദുത്വ തീവ്രവാദികള് വീണ്ടും ഗാന്ധിയെ ലക്ഷ്യമിട്ടു. പൂനെ മുന്സിപ്പാലിറ്റി കോണ്ഫ്രന്സ് ഹാളില് പ്രസംഗിക്കാന് പോകുമ്പോഴായിരുന്നു അത്. മുന്സിപ്പാലിറ്റിയുടെ ചീഫ് എക്സിക്യൂട്ടിവ് ഉദ്യോഗസ്ഥനും രണ്ട് കോണ്സ്റ്റബിള്മാര്ക്കും ഗുരുതരമായി പരുക്കേറ്റു.
1944 ല്, പൂനയ്ക്കടിത്തു പന്ചഗനിയില് മാത്തേരാന് (എം എ ടി എച്ച് ഇ ആ എ എന്) വച്ച് മൂര്ച്ചയേറിയ ആയുധവുമായി ഹിന്ദുത്വ തീവ്രവാദികള് ഗാന്ധിയെ വധിക്കാന് ശ്രമിച്ചിരുന്നു. പൂനയിലെ ശ്രുതി ലോഡ്ജ് ഉടമ മനീക്ഷാന്കര് പുരോഹിത് കപൂര് കമ്മീഷന് ഇക്കാര്യത്തെപ്പറ്റി മൊഴി നല്കിയിരുന്നു.
1946 ജൂണ് 29 ന് ബോംബെയില് നിന്ന് പൂനെയിലേക്ക് ട്രെയിനില് പോകുന്ന ഗാന്ധിക്കുനേരെ വീണ്ടും ആക്രമണം നടന്നു. നിറാലിനും കര്ജതിനുമിടയില് റെയില് ട്രാക്കില് വലിയ പാറക്കക്ഷണങ്ങള് കയറ്റി വച്ചു. പക്ഷേ ട്രെയില് ഡൈവ്രറുടെ ജാഗ്രതമൂലം അപകടം ഒഴിവായി. എഞ്ചിന് തകര്ന്നു. 1946 ജൂലൈ 7 ന് പാരിലാല് 'ഹരിജനില്' ഗാന്ധിവധശ്രമങ്ങളെപ്പറ്റി എഴുതി.പൂനയില് 30 ന് നടന്ന പ്രാര്ത്ഥനാ സമ്മേളനത്തില് ഗാന്ധിയും തനിക്കെതിരെ നടന്ന ഗൂഢാലോചനകളെപ്പറ്റി പറയുകയും ചെയ്തു .
പിന്നീട് 1948 ജനുവരി 20 ന് ബിര്ളാ ഹൗസില് ഗാന്ഡിയെ വധിക്കാനായി ബോംബ് സ്ഫോടനം നടന്നിരുന്നു. ആർ.എസ്.എസ് പ്രവർത്തകനായ മദൻ ലാലാണ് അത് ചെയ്ത്. ജനുവരി 20 ന് മദൻലാൽ അറസ്റ്റിലായ ഉടനെ ഇക്കാര്യത്തില് വിശദമായതെളിവെടുപ്പ് നടന്നിരുന്നു.
ശ്രദ്ധേയമായ ഒരു കാര്യം,ഗാന്ധിക്കെതിരെയുള്ള വധശ്രമങ്ങള് മുഴുവന് നടന്നത് ഒന്നുകില് ആർ.എസ്.എസിന്റെ ശക്തി കേന്ദമായ പൂനയിലോ അനുബന്ധ സ്ഥലങ്ങളിലോ ആണ് എന്നതാണ്.
1965 ല് ജീവപര്യന്തം തടവ് കഴിഞ്ഞ് പുറത്തിറങ്ങിയ ഗോപാല് ഗോഡ്സെയ്ക്ക് (നാഥുറാം ഗോഡ്സേയുടെ സഹോദരന്) ആർ.എസ്.എസ് വലിയ സ്വീകരണമാണ് ഒരുക്കിയത്. പൂനയില് നടന്ന ചടങ്ങില് 'തരുണ് ഭാരതി'ന്റെ പത്രാധിപര് ജി.വി. കേട്ഖര് ഗോഡ്സേ പലവട്ടം തന്നോട് ഗാന്ധിവധത്തെപ്പറ്റി പറഞ്ഞിട്ടുണ്ടെന്ന് തുറന്നു പറഞ്ഞു.
RSS -ന്റെ മുഖ്യ സ്ഥാപക-ഉപദേശകനും "ഹിന്ദുത്വ"ത്തിന്റെ ആചാര്യനുമായ വി.ഡി സവര്ക്കർ , നാഥുറാം ഗോഡ്സെയുടെ ഗുരുവും, ഗോഡ്സെ അദ്ദേഹത്തിന്റെ മുഖ്യ അനുയായിയുമായിരുന്നു. ഗോഡ്സെയെപ്പോലെ തന്നെ ഈ വധത്തില് മുഖ്യപ്രതിയായിരുന്നു സവര്ക്കറും..
ഗാന്ധിവധത്തില് സവര്ക്കര് ശിക്ഷിക്കപ്പെട്ടില്ലെന്നതു ശരിയായിരിക്കാം.. എല്ലാ സാഹചര്യ തെളിവുകളും നിലനില്ക്കുന്നെവെങ്കിലും അതിനു സാങ്കേതിക സ്ഥിതീകരണമില്ലെന്ന ഒറ്റക്കാരണം കൊണ്ടാണു നമ്മുടെ നീതിന്യായവ്യവസ്ഥയില് പ്രതികള് ശിക്ഷിക്കപ്പെടാതെ പോകുന്നത്.
സവര്ക്കറെ വെറുതെ വിട്ടതു സംബന്ധിച്ച് പ്രമുഖ അഭിഭാഷകനായ അനില് നൌരിയ പറയുന്നതു ഇപ്രകാരമാണു.. : ".. ഈ കേസിലെ മാപ്പുസാക്ഷി 'ദിഗംബര് ബദ്ഗെ', സംഭവത്തില് സവര്ക്കര്ക്ക് പങ്കുണ്ടെന്ന് വ്യക്തമാക്കിയതാണു.. പക്ഷേ സവര്ക്കര് വിട്ടയക്കപ്പെട്ടതു തെളിവില്ലാത്തതു കൊണ്ടല്ല,, മറിച്ച് മാപ്പുസാക്ഷിയുടെ മൊഴിക്ക് സ്ഥിരീകരണം വേണ്ടതിനാലായിരുന്നു.. " - (the age of generosity, janatha, may 11, 2003, page 3)
വീര്സഗ്ഹ്വി പറയുന്നതു കാണുക .. : " ..ഗാന്ധിയെ വധിക്കാന് ഗോഡ്സെ നടത്തിയ രണ്ട് ഡല്ഹി യാത്രകള്ക്ക് മുന്പും ബോംബയില് വച്ച് അദ്ധേഹം സവര്ക്കറുമായി കൂടിക്കാഴ്ച്ച നടത്തിയിരുന്നു.. ഗാന്ധിയെ വധിച്ചതിനു ഗോഡ്സെയും അയാളുടെ മറ്റ് സവര്ക്കര് വാദികളും ശിക്ഷിക്കപ്പെട്ടപ്പോല് സവര്ക്കര് മാത്രമാണു വിട്ടയക്കപ്പെട്ടതു ... ജഡ്ജിക്ക് സംശയാതീതമായി തെളിവ് കണ്ടെത്താനാവാതെ പോയതിനാലാണത് .. " - (the prodigal son , outlook, september 5 , 2004)
പക്ഷേ പിന്നീട്, ഈ കേസില് വിധിയെഴുതിയ ജഡ്ജി ജി.ഡി ഖോസ്ല പറയുന്നതു കാണൂ.. : ".. കൊലപാതകത്തിലേക്ക് നയിച്ച സാഹചര്യങ്ങള് ബദ്ഗെ (മാപ്പുസാക്ഷി) പൂര്ണമായി വിശദീകരിച്ചിട്ടുണ്ട്.. അയാളുടെ വിവരണം ശരിയാണെന്നാണു എന്റെ അഭിപ്രായം.. " - (the master mind, outlook, september 6, 2004)
മുകളില് സൂചിപ്പിച്ച ലേഖനത്തില് തന്നെ കൊലപാതകം അന്വേഷിച്ച ജീവൻലാൽ കപൂര് പറയുന്നതു .. " .. കൊലപാതകം നടത്താന് സവര്ക്കറും അയാളുടെ സംഘവും ഗൂഡാലോചന നടത്തിയതിനപ്പുറമുള്ള ഏതു സിദ്ദാന്തവും നിലനില്ക്കുന്നതല്ല.. "
ആൻഡമാനിലെ ജയിലിലായിരുന്നപ്പോല് മാപ്പുനല്കി മോചിപ്പിക്കണമെന്ന് പലപ്രാവശ്യം ദീനമായി ബ്രിട്ടീഷ് അധിനിവേശക്കാര്ക്ക് കത്തെഴുതിയ ഈ 'വീര' സവര്ക്കര് എന്ന ഹിന്ദുദേശീയവാദിയുടെ തനിനിറം ഗാന്ധി വധമന്വേഷിച്ച ജംഷെദ് നഗര്വാല , ക്രൈം റിപ്പോര്ട്ട് No. 1 - ല് , പറയുന്നതിപ്രകാരമാണു : ".. ഈ ഗൂഡാലോചനയുടെ പിന്നില് സവര്ക്കര് തന്നെയാണു.. പക്ഷേ അയാള് എപ്പോഴും അസുഖം നടിക്കുകയായിരുന്നു... "
1949 ജുലായ് 18 -ല് അന്നത്തെ ഹിന്ദു മഹാസഭ നേതാവു ശ്യാമപ്രസാദ് മുഖര്ജിക്ക്, ആഭ്യന്തരമന്ത്രി സര്ദാര് പട്ടേല് അയച്ച കത്തില്, അദ്ദേഹത്തിനു ഇങ്ങനെ പറയാതിരിക്കാനായില്ല.. " .. ഗാന്ധി കേസ് കോടതി പരിഗണനയിലായതിനാല് ആർ.എസ്.എസ്, ഹിന്ദു മഹാസഭ എന്നീ സംഘടനകള്ക്ക് ഗാന്ധിവധത്തിലെ പങ്കിനെ കുറിച്ച് ഒന്നും പറയാന് ഞാന് ആഗ്രഹിക്കുന്നില്ല, ഗാന്ധിവധം പോലുള്ള ദുരന്തം പ്രത്വേകിച്ച് ആർ.എസ്.എസ്-ന്റെ പ്രവര്ത്തന ഫലമായി സൃഷ്ടിക്കപ്പെട്ടിരിക്കുന്നു എന്നാണു ഞങ്ങള്ക്ക് കിട്ടിയ റിപ്പോര്ട്ടുകള് സ്ഥിരീകരിക്കുന്നതു.. തീര്ച്ചയായും ആർ.എസ്.എസ്-കാര് കൂടുതല് ധിക്കാരികളായി മാറുകയും വര്ദ്ധിച്ച തോതില് അട്ടിമറി പ്രവര്ത്തനങ്ങള് നടത്തുകയുമാണു.. " - (sardar patel, selected correspondence 1940-1950 , Vol II , page 276-277)
സവര്ക്കറിന്റെ ജീവചരിത്രകാരന് ധനജ്ഞയ്കീര് ഇക്കാര്യം പറയുന്നതിപ്രകാരമാണു .. " ..ഹിന്ദു മഹാസഭയുടെ തീവ്രമായ ഉപശാഖയെന്ന നിലയിലാണു ആർ.എസ്.എസ്നെ കാണുന്നതു.. ആർ.എസ്.എസ് പ്രവര്ത്തകനായിരുന്ന ഗോഡ്സെ പിന്നീട് ഹിന്ദു മഹാസഭയുടെയും അഖിലേന്ത്യാ കമ്മിറ്റിയുടെ പ്രമുഖ അംഗമായി .. " - (veer savarkar, 1988, page 403)
മഹാത്മാഗാന്ധിയുടെ വധത്തില് ആർ.എസ്.എസ്-ന്റെ പങ്കു ഗാന്ധിയുടെ ജീവചരിത്രകാരന് പ്യാരേലാല് വരച്ചിടുന്നതു ഇപ്രകാരം : ".. ഗാന്ധി വധത്തിനു ശേഷം ഒരു യുവാവിന്റെ കത്ത് ലഭിച്ചു.. അതില് ആര്.എസ്സ്.എസ്സ് കാര് ചില പ്രദേശങ്ങളില് വിധിനിര്ണ്ണായകമായ വെള്ളിയാഴ്ചയുടെ 'നല്ല വാര്ത്ത'ക്ക് വേണ്ടി റേഡിയോ റ്റ്യൂണ് ചെയ്യാന് അണികള്ക്ക് ഉത്തരവു നല്കിയിരുന്നതായി പറഞ്ഞിരുന്നു.. ആ 'ന്യൂസ്' വന്നതിനു ശേഷം ഡല്ഹിയിലുള്പ്പെടെ ആർ.എസ്.എസ് വൃത്തങ്ങളില് മധുരം വിതരണം ചെയ്യപ്പെട്ടു... " - (the last phase, page 756)
ഗാന്ധി വധത്തെ തുടർന്ന് മധുരപലഹാരങ്ങൾ വിതരണം ചെയ്ത് ആഘോഷങ്ങൾ നടത്തിയ ആർ.എസ്.എസ് പ്രവർത്തകരെ ജനങ്ങൾ തന്നെ കൈകാര്യം ചെയ്യാൻ തുടങ്ങി. ഇന്ത്യയിൽ പലയിടത്തും ആർ.എസ്.എസ് ഓഫീസുകൾ ആക്രമിയ്ക്കപ്പെടുകയും, ആർ.എസ്.എസ് പ്രവർത്തകരെ ജനങ്ങൾ കൈകാര്യം ചെയ്ത് പോലീസിൽ എൽപ്പിയ്ക്കുകയും ചെയ്തു.
ഗാന്ധിവധത്തെത്തുടര്ന്ന് ആർ .എസ്എസ് മേധാവി എം.എസ് ഗോൾവൾക്കറെ 1948 ഫെബ്രു. ഒന്നാംതീയതി അറസ്റ്റ് ചെയ്യപ്പെടുകയും നാലാം തീയതി ആർ .എസ്എസ് നിരോധിക്കപ്പെടുകയും ചെയ്തു.
ആർ.എസ്.എസിനെ നിരോധിച്ചുകൊണ്ടുള്ള ഇന്ത്യാ ഗവണ്മെന്റ് ഉത്തരവില് (4-2-1948) ഇങ്ങനെ കാണാം: "ആർ .എസ് എസിന്റെ പ്രഖ്യാപിതലക്ഷ്യം ഹിന്ദുക്കളുടെ ശാരീരികവും ബുദ്ധിപരവും ധാർമികവുമായ അഭ്യുന്നതിക്കു വേണ്ടിയും, സ്നേഹ സാഹോദര്യ സേവനചിന്തകള് അവര്ക്കിടയില് വളര്ത്തിയെടുക്കുന്നതിനു വേണ്ടിയും പ്രയത്നിക്കുക എന്നതാണ് എന്ന് അവർ അവകാശപ്പെടുന്നു. എല്ലാതരത്തിലുമുള്ള ജനങ്ങളുടെ ശാരീരികവും മാനസികവും ബുദ്ധിപരവുമായ വികസനം സാധ്യമാക്കുക എന്നത് വാസ്തവത്തില് ഗവണ്മെന്റിന്റെ തന്നെ ലക്ഷ്യമാണ്. പക്ഷേ ഖേദകരമെന്നു പറയട്ടെ തങ്ങളുടെ പ്രഖ്യാപിത ലക്ഷ്യങ്ങളോട് പൊരുത്തപ്പെടുന്നതല്ല ആർ.എസ്. എസ് അംഗങ്ങളുടെ പല പ്രവര്ത്തനങ്ങളുമെന്ന് ഗവണ്മെന്റിന്റെ ശ്രദ്ധയില് പെട്ടിരിക്കുന്നു. അനാശാസ്യവും അപകടകരവുമായ പ്രവര്ത്തനങ്ങളാണ് സംഘാംഗങ്ങള് പലപ്പോഴും നടത്തുന്നത്. രാജ്യത്തിന്റെ വിവിധ ഭാഗങ്ങളില് ആർ.എസ്.എസ് അംഗങ്ങള് സായുധാക്രമണം, പിടിച്ചുപറി, കൊള്ള, കൊലപാതകം തുടങ്ങിയ പ്രവര്ത്തനങ്ങളിലേര്പ്പെട്ടതായും, നിയമവിരുദ്ധമായി ആയുധങ്ങള് സംഭരിച്ചതായും ഗവണ്മെന്റ് കണ്ടെത്തിയിട്ടുണ്ട്. ഭീകരപ്രവര്ത്തനങ്ങളില് ഏര്പ്പെടാനും ബോംബു പോലുള്ള ആയുധങ്ങള് ശേഖരിക്കാനും ഗവണ്മെന്റിനെതിരെ ചിന്തിക്കാനും ജനങ്ങളെ പ്രേരിപ്പിക്കുന്ന ലഘുലേഖകള് അവർ പ്രചരിപ്പിക്കുന്നതായും കണ്ടെത്തിയിട്ടുണ്ട്.''
1948 ഓഗസ്റ് 6ന്, മാപ്പപേക്ഷയെ തുടർന്ന് ഗോൾവള്ക്കര് ജയില് വിമോചിതനായെങ്കിലും, നാഗ്പൂര് വിട്ട് പുറത്തുപോവാന് അദ്ദേഹത്തിന് അനുവാദമുണ്ടായിരുന്നില്ല. ഇതിനെതിരെ പരാതിപ്പെട്ടുകൊണ്ട് അഞ്ച് ദിവസങ്ങള്ക്കു ശേഷം അദ്ദേഹം നെഹ്റുവിനും പട്ടേലിനും കത്തെഴുതി. ഓഗസ്റ് 27ന് പ്രധാനമന്ത്രിയുടെ ഓഫീസില് നിന്ന് എ.വി.പൈ ഗോൾവള്ക്കര്ക്ക് അയച്ച മറുപടിയില് ഗവണ്മെന്റിന്റെ നിലപാട് വ്യക്തമാക്കിയത് ഇപ്രകാരമാണ്: "പൊതുനയങ്ങൾക്കെതിരായി നിയമവിരുദ്ധവും ദേശവിരുദ്ധവുമായ പ്രവര്ത്തനങ്ങളില് ആർ.എസ്.എസ് ഏര്പ്പെട്ടിരുന്നുവെന്ന് സ്ഥാപിക്കുന്ന ധാരാളം തെളിവുകള് ഗവണ്മെന്റിന്റെ കയ്യിലുണ്ട്. ഇക്കാര്യം അറിയിച്ചുകൊണ്ട് യു.പി ഗവണ്മെന്റില് നിന്നുള്ള ഒരറിയിപ്പ് താങ്കള്ക്ക് നിരോധനത്തിനു മുമ്പേ തന്നെ ലഭ്യമായിട്ടുണ്ട്. മറ്റു പ്രവിശ്യകളുടെ കൈയിലും സമാനമായ തെളിവുകളുണ്ട്. നിരോധനത്തിനു ശേഷവും ആർ.എസ്.എസിന്റെ പഴയ പ്രവര്ത്തകര് അനഭിലഷണീയ പ്രവര്ത്തനങ്ങളില് ഏര്പ്പെട്ടിരുന്നതായും ഗവണ്മെന്റിന് റിപ്പോര്ട്ടുകള് ലഭിച്ചിരിക്കുന്നു. ഇത്തരമൊരു സാഹചര്യത്തില് പൊതുജനപക്ഷത്തുനിന്ന് നോക്കുമ്പോള് ആർ.എസ്.എസ് ഒരു നിരുപദ്രവ സംഘടനയാണെന്ന് പറയാന് സാധിക്കില്ല.''
തുടർന്ന് ഗോൾവൾക്കർ, എന്നും മനസ്സിൽ ഹിന്ദുവാദികളോട് മൃദുസമീപനം പുലർത്തിയിരുന്ന ആഭ്യന്തരമന്ത്രി സർദാർ പട്ടേലിന്റെ സഹായം തേടി. ആർ.എസ്.എസ് നിലവിലുള്ള സംഘടനസംവിധാനം മാറ്റി ഒരു ഭരണഘടന ഉണ്ടാക്കി, ഇന്ത്യൻ ഭരണഘടനയെയും ഇന്ത്യൻ പതാകയെയും അംഗീകരിച്ച്, നിയമപ്രകാരം പ്രവർത്തിയ്ക്കുന്ന ഒരു സാംസ്കാരിക സംഘടന മാത്രമായി പ്രവർത്തിയ്ക്കാം എന്ന് ഉറപ്പു നൽകിയാൽ നിരോധനം നീക്കുന്ന കാര്യം ആലോചിയ്ക്കാം എന്നദ്ദേഹം ഗോളവൾക്കറെ അറിയിച്ചു.
ബി.ജെ.പി നേതാവ് എൽ.കെ.അഡ്വാനി തന്റെ ആത്മകഥയിൽ ഇങ്ങനെ എഴുതുന്നു. ''നിലവിലുള്ള അവസ്ഥ മാറാനായി പട്ടേല് ശ്രീ ഗുരുജിയോട് ഒരു നിർദേശം നല്കി. ആർ.എസ്.എസിന്റെ ഭരണഘടന എഴുതിയുണ്ടാക്കി ഇന്ത്യന് സര്ക്കാരിന് സമര്പ്പിക്കാന്. ഗുരുജി ആ നിര്ദേശം അംഗീകരിച്ച് ഭരണഘടന എഴുതി 1949 ജൂണില് അയച്ചു. അത് ആര്.എസ്.എസ്. നിരോധനം നീക്കാന് കാരണമായി''
ഏതാണ്ട് ഒന്നരവര്ഷത്തിനു ശേഷം 1949 ജൂലൈ 11ന് ആർ.എസ്.എസിന്റെ മേലുള്ള നിരോധനം പിൻവലിച്ചുകൊണ്ട് ഗവണ്മെന്റ് ഉത്തരവിറക്കി. 'ആർ.എസ്.എസ് നേതാവ് നല്കിയ ഉറപ്പിന്റെ അടിസ്ഥാനത്തില് ഒരു ജനാധിപത്യ സാംസ്കാരിക സംഘടനയായി, ഭരണഘടനയും ദേശീയപതാകയും അംഗീകരിച്ചുകൊണ്ട്, അക്രമം പ്രജ്ഞാപൂർവ്വം വെടിഞ്ഞും നിഗൂഢത പാടേ ഒഴിവാക്കിയും പ്രവര്ത്തിച്ചുകാണിക്കുവാന് സംഘടനയ്ക്ക് ഒരവസരം നല്കണമെന്ന് ഇന്ത്യാ ഗവണ്മെന്റ് കരുതന്നു' വെന്ന് ഉത്തരവില് പറയുന്നു.
സ്വാതന്ത്യ്രസമരങ്ങളെ വഞ്ചിക്കുകയും, രക്തസാക്ഷികളെ പുഛിക്കുകയും, ഒരു സ്വാതന്ത്യ്രസമര രക്തസാക്ഷിയെപ്പോലും സൃഷ്ടിക്കാന് കഴിയാതിരിക്കുകയും ചെയ്ത അർ.എസ്.എസ്സിന്റെ നാഗ്പൂരിന്റെ ആസ്ഥാനത്ത് പക്ഷേ മറ്റൊരു "രക്തസാക്ഷിയുടെ" സ്മരണയില് വളരെക്കാലം ഒരു ക്ഷേത്രമുണ്ടായിരുന്നു.. അതു ഗോഡ്സെയുടെതായിരുന്നു.. അവിടെ ഒരു ശിലാഫലകത്തില് ഇപ്രകാരം കൊത്തിവച്ചിരുന്നു ..
" .. ഒരുനാള് അവര് (ആർ .എസ്സ്.എസ്സ്) അധികാരത്തില് വരുമ്പോല് കൂടുതല് ഉചിതമായ സ്മാരകം ഉയര്ത്തപ്പെടും .. " - (RSS - godse's shrine, indian correspondence , september 19, 2004)
നരേന്ദ്ര മോഡി സർക്കാർ അധികാരത്തിൽ വന്ന ശേഷം ഗോഡ്സേയുടെ അമ്പലം പണിയാൻ ആർ.എസ്.എസ് ശ്രമം തുടങ്ങിയെങ്കിലും പൊതുജനാഭിപ്രായത്തെ തുടർന്ന് ആ ശ്രമം താത്കാലികമായി നിർത്തി വെയ്ക്കുകയായിരുന്നു എന്ന് കൂടി ഓർക്കുക.
ഗാന്ധി വധത്തിൽ കൈകഴുകാൻ ശ്രമിച്ചു കൊണ്ട് രണ്ടു വർഷം മുന്പ് ആർ.എസ്സ്.എസ്സിൻറെ മുഖപത്രമായ ‘ഓർഗനൈസർ’ എഴുതിയ പത്രാധിപ കുറിപ്പ് കൂടി വായിച്ചാലെ ഈ ചർച്ച പൂർത്തിയാകൂ. “ നെഹ്രുവിന്റെ പാകിസ്താൻ അനുകൂല നിലപാടിനെ പിന്തുണച്ച് കൊണ്ട് ഗാന്ധി ഉപവാസത്തിൽ ഏർപ്പെട്ടപ്പോൾ ഈ പ്രക്രിയയിലൂടെ തന്നെ തന്നെ അദ്ദേഹം ജനരോഷത്തിന് പാത്രമാക്കി.നാഥുറാം ഗോഡ്സേ ജനങ്ങളെ പ്രതിനിധീകരിക്കുകയാണ്.ജനങ്ങളുടെ രോഷപ്രകടനമാണ് ഗോഡ്സെ നിർവഹിച്ചത്. "
ആർ.എസ്.എസ് കാരണമായ ഹീനപ്രവൃത്തിയ്ക്ക് അവർ വിശ്വസിയ്ക്കുന്ന ന്യായo അതാകാം. പക്ഷെ ആ സാധുവായ വൃദ്ധന്റെ ചേതനയറ്റ ശരീരത്തെ കുറിച്ചുള്ള ഓർമ്മകൾ ചരിത്രമുള്ള കാലത്തോളം അവരെ എന്നും വേട്ടയാടും എന്നതിൽ സംശയമില്ല ..

2016, ജനുവരി 12, ചൊവ്വാഴ്ച

ആർ.എസ്.എസ് എന്നാൽ എന്ത്? :– മധു ലിമായ്

ഞാൻ എന്റെ രാഷ്ട്രീയജീവിതം തുടങ്ങുന്നത് 1937ൽ ആണ്. അന്ന് ഞാൻ വളരെ ചെറുപ്പം ആയിരുന്നെങ്കിലും എന്റെ മട്രിക്കുലേഷൻ പരീക്ഷ വളരെ ചെറിയ പ്രായത്തിൽ തന്നെ പാസായതിനാൽ ഞാൻ കോളേജ് വിദ്യാഭ്യാസവും നേരത്തെ തുടങ്ങിയിരുന്നു. അക്കാലത്ത് ആർ.എസ്.എസും, വിനായക് ദാമോദർ സാവർക്കറുടെ അനുയായികളും ഒരു വശത്തും ദേശീയവാദികളും, സോഷ്യലിസ്റ്റുകളും ഇടതുപക്ഷ രാഷ്ട്രീയ പ്രസ്ഥാനങ്ങളും മറുപക്ഷത്തും ആയി രാഷ്ട്രീയപ്രവർത്തനം പൂനെയിൽ വളരെ ശക്തമായിരുന്നു.
1937 മെയ് ഒന്നിന് പൂനെയിൽ ഞങ്ങൾ മെയ്ദിന റാലി സംഘടിപ്പിച്ചു. ആ തൊഴിലാളിദിന മാർച്ചിനെ ആർ.എസ്.എസും സാവർക്കർ അനുയായികളും ആക്രമിച്ചു. അറിയപ്പെടുന്ന വിപ്ലവകാരിയായ സേനാപതി ബപ്പാട്ട്, സോഷ്യലിസ്റ്റ് നേതാവ് എസ്.എം. ജോഷി എന്നിവരുള്പ്പടെ നിരവധി ആളുകൾക്ക് ആക്രമണത്തിൽ പരുക്കേറ്റു. അതിനുശേഷം ഞങ്ങൾക്ക് ഈ ഹിന്ദുത്വസംഘടനകളോടു ശക്തമായ എതിർപ്പുണ്ടായിത്തുടങ്ങി.
ആർ.എസ്.എസുമായി ഞങ്ങൾക്കുള്ള ആദ്യത്തെ എതിർപ്പ് ദേശീയതയെ സംബന്ധിച്ചുള്ളതാണ്. ഞങ്ങൾ വിശ്വസിക്കുന്നത് എല്ലാ ഇന്ത്യൻ പൗരന്മാർക്കും തുല്യ അവകാശമാണ് ഇന്ത്യാ രാജ്യത്തിനു മുകളിലുള്ളത് എന്നാണ്. ആർ.എസ്.എസും സാവർക്കർ അനുയായികളും ഹിന്ദുരാഷ്ട്രം എന്ന സാങ്കല്പികതയുമായിട്ടാണ് വരുന്നത്. മുഹമ്മദ് അലി ജിന്നയും ഇത്തരം ഒരു വികാരത്തിന്റെ ഇര ആയിരുന്നു. അദ്ദേഹം വിശ്വസിച്ചിരുന്നത് ഇന്ത്യ നിർമ്മിച്ചിരിക്കുന്നത് രണ്ട് രാജ്യങ്ങൾ ചേർത്താണെന്നായിരുന്നു. ഒരു മുസ്ലിം രാജ്യവും ഒരു ഹിന്ദു രാജ്യവും. സാവർക്കറും അതു തന്നെയാണ് പറഞ്ഞിരുന്നത്.
ആർ.എസ്.എസുമായി ഞങ്ങൾക്കുള്ള അടുത്ത എതിർപ്പ്, ഞങ്ങൾ സ്വപ്നം കണ്ടിരുന്നത് ഒരു ജനാധിപത്യ ഇന്ത്യ ആയിരുന്നു എങ്കിൽ ആർ.എസ്.എസ് അവകാശപ്പെട്ടിരുന്നത് ജനാധിപത്യം ഇന്ത്യക്ക് അനുയോജ്യമല്ലാത്ത ഒരു പാശ്ചാത്യ ആശയം ആണെന്നായിരുന്നു. ആ കാലഘട്ടത്തിലെ ആർ.എസ്.എസുകാർ മൊത്തം ഹിറ്റ്‌ലറെ വാഴ്ത്തിപ്പാടുന്നവരായിരുന്നു. ഗുരുജി (മാധവ് സദാശിവ് ഗോൾവാൾക്കർ) ആർ.എസ്.എസിന്റെ സർസംഘചാലക് - തലവൻ - മാത്രമായിരുന്നില്ല അദ്ദേഹം ആയിരുന്നു ആർ.എസ്.എസിന്റെ താത്വികാചാര്യനും.
ഗുരുജിയുടെ ചിന്തകളും നാസികളുമായി ആശ്ചര്യപ്പെടുത്തുന്ന പൊരുത്തം ഉണ്ടായിരുന്നു. ഗുരുജിയുടെ “നാം അല്ലെങ്കിൽ നമ്മുടെ നിർവചിക്കപ്പെട്ട ദേശീയത“ (We or Our Nationhood Defined) എന്ന പുസ്തകം നിരവധി പതിപ്പുകൾ പ്രസിദ്ധീകരിക്കയുണ്ടായി. 1947ൽ അതിന്റെ നാലാമത്തെ പതിപ്പ് ഇറങ്ങി. ആ പുസ്തകത്തിൽ ഒരിടത്ത് ഗുരുജി പറയുന്നുണ്ട്: “ഹിന്ദുസ്ഥാനിലെ അഹിന്ദുക്കൾ ഹിന്ദുവിന്റെ സംസ്കാരവും ഭാഷയും സ്വീകരിച്ചേ മതിയാവൂ, ഹിന്ദു മതത്തെ അംഗീകരിക്കയും ബഹുമാനിക്കയും വേണം, ഹിന്ദു എന്ന വംശത്തെയും സംസ്കാരത്തെയും അല്ലാതെ ഒരു ആശയത്തെയും പ്രോത്സാഹിപ്പിക്കയോ മഹത്വവത്കരിക്കയോ അരുത്. അതായത് അവർ ഈ രാജ്യത്തോടൂം ഇവിടെ വർഷങ്ങളായി നിലനില്ക്കുന്ന ആചാരങ്ങളോടൂം തങ്ങളുടെ അസഹിഷ്ണുതയും നന്ദികേടും ഉപേക്ഷിച്ചാൽ മാത്രം പോരാ അവർ ഈ ആചാരങ്ങളോടു സ്നേഹവും ഭക്തിയും ഉള്ള പരമമായ നിലപാട് സ്വീകരിച്ചേ മതിയാവൂ. - ചുരുക്കം വാക്കുകളിൽ, അവർ വിദേശികളായി ഈ രാജ്യത്ത് വസിക്കട്ടെ അല്ലെങ്കിൽ ഹിന്ദുരാഷ്ട്രത്തിനു കീഴ്പ്പെട്ടവരായി, യാതൊന്നും അവകാശപ്പെടാത്തവരായി, യാതൊരു ആനുകൂല്യങ്ങൾക്കും അവകാശമില്ലാത്തവരായി, യാതൊരുവിധ മുൻ‌ഗണനകൾക്കും അവകാശമില്ലാത്തവരായി - പൗരാവകാശത്തിനുപോലും അർഹതയില്ലാത്തവരായി - ഇവിടെ ജീവിക്കട്ടെ.”
മറ്റൊരു രീതിയിൽ പറഞ്ഞാൽ ഗുരുജി കാണുവാൻ ആഗ്രഹിച്ചിരുന്നത് ലക്ഷക്കണക്കിന് ഇന്ത്യക്കാരെ പൗരന്മാരായി പോലും അംഗീകരിക്കാതിരിക്കുന്ന ഒരു സംവിധാനമായിരുന്നു. അദ്ദേഹത്തിനു വേണ്ടിയിരുന്നത് അവരുടെ പൗരാവകാശങ്ങൾ എല്ലാം റദ്ദാക്കുന്നതായിരുന്നു. യാദൃശ്ചികമെന്നുപറയട്ടെ അദ്ദേഹത്തിന്റെ ഈ ആശയങ്ങൾ ഒന്നും പുതുതായിരുന്നില്ല. 1930കളുടെ മധ്യത്തിൽ ഞങ്ങൾ കോളേജിൽ ആയിരുന്ന കാലത്ത് ആർ.എസ്.എസുകാർ ഹിറ്റ്‌ലറുടെ ആശയങ്ങൾ വളരെ താത്പര്യപൂർവ്വം പിന്തുടരുവാൻ ഇഷ്ടപ്പെട്ടിരുന്നു. അവരുടെ കാഴ്ചപ്പാടിൽ ജർമ്മനിയിലെ ജൂതവംശജരെ ഹിറ്റ്ലർ കൈകാര്യം ചെയ്ത രീതിയാണ് ഇന്ത്യയിലെ മുസ്ലിങ്ങളും ക്രിസ്ത്യാനികളും അർഹിക്കുന്നത്.
“നാം അല്ലെങ്കിൽ നമ്മുടെ നിർവചിക്കപ്പെട്ട ദേശീയത“ (We or Our Nationhood Defined) എന്ന പ്രമാണപുസ്തകത്തിലെ താഴെകൊടുത്തിരിക്കുന്ന ഭാഗം നാസി പാർട്ടിയോടുള്ള ഗുരുജിയുടെ അനുഭാവം തുറന്നുകാട്ടുന്നതാണ്.
“തങ്ങളുടെ വംശത്തിന്റെ വിശുദ്ധിയും സംസ്കാരവും നിലനിർത്തുവാൻ യഹൂദ വംശത്തെ - ജൂതന്മാരെ - തുടച്ചുമാറ്റി ജർമ്മനി ലോകത്തെ ഞെട്ടിച്ചു. ഇങ്ങനെയാണ് വംശീയ ഗർവ്വ് അതിന്റെ ഉച്ചസ്ഥായിയിൽ പ്രകടിപ്പിക്കപ്പെട്ടത്. ഏകീകൃതമായ ഒന്ന് എന്നതിലേക്ക് ലയിച്ചുചേരുവാൻ വംശീയതയുടെയും സംസ്കാരത്തിന്റെയും വേർതിരിവുകൾ അതിന്റെ അടിവേരുകളിലെക്ക് പടരുന്നത് അസാധ്യമാണെന്ന് ജർമ്മനി വളരെ നല്ല രീതിയിൽ കാട്ടിതന്നിരിക്കയാണ്. ഹിന്ദുസ്ഥാനിൽ നമുക്ക് പഠിക്കുവാനും ലാഭം കൊയ്യുവാനും ഒരു നല്ല പാഠം” - “നാം അല്ലെങ്കിൽ നമ്മുടെ നിർവചിക്കപ്പെട്ട ദേശീയത“, 1947, പേജ്. 42 (We or Our Nationhood Defined 1947, p. 42).
നിങ്ങൾ ഒരു പക്ഷെ പറയുമായിരിക്കും ഇന്ത്യ സ്വാതന്ത്ര്യ സമരത്തിന്റെ യാതനയിലൂടെ കടന്നുപോയ സമയത്തെ ഒരു പഴഞ്ചൻ പുസ്തകത്തിൽ നിന്നുമാണ് ഇതൊക്കെ എന്ന്. പക്ഷെ അദ്ദേഹത്തിന്റെ രണ്ടാമതൊരു പുസ്തകമുണ്ട് – “ഒരു പിടി ചിന്തകൾ” (Bunch of Thoughts) എന്നപേരിൽ. 1966ൽ പ്രസിദ്ധീകരിച്ച് ഈ (കു)പ്രസിദ്ധമായ പ്രസിദ്ധീകരണത്തിൽ നിന്നും ഒരു ഉദാഹരണം ഞാൻ ഉദ്ധരിക്കാം. ഈ പുസ്തകത്തിൽ ഇന്ത്യയുടെ ആഭ്യന്തര പ്രശ്നങ്ങളെപറ്റി സംവദിക്കുന്നിടത്ത് ഗുരുജി മൂന്ന് ആഭ്യന്തര ഭീഷിണികളെപറ്റി പ്രതിപാദിക്കുന്നു. ഒന്ന് മുസ്ലിം, രണ്ടാമത്തേത് ക്രിസ്ത്യാനി, മൂന്നാമത്തേത് കമ്യൂണിസ്റ്റുകൾ. ഗുരുജിയുടെ വാക്കുകളിൽ ഓരോ മുസ്ലിമും, ഓരോ ക്രിസ്ത്യാനിയും, ഓരോ കമ്യൂണിസ്റ്റുകാരനും രാജ്യം നേരിടുന്ന സുരക്ഷാ ഭീഷണിയാണ്. ഇതാണ് അദ്ദേഹത്തിന്റെ ആശയഗതി.
ആർ.എസ്.എസും ഗുരുജിയുമായി ഞങ്ങൾക്കുള്ള രണ്ടാമത്തെ എതിർപ്പ് ജാതിയെക്കുറിച്ചുള്ള ചോദ്യത്തിലാണ്. അവർ ജാതി സമ്പ്രദായത്തെ പിന്തുണക്കുമ്പോൾ ഒരു സോഷ്യലിസ്റ്റ് ആയ എനിക്ക് ജാതി സമ്പ്രദായം ആജന്മ ശത്രുവാണ്. ബ്രാഹ്മണ പൗരോഹിത്യത്തിന്റെയും ജാതി സമ്പ്രദായത്തിന്റെയും ഏറ്റവും വലിയ ശത്രുവായാണ് ഞാൻ എന്നെ കാണുന്നത്. ജാതി വ്യവസ്ഥയും അതുമായി ബന്ധപ്പെട്ട അനീതിയും നശിപ്പിക്കാതെ ഇന്ത്യയിൽ സാമ്പത്തികവും സാമൂഹികവുമായ തുല്യത ഉണ്ടാകുക അസാധ്യമാണെന്ന ശക്തമായ കാഴ്ചപ്പാടാണെനിക്കുള്ളത്.
എന്നാൽ ഗുരുജി പറയുന്നത് “നമ്മുടെ സമൂഹത്തിന്റെ മറ്റൊരു സവിശേഷത ഇവിടെ നിലനില്ക്കുന്ന വർണ്ണാശ്രമ വ്യവസ്ഥയാണ് (ജാതി വ്യവസ്ഥ, തൊഴിലിന്റെ അടിസ്ഥാനത്തിൽ സമൂഹത്തെ വിഭജിച്ചിരുന്ന പൌരാണിക രീതി) അത് ഇന്ന് സങ്കുചിതമായ ഒരു ജാതി വ്യവസ്ഥ ആയാണ് ഇന്നത്തെ സമൂഹത്തിൽ വില്ലൻ വേഷം കെട്ടിയിരിക്കുന്നത്.’’
അദ്ദേഹം തുടരുന്നു,
“വ്യത്യസ്തരായ ആളുകൾ അവരുടെ വ്യത്യസ്തമായ കഴിവുകളുടെ അടിസ്ഥാനത്തിൽ അവരുടേതായ രീതിയിൽ ആരാധിക്കുന്ന നാലു ഭാവങ്ങൾ ഉള്ള ഒരു ശക്തനായ ദൈവത്തിന്റെ രൂപത്തിൽ സമൂഹത്തെ സങ്കല്പിച്ചിരിക്കുന്നു. അറിവിന്റെ കച്ചവടക്കാരനായ ബ്രാഹ്മണനെ ഏറ്റവും ഉന്നതനായി സങ്കല്പിച്ചിരിക്കുന്നു. ശത്രുക്കളെ നശിപ്പിക്കുന്ന ക്ഷത്രിയനും തുല്യപദവിയിലാണ്. കൃഷിയിലൂടെയും വ്യവസായത്തിലൂടെയും സാമൂഹികാവശ്യങ്ങൾ പരിഹരിക്കുന്ന വൈശ്യൻ മുമ്പേ പറഞ്ഞ രണ്ടുപേരെക്കാളും ഒട്ടും കുറഞ്ഞവനല്ല. തന്റെ തൊഴിൽ നൈപുണ്യം കൊണ്ടു സമൂഹത്തെ സേവിക്കുന്ന ശൂദ്രനും തക്കതായ പ്രാധാന്യം അർഹിക്കുന്നു.’’
ഇവിടെ വളരെ കൗശലപൂർവ്വം തറപ്പിച്ചു പറഞ്ഞിരിക്കയാണ് ശൂദ്രൻ ഒരു സാമൂഹിക ആവശ്യം നിറവേറ്റുന്നു എന്ന്. എന്നാൽ ഗുരുജി പ്രചോദനം കൊള്ളുന്ന ചാണക്യന്റെ അർത്ഥശാസ്ത്രത്തിൽ വളരെ വ്യക്തമായി പറഞ്ഞിട്ടുണ്ട് ശൂദ്രന്റെ മതപരമായ ഉത്തരവാദിത്വമാണ് ബ്രാഹ്മണനെയും ക്ഷത്രിയനെയും, വൈശ്യനെയും സേവിക്കുക എന്നത്. ഗുരുജി വളരെ സാമർത്ഥ്യപൂർവ്വം കൗശലം കാണിച്ച്, ഉന്നത ജാതിക്കാരെ സേവിക്കുക എന്നത് സമൂഹത്തെ സേവിക്കുക എന്നാക്കി മാറ്റിയിരിക്കുന്നു.”
ആർ.എസ്.എസും ഗുരുജിയുമായി ഞങ്ങൾക്കുള്ള നാലാമത്തെ എതിർപ്പ് ഭാഷയുടേതാണ്. നമ്മൾ ജനങ്ങളുടെ എല്ലാ ഭാഷയും പ്രോത്സാഹിപ്പിക്കുന്നതിന് അനുകൂലമാണ്. ഇന്ത്യയിലെ എല്ലാ പ്രാദേശിക ഭാഷകളും തദ്ദേശജന്യമാണ്. എന്നാൽ ഇതിനെ പറ്റി ഗുരുജി എന്താണു പറയുന്നത്? ഗുരുജി പറയുന്നത് സംസ്കൃതം ദേശീയ ഭാഷ ആക്കുക എന്ന അത്യന്തികമായ ലക്ഷ്യത്തോടുകൂടെ ഹിന്ദിയെ മുഖ്യഭാഷയാക്കി ഇപ്പോൾ മാറ്റണം എന്നാണ്.
അദ്ദേഹം തന്റെ “ഒരു കൂട്ടം ചിന്തകൾ” എന്ന പുസ്തകത്തിൽ പറയുന്നത് “സംസ്കൃതത്തെ നമ്മുടെ ദേശീയഭാഷ ആക്കുവാൻ അനുയോജ്യമായ സമയം വരെ ഹിന്ദിക്ക് പ്രാധാന്യം നല്കുകയും വേണം” എന്നാണ്.
ആരംഭം മുതല്ക്കുതന്നെ ഇതിനോടു ഞങ്ങൾക്കു വിയോജിപ്പുണ്ട്. പ്രാദേശീക ഭാഷകൾക്ക് അനുകൂലമായിട്ടാണ് എന്നും മഹാത്മാ ഗാന്ധിയും ലോകമാന്യതിലകനും ഞങ്ങളുമൊക്കെ നിന്നിട്ടുള്ളത്. ഒരാളുടെ മേലും ഹിന്ദി അടിച്ചേല്പിക്കുന്നതിനോടു ഞങ്ങൾ യോജിക്കുന്നില്ല. തമിഴ്നാട്ടിൽ നിലനില്ക്കുന്ന ഭാഷയായി തമിഴിനെയും, ആന്ധ്രയിലെ ഭാഷയായി തെലുങ്കിനെയും മഹാരാഷ്ട്രയിലെ ഭാഷയായി മറാത്തിയെയും, വെസ്റ്റ് ബംഗാളിൽ നിലനില്ക്കുന്ന ഭാഷയായി ബംഗാളിയെയും കാണുവാനാ‍ണ് ഞങ്ങൾ ഇഷ്ടപ്പെടുന്നത്. ഹിന്ദി സംസാരിക്കാത്ത സംസ്ഥാനങ്ങൾ പൊതു ഭാഷയായി ഇംഗ്ലീഷിനെയാണ് ഇഷ്ടപ്പെടുന്നത് എങ്കിൽ അത് അവരുടെ ഇഷ്ടത്തിനു വിടുകയാണു വേണ്ടത്. ഞങ്ങൾക്ക് അവരുമായി ഈ കാര്യത്തിൽ ഒരു വിയോജിപ്പും ഇല്ല. എന്നാൽ സംസ്കൃതം എന്നത് വളരെ ചുരുങ്ങിയ ഒരു കൂട്ടം ആളുകൾ മാത്രം സംസാരിക്കുന്ന ഒരു പ്രത്യേക ജാതി വിഭാഗത്തിൽ പെട്ട ആളുകളുടെ ഭാഷയാണ്. സംസ്കൃതത്തെ ദേശീയ ഭാഷ ആക്കുന്നത് ഒരു ചെറിയ വിഭാഗം ആളുകളുടെ മേല്കോയ്മ മറ്റുള്ളവർക്കുമേൽ അടിച്ചേല്പിക്കലാണ്, അത് ഒരിക്കലും ഞങ്ങൾക്ക് അംഗീകരിക്കുവാൻ കഴിയുന്ന കാര്യമല്ല.
ആർ.എസ്.എസും ഗുരുജിയുമായി ഞങ്ങൾക്കുള്ള അഞ്ചാമത്തെ എതിർപ്പ് രാജ്യത്തിന്റെ ഭരണത്തെ സംബന്ധിച്ച് ആയിരുന്നു. സ്വതന്ത്ര്യ സമരത്തിലെ ദേശീയപ്രസ്ഥാനം വികേന്ദ്രീകൃത സ്റ്റേറ്റ് എന്ന ആശയത്തെ അംഗീകരിച്ചിരുന്നു. സംസ്ഥാനങ്ങളുടെ ഒരു കൂട്ടമായി രാജ്യത്തെ അംഗീകരിക്കുമ്പോൾ ചില കാര്യങ്ങളിൽ കേന്ദ്ര സർക്കാരിനു പ്രത്യേക അധികാരം ഉണ്ടായിരുന്നു, എന്നാൽ മറ്റ് ബഹുഭൂരിപക്ഷം കാര്യങ്ങളും സംസ്ഥാന സർക്കാരിന്റെ അധികാരപരിധിയിൽ വരുന്നതാ‍യിരുന്നു. എന്നാൽ വിഭജനത്തെ തുടർന്ന് ശക്തമായ ഒരു കേന്ദ്ര സർക്കാർ ഉണ്ടായിരിക്കേണ്ട ആവശ്യകതയുടെ ഭാഗമായി, കേന്ദ്രത്തിനും സംസ്ഥാനങ്ങൾക്കും പൊതുവിൽ യോജിപ്പ് ഉണ്ടാവേണ്ട കാര്യങ്ങളുടെ ഒരു ലിസ്റ്റുതന്നെ ഭരണഘടനയിലൂടെ നിർബന്ധമായി ഒരുക്കിയിരുന്നു. കേന്ദ്രത്തിനും സംസ്ഥാന സർക്കാരിനും തുല്യ അധികാര പരിധിയുള്ള വിഷയങ്ങളുടെ ഒരു പട്ടിക തയ്യാറാക്കിയിരുന്നു. കേന്ദ്ര സർക്കാരിനെ ശാക്തീകരിക്കുക എന്നതിന്റെ ഭാഗമായി വിവിധ സംസ്ഥാന സർക്കാരുകളുടെ അധികാരപരിധിയിൽ മാത്രം വരേണ്ട നിരവധി കാര്യങ്ങൾ കേന്ദ്ര-സംസ്ഥാന അധികാര പരിധിയിൽ വരേണ്ട പട്ടികയിൽ ചേർത്തിരുന്നു. അങ്ങനെ ഇന്ത്യ എന്ന വികേന്ദ്രീകൃത രാജ്യം നിലവിൽ വന്നു.
എന്നാൽ ഈ അടിസ്ഥാന ഭരണഘടനാ ചട്ടക്കൂടിനെ സംഘപരിവാറും അതിന്റെ മുഖ്യ മാർഗ്ഗദർശകനായ ഗുരു ഗോൾവാൾക്കറും നിരന്തരമായി എതിർത്തുപോന്നു. ഇവർ സംസ്ഥാനങ്ങളുടെ ഐക്യത്തിലൂടെ സംജാതമാകുന്ന വികേന്ദ്രീകൃതമായ ഭരണകൂടം എന്ന ആശയത്തെ നിരന്തരമായി അവഹേളിക്കയും ഇന്ത്യ എന്ന വികേന്ദ്രീകൃത രാജ്യം അടിസ്ഥാനപ്പെടുത്തുന്ന അതിന്റെ ഭരണഘടന അസാധുവാക്കണമെന്ന് വാദിക്കുകയും ചെയ്തുപോന്നു. ഗുരുജി അദ്ദേഹത്തിന്റെ ഒരു കൂട്ടം ചിന്തകൾ എന്ന പുസ്തകത്തിൽ പറഞ്ഞിരിക്കുന്നത് “ഭരണഘടന പുനഃപരിശോധിക്കയും കേന്ദ്രീകൃത സ്റ്റേറ്റ് എന്ന ആശയം ഭരണഘടനയിൽ ഉൾപ്പെടുത്തുകയും വേണം” എന്നാണ്. ഗുരുജിക്ക് വേണ്ടിയിരുന്നത് ഒരു കേന്ദ്രീകൃത സ്റ്റേറ്റ് ആയിരുന്നു. അദ്ദേഹം പറയുന്നത് ഇപ്പോഴത്തെ നിലക്കുള്ള സ്റ്റേറ്റ് ഇല്ലാതാക്കണം എന്നാണ്. ഗുരുജി ഗോൾവാൾക്കർക്ക് വേണ്ടിയിരുന്നത് ഒരു രാജ്യവും ഒരു ഭരണകൂടവും, ഒരു നിയമനിർമ്മാണ സഭയും, ഒരു ഭരണാധികാരിയുമായിരുന്നു. മറ്റൊരു അർഥത്തിൽ സംസ്ഥാന നിയമ നിർമ്മാണ സഭകളെയും, മന്ത്രിസഭകളെയും നിരോധിക്കൽ ആയിരുന്നു ഗുരുജിക്ക് വേണ്ടിയിരുന്നത്. അതായത് അവർക്കുവേണ്ടിയിരുന്നത് ഒരു ഏകാധിപത്യ ഭരണകൂടമായിരുന്നു. അവർക്ക് ഭരണം പിടിക്കുവാൻ കഴിഞ്ഞാൽ അവർ സംശയാതീതമായി കേന്ദ്രീകൃത ഭരണത്തിലേക്ക് രാജ്യത്തെ നയിക്കുവാൻ ശ്രമിക്കും.
ആർ.എസ്.എസും ഗുരുജിയുമായി ഞങ്ങൾക്കുള്ള ആറാമത്തെ എതിർപ്പ് ദേശീയപ്രസ്ഥാനം തിരഞ്ഞെടുത്ത പതാകയിലെ ത്രിവർണ്ണ നിറത്തെപറ്റിയാണ്. നമ്മുടെ തിരഞ്ഞെടുക്കപ്പെട്ട ദേശീയ പതാകയുടെ മഹത്വവും അതിനോടുള്ള ആദരവും മൂലം നൂറുകണക്കിനു ഭാരതീയർ അവരുടെ ജീവിതം ബലി നല്കിയിട്ടുണ്ട്. ആയിരകണക്കിനാളുകൾ മർദ്ദനത്തിന്റെയും ലാത്തിയുടെയും മുറിപ്പാടുകൾ തങ്ങളുടെ ശരീരത്തിൽ പേറുന്നു. എന്നാൽ ആശ്ചര്യമെന്നുപറയട്ടെ ആർ.എസ്.എസ് ത്രിവർണ്ണ പതാകയെ ദേശീയ പതാക ആയി അംഗീകരിച്ചിട്ടില്ല. കാവിപതാകയെ തൊട്ടാണ് അവർ പ്രതിജ്ഞ എടുക്കാറുള്ളത്. അവരുടെ അവകാശവാദം അനാദിയായ കാലം മുതൽ ഹിന്ദുരാഷ്ട്രത്തിന്റെ പതാക കാവി പതാകയാണെന്നാണ്.
ആർ.എസ്.എസും ഗുരുജിയുമായി ഞങ്ങൾക്കുള്ള ഏഴാമത്തെ എതിർപ്പ്. ഒരു വികേന്ദ്രീകൃത ഭരണ വ്യവസ്ഥ എന്ന ആശയത്തെ ഗുരുജി എതിർത്തതു പോലെ തന്നെ അദ്ദേഹത്തിനു ജനാധിപത്യവ്യവസ്ഥിതിയിലും ഒട്ടുംതന്നെ വിശ്വാസം ഇല്ലായിരുന്നു. ജനാധിപത്യം എന്ന പാശ്ചാത്യ-വൈദേശിക ആശയം ഇന്ത്യയിലേക്ക് ഇറക്കുമതി ചെയ്തതാണെന്നും ഇന്ത്യൻ സംസ്കാരവും ഇന്ത്യൻ സമൂഹവുമായി പാർലമെന്ററി ജനാധിപത്യ സമ്പ്രദായത്തിനു ഒത്തിണങ്ങിപ്പോകുവാൻ കഴിയില്ല എന്നുമുള്ള ഉറച്ചവിശ്വാസത്തിലായിരുന്നു അദ്ദേഹം. സോഷ്യലിസം എന്നത് തികച്ചും അപരിചിതമായ ഒരു ആശയമായിരുന്നു അദ്ദേഹത്തിന്. സോഷ്യലിസവും, ജനാധിപത്യവും അടക്കം എല്ലാ ഇസങ്ങളും തള്ളിക്കളയേണ്ട വൈദേശിക ആശയങ്ങൾ ആണെന്നും ഇന്ത്യൻ സമൂഹം ഭാരതീയ സംസ്കാരത്തിലാണ് അടിയുറപ്പിക്കേണ്ടതെന്നും അദ്ദേഹം തുടർച്ചയായി പറയുമായിരുന്നു. ഞങ്ങളെക്കുറിച്ചു പറയുകയാണെങ്കിൽ ഞങ്ങൾ പാർലമെന്ററി ജനാധിപത്യത്തിലും, സോഷ്യലിസത്തിലും വിശ്വസിക്കുന്നു. സമാധാനപരമായ മാർഗ്ഗങ്ങളിലൂടെ ഗാന്ധിജി വിഭാവനം ചെയ്ത തത്വങ്ങളുടെ അടിസ്ഥാനത്തിൽ സോഷ്യലിസം ഇന്ത്യയിൽ നടപ്പിലാക്കുവാൻ ഞങ്ങൾ ആഗ്രഹിക്കുന്നു.
കോൺഗ്രസ്സ് പാർട്ടിയുടെ ഏകാധിപത്യപരമായ ഭരണത്തിനെതിരെ ഞങ്ങൾ സമരത്തിൽ ഏർപ്പെട്ടിരിക്കുമ്പോൾ, ഞങ്ങളുടെ നേതാവ് ഡോ. റാം മനോഹർ ലോഹ്യ ആണ് ചൈനക്കാരുടെ കരങ്ങൾ കൊണ്ട് നമ്മുടെ രാജ്യത്തെ നാണംകെടുത്തിയതിനു ഉത്തരവാദികൾ ആയ കോൺഗ്രസ്സ് പാർട്ടിയിൽ നിന്നും രാജ്യത്തെ രക്ഷിക്കുവാനും കോൺഗ്രസ്സ് പാർട്ടിയെ അധികാരത്തിൽ നിന്നും താഴെ ഇറക്കുവാനും നമ്മൾ എല്ലാ പ്രതിപക്ഷ കക്ഷികളുമായി ചേർന്ന് ഒരു മുന്നണി രൂപീകരിക്കണം എന്ന അഭിപ്രായം മുന്നോട്ടുവച്ചത്. രണ്ടുവർഷത്തോളം ഡോക്ടർസാബുമായി വളരെ നീണ്ട ചർച്ചകൾ ഈ വിഷയത്തിൽ ഞാൻ നടത്തിയിരുന്നു. ഈ ചർച്ചകളിൽ എല്ലാം, ആർ.എസ്.എസും ജനസംഘുമായി ഒരു രീതിയിലുള്ള ബാന്ധവവും ഞങ്ങൾക്ക് കഴിയില്ല എന്ന കാര്യം ഞാൻ ശക്തമായി ഊന്നിപ്പറഞ്ഞിരുന്നു.
ഡോക്ടർ സാബ് എന്നോടു ചോദിച്ചു “താങ്കൾ എന്റെ നേതൃത്വം അംഗീകരിക്കുമോ ഇല്ലയോ?” “അതെ ഞാൻ അംഗീകരിക്കാം” എന്ന് ഞാൻ മറുപടി പറഞ്ഞു. എല്ലാ തർക്കവിഷയങ്ങളിലും യോജിക്കുക എന്നത് അനിവാര്യമോ എല്ലാ വിഷയങ്ങളിലും എന്നെ ബോധ്യപ്പെടുത്തുക എന്നത് ആവശ്യമായ കാര്യമോ അല്ലെന്ന് അദ്ദേഹം പറഞ്ഞു. നമ്മൾ വിയോജിക്കുന്ന ഒന്നോ രണ്ടോ വിഷയങ്ങൾ ഉണ്ടാകുന്നതിൽ കുഴപ്പം ഒന്നും ഇല്ല. ഒരു മുഖ്യശത്രുവിനെ തോല്പിക്കുവാനുള്ള രാഷ്ട്രീയ സഖ്യത്തെകുറിച്ചുമാത്രം ചിന്തിക്കുന്നതിനാൽ മറ്റുവിഷയങ്ങൾ എല്ലാം മാറ്റിവച്ചു അദ്ദേഹവുമായി സഹകരിക്കണം. അദ്ദേഹത്തിന്റെ ഈ ആശയം ഒന്നു “പരീക്ഷിക്കണം“. ഒരു പക്ഷെ അദ്ദേഹം പറയുന്നത് ശരി ആവാം, ഒരുപക്ഷെ ഞാൻ പറയുന്നത് ആവാം ശരി.
ഈ പറഞ്ഞതിൽ ഞാൻ അദ്ദേഹത്തോടു യോജിച്ചു പക്ഷെ ആർ.എസ്.എസും ലോഹ്യായുടെ ആശയങ്ങൾ പിന്തുടരുന്നവരുമായി ഒരു ഏറ്റുമുട്ടൽ അനിവാര്യമായിരുന്നു.
ഇന്ദിരാഗാന്ധി രാജ്യത്ത് അടിയന്തരാവസ്ഥ പ്രഖ്യാപിക്കയും, ഏകാധിപത്യ നിലപാടുകൾ പിന്തുടരുകയും, സഞ്ജയ് ഗാന്ധിയെ പ്രോത്സാഹിപ്പിക്കയും, മാരുതി അഴിമതി പുറത്തുവരുകയും ചെയ്തപ്പോൾ ഇക്കൂട്ടരുമായി (ആർ.എസ്.എസും ജനസംഘവുമായി) ഞങ്ങൾ ഒരു സഖ്യത്തിൽ എത്തി എന്നത് ഒരു യാഥാർത്ഥ്യമാണ്. ലോക്നായക് ജയപ്രകാശ്ജി വിശ്വസിച്ചിരുന്നത് പ്രതിപക്ഷ കക്ഷികൾ ഐക്യപ്പെട്ട് ഒറ്റപാർട്ടി ആയി മാറിയില്ലെങ്കിൽ ഇന്ദിരയെയും അവരുടെ ഏകാധിപത്യത്തെയും പരാജയപ്പെടുത്തുക സാധ്യമല്ലെന്നായിരുന്നു. നമ്മൾ ഐക്യപ്പെട്ട് ഒറ്റപാർട്ടിയായി മാറണമെന്ന അഭിപ്രായക്കാരനായിരുന്നു ചൗധരി ചരൺസിംഗും. ഞങ്ങൾ എല്ലാവരും ഒരുമിച്ച് ജയിലിൽ ആയിരുന്നപ്പോൾ അങ്ങനെ ഒരു ഒറ്റപാർട്ടി രൂപീകരിച്ച് തിരഞ്ഞെടുപ്പിനെ നേരിടുന്നതിനെപറ്റിയുള്ള ഞങ്ങളുടെ അഭിപ്രായം തേടിയിരുന്നു. ലക്ഷക്കണക്കിന് ആളുകൾ തിരഞ്ഞെടുപ്പിൽ ഭാഗഭാക്കാകും. ജനാധിപത്യത്തെ ചലനാത്മകമാക്കുന്ന ഒരു പ്രക്രിയയാണ് തിരഞ്ഞെടുപ്പ്. തിരഞ്ഞെടുപ്പുചൂട് കൂടുമ്പോൾ അടിയന്തരാവസ്ഥയുടെ ചങ്ങലകൾ പൊട്ടിച്ചിതറുകയും ജനങ്ങൾ അവരുടെ ജനാധിപത്യാവകാശങ്ങൾ വിനിയോഗിക്കയും ചെയ്യും. അതുകൊണ്ട് ഞാൻ ഉറപ്പിച്ചു പറഞ്ഞു നമ്മൾ തിരഞ്ഞെടുപ്പ് പ്രക്രിയയിൽ പങ്കെടുക്കണം.
ലോകമാന്യനായക് ജയപ്രകാശ് നാരായണും മറ്റ് നേതാക്കളും ഒരു പാർട്ടിയുടെ കൊടിക്കൂറക്കുകീഴിൽ വരാതെ തിരഞ്ഞെടുപ്പിൽ വിജയിക്കുക പ്രയാസമാണെന്ന നിലപാടിൽ എത്തിയതോടുകൂടെ ഞങ്ങൾ സോഷ്യലിസ്റ്റുകളും ആ നിലപാടിന് അംഗീകാരം നല്കി. ജനസംഘം, സോഷ്യലിസ്റ്റ് പാർട്ടി, കോൺഗ്രസ്സ് (ഒ), ഭാരതീയ ലോകതാന്ത്രിക് ദൾ (ബി.എൽ.ഡി), കോൺഗ്രസ്സിലെ ചില വിമത ഗ്രൂപ്പുകൾ എന്നിങ്ങനെയുള്ള രാഷ്ട്രീയപാർട്ടികൾക്ക് ഇടയിൽ മാത്രമാണ് ഇങ്ങനെ ഒരു പൊതുപാർട്ടി രൂപീകരിക്കുന്ന കാര്യത്തിൽ തത്വത്തിൽ യോജിപ്പിൽ എത്തിയത് എന്ന കാര്യം ഉറപ്പിച്ചു പറയുവാൻ ഞാൻ ആഗ്രഹിക്കുന്നു. ആർ.എസ്.എസുമായി ഏതെങ്കിലും രീതിയിലുള്ള ധാരണയിലെത്തുകയൊ അവരുടെ ആവശ്യങ്ങൾ അംഗീകരിക്കയൊ ഞങ്ങൾ ചെയ്തില്ല. ആർ.എസ്.എസ് അംഗങ്ങൾ പുതിയ പാർട്ടിയിൽ അംഗങ്ങളാകുന്നതിലൂടെ ഉടലെടുക്കുന്ന ഇരട്ട അംഗത്വപ്രശ്നം ഒടുക്കം ചെന്ന് എത്താവുന്ന അഭിപ്രായസംഘർഷങ്ങളെപറ്റി 1976 ജൂലൈ 7ന് ചൗധരി ചരൺസിംഗ് ഉന്നയിച്ചത്, ജയിലിൽ ഞങ്ങൾക്കിടയിൽ പ്രചരിച്ചിരുന്ന മനുഭായി പട്ടേലിന്റെ ഒരു കത്തിലൂടെ അറിയുവാൻ കഴിഞ്ഞു. ഇതിനു മറുപടിയായി രൂപീകരിക്കുവാൻ പോകുന്ന പാർട്ടിക്ക് അവർക്ക് ഇഷ്ടമുള്ള അംഗത്വനിബന്ധനകൾ പാലിക്കാം എന്ന് ജനസംഘത്തിന്റെ ആക്ടിംഗ് ജനറൽ സെക്രട്ടറി ഓം പ്രകാശ് ത്യാഗി പറഞ്ഞു. അദ്ദേഹം അതുകൂടാതെ പറഞ്ഞത് നിരവധി പ്രതിസന്ധികളിലൂടെ കടന്നുപോകുന്ന ആർ.എസ്.എസിനെ പിരിച്ചു വിടുവാൻ ആണ് പദ്ധതി, ആർ.എസ്.എസ് അംഗത്വം എന്ന ചോദ്യംതന്നെ അതുകൊണ്ട് ഉയരുന്നില്ല എന്നാണ്.
പിന്നീട്, ജനതാപാർട്ടിയുടെ ലക്ഷ്യങ്ങളും, നയങ്ങളും പരിപാടികളുമായി ഭിന്നതയുള്ള ഏതെങ്കിലും സംഘടനയുടെ അംഗങ്ങൾക്ക് ജനതാപാർട്ടിയിൽ അംഗത്വം നല്‍കേണ്ടതില്ലെന്ന്, നിർദ്ദേശിക്കപ്പെട്ട ജനതാപാർട്ടിയുടെ ഭരണഘടന എഴുതിയപ്പോൾ ഭരണഘടനാ രൂപികരണത്തിനുള്ള സബ്കമ്മറ്റി നിർദ്ദേശിച്ചു. അംഗത്വത്തിന് ഇങ്ങനെ സുവ്യക്തമായ ഒരു മാനദണ്ഡം നല്കുന്നതിനെപറ്റി ഒരു ചോദ്യവും ഉയരില്ലെന്ന് ഉറപ്പായിരുന്നു. എന്നാൽ ജനസംഘിലെ സുന്ദർസിംഗ് ഭണ്ഡാരിയിൽ നിന്നുമാണ് ഇതിനെതിരെ എതിർപ്പ് ഉയർന്നത്. 1976 ഡിസംബറിൽ പ്രശ്നപരിഹാരത്തിനായി വിളിച്ചുചേർത്ത യോഗത്തിനു ജനസംഘത്തിനും ആർ.എസ്.എസിനും വേണ്ടി വാജ്പേയി നല്കിയ കത്തിനെ ആധാരമാക്കി ഒരു കൂട്ടം നേതാക്കൾ പറയുന്നത് ജനതാപാർട്ടിയുടെ അംഗത്വവുമായി ബന്ധപ്പെട്ട് ആർ.എസ്.എസ് ബന്ധം ഉയർത്തിയില്ലെന്നാണ്. എന്നാൽ നിരവധി നേതാക്കൾ എന്നോടുപറഞ്ഞത് അങ്ങനെ ഒരു ഉറപ്പും നല്കിയിട്ടില്ല എന്നാണ്. പ്രതിപക്ഷ പാ‍ർട്ടികളുടെ ലയനം എന്ന ആശയവുമായി ബന്ധപ്പെട്ടുള്ള ചർച്ചകളിൽ ആർ.എസ്.എസ് ചിത്രത്തിലേ ഇല്ലായിരുന്നു എന്നാണ് അവർ പറഞ്ഞത്. എനിക്ക് വ്യക്തമാക്കുവാനുള്ളത് അങ്ങനെ എന്തെങ്കിലും രഹസ്യധാരണ ഉണ്ടായിരുന്നെങ്കിൽ തന്നെ ആ സമയത്ത് ഞാൻ തടവിൽ ആയിരുന്നു. അതുകൊണ്ട് എനിക്ക് അതിൽ ഒരു പങ്കും ഇല്ല എന്നാണ്.
എനിക്ക് വളരെ വ്യക്തമായിട്ടുതന്നെ സമർത്ഥിക്കുവാൻ കഴിയും ജനതാപാർട്ടിയുടെ തിരഞ്ഞെടുപ്പ് പ്രകടനപത്രിക ഒരു രീതിയിലും ആർ.എസ്.എസിന്റെ നിലപാടുകളെ പിന്തുണക്കുന്നതായിരുന്നില്ല എന്ന്. സത്യത്തിൽ പ്രകടനപത്രികയിലെ ഓരോ നിർദ്ദേശങ്ങളും വളരെ വ്യക്തയുള്ളതാണ്. ജനതാപാർട്ടിയുടെ പ്രകടനപത്രികയിൽ ആർ.എസ്.എസിന്റെ ഹിന്ദുരാഷ്ട്രത്തെപ്പറ്റി ഒരു പരാമർശവും ഇല്ല; മറിച്ച് മതേതര, ജനാധിപത്യ, ഗാന്ധിയൻ ആശയസംഹിതകൾ അടിസ്ഥാനമാക്കിയ ഒരു സോഷ്യലിസ്റ്റ് സമൂഹത്തെപ്പറ്റിയാണ് പറയുന്നതെന്നത് ഒരു സത്യമല്ലേ? ജനതാപാർട്ടിയുടെ പ്രകടനപത്രിക ന്യൂനപക്ഷങ്ങൾക്ക് തുല്യ പൗരാവകാശങ്ങൾ വാഗ്ദാനം ചെയ്യുന്നതും അവരുടെ അവകാശങ്ങളെ സംരക്ഷിക്കുവാൻ പ്രതിഞ്ജാബദ്ധമായതും ആയിരുന്നു.
ഇതിനു വിരുദ്ധമായി, ഗുരുജിക്കുവേണ്ടിയിരുന്നത് ന്യൂനപക്ഷങ്ങൾക്ക് തുല്യപൗരാവകാശം നിഷേധിക്കുന്നതും അവരെ ഹിന്ദുരാഷ്ട്രത്തിനുമുമ്പിൽ ഭിക്ഷ എടുക്കുന്ന പ്രജകളായി മാറ്റുക എന്നതുമായിരുന്നു. ജനതാപാർട്ടി അധികാര വികേന്ദ്രികരണത്തിനു പ്രതിഞ്ജാബദ്ധമായിരുന്നു എന്നാൽ, ഗുരുജി അധികാര കേന്ദ്രീകരണത്തിന്റെ കടുത്ത പിന്തുണക്കാരനുമായിരുന്നു. ജനതാപാർട്ടി അധികാര വികേന്ദ്രികരണത്തെപറ്റി പറയുമ്പോൾ ഗുരുജിക്ക് വേണ്ടിയിരുന്നത് പ്രത്യേക സംസ്ഥാനങ്ങളെ നിർമ്മാർജ്ജനം ചെയ്യലും സംസ്ഥാന നിയമസഭകളും മന്ത്രിസഭകളും ഇല്ലാതാക്കൽ ആയിരുന്നു. മറ്റൊരു അർത്ഥത്തിൽ സംസ്ഥാനങ്ങളുടെ സ്വയംഭരണാവകാശം തട്ടിയെടുക്കുവാൻ ജനതാപാർട്ടിക്ക് ഒരു ആഗ്രഹവും ഇല്ലായിരുന്നു. പ്രകടനപത്രിക സോഷ്യലിസവും, സാമൂഹികനീതിയും തുല്യതയുമായിരുന്നു മുന്നോട്ടുവച്ചത്. പ്രകടനപത്രികയിൽ എവിടെയെങ്കിലും ജാതി സമ്പ്രദായത്തെ പിന്തുണക്കുന്നതായി പറഞ്ഞിരുന്നുവോ? ശൂദ്രരുടെ ജോലി മറ്റ് മേൽ ജാതിക്കാരുടെ ക്ഷേമത്തിനുവേണ്ടീ അദ്ധ്വാനിക്കുവാനുള്ളതാണെന്ന വാദത്തെ അനുകൂലിച്ചിരുന്നുവോ? എന്നാൽ ഇതിനൊക്കെ നേരെ എതിരായി പ്രകടനപത്രിക പിന്നോക്ക വിഭാഗങ്ങളുടെ പുരോഗമനത്തിനുള്ള മുഴുവൻ അവകാശങ്ങളെയും പിന്തുണക്കുക മാത്രമല്ല ചെയ്തത് മറിച്ച് പിന്നോക്കവിഭാഗങ്ങൾക്ക് 25-33 ശതമാനം സർക്കാർ ജോലികളിൽ സംവരണം നല്കാം എന്നാണ് പറഞ്ഞിരുന്നത്.
ശരിയാണ്! ആർ.എസ്.എസ് അംഗങ്ങൾ വാസ്തവത്തിൽ പാർട്ടിയുടെ പ്രകടനപത്രികയിലെ ഏടുകൾ അംഗീകരിച്ചിരുന്നില്ല എന്നത് സത്യമാണ്. ഇതു തന്നെയാണ് എന്റെ തർക്കവും. ഒരിക്കൽ കുശുഭാവ് താക്കറെയുമായുള്ള ഒരു ചർച്ചയിൽ ഇത് ഞാൻ എഴുതി നല്കുകയും ചെയ്തിരുന്നു. നിങ്ങൾ (ആർ.എസ്.എസ്, ജനസംഘ്) ഹൃദയം തൊട്ട് എതിർക്കുന്ന വിഷയങ്ങളെ ഒരു മടിയും കാണിക്കാതെ അംഗീകരിച്ചു. അതുകൊണ്ടാണ് നിങ്ങളുടെ ലക്ഷ്യങ്ങൾ സംശയിക്കപ്പെടുന്നത്. ഇത് ഞാൻ വളരെ നാളുകൾക്ക് മുന്പേ അദ്ദേഹത്തിനു എഴുതിയതാണ്. ആർ.എസ്.എസിനെപറ്റി ഈ സംശയം എല്ലായ്പ്പോഴുമുണ്ടായിരുന്നതാണ്. ഡോക്ടർസാബിന്റെ സമയം (റാം മനോഹർ ലോഹ്യ 1967ൽ മരിച്ചു) മുതൽക്കേ ഉള്ളതാണ്. കാര്യങ്ങൾ ഇങ്ങനെഒക്കെ ആണെങ്കിലും ഏകാധിപത്യത്തെ ചെറുക്കുവാൻ നമ്മൾ അവരുമായി ഒരു രാഷ്ട്രീയ സഖ്യത്തിൽ ഏർപ്പെട്ടു എന്ന സത്യം നിലനില്ക്കുകയാണ്.
എല്ലാ പ്രതിപക്ഷ രാഷ്ട്രീയപാർട്ടികളും ലയിച്ച് ഒന്നായിതീരുക എന്നത് ലോക് നായക് ജയപ്രകാശ്ജിയുടെ ആഗ്രഹമായിരുന്നതിനാലും പാർട്ടിയുടെ മാനിഫെസ്റ്റൊ ഒരു ഒത്തുതീർപ്പിനും തയ്യാറാകാത്തതിനാലും അങ്ങനെ ഒരു ലയനത്തിനു ഞാനും അംഗീകാരം നല്കി. അതെ സമയം ഞാൻ പറയുവാൻ ആഗ്രഹിക്കുന്നത് എന്റെ മനസ്സിൽ വളരെ മുന്നേതന്നെ വ്യക്തമായ ഒരു കാര്യമായിരുന്നു ഐക്യപ്പെട്ടതും വിശ്വാസയോഗ്യവുമായ സംഘടന എന്ന നിലയിൽ ജനതാപാർട്ടി ഉയർന്നുവരുന്നതോടുകൂടെ രണ്ടുകാര്യങ്ങൾ ചെയ്യണം എന്നതിൽ. ഒന്ന് ആർ.എസ്.എസ് അതിന്റെ തത്വസംഹിത മാറ്റുകയും മതേതര ജനാധിപത്യ രാജ്യം എന്ന ആശയത്തെ അംഗീകരിക്കയും വേണം. രണ്ട്, ഭാരതീയ മസ്ദൂർ സംഘ്, ഭാരതീയ വിദ്യാർത്ഥി പരിഷത് തുടങ്ങിയ സംഘപരിവാറിന്റെ നിരവധി പോഷകസംഘടനകൾ പിരിച്ചുവിടുകയും ജനതാപാർട്ടിയുടെ മതേതരത്വ സ്വഭാവമുള്ള തൊഴിലാളി സംഘടനയിലും വിദ്യാർത്ഥി സംഘടനയിലും ലയിപ്പിക്കയും വേണം. ഇക്കാര്യത്തെപ്പറ്റി ആദ്യം മുതല്ക്കുതന്നെ എനിക്ക് നല്ല വ്യക്തത ഉണ്ടായിരുന്നു. ജനതാപാർട്ടി എനിക്ക് തൊഴിലാളി യൂണിയന്റെയും വിദ്യാർത്ഥി വിഭാ‍ഗത്തിന്റെയും ഉത്തരവാദിത്വം തന്നതോടുകൂടെ എന്റെ നിരന്തരമായ പരിശ്രമമം ഭാരതീയ മസ്ദൂർ സംഘിനെയും വിദ്യാർത്ഥിപ്രസ്ഥാനത്തെയും അതിന്റെ പ്രത്യേക നിലനില്പ് അവസാനിപ്പിച്ച് പിരിച്ചുവിടുവാൻ ആയിരുന്നു.
എന്നാൽ ഈ സംഘടനകളുമായി ബന്ധപ്പെട്ടർ അവരുടെ സ്വയംഭരണാവകാശത്തിനുള്ള മർക്കടമുഷ്ടി തുടർന്നു. സത്യത്തിൽ ഈ സംഘടനകൾ എല്ലായ്പ്പോഴും നാഗ്പൂരിൽ (ആർ.എസ്.എസ് ആസ്ഥാനം) നിന്നുള്ള ആഞ്ജകൾ മാത്രമാണ് പാലിച്ചുപോന്നിരുന്നത്. അവർ ഒരു നേതാവ് മാത്രം എന്ന ആശയത്തിൽ വിശ്വസിക്കുന്നവരായിരുന്നു. ഉദാഹരണമായി ഗുരുജിയെതന്നെ എടുത്താൽ സംഘപരിവാറിന്റെ ആശയങ്ങൾ പിന്തുടരുന്നവർ കർശനമായ അച്ചടക്കം പാലിക്കുവാൻ പരിശീലിക്കപ്പെട്ടവരും അവർ നേതാവ് പറയുന്നതുമാത്രം അനുസരിക്കുവാൻ കഴിയുന്ന ഒരു മാനസികാവസ്ഥ സൃഷ്ടിച്ച് അതിൻപ്രകാ‍രം നേതാവിന്റെ ആജ്ഞാനുവർത്തികളായി മാത്രം പ്രവർത്തിക്കുവാൻ കഴിയുന്നവരുമാണെന്ന നിലപാടാണ് ഗുരുജി എപ്പോഴും നിലനിർത്തിയിരുന്നത്. ഏക നേതാവ് എന്ന ആശയഗതിയിൽ മാത്രം പ്രവർത്തിക്കുന്നതാണ് ഈ സംഘടന.
സംഘപരിവാർ ജനാധിപത്യത്തിൽ വിശ്വസിക്കുന്നില്ല ചർച്ചകൾക്കും, വാദപ്രതിവാദങ്ങൾക്കും ഒന്നും ഈ സംഘടനയിൽ ഒരു സ്ഥാനവുമില്ല. സംഘപരിവാറിന് ഒരു പ്രത്യേക സാമ്പത്തിക നയമേ ഇല്ല. ഒരു ഉദാഹരണം പറഞ്ഞാൽ ഗുരുജി അദ്ദേഹത്തിന്റെ “ഒരു കൂട്ടം ചിന്തകൾ” എന്ന പുസ്തകത്തിൽ ജന്മിത്വം അവസാനിപ്പിച്ചതിനെ വിമർശിക്കുന്നുണ്ട്. ദരിദ്രരോട് ഒരു സഹാനുഭൂതിയും തോന്നാത്ത ഗുരുജിയെ ജന്മിത്വം അവസാനിപ്പിച്ചത് വല്ലാതെ വിഷാദത്തിലാഴ്ത്തുകയും ആഴത്തിൽ മുറിപ്പെടുത്തുകയും ചെയ്തിരുന്നു.
ഞാൻ ആർ.എസ്.എസ് അംഗങ്ങളോടു പറഞ്ഞു ഹിന്ദുക്കളെമാത്രം സംഘടിപ്പിക്കുന്നതു നിർത്തി മറ്റ് എല്ലാ മതസ്ഥർക്കും നിങ്ങളുടെ സംഘടനയിൽ ഒരു ഇടം നല്കണം അതിനു നിങ്ങൾ ചെയ്യേണ്ടത് നിങ്ങളൂടെ എല്ലാ വർഗ്ഗ സംഘടനകളെയും പിരിച്ചുവിട്ട് ജനതാപാർട്ടിയുടെ അതാത് വർഗ്ഗസംഘടനകളിൽ അതിനെ ലയിപ്പിക്കുകയാണ്. ഇതിന് അവർ മറുപടിയായി പറഞ്ഞത് ഇത് അത്രവേഗത്തിൽ ചെയ്യുവാൻ കഴിയുന്നതല്ല അതിനു പലരീതിയിലുമുള്ള പ്രയാസങ്ങൾ ഉണ്ട് എന്നൊക്കെയാണ് പക്ഷെ ഒരു ചെറിയ നിലക്കുപോലും അവർ മാറ്റം ആഗ്രഹിച്ചിരുന്നില്ല. അതുകൊണ്ട് ഇത്തരം ഉത്തരങ്ങൾ നല്കി അവർ അവരുടെ ഒഴിഞ്ഞുമാറൽ തുടർന്നു.
അവരുടെ ഈ പെരുമാറ്റത്തിൽ നിന്നും ഞാൻ മനസ്സിലാക്കിയത് സംഘപരിവാർ നിലപാടുകളിൽ നിന്നും വ്യതിചലിക്കുവാൻ ഒരു താത്പര്യവും ഇല്ല എന്നാണ്. പ്രത്യേകിച്ചും 1977 ജൂണിലെ തിരഞ്ഞെടുപ്പിൽ നാല് സംസ്ഥാനങ്ങളിലും ഒരു കേന്ദ്രഭരണപ്രദേശത്തും അധികാരത്തിലെത്തുവാൻ അവർക്കു കഴിഞ്ഞതോടുകൂടെ പുതിയതായി കിട്ടിയ സ്വാധീനശക്തിയുടെ ബലത്തിൽ തങ്ങളുടെ നിലപാടുകളിൽ നിന്നും മാറേണ്ട ആവശ്യകത ഇല്ലയെന്ന് അവർ ചിന്തിക്കുവാൻ തുടങ്ങി. ഇപ്പോൾ തന്നെ നാലു സംസ്ഥാനങ്ങളിൽ അധികാരത്തിൽ എത്തുവാൻ കഴിഞ്ഞു പതുക്കെ മറ്റ് സംസ്ഥാനങ്ങളെയും അധീശത്വത്തിലാക്കുവാൻ കഴിയും, അവസാനം കേന്ദ്ര ഭരണവും. ജനതാപാർട്ടിയിലുള്ള മറ്റ് രാഷ്ട്രീയ പാർട്ടികളിലെ നേതാക്കൾ എല്ലാം തന്നെ വയോധികരായിരുന്നു അവർ അധികകാലം ജീവിച്ചിരിക്കുവാനുള്ള സാധ്യതകളും കുറവാണ്. പുതിയ യുവനേതാക്കൾ (ആർ.എസ്.എസ്., ജനസംഘം എന്നി സംഘടനകൾക്ക് പുറത്ത് നിന്നും) തലപ്പത്തേക്കു വരുന്നത് തടയുവാനും അവർക്കു കഴിയും.
ഓർഗനൈസറിന്റെയും പാഞ്ചജന്യത്തിന്റെയും (ഇംഗ്ലീഷിലും, ഹിന്ദിയിലുമുള്ള ആർ.എസ്.എസ് മുഖപത്രങ്ങൾ) പേജുകളിൽ നിന്ന് വ്യക്തമായിരുന്നു പരിവാറിൽ നിന്നുമല്ലാത്ത ഒരു നേതാവിനെയും അവർ വെറുതെവിട്ടിരുന്നില്ലയെന്ന്. പ്രത്യേകം ശ്രദ്ധിക്കേണ്ട ഒരാൾ എന്ന നിലയിൽ ഞാൻ തീർച്ചയായും അവരുടെ ഏറ്റവും രൂക്ഷമായ ആക്രമണത്തിന്റെ ഒരു ഇരയായിരുന്നു. അവരുടെ മാധ്യമങ്ങളിൽ ഇന്ദിരാഗാന്ധിക്കു നല്കിയ സ്ഥലത്തെക്കാൾ കൂടുതൽ, ഒരുപക്ഷെ, സ്ഥലം ഉപയോഗിച്ചിരുന്നത് എന്നെ പുലഭ്യം പറയുവാൻ ആയിരുന്നു.
സുദീർഘമായ ഒരു കാലത്തേക്ക് സംഘപരിവാറുകാരെ സംവാദങ്ങൾക്ക് ഞാൻ നിർബന്ധിച്ചുകൊണ്ടിരുന്നു. മുംബൈയിലുള്ള എന്റെ ഭവനം ബാലാസാഹേബ് ദേവരശ് (പിന്നീട് ആർ.എസ്.എസ് സർസംഘചാലക് ആയി) സന്ദർശിച്ചത് ഞാൻ ഒന്ന് ഓർത്തുപോവുകയാണ്. അതിനെത്തുടർന്ന് ഞാൻ അദ്ദേഹത്തെ 1971ലെ തിരഞ്ഞെടുപ്പിനുശേഷം ഒരിക്കൽ കൂടെ കണ്ടൂ. അടിയന്തരാവസ്ഥക്ക് മുമ്പ് ഒരിക്കൽ മാധവ്‌റാവു മൂലെയുമായും ഞാൻ ഒരിക്കൽ സംവാദത്തിൽ ഏർപ്പെട്ടിരുന്നു. 1977 മെയ് മാസത്തിൽ നാലാം പ്രാവശ്യം ഞാൻ ബാലാസാഹെബ് ദേവരശിനെയും മാധവറാവു മൂലെയെയും കണ്ടു. അവരോടു സംസാരിക്കുവാൻ ഞാൻ ശ്രമിച്ചിട്ടില്ല എന്ന് അതുകൊണ്ടുതന്നെ ആർക്കും അവകാശപ്പെടുവാൻ കഴിയില്ല. പക്ഷെ അവസാനം ഞാൻ ഒരു കാ‍ര്യം ഉറപ്പിച്ചു, സംഘപരിവാറുകാർക്ക് അടഞ്ഞ മനസ്ഥിതിയാണുള്ളത് അവിടെ പുതിയ ആശയങ്ങളുടെ വിത്തുകൾ മുളക്കുന്നത് അസാധ്യമാണ്.
എന്നൽ ഇതിന് കടകവിരുദ്ധമായി വളരെ ചെറിയ പ്രായം മുതൽ തന്നെ ഇളം തലമുറയെ ഒരു പ്രത്യേക അച്ചുകൂടത്തിനുള്ളിൽ വാർത്തെടുക്കുന്നതിൽ ആർ.എസ്.എസ് വൈദഗ്ദ്ധ്യം നേടിയിരുന്നു. ആർ.എസ്.എസ് ആദ്യം ചെയ്യുന്നത് ഇളം മനസ്സുകളെ പ്രതികരിക്കുവാൻ കഴിയാത്തവണ്ണം അവരുടെ മനസ്സിനെയും ചിന്തയെയും മരവിപ്പിക്കുകയാണ്. അതിനുശേഷം മറ്റ് ആശയങ്ങൾക്കു ചെവികൊടുക്കാനാകാൻ കഴിയാത്തവിധം മസ്തിഷ്കത്തെ മരവിപ്പിക്കുകയാണ് അവർ ചെയ്യുന്നത്.
എന്നിട്ടും ഞാൻ എന്റെ ശ്രമങ്ങൾ തുടർന്നുകൊണ്ടേയിരുന്നു. ഒരു സന്ദർഭത്തിൽ എല്ലാ തൊഴിലാളി പ്രസ്ഥാനങ്ങളുടെയും ഒരു മീറ്റിംഗ് ഞാൻ വിളിച്ചുകൂട്ടി. ജനതാപാർട്ടിയെ പ്രതിനിധീകരിക്കുന്ന എല്ലാ അംഗങ്ങളും അതിൽ പങ്കെടുത്തു, പക്ഷെ ഭാരതീയ മസ്ദൂർ സംഘ് ആ മീറ്റിങ്ങ് ബഹിഷ്കരിച്ചു. അതുമാത്രമല്ല യാതൊരു കാരണവുമില്ലാതെ എനിക്കെതിരെ പുലഭ്യംവിളിയും അവർ നടത്തി. ഭാരതീയ വിദ്യാർത്ഥി പരിഷത്തിനെയും, യുവമോർച്ചയെയും ജനതാപാർട്ടിയുടെ വർഗ്ഗ സംഘടനകളിൽ ലയിപ്പിക്കുവാനുള്ള ശ്രമങ്ങൾ ഞാൻ നടത്തിയിരുന്നു, പക്ഷെ അവരും ഒഴിഞ്ഞുമാറിക്കളഞ്ഞു. ഇത് ഒരു സൂപ്പർ പാർട്ടിയായി പ്രവർത്തിക്കുവാനുള്ള ആർ.എസ്.എസിന്റെ ആഗ്രഹം ഒന്നുകൊണ്ടുമാത്രമാണ് സംഭവിച്ചത്.
അവരുടെ ലക്ഷ്യം മനുഷ്യരുടെ ജീവിതവുമായി ബന്ധപ്പെട്ട എല്ലാകാര്യങ്ങളിലും ഇടപെടുക എന്നതു മാത്രമായിരുന്നില്ല മറിച്ച് ജനങ്ങളെ തങ്ങളുടെ നിയന്ത്രണത്തിൽ കൊണ്ടുവരിക എന്നതും കൂടെ ആയിരുന്നു. ഇതേ കാര്യം വിശദീകരിക്കുവാൻ ജോർജ്ജ് ഫെർണാണ്ടസ് ദത്തൊപാന്ത് ഠേങ്ടിയെ ഉദാഹരണമാക്കുമായിരുന്നു.
സത്യം എന്താണെന്നുവച്ചാൽ ജനതാ‍പാർട്ടിയെ പിടിച്ചെടുക്കയും അതിലൂടെ സ്റ്റേറ്റിന്റെ മെഷീനറിയെ നിയന്ത്രിക്കയും ആയിരുന്നു ആർ.എസ്.എസിന് വേണ്ടിയിരുന്നത്. ഇതിനുവേണ്ടി അവർ തന്ത്രപൂർവ്വം ജനതാപാർട്ടിയിലെ നിരവധി നേതാക്കൾക്കു പ്രധാനമന്ത്രികസേര വാഗ്ദാനം ചെയ്യുകയുണ്ടായി. തരംകിട്ടുമ്പോഴൊക്കെ അവർ പ്രധാനമന്ത്രി ആകുവാനുള്ള ചൗധരി ചരൺസിംഗിന്റെ അവകാശവാദങ്ങൾക്ക് ഒപ്പം തങ്ങളുമുണ്ടെന്ന് അദ്ദേഹത്തിന് ഉറപ്പുനല്കിയിരുന്നു. മറ്റൊരുവശത്തുകൂടെ മൊറാർജി ദേശായിയോട് പറഞ്ഞുകൊണ്ടിരുന്നു തങ്ങൾ പ്രധാനമന്ത്രിസ്ഥാനത്തേക്ക് പരിഗണിക്കുന്നത് അദ്ദേഹത്തെ ആണെന്ന്. ഇതുപോലെയുള്ള ഉറപ്പുകൾ തരാതരം പോലെ ചന്ദ്രശേഖറിനും, ജഗജീവൻ റാമിനും, ജോർജ്ജ് ഫെർണാണ്ടസിനും അവർ നല്കിയിരുന്നു. അത്തരം ഒരു വിലപേശലുമായി ഒരുതവണപോലും എന്നെ സമീപിക്കുവാൻ അവർക്ക് ധൈര്യം പോരായിരുന്നു. ഒരിക്കൽ തമാശയായിട്ട് ഇത് വാജ്പേയിയോടു പറഞ്ഞപ്പോൾ അദ്ദേഹത്തിന്റെ മറുപടി ഇതായിരുന്നു, “എന്തിന് താങ്കൾ, നാനാജി (ദേശ്മുഖ്) ഇത്തരം ഒരു വാഗ്ദാനം എനിക്കും ഒരിക്കലും നല്കിയിട്ടില്ല. താങ്കളോ ഞാനോ അല്ല അവർക്ക് പ്രധാനമന്ത്രി ആയിട്ടുവേണ്ടത്”. എന്തായാലും ഞാൻ മറ്റുള്ളവരുടെ അർഹത അവർക്ക് നിഷേധിക്കില്ലെന്നും എന്റെ അർഹത നിഷേധിക്കാൻ മറ്റുള്ളവരെ അനുവദിക്കുകയില്ലെന്നും അവർക്ക് നന്നായിട്ട് അറിയാമായിരുന്നു. അതുകൊണ്ട് അവർ ഒരിക്കലും അത്തരം ഒരു നിർദ്ദേശം എനിക്കുനേരെ നടത്തിയില്ല. ഒരുപക്ഷെ അവർ ചിന്തിച്ചുകാണും തങ്ങൾക്കു വിഢിയാക്കുവാൻ കഴിയാത്ത ഒരാൾക്കുമുന്നിൽ ഇത്തരം വാഗ്ദാനം നടത്തുന്നതിൽ എന്തുകാര്യം എന്ന്- ഇത് അദ്ദേഹത്തെ (ലിമായെ) കൂടുതൽ ഉണർത്തുകയേ ഉള്ളൂ എന്ന്.
ഇവർ (ആർ.എസ്.എസ്) ഒറ്റപ്പെട്ട ചില സാഹചര്യങ്ങളിൽ ചെയ്യുന്ന കാര്യങ്ങൾക്ക് പ്രാധാന്യം കുറവാണ്. ആർ.എസ്.എസ് എന്നെങ്കിലും അവർ ഗുരുജിയുടെ ആശയങ്ങളെയും ചിന്തകളെയും കയ്യൊഴിഞ്ഞതായി പറഞ്ഞിട്ടുണ്ടോ? അടൽജി മാത്രമാണ് നമ്മൾ സമ്മിശ്രമായ ദേശീയതയെ, ജനാധിപത്യത്തെ, സോഷ്യലിസത്തെ, സാമൂഹിക നീതിയെ ഒക്കെ അംഗീകരിക്കണം ഇതുകൂടാതെ ഇന്നത്തെ ലോകത്ത് നമുക്ക് മുന്നേറാനാവില്ല എന്ന് പറഞ്ഞിട്ടുള്ളത്. പക്ഷെ അടൽജി മാത്രമാണ് ഇതുപറയുന്നത്. മറ്റ് സംഘികളെ എനിക്ക് ഒട്ടും വിശ്വാസമില്ല.
ജയിലിൽകിടന്നപ്പോൾ മാപ്പിരന്നവരാണ് സംഘികൾ, രാജ്നാരായൺ കേസിൽ സുപ്രീംകോടതി ഇന്ദിരക്ക് അനുകൂലമായി വിധിപ്രസ്താവിച്ചപ്പോൾ ബാലാസാഹെബ് ദേവരശ് ഇന്ദിരയെ അഭിനന്ദിക്കയുണ്ടായി. അതുകൊണ്ട് സംഘികളുടെ നട്ടപ്രാന്തിൽ എനിക്ക് ഒരു വിശ്വാസവുമില്ല.
ആർ.എസ്.എസ് നേതാക്കളെ പാർട്ടിയിൽ നിന്നും, വർക്കിംഗ് കമ്മറ്റിയിൽ നിന്നും പുറത്താക്കുകയും, ആർ.എസ്.എസുകാരുടെ പ്രവൃത്തിയിൽ നിയന്ത്രണം കൊണ്ടുവരുകയും പ്രത്യേകിച്ച് നാനാജി ദേശ്മുഖ്, സുന്ദർസിംഗ് ഭണ്ഡാരി ടീമിനെ പാർട്ടിയിൽ നിന്നും പുറത്താക്കുകയും ചെയ്താൽ മാത്രമേ ഈ മനുഷ്യരെ (പഴയ ജനസംഘത്തിൽ നിന്നും ജനതാപാർട്ടിയിൽ വന്ന നേതാക്കളെ) വിശ്വസിക്കുവാൻ കഴിയൂ എന്ന് ഉറച്ച വിശ്വാസത്താലാണ് ഞാൻ.
===============
[ജനതാ പാർട്ടിയിലെ വിള്ളലിന് ശേഷം സോഷ്യലിസ്റ്റ് എഴുത്തുകാരനും വിപ്ലവകാരിയുമായ മഥു ലിമായ് എഴുതി, രവിവാർ എന്ന ഹിന്ദി ആഴ്ചപതിപ്പിൽ 1979 ഇൽ പ്രസിദ്ധീകരിച്ച "എന്താണ് ആർ എസ് എസ്" എന്ന ലേഖനത്തിന്റെ ലേഖനത്തിന്റെ സ്വതന്ത്ര മലയാളം പരിഭാഷ.]
മലയാളം പരിഭാഷ: റെജി ജോര്‍ജ്, കടപ്പാട്: ബോധി
(അദ്ദേഹം അന്ന് ഉയർത്തിവിട്ട പല കാര്യങ്ങളും ഇന്നും പ്രസക്തമാണ്. ദശകങ്ങൾക്ക് മുൻപ് ആർ എസ് എസ് എടുത്തിട്ടുള്ള നിലപാടുകളിൽ നിന്നു ഇന്നും കാര്യമായ മാറ്റങ്ങളൊന്നുമില്ല. നിലവിലുള്ള രാഷ്ട്രീയ സാഹചര്യം മുതലെടുത്തും ഭരണ കക്ഷിയുടെ നിയന്ത്രണം കൈയിലെടുത്തും തങ്ങളുടെ രാഷ്ട്രീയ ലാക്കിലേക്ക് എത്താനുള്ള ആർ എസ് എസിന്റെ കുടിലത മനസിലാക്കാൻ കഴിയുന്നതാണ്.)